Blog Full

İstehsalat təqvimi nədir?

Mühasib və kadr işçilərinin tez-tez müraciət etdiyi istehsalat təqvimi il ərzində iş günlərinin sayı, həftə sonu istirahət günləri, iş günü sayılmayan bayram günləri və bu kimi digər məlumatları əks etdirir. Təqvimin məlumatlarından əməkhaqqı cədvəllərinin hazırlanması, əmək qabiliyyətinin müvəqqəti itirilməsi zamanı müavinətin ödənilməsi, məzuniyyət məbləğlərinin müəyyən edilməsi zamanı istifadə olunur.

2024-cü il üçün istehsalat təqvimi 15 dekabr 2023-cu il tarixdə Əmək və Əhalinin Sosial Müdafiəsi Nazirliyi tərəfindən təsdiq edilib.  Ümumiyyətlə, istehsalat təqvimi, şərhlərlə birgə, hər növbəti il üçün cari ilin sonuncu ayında qeyd edilən qurum tərəfindən hazırlanır, təsdiq edilir və dərc olunur. Bu normativ-hüquqi sənəd Əmək Məcəlləsinin  89-cu və 96-cı maddələrinin tətbiqini təmin edir.

2024-cü ili üçün istehsalat təqvimi hazırlanarkən  və “İş və istirahət günlərinin yerlərinin dəyişdirilməsi haqqında” 2023-cü il 9 dekabr tarixli 447 nömrəli qərarları da nəzərə alınıb.

2024-cü il üçün istehsalat təqvimini və vaxt normasını buradan yükləyin. 

2024-cü il üçün istehsalat təqvimində qeyri iş günləri

Azərbaycan Respublikasının Əmək Məcəlləsinin 105-ci maddəsinin 1-ci və 2-ci hissələrində 15 bayram müəyyən edilib ki, bunlarda 12-si qeyri-iş gündür.

2024-cü il üçün istehsalat təqvimində aşağıdakı bayramlar qeyri-iş günü hesab edilir:

1, 2 yanvar      Yeni il bayramı;

8  mart            Qadınlar Günü;

20, 21, 22, 23, 24 mart     Novruz bayramı;

10, 11 aprel    Ramazan bayramı;

9  may            Faşizm üzərində Qələbə Günü;

28 may           Müstəqillik Günü;

15 iyun           Azərbaycan Xalqının Milli Qurtuluş günü;

26 iyun          Azərbaycan Respublikasının Silahlı Qüvvələri Günü;

16, 17 iyun    Qurban bayramı;

8 noyabr        Zəfər Günü;

9  noyabr       Azərbaycan Respublikasının Dövlət Bayrağı Günü

31 dekabr      Dünya Azərbaycanlılarının Həmrəyliyi Günü.

20-si ümumxalq hüzn günü, habelə 7 fevral tarixi növbədənkənar Azərbaycan Respublikası Prezidenti seçkiləri günü də qeyri-iş günləridir.

Ramazan bayramı ilə bağlı dəyişikliklər

Azərbaycan Respublikası Əmək Məcəlləsinin 105-ci maddəsinin 4-cü hissəsinə uyğun olaraq, AR NK-nın yuxarıda qeyd edilən 2023-cü il 9 dekabr tarixli 448 nömrəli  qərarı ilə respublikamızın ərazisində  2024-cü ilin 10 və 11-i Ramazan bayramı günləri kimi müəyyən edilib.

İstirahət və bayram günlərindən səmərəli istirahət məqsədi ilə, Məcəllənin 105-ci maddəsinin yeddinci  hissəsinə uyğun olaraq, istirahət və qeyri-iş günlərinin yeri müvafiq icra hakimiyyəti orqanının qərarı dəyişdirilə bilər.

