Ronaldo 14 milyon avro vergi cəriməsi ödəyəcək
Madridin “Real” futbol klubunun və Portuqaliyanın yığma komandasının hücumçusu Cristiano Ronaldo İspaniyada vergiləri tam ödəmədiyinə görə ona qarşı qaldırılmış məhkəmə işinin bağlanması üçün 14 milyon avro məbləğində cəriməni ödəməyə hazır olduğunu bildirmişdir.
Xatırladaq ki, Ronaldo 14,8 milyon avro məbləğində vergini ödəməkdən yayındığına görə ittiham edilir. Ulduz futbolçu indiyə qədər vergi qanunvericiliyinin tələblərini pozması ilə bağlı ona qarşı irəli sürülən iddiaları rədd edirdi.
İspaniyada nəşr edilən “El Mundo” qəzetinin məlumatına əsasən, Ronaldo İspaniya qanunvericiliyin tələblərini dörd dəfə pozduğunu etiraf etmişdir. Əvvəlcə o, dövlət büdcəsinə 3,8 milyon avro vəsait təklif etmiş, lakin vergi xidməti bundan imtina etmişdir.
Mənbə: www.vergiler.az
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
