Hansı hallarda ölkə daxilində ödənişi xarici valyuta ilə aparmaq olar?

posted in: Vergi, Xəbər | 0

Sual: Azərbaycan Respublikası ərazisində xarici valyuta ilə (ABŞ Dolları) şirkətlərə pul köçürə bilərəm? Olarsa necə sənədləşdirilməlidir?

Cavab: Bildiririk ki, Azərbaycan Respublikasının Konstitusiyasının 19-cu maddəsinə əsasən Azərbaycan Respublikasının pul vahidi manatdır, Azərbaycan Respublikasının ərazisində manatdan başqa pul vahidlərinin ödəniş vasitəsi kimi işlədilməsi qadağandır.

Mülki Məcəllənin 439-cu maddəsinə uyğun olaraq pul öhdəliyi manatla ifadə edilməlidir. Yalnız tərəflərdən biri xarici fiziki və ya hüquqi şəxsdirsə, tərəflər pul öhdəliyini, əgər bu, qanunla qadağan edilməyibsə, xarici valyutada da müəyyənləşdirə bilərlər.

Bununla belə, rezident şəxslər arasında pul köçürmələrinin xarici valyutada aparılmasına qanunvericilikdə məhdudiyyətlərin olub-olmaması barədə aidiyyəti üzrə Maliyyə Bazarlarına Nəzarət Palatasına və ya Mərkəzi Banka müraciət etməyiniz məqsədəuyğundur.

BaxMülki Məcəllənin 439.1-ci maddəsi, Azərbaycan Respublikasının 2004-cü il 16 yanvar tarixli, 590-IIQ nömrəli “Banklar haqqında Qanununun 38.1-ci maddəsi, “Azərbaycan Respublikasının Mərkəzi Bankı yanında Maliyyə monitorinqi xidmətinin Hüquq və metodologiya şöbəsi haqqında Əsasnamə”.

Mənbə: www.taxes.gov.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Print Friendly, PDF & Email