Blog Full - Muhasibat.Az

Oxunma sayı: 172. 245

4 Dek 2017

96 yaşlı mühasibə 4 il həbs

by | posted in: Məqalə, Xəbər | 0

Aşağı Saksoniyada Tselle alman şəhər məhkəməsi “Osventsimin mühasibi” kimi tanınan 96 yaşlı Oskar Gröning barədə hökm çıxarıb. Hökmə görə o, 4 il həbs cəzası çəkməlidir. Bu haqda Spiegel nəşri məlumat yayıb.

2015-ci ilin iyulunda özünün bilavasitə iştirakı olmasa da Gröning 300 min insanın qətlində təqsirli bilinərək dörd il müddətinə həbsə məhkum edilib.

Onun vəkilləri apellyasiya şikayəti verərək, müdafiəçisi olduğu şəxsin sağlamlığı səbəbiylə bu cəzanı çəkmək iqtidarında olmadığını bildiriblər, amma məhkəmə qərar verib ki, məhbus elə həbsxana şəraitində zəruri olan tibbi xidmətlə təmin olunur.

Gröning 1942-ci ildən 1944-cü ilə qədər Osventsim həbs düşərgəsində xidmət edib. Onun əsas vəzifəsi ölüm düşərgəsinə gətirilən insanların pullarını və digər qiymətli əşyalarını qəbul etməkdən ibarət olub. Sonra isə Grening toplanmış vəsaitləri Berlinə yola salırmış.

Osventsim həbs düşərgəsi Polşada Krakov şəhərindən 60 km-lik məsafədə yerləşib. Bu ölüm düşərgəsi almanların yaratdığı ən böyüyüdür, eyni zamanda yəhudi soyqırımı – Xolokostun başlıca simvollarından hesab olunur. Müxtəlif hesablamalara görə, Osventsimdə 1,4 milyon insan qətlə yetirilib ki, onların da bir milyondan çoxu yəhudi olub. Hazırda həbs düşərgəsinin ərazisində muzey fəaliyyət göstərir.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

4 Dek 2017

Trump-ın bu ilki ən mühüm uğuru-vergilər 35%-dən 20%-ə endirildi

by | posted in: Vergi, Xəbər | 0

ABŞ Senatı ölkənin vergi sistemində son 30 ilin ən iri dəyişikliklərini nəzərdə tutan 1,5 trilyon dollarlıq vergi layihəsini az fərqlə təsdiq edib. Respublikaçı senatorların mübahisəli vergi layihəsi 51 səslə qəbul edilib.

Amerika şirkətləri üçün vergini 35 faizdən 20 faizə endirəcək layihənin Senatdan keçməsi ABŞ prezidenti Donald Trump və Respublikaçılar Partiyasının bu ilki ən mühüm uğuru kimi qiymətləndirilib.

Demokrat senatorlar 1,5 trilyon dollarlıq vergi layihəsini təhlil etmək üçün səsvermənin bazar ertəsinə təxirə salınmasını təklif edib, ancaq Respublikaçılar bu təklifi yekdilliklə rədd edib. Demokratların dəyişiklik təklifləri də Respublikaçılar tərəfindən əngəllənib.

Layihə Konqresdə qəbul edilərsə, Trump sənədi imzalayacaq.

Son 30 ilin ən böyük vergi güzəştlərini əks etdirən vergi layihəsinin il bitmədən masasında olmasını istəyən Tramp deyib ki, Amerika miqyasında çalışqan ailələrə böyük vergi güzəştləri təmin etməyə bir addım da yaxınlaşdıq.

Mənbə: sputnik.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

4 Dek 2017

ƏDV ödəyicisi 30.000 manatdan çox olan borcunu nağd qaytara bilər?

by | posted in: Vergi, Xəbər | 0

Sual: ƏDV ödəyicisi MMC tərəfindən vergi ödəyicisi olmayan fiziki şəxsdən 70.000 Azn nağd qaydada borc alınmışdır. Həmin vəsait nağd qaydada 70.000 Azn kimi bir təqvim ayi ərzində geri qaytara bilərmi?

Cavab: Bildiririk ki, ƏDV ödəyicisi tərəfindən ay ərzində aparılan nağd hesablaşmalar, o cümlədən də vergi orqanında uçotda olmayan fiziki şəxsdən alınmış borcun qaytarılması məbləği “Nağdsız hesablaşmalar haqqında” Azərbaycan Respublikasının Qanununun 3.3-cü maddəsində göstərilən həddən, yəni 30 000 manatdan artıq olmamalıdır.

Eyni zamanda nəzərinizə çatdırırıq ki, hüquqi şəxslə fiziki şəxs mülki hüququn ayrı-ayrı subyektləri olmaqla vergitutma məqsədləri üçün qarşılıqlı surətdə asılı olan şəxslər sayıldıqda vergilərin hesablanması bazar qiyməti nəzərə alınmaqla həyata keçirilir.

Qeyd edilənlərə əsasən qarşılıqlı surətdə asılı olan fiziki şəxs tərəfindən hüquqi şəxsə faizsiz verilmiş borc məbləğinə həmin borcun aid olduğu dövrdə eyni valyuta ilə oxşar müddətə verilmiş kreditlər üzrə faizlərin səviyyəsi nəzərə alınmaqla faizlər hesablanmalı və ödənilən faiz məbləğlərindən ödəmə mənbəyində 10 faiz dərəcə ilə vergi tutulub dövlət büdcəsinə ödənilməlidir.

Bax: Vergi Məcəlləsinin 14-cü, 110-cu və 220.12-ci maddələri, “Nağdsız hesablaşmalar haqqında” Azərbaycan Respublikasının 16 dekabr 2016-cı il tarixli 461-VQ nömrəli Qanununun 3.3-cü maddəsi.

Mənbə: taxes.gov.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

4 Dek 2017

Vergilər Nazirliyinin ƏDV ilə bağlı məlumatı

by | posted in: Vergi, Xəbər | 0

Son günlər kütləvi informasiya vasitələrində ölkə ərazisində göstərilən taksi xidmətlərinə görə 18 faiz dərəcə ilə əlavə dəyər vergisinin (ƏDV) hesablanması ilə bağlı məlumatlar yer alıb. Bununla əlaqədar Vergilər Nazirliyi bildirir ki, Azərbaycan Respublikasında qanuni əsaslarla fəaliyyət göstərən taksi fəaliyyəti ilə məşğul olan şəxslərin göstərdikləri sərnişin daşıma xidmətləri ƏDV-yə cəlb olunmayan xidmətlərdir və bu xidmətlərin istehlakçısı olan vətəndaşlar taksi xidmətlərinin dəyərini ödəyərkən həmin məbləğə ƏDV daxil edilmir.

1 yanvar 2017-ci il tarixdən vergi qanunvericiliyinə edilmiş dəyişikliyə əsasən yalnız Azərbaycan Respublikasında daimi nümayəndəliyi olmayan qeyri-rezidentin elektron ticarət qaydasında təqdim etdiyi iş və xidmətlərə görə vergi orqanında uçotda olmayan şəxslər tərəfindən ödənişlər aparılarkən qeyri-rezidentə aparılan ödəmələrdən ƏDV tutulur.

Qanunvericiliyə edilmiş dəyişikliyə uyğun olaraq, Azərbaycan Respublikasında dövlət qeydiyyatına alınmadan müxtəlif elektron informasiya sistemləri vasitəsilə, o cümlədən mobil tətbiqetmələr vasitəsilə ölkə ərazisində minik avtomobilləri ilə sərinişin daşıma fəaliyyətini təşkil edən xarici şirkətlərin (UBER, Taxify və s.) elektron ticarət qaydasında göstərdikləri xidmətlər 1 yanvar 2017-ci il tarixdən ƏDV-yə cəlb edilir. Ölkə ərazisində taksi xidmətlərinin təşkili ilə bağlı həmin xarici şirkətlərin göstərdikləri xidmətlərinin dəyəri ƏDV daxil olmaqla formalaşan dəyərdən ibarət olduğundan bu xarici şirkətlərə pul köçürülərkən həmin məbləğlərə ƏDV də daxil edilir.

Dövlət vergi orqanlarında qeydiyyata alınaraq ölkə ərazisində qanuni əsaslarla sərnişin daşıma fəaliyyətini həyata keçirən yerli hüquqi və fiziki şəxslərin, habelə xarici şirkətlərin Azərbaycan Respublikasındakı nümayəndəliklərinin göstərdikləri taksi xidmətlərinin müqabilində müştərilər tərəfindən istər nağd qaydada, istərsə də ödəniş kartları vasitəsilə həmin şəxslərə ödənilən xidmət haqlarına görə ƏDV tutulmur.

Mənbə: taxes.gov.az