Blog Full

Ezamiyyə xərclərinin normalarına dair dəyişikliklər təsdiq edildi

“Ezamiyyə xərclərinin normaları haqqında” Azərbaycan Respublikası Nazirlər Kabinetinin 2008-ci il 25 yanvar tarixli 14 nömrəli Qərarında dəyişiklik edilməsi barədə

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, Azərbaycan Respublikasının
Nazirlər Kabineti qərara alır:

1. “Ezamiyyə xərclərinin normaları haqqında” Azərbaycan Respublikası Nazirlər Kabinetinin 2008-ci il 25 yanvar tarixli 14 nömrəli Qərarında (Azərbaycan Respublikasının Qanunvericilik Toplusu, 2008, № 1, maddə 44, № 6, maddə 589, № 12, maddə 1118; 2011, № 1, maddə 66, № 9, maddə 854; 2013, № 2, maddə 197, № 10, maddə 1222; 2015, № 8, maddə 962; 2018, № 3, maddə 592, № 6, maddə 1368; 2019, № 4, maddə 786) aşağıdakı dəyişikliklər edilsin:

1.1. 1-1-ci hissə ləğv edilsin;

1.2. aşağıdakı redaksiyada 7-1-ci hissə əlavə edilsin:

“7-1. Azərbaycan Respublikasının mərkəzi və yerli icra hakimiyyəti orqanlarının, dövlət mülkiyyətində olan və ya paylarının (səhmlərinin) nəzarət zərfi dövlətə məxsus olan hüquqi şəxslərin, digər dövlət orqanlarının rəhbərlərinə tapşırılsın ki, ezamiyyələrin həyata keçirilməsini dövlət büdcəsi xərclərinin səmərəliliyinin artırılması və maliyyə vəsaitinin qənaətlə istifadə edilməsinin vacibliyi nəzərə alınmaqla təmin etsinlər.”.

Mənbə: nk.gov.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

“2020-ci ildə “Əmək münasibətləri və məşğulluq” altsistemi – ƏMAS adlı vahid əmək münasibətləri platformasının yaradılmasına başladıq”.

Bunu bu gün Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyinin sədri Mustafa Abbasbəyli “Rəqəmsal məşğulluğa keçid və aktiv məşğulluq tədbirləri: 2021-ci il üçün hədəflər” mövzusunda keçirdiyi mətbuat konfransında bildirib.

M.Abbasbəyli bildirib ki, bu sistem ölkənin həm əmək qanunvericiliyinin, həm məşğulluq siyasətinin, eyni zamanda kitab inzibatçılığının böyük ölçüdə elektronlaşdırılmasına gətirib çıxaracaq:“Bu sistem bizə imkan verəcək ki, mərhələli şəkildə kağız əmək müqavilələrini ləğv edək, eyni zamanda əmək kitabçalarının dövriyyədən çıxarılmasını həyata keçirək. Bundan əlavə ezamiyyə vərəqələrini, kağız üzərində əmirləri, ştat cədvəllərini, digər kağız daşıyıcılarını ləğv edərək elektron müstəviyə çəkməyi nəzərdə tuturuq”.

Mənbə: apa.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Pensiya təminatı (II hissə)

I hissəyə nəzər yetirmək üçün keçidə daxil olun

1959-cu ildən İsveçdə xidmət illərinə görə pensiya tətbiq olunub. Bu növ pensiya üçün sığorta məcburidir və kiçik sahibkarlar da daxil olmaqla bütün iqtisadi subyektlərə aiddir. Bu pensiyanı almaq üçün 30 illik əmək stajı tələb olunur. Eləcə də xidməti illərə görə pensiyanı vaxtında almaq hüququna 65 yaşına çatan şəxslər malikdirlər. Bu pensiya ödənişlərinin məbləği onun alıcısının gəlirindən asılıdır, bu da əmək fəaliyyətinin son üç ili ərzində hesablanmış baza məbləğindən çox olmalıdır. Pensiyanın müəyyən edilməsində xüsusi əmsal sistemindən istifadə olunur. Lakin prinsipcə əmək haqqı ən böyük olduğu 15 il üçün orta gəlirin (30 ildə əmək stajından) təxminən 30%-nə bərabərdir.

Rusiyada pensiya sığortasına bir neçə növ pensiya daxildir: sosial (minimum), əmək və qeyri-dövlət.

Son onilliklərdə pensiya sığortası probleminə böyük diqqət yetirilir. Bir çox Qərb ölkəsində mövcud sistem işləyən əhalinin üzərinə böyük bir yük qoyur. Orta ömür uzunluğunun artması və aşağı doğum nisbəti, əhalinin ümumi sayında pensiyaçıların payının artmasına gətirib çıxarır.

Professor R. Dornbuş (ABŞ) hesab edir ki, mövcud səhiyyə sistemi –  gec partlayan minadır.  Əhali artımının mənfi olduğu İtaliya, Almaniya, İspaniyada mövcud pensiya qanunvericiliyi hədsiz hesab oluna bilər. Yaponiya, Rusiya və digər ölkələrdə də eyni vəziyyət yaşanır. Pensiya sisteminin ümumiyyətlə olmadığı ölkələrdə (məsələn, Çin) isə vəziyyət daha yaxşıdır. Dövlətlər, əhalinin yaşlanması səbəbi ilə ortaya çıxan pensiya sistemindəki böhranın qarşısını almaq məcburiyyətindədirlər. Problemin həlli aşağıdakı istiqamətlər üzrə mümkündür:

• pensiya yaşının artırılması;
• özəl pensiya sığortası sisteminin inkişafı;
• yeni iş yerlərinin yaradılması və vergi ödəyicilərinin sayının artırılmasının təşviqi;
• gənc nəslin (gələcək vergi ödəyicilərinin) sağlamlığına qayğı və s.

Pensiya xərcləri dövlətin sosial xərclərinin ən vacib hissəsini təşkil edir.

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun