Vergi Məcəlləsinə ediləcək dəyişikliklərlə bağlı təlim

Oxunma sayı: 440

“Azərbaycan Respublikasının Vergi Məcəlləsinə dəyişikliklər edilməsi haqqında” Qanun layihəsi Azərbaycan Respublikasının Milli Məclisi tərəfindən qəbul edilmişdir. Bu məqsədlə, dəyişikliklərin izahı məqsədi ilə “Vergi Məcəlləsinə ediləcək dəyişikliklərlə bağlı Qanun Layihəsi və dəyişikliklərin praktiki tətbiqi” adlı təlim-seminar təşkil olunacaqdır.

Nəzərdə tutulan seminar Baş mühasib, mühasib, mühasib köməkçiləri, Sahibkarlar, Dövlət vergi orqanlarına işə qəbulla əlaqədar imtahanlarda iştirak etmək istəyənlər üçün nəzərdə tutulmuşdur.

Təlimçi Dövlət Neft Şirkətinin ən böyük qurumlarında Vergilər üzrə rəhbər vəzifədə çalışmış, hazırda Dövlət Neft Şirkətinin Vergilər şöbəsinin rəis müavini vəzifəsində çalışan, CİMA (CİMA CO1-CO5, P1,F1,E1,P2,F2) , DipİFR rus, DipİFR az imtahanlarını müvəffəqiyyətlə vermiş, Vergi üzrə AR Auditorlar palatasının sertifikatı və digər bu kimi sertifikatları müvəffiyyətlə əldə etmiş Azər Qəmbərovdur.

Vergi uçotu üzrə 10 ildən çox təlim təcrübəsi olan Azər Qəmbərov həmçinin Vergi uçotu, vergi hesabatlarının təqdimatı, hesabatların yoxlanılması və auditi üzrə çoxillik təcrübəyə malikdir. Belə ki, o Mənfəət vergisinin SAP ERP sistemi üzrə avtomatlaşdırılması əsasında vergi uçotu üzrə layihənin (SL modulu) rəhbəri olmuşdur. Həmçinin Vergi qanunvericiliyinin tətbiqinə dair 30-dan artıq elmi məqalənin müəllifidir.

Təlim aşağıdakı mövzuları əhatə edəcəkdir:

Yeni Anlayışlar
Ləğvetmələr
Vergi ödəyicisinin yeni vəzifələri və uçot qaydaları
Elektron Qaimə-Fakturaları Növləri
E- Qaimə Fakturalarının təqdimetmə vaxtları
Elektron Alış Aktları
Vergi Nəzarəti və Maliyyə sanksiyaları
Vergi Yoxlama dövrü və Ümidsiz Borcların Silinməsi vaxtı üzrə Yeniliklər
Mənfəət və Gəlir vergisi üzrə azadolmalar
Bina tikintisi fəaliyyəti üzrə gəlir və xərclərin uçotunun aparılması
Ödəmə mənbəyində vergi bəyannamələrinin təqdim edilmə vaxtı
ƏDV üzrə vergi tutulan dövriyyənin və büdcədən əvəzləşmələrin müəyyən edilmsi vaxtı və azadolmalar
Aksiz vergisi üzrə dəyişikliklər
Sadələşdirilmiş vergi üzrədəyişikliklər və azadolmalar
Keçid müddəaları.