“icaze.e-gov.az” saytında yeni xidmət yaradılıb
“icaze.e-gov.az” saytında yeni xidmət yaradılıb
“20 aprel tarixindən “icaze.e-gov.az” saytında yeni xidmət yaradılıb”.
Bunu Elektron Hökumətin İnkişafı Mərkəzinin direktoru Fariz Cəfərov deyib.
O bildirib ki, bəzən təşkilatlar icazələri portala daxil etdikdən, yaxud icazəni dayandırandan sonra bu barədə əməkdaşlarına məlumat vermirdilər:
“Bu isə ona gətirib çıxardı ki, vətəndaş icazəsinin olmadığını postda saxlanılarkən bilirdi və cərimələnirdi. Belə halların yaranmaması üçün dünəndən “icaze.e-gov.az”ı “my.gov.az” portalına inteqrasiya etdik. Artıq vətəndaşlar icazə ilə bağlı bildiriş alırlar. Yəni, “şəxsi kabinet”lərinə daxil olaraq öz icazələrinə baxa bilirlər”.
“Hətta həmin icazəni yükləyə bilərlər. İcazənin üstündə barkod və QR-kod imkanları da yaradılıb. Yəqin ki, sabahdan etibarən Daxili İşlər Nazirliyi ilə birgə əməkdaşlıq çərçivəsində həmin QR-kodların xüsusi cihazlar vasitəsilə oxunması ilə postları daha sürətli keçməsi təmin olunacaq”, – deyə F.Cəfərov bildirib.
Mənbə: report.az
Bax:
-
Karantin dövründə Vergi ödəyicisi VÖEN-ni ləğv etmək üçün nə etməlidir?
-
Elektron kabinetə daxil olmaq üçün nəzərdə tutulmuş istifadəçi kodu, parol və şifrə unudulduqda, yenisi necə əldə edilə bilər?
Koronavirus (COVID-19) pandemiyası ilə bağlı Azərbaycanda tətbiq olunan karantin rejimi çərçivəsində bir sıra strukturların fəaliyyəti sosial təcridetmə tələblərinə uyğunlaşdırılıb. Vətəndaşların təhlükəsizliyinin təmin edilməsi üçün Vergilər Nazirliyi tərəfindən hələ ötən ay Nazirlər Kabineti yanında operativ qərargahın tələblərini nəzərə alaraq, vergi ödəyicilərinə xidmət mərkəzlərində çoxlu sayda insanın toplaşmasının qarşısının alınması məqsədilə onların fəaliyyəti müvəqqəti olaraq dayandırılıb.
Tacikistan prezidenti Emomoli Rahmon koronavirusun yayılmasının qarşısını almaq üçün sanitariya-gigiyenik tədbirlərin gücləndirilməsini və “hər bir ailə üçün qida məhsullarının iki illik tədarükünü təmin etməyi” tapşırıb. O, respublika hökumətinin növbədənkənar iclasında belə göstərişlər verib, dövlət başçısının mətbuat-xidməti bu haqda xəbər yayıb.
Aprelin 21-də Rusiyada baş mühasiblər öz peşə bayramını qeyd edirlər. Təsadüfi deyil ki, sözügedən bayramın tarixi 1994-cü ildə “Главбух” jurnalının ilk nüsxəsi köşklərdə satışa çıxarılan günə təsadüf edir. Məlumdur ki, bu bayramın təsisçisi çox dar dairələrdə populyar olan mətbu nəşrin redaksiyası olub.