İşsizlikdən sığorta fondunun büdcəsi nə qədərdir?
İşsizlikdən sığorta fondunun 2019-cu il büdcəsinin gəlirləri və xərcləri 83 mln. 451 min 400 manat məbləğində proqnozlaşdırılıb.
“Report” xəbər verir ki, bu, “İşsizlikdən sığorta fondunun 2019-cu il büdcəsi haqqında” qanun layihəsində öz əksini tapıb.
Sənəddə bildirilib ki, gələn il fondun gəlirləri işsizlikdən sığorta üzrə sığorta haqları 83 mln. 421 min 400 manat, büdcədən maliyyələşən təşkilatlar üzrə 13 mln. 60 min 700 manat, büdcədən maliyyələşən təşkilatlarda işləyənlər üzrə 13 mln. 60 min 700 manat, qeyri-büdcə sektoru üzrə 57 mln. 300 min manat və sair gəlirlərdən 30 min manatlıq daxilolmalar hesabına təmin ediləcək.
Bax: Gələn il üçün yaşayış minimumu məlum olub
Qanun layihəsində fondun xərclərinin istiqamətləri də açıqlanıb. Belə ki, 2019-cu ildə fond tərəfindən işsizliyə görə sığorta ödənişləri 11 mln. manat, peşə hazırlığı və əlavə təhsilin təşkilinə 1 mln. 800 min manat, peşə yönümünə dair məsləhət xidmətlərinin göstərilməsinə 1 mln. 300 min manat, əmək yarmarkaları və əmək birjalarının təşkilinə 150 min manat, haqqı ödənilən ictimai işlərin təşkilinə 1 mln. 900 min manat, özünüməşğulluq tədbirlərinin təşkilinə 42 mln. 41 min 400 manat, sığortaolunanların əmək haqqının müəyyən hissəsinin müəyyən müddətə (3 ay, 6 ay, 9 ay, 1 il) sığortaedənlərlə birlikdə maliyyələşdirilməsinə 5 mln. manat, peşə standartlarının hazırlanması 1mln. manat, müvafiq icra hakimiyyəti orqanının müəyyən etdiyi orqanın ( qurumun) aparatının və onun yerli orqanlarının saxlanılması xərclərinə 19 mln. 260 min manatın yönəldilməsi nəzərdə tutulur.
Sənəd Milli Məclis plenar iclasında müzakirəyə çıxarılacaq. Parlament qanun layihəsini qəbul etdiyi təqdirdə, sənəd ölkə başçısı tərəfindən imzalanmalıdır.
Qeyd edək ki, qanun 2019-cu ilin yanvarın 1-dən qüvvəyə minəcək.
Mənbə:report.az
Bax: Azərbaycanda gələn il ÜDM 3,6% artacaq
2019-cu ildə dövlət büdcəsi gəlirlərinin 7 316 mln. manatı və yaxud 31,9%-i Vergilər Nazirliyinin xətti ilə daxilolmaların, 1 164,3 mln. manatı və yaxud 49,6%-i Azərbaycan Dövlət Neft Fondundan (ARDNF) transferlərin, 3 451,6 mln. manatı və yaxud 15,1%-i Dövlət Gömrük Komitəsinin (DGK) xətti ilə daxilolmaların, 785,6mln. manatı yaxud 3,4%-i isə digər gəlirlərin payına düşəcək.
2019-cu ildə ölkədə ÜDM-in real artımı 3,6% olmaqla, 81,9 mlrd. manat, o cümlədən qeyri-neft ÜDM-in artımı 3,9% olmaqla 50,5 mlrd. manat təşkil edəcək.
Azərbaycanda 2019-cu il üçün yaşayış minimumu və ehtiyac meyarının həddi müəyyənləşib.