Blog Full - Muhasibat.Az

Oxunma sayı: 152. 872

1 Fev 2021

Əmək məzuniyyəti barədə daha az bildiklərimiz (9-cu hissə)

by | posted in: Xəbər | 1

Əmək məzuniyyəti barədə daha az bildiklərimiz (9-cu hissə)

8-ci hissəyə nəzər yetirmək üçün keçidə daxil olun

Əmək Məzuniyyəti üçün ərizə nə vaxt yazılmalıdır?

Məcəlləyə görə məzuniyyət əmri işçi məzuniyyətə çıxmazdan 5 gün əvvəl verilməli və işçi bu əmrlə tanış edilməli olduğu üçün məqsədəuyğundur ki, məzuniyyətə çıxma barədə ərizə məzuniyyətə çıxmazdan azı 6 gün əvvəl verilsin. Onu da nəzərə almaq olar ki, bu günlər təqvim günləri qismində hesablanır.

Məzuniyyət haqqı nə vaxt ödənilməlidir?

Qanunvericiliyə görə işçiyə məzuniyyətə çıxmazdan 3 gün əvvəl artıq məzuniyyət haqqı ödənilmiş olmalıdır. Əgər bu müddət ərzində işçiyə məzuniyyət haqqı ödənilməz və məzuniyyət başlananda ödənilmiş olarsa, bu halda işçinin tələbi ilə məzuniyyətin başlanma vaxtı məzuniyyət haqqının ödənilmə vaxtı olaraq hesablana bilər.

Müəllif: Şəhriyar Həbilov / Praktiki Hüquqşünas

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

31 Yan 2021

Rusiyalılar tarixdə rekord məbləğdə kredit götürüblər

by | posted in: Xəbər | 0

Rusiyada verilən istehlak kreditlərinin həcmi 2020-ci ilin dekabr ayında 516 milyard rublu (7 milyard 10 milyon ABŞ dolları) aşıb ki, bu da bütün müşahidə tarixi ərzində rekord göstərici olub. Bu göstərici ildə 4 faiz artmışdır. Bu barədə Birləşmiş kredit bürosuna istinadən “Kommersant” nəşri yazıb.

Kreditin orta məbləği də maksimum 355 min rubla (4823 ABŞ dolları) çataraq, maksimumu yeniləyib. Keçən ilin dekabr ayı ilə müqayisədə orta çek 12 faiz artıb. Ekspertlər qeyd edirlər ki, təxirə salınmış tələbat, bayramdan əvvəlki satışların mövsümi faktoru və aşağı faiz dərəcələri artıma təsir göstərib.

Lakin verilmiş kreditlərin sayı il ərzində 9 faiz azalıb. 2021-ci ildə bazar iştirakçıları iqtisadi vəziyyət yaxşılaşdıqca və əhalinin gəlirləri artdıqca istehlak kreditləşməsinin bərpasına ümid edirlər.

Bundan əvvəl NAFİ-nin (maliyyə tədqiqatları üzrə milli agentlik) araşdırması göstərib ki, rusların üçdə biri krediti banka qaytarmamağa hazırdır. Amma qohum və ya tanışdan götürülən borcun qaytarılmamasını pisləyirlər. Ölkədə ötən il ərzində kreditlər üzrə qərəzli borcalanların sayı 2,1 milyon nəfər artıb və 11,7 milyona çatıb. Rusiyalılar pandemiya dövründə borclarını qaytarmağa pul tapmayıblar. 2020 – ci ildə 119 mindən çox Rusiya vətəndaşı və fərdi sahibkar iflas olduqlarını bəyan ediblər.

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

31 Yan 2021

Dünyada yeni avtomobil nəhəngi peyda olub

by | posted in: Xəbər | 0

Dünyada yeni avtomobil nəhəngi peyda olub

PSA Group (Peugeot-Citroen) və Fiat Chrysler Automobiles (FGA) avtomobil istehsalçıları birləşmə əməliyyatını tamamlayıblar. Nəticədə dünyada ən nəhəng avtomobil istehsalçılarından biri – Stellantis NV peyda olub.

Stellantis dünyada dördüncü ən böyük avtomobil nəhəngi olacaq və ildə 8,7 milyon avtomobil istehsal edə biləcək. Bu birlik şirkətlərə hər il beş milyard avro qənaət etməyə imkan verəcəkdir. Yeni şirkətə PSA Group-un baş direktoru Karlos Tavares rəhbərlik edəcək. Yeni şirkətin səhmləri ilə Milan, Nyu-York və Paris birjalarında ticarət olunacaq.

İtaliya Maliyyə Nazirliyi ötən ilin iyun ayında FCA-ya avtomobil nəhəngini iflasdan xilas etmək üçün rekord həcmdə – 6,3 milyard avro məbləğində kredit verib. Kredit, COVID-19 pandemiyasının başlanılmasından bəri Avropadakı bütün avtomobil istehsalçıları tərəfindən alınan ən böyük kredit idi. Vəsaitlər işçilərin əməyinin, təchizatçıların xidmətlərinin və həmçinin milli filiala planlaşdırılan investisiyaların ödənilməsinə yönəldilib.

Fiat Chrysler, Alfa Romeo, Chrysler, Dodge, Jeep, Lancia, Ram Trucks markalarına, PSA isə Peugeot, Citroen, DS, Opel və Vauxhall markalarına sahibdir. Yalnız Volkswagen, Nissan-Renault-Mitsubishi və Toyota Motor yeni alyansdan daha çox avtomobillər satır.

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

31 Yan 2021

Çində korrupsiya səbəbi ilə dövlət şirkətinin sabiq rəhbəri edam edilib

by | posted in: Xəbər | 0

Çində aktivlərin idarə olunması üzrə dövlətə məxsus China Huarong Asset Management Co şirkətinin keçmiş sədri Lay Syaomin, korrupsiya, mənimsəmə və çoxarvadlığa görə edam edilib. Bu haqda ÇXR-in Mərkəzi televiziyası xəbər verib.

Hökm yanvarın 29-da səhər tezdən icra olunub. Edamdan əvvəl ona yaxın qohumları ilə görüşməyə icazə verilib. Məhkəmə müəyyən edib ki, o, 25 milyon yuandan çox (3,9 milyon dollar) israfçılıq edib, eləcə də 1,79 milyard yuan (280 milyon dollara yaxın) həcmində rüşvət alıb. Bundan əlavə aydın olub ki, dövlət şirkətinin keçmiş rəhbəri evli olmasına baxmayaraq, digər qadınlarla da münasibətdə olub.

Bundan əvvəl Syaominin mənzilində rüşvət yolu ilə alınmış və metal qutulara yerləşdirilmiş nağd pullar aşkar edilməsi barədə xəbər verilmişdi. Ümumilikdə o, həmin yeşiklərə 200 milyon yuan (20 milyon dollar) yerləşdiribmiş.

Top-menecer bildirmişdi ki, müntəzəm olaraq rüşvət kimi aldığı pulları mənzilinə gətirmiş və orada saxlamışdır. Syaominin sözlərinə görə, bu ondan ötrü adi çinlinin supermarketə gedişi kimi bir vərdiş olub. O, bu pulları sərf etməyə cəsarət etmədiyini və uşaqları üçün saxlamağa ümid etdiyini etiraf edib.