Blog Full - Muhasibat.Az

Oxunma sayı: 172. 323

25 Noy 2017

Böyük Britaniya artıq iqtisadi gücünü itirib?

by | posted in: iqtisadiyyat, Xəbər | 0

Böyük Britaniyanın ÜDM-nin həcmi 2,565 trilyon dollara qədər aşağı düşüb və ölkə beş ən iri iqtisadi güc sırasına daxil ola bilməyib. Bu haqda Britaniyanın maliyyə naziri Filip Hammonda istinadla CNN telekanalı məlumat verib. BVF-nun reytinqində Böyük Britaniya ilk dəfə 2013-cü ildə Fransanı ötüb keçə bilmişdi. 2017-ci ildə Fransanın ÜDM-u 2,575 trilyon dollar təşkil edib. Sözügedən beşliyə həmçinin ABŞ (19,4 trln), Çin (11,9 trln), Yaponiya (4,9 trln) və Almaniya (3,7 trln) daxildirlər.

Böyük Britaniyada iqtisadi yüksəlişinin yavaşıması Avropa Birliyindən çıxması ilə əlaqəlidir: funt kəskin şəkildə zəifləyib, istehlak xərcləri aşağı düşüb, qiymətlər isə yüksəlib. Proqnozlara görə 2018-ci ildə də Fransanın iqtisadi mövqeyi möhkəmlənməkdə davam edəcək, 2019-cu ildə isə Hindistan da ÜDM-in həcminə görə Böyük Britaniyanı ötüb keçəcək.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

25 Noy 2017

Avropa istiqrazları qiymətdən düşür, avro isə yüksəlir

by | posted in: iqtisadiyyat, Maliyyə, Xəbər | 0

Almaniyda siyasi gərginlik və regionda işgüzar əminliyin möhkəmlənməsi fonunda Avropada dövlət istiqrazları dəyər itirir, avro isə möhkəmlənməkdə davam edir. Dollar isə üçüncü gündür ki, enməkdə davam edir. Avropa pərakəndə şəbəkələrinin gözlədiyi Qara Cümə ərəfəsində Stoxx 600 yüksəlməyə başlayıb. Çinin idxal etdiyi istehlak məhsullarına görə tarifləri aşağı salması, ərzaq məhsulları sahəsində fəaliyyət göstərən müəssisələrin səhmlərinin artışına gətirib çıxarıb.

Dəmir filizi qiymətləri ilə birlikdə digər sənaye metallarının qiyməti də yüksəlib. Keyston neft-boru kəmərində sızmaların aşkara çıxması, WTI neftinin qiymətinə də təsirsiz ötüşməyib. Bloomberg agentliyinin dünya bazarında noyabrın 24-nə olan əsas hadisələr barədə məlumatı:

Səhmlər

Stoxx 600 indeksi 0,1% yüksəlib.
FTSE 100 (Böyük Britaniya) indeksi 0,1% aşağı düşüb.
Almanıiyanın DAX indeksi 0,05% yüksəlib.
İnkişaf etməkdə olan bazarların MSCI indeksi 0,2% yüksəlib.
S&P 500 füçers indeksi 0,1% yüksəlib.
Yaponiyanın Topix indeksi 0,2%, Nikkei isə 0,1% artıb.
Avstraliyanın S&P/ASX 200 indeksi 0,1% aşağı düşüb.
Honkongda Hang Seng indeksi 0,5%, Shanghai Composite indeksi isə 0,1% artıb.

Valyutalar

Yapon iyenası dollara nisbətdə 0,2%aşağı düşüb, 111,41 iyena 1 dollar təşkil edir.
Avro 0,1% artaraq, 1 avro 1,1864 dollar səviyyəsinə çatıb.
Britaniya funt sterlinqi 0,1% yüksələrək, 1,3324 dollar səviyyəsinə çatıb.

İstiqrazlar

ABŞ-ın onillik müddətə buraxılan dövlət istiqrazlarının gəlirliliyi 2,35% artıb.
Almaniyada onillik müddətə buraxılan dövlət istiqrazlarının gəlirliliyi 0,35% artıb.
Britaniyada eyni müddətə buraxılan istiqrazlar üzrə gəlirlilik isə 1,249% yüksəlib.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

25 Noy 2017

İşlə bağlı maraqlı faktlar

by | posted in: Məqalə | 0

1.XVIII əsrdə ingilis xalqında zahidliyi, tərki-dünyalığı seçən adamların işləməsi üçün daxma tikmək ənənəsi mövcud idi.

2.Sənaye inqilabları ərəfəsində insanlar çox sərt iş cədvəli üzrə çalışıblar.

3.Nyu-Cersidə dünyanın ən yaşlı işçisi çalışıb. Pensiyada olmasına və yüz yaşının olmasına baxmaraq, o, həmişə işə çıxıbmış.

4.Belçikalı qadının ən uzun sürən iş günü olub. O, fasiləsiz olaraq 78 saat ərzində yağda kartof frisi qızardıb.

4.Ən zəhmətsevər insanlar istisnasız olaraq Yaponiyada yaşayır.

6. İnsan ömrünün demək olar ki, yarısını işdə keçirir.

7. 19-cu əsrdə şüşəçilər (üfürməklə şüşə hazırlayan fəhlə) dözülməz istilik şəraitində çalışıblar.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

24 Noy 2017

2017-ci ilin dekabr ayı ərzində vergi orqanına təqdim edilməli olan bəyannamələr və ödənilməli vergilər barədə YADDAŞ

by | posted in: Vergi, Xəbər | 0

2017-ci ilin noyabr ayına görə vergi ödəyiciləri tədiyəçisi olduğu

Əlavə dəyər vergisi bəyannaməsi,
Aksiz bəyannaməsi,
Yol vergisi bəyannaməsi,
Mədən vergisi bəyannaməsi,
Pul vəsaitlərinin nağd çıxarılmasına görə Sadələşdirilmiş verginin bəyannaməsi və
Uduşlardan (mükafatlardan) əldə edilən gəlirdən ödəmə mənbəyində tutulan vergi bəyannaməsi

cari ilin dekabr ayının 20-dən gec olmayaraq vergi orqanına təqdim edilməli və təqdim edilmiş bəyannamələr üzrə hesablanmış vergilər həmin müddətədək tam həcmdə dövlət büdcəsinə ödənilməlidir.

Daşınmaz əmlakın təqdim edilməsi üzrə Sadələşdirilmiş verginin bəyannaməsi cari ilin dekabr ayının 20-dən gec olmayaraq alqı-satqı müqaviləsini təsdiqləyən notarius tərəfindən vergi orqanına təqdim edilməlidir (vergi əməliyyat aparıldığı gün – 1 bank günü ərzində ödənilir).

Muzdlu işlə əlaqədar 2017-ci ilin noyabr ayı üzrə ödəmə mənbəyində hesablanaraq tutulan vergi cari ilin dekabr ayının 20-dən gec olmayaraq dövlət büdcəsinə ödənilməlidir (ƏDV və Sadələşdirilmiş vergi ödəyiciləri bəyannaməni illik – növbəti ildə yanvar ayının 31-dən gec olmayaraq, digər vergi ödəyiciləri 4-cü rüb üzrə bəyannaməni yanvar ayının 22-dən gec olmayaraq təqdim edirlər).

Xüsusi notariusların 2017-ci ilin noyabr ayı üzrə hesabladığı gəlir vergisi cari ilin dekabr ayının 20-dən gec olmayaraq dövlət büdcəsinə ödənilməlidir (4-cü rüb üzrə bəyannamə yanvar ayının 22-dən gec olmayaraq təqdim edilməlidir).

***

Bəyannamələr müəyyən edilən müddətdə təqdim edimədikdə 40 manat məbləğində maliyyə sanksiyası tətbiq edilir (VM, 57), vergilər vaxtında ödənilmədikdə isə bir ildən çox olmamaqla ötmüş hər bir gün üçün 0,1 faizi məbləğində faiz tutulur (VM, 59).

Hörmətli vergi ödəyiciləri, Siz öz bəyannamələrinizi və hesablanmış vergiləri Vergilər Nazirliyinin İnternet Vergi İdarəsi portalı (https://www.e-taxes.gov.az) vasitəsi ilə elektron qaydada təqdim edə və ödəyə bilərsiniz.

Vergi öhdəliklərinizi vaxtında yerinə yetirməyi Sizə tövsiyə edirik.

Mənbə: taxes.gov.az