Dünyada DMX adı ilə tanınmış (əsl adı Earl Simmons-dur) amerikalı reper və aktyor 1,7 milyon dollar məbləğində vergini dövlətdən gizlətdiyini etiraf edəndən sonra ona bir il həbs cəzası kəsilmişdir. Əvvəlcə prokurorluq reperə beş il həbs cəzası tələb etsə də, məhkəmə prosesinin gedişində hakim bu tələbi həddindən artıq sərt adlandırmışdı: «O, yaxşı insandır, lakin törətdiyi cinayət cəzasız qalmamalıdır».
İstintaq orqanları DMX-nin 2000-ci ildən bu yana vergi ödəmədiyini, gəlirlərinin məbləğini müxtəlif yollarla vergi orqanlarından gizlətdiyini aşkar etmişdir. 2011 və 2012-ci illərdə o, bəyannamələrdə gəlirlərinin məbləğini göstərməmişdir. İstintaq orqanlarının məlumatına görə, bu illərdə reperin gəlirləri, müvafiq olaraq, 353 min və 542 min dollar təşkil etmişdir.
Mənbə: vergiler.az