Vergi ödəməkdən yayındığı sübut edilmiş məşhur Çin aktrisası Fan Binbinə təxminən 884 milyon yuan (130 milyon ABŞ dollarına yaxın) pul cəzası kəsilmişdir.
Çin Dövlət Vergi İdarəsi və Cianqsu vergi bürosunun iyun ayında başlatdığı təhqiqatda Fanın çalışdığı kino şirkətləri ilə həqiqi gəlirlərini gizlətmək və vergidən yayınmaq üçün bağladığı müqavilələrdə qanun puzuntusuna yol verdiyi aşkara çıxarılmışdır. Təhqiqat nəticəsində Fan və əməkdaşlıq etdiyi şirkətlərin yol verdikləri qanun pozuntusuna, vergiləri yayındırdığına və ödəmələri gecikdirdiyinə görə ümumilikdə 130 milyon ABŞ dollarına yaxın cərimə ödəməsinə qərar verilmişdir. Vergidən yayınmağa görə ilk dəfə cəza alan aktrisaya həbs cəzasının verilməyəcəyi bildirilmişdir.
Qeyd edək ki, Çin aktrisası Fan Binbin öz ölkəsindəki populyar filmlərlə yanaşı, «Hollivud» istehsalı olan «X-men: keçmiş günlər gələcək», «Dəmir adam-3» kimi filmlərdə də çəkilmişdir.
Mənbə: vergiler.az
Bax: Aİ rəqəmsal nəşrlər üçün vergiləri azaldır
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
