Blog Full

“Azərbaycanda “Kölgə iqtisadiyyatı”nın azaldılması ilə bağlı “Yol xəritəsi” hazırlayaraq Nazirlər Kabinetinə təqdim etmişik. Həmin sənəd tədbirlər kompleksidir və hazırlanarkən qabaqcıl ölkələrin təcrübəsi nəzərə alınıb”.

Bu barədə Auditorlar Palatasının sədri Vahid Novruzov bildirib.

Onun sözlərinə görə, artıq Nazirlər Kabineti “Yol xəritəsi”nə rəy verilməsi üçün onu müvafiq qurumlara göndərb: “Bundan sonra isə “Yol xəritəsi”nin tətbiqi istiqamətində müxtəlif səpkili tədbirlərin görülməsi  gözlənilir”.

V.Novruzov qeyd edib ki, sənəddə vergi qanunvericiliyinin təkmilləşdirilməsi ilə bağlı müddəalar, o cümlədən uçotun, hesabatlılığın, nəzarətin təkmilləşdirilməsi, ictimai nəzarətin geniş tətbiq edilməsi kimi məsələlər yer alıb: “Əsas məqsəd sahibkarların vergi yükü-nün optimal səviyyədə yüngülləşdirilməsidir ki, vergidənyayınma halları, “kölgə iqtisadiyyatı” olmasın”.

Xatırladaq ki, ölkədə “kölgə iqtisadiyyatı”nın azaldılması, şəffaflığın stimullaşdırılması ilə bağlı böyük bir qanunvericilik paketinin Milli Məclisə daxil olması gözlənilir.

Mənbə: report.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

“ƏDV ödəyicisi olan obyektlərə xüsusi lövhə vurulmalıdır”

Azərbaycanda vergi yığımları və iqtisadi şəffaflaşma sahəsində ən maraqlı və, təkcə dövlət büdcəsi üçün deyil, əhali üçün də faydalı olan yeniliyə start verilib.

Bu – Əlavə dəyər vergisinin bir hissəsinin geri qaytarılmasıdır.

Yeni sistemin tətbiq edildiyi ilk gündən əhalinin və alıcıların böyük marağı yanaşmanın doğru olduğunu göstərib.

Faktiki olaraq ölkə əhalisi, vətəndaşlar iqtisadiyyatın şəffaflaşması prosesində dövlət qurumlarının müttəfiqinə çevriliblər.

Əlavə dəyər vergisinin bir hissəsinin qaytarılması imkanı vətəndaşları nağdsız hesablaşmalara və kassa çeki tələb etməyə həvəsləndirir. Bu da son nəticədə kölgə iqtisadiyyatının azalması, gəlirlərin və dövriyyələrin şəffaflaşması ilə nəticələnir.

Bununla yanaşı, ilk vaxtlar aparılan müşahidələr göstərir ki, bəzi hallarda obyektlər vətəndaşların məlumatsızlığından və ya şirkətlərin fəaliyyəti ilə bağlı məlumatların bağlı olmasından sui-istifadə edərək bu prosesdən kənarda qalmağa çalışırlar.

Bir qədər əvvəl FED.az-ın apardığı sorğu zamanı məlum olub ki, hələ də bəzi obyektlərdə yeni kassa aparatları tətbiq edilməyib. Bir sıra obyektlər isə ümumiyyətlə ƏDV ödəyicisi olmadıqlarını əsas gətirərək belə çekləri verməkdən imtina edirlər.

Fikrimizcə, bu əlverişli vəziyyətdə dövlət vergi xidməti məlumatlandırma işini daha da gücəndirmək və qeyri-müəyyənliyi aradan qaldırmaq üçün yeni təşəbbüslə çıxış edə bilər. Belə ki, ƏDV ödəyicisi olan bütün obyektlərin – ticarət, xidmət və sair – üzərində bunu göstərən xüsusi lövhə və ya nişan vurulmalıdır. Məsələn, «ƏDV qaytarılır» məzmunlu.

Bu zaman istifadəçilər obyektdə ticarət ediləcəyi halda ƏDV-nin bir hissəsinin geri qaytarılacağını dəqiq bilərək daha əminlikdə xidmətlərdən istifadə edəcək. Digər tərəfdən bu üsul vəziyyətdən yayınmaq istəyən obyektlərin saxtakarlıq etmək üçün imkanlarını azaldacaq.

Bundan başqa, ƏDV ödəyicisi olan  obyektlərin hər birində azı bir belə kassa  aparatının olması təmin edilməlidir ki, ƏDV-ni geri almaq istəyən vətəndaşlar texniki problemlərə görə, dövlətin yaratdığı bu imkandan istifadə edə bilsinlər.

ƏDV-nin bir hissəsinin qaytarılması ilə bağlı daha ətraflı məlumatla buradan tanış olmaq mümkündür.

Mənbə: fed.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun