ABŞ mərkəzi araşdırma şirkəti “Cowen” vergi islahatının gələn il Amazon, Google və Facebook kimi nəhəng şirkətlərin vergidən 4.5 mlrd. dollar qənaət etməsinə şərait yaradacağını bildirib.
“Cowen’”şirkətinin baş analitiki John Blackledge, vergi islahatı sayəsində 2018-ci ildə Google şirkətinin 2.28 mlrd.dollar, Facebook şirkətinin 1.56 mlrd.dollar, Amazon şirkətinin isə 723 mln. dollar qənaət edəcəyini deyib.
Belə ki, “Cowen” şirkətinin hesablamalarına əsasən, Amazon qarşıdakı ildə səhm başına 24 % artımla texnologiya dünyasının ən sürətli inkişaf edən şirkəti olacaq. Google və Facebook-un gəlirlərinin 8% artacağı təxmin edilir.
Qeyd edək ki, ABŞ hökuməti vergi islahatlarından 35% – dən 20% – ə qədər korporativ vergiləri azaltmağı hədəfləyir.
Mənbə: fins.az
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