2024-cü ilin aprel ayının 12-nin bu şərtləri ödədiyini nəzərə alaraq AR NK müvafiq qərar qəbul edib. Azərbaycan Respublikasının Nazirlər Kabinetinin “İş və istirahət günlərinin yerlərinin dəyişdirilməsi haqqında” 24 fevral 2024-cü il tarixli 100 saylı qərarı ilə iş və istirahət günlərinin ardıcıllığını təmin etmək məqsədilə 2024-cü il 12 aprel iş günü ilə 6 aprel istirahət gününün yerləri dəyişdirilib. Beləliklə, 2024-cü ilin aprelin 10, 11, 12, 13 və 14 aprel tarixləri qeyri-iş günüdür. Şənbəyə təsadüf edən 6 aprel isə iş günüdür.

Vaxt norması və istehsalat təqvimi

15 dekabr 2023-cu il tarixdə Əmək və Əhalinin Sosial Müdafiəsi Nazirliyi tərəfindən təsdiq edilmiş vaxt norması və istehsalat təqvimi 2024-cü il üçün iş, istirahət və bayram günləri, habelə vaxt norması haqqında məlumatları özündə əks etdirir. Onun vasitəsi ilə iş və istirahət günlərinin yerinin dəyişdirilməsi barədə də məlumat almaq olar. Ümumiyyətlə, istehsalat təqvimi, şərhlərlə birgə, hər növbəti il üçün cari ilin sonuncu ayında qeyd edilən qurum tərəfindən hazırlanır, təsdiq edilir və dərc olunur.

Vaxt norması və istehsalat təqvimi mühasibat və kadr işçiləri üçün əvəzsiz vasitədir. Ondan:

• əməkhaqqı cədvəllərinin tərtibatı;
• xəstəlik vərəqəsi üzrə ödənişlərin həyata keçirilməsi;
• məzuniyyət ödənişlərinin müəyyən edilməsi;
• habelə, iş növbəsinin hazırlanmasında istifadə edilir.

Əlavə edilmiş şərhlərlə birgə vaxt norması və istehsalat təqvimi 2024-cü ildə edilmiş dəyişikliklərlə ƏƏSM-nin saytında yerləşdirilib.

Qanunvericiliyə uyğun olaraq 2024-cü il üçün 40 saatlıq iş həftəsində iş vaxtının illik norması 1901 saat təşkil edir (228×8 + 11×7 = 1901 saat).

2024-cü ilin istehsalat təqvimi

Bu sənəddə iki istirahət günü olan beşgünlük iş həftəsi üçün iş günlərinin və istirahət günlərinin sayı göstərilib. Hər bir mühasib və ya HR işçisi üçün vacib olan istehsalat təqvimi 2024-cü ildə iş günləri, həftə sonları və bayram günlərinin sayı, iş vaxtı normaları, habelə peşə bayramları haqda məlumatları özündə əks etdirir. Onun hazırlanmasında məqsəd Əmək Məcəlləsinin 89 və 96-cı maddələrinin tətbiqi zamanı uçot işçilərini müvafiq normativ-hüquqi sənədlərlə təmin etməkdir.

Bundan başqa, istehsalat təqvimi 2024-cü il üçün hazırlanarkən  AR NK-nin “2024-cü il üçün Novruz, Ramazan və Qurban bayramları günlərinin müəyyən edilməsi haqqında” 2023-cü il 9 dekabr tarixli 448 nömrəli və “İş və istirahət günlərinin yerlərinin dəyişdirilməsi haqqında” 2023-cü il 9 dekabr tarixli 447 nömrəli qərarları nəzərə alınıb.

2024-cü ilin fevral ayı 29 təqvim günündən ibarət olduğu üçün il 366 təqvim günüdür.

İstehsal təqvimi 2024-cü ilin “qırmızı” tarixləri ilə əlaqədar iş günlərinin yerlərinin dəyişdirilməsini uçot işçilərinə xatırladır, təqvimdəki məlumatların nüansları, sənədə əlavə edilən şərhlərdə izah edir.

2024-cü il üçün istehsalat təqvimini və vaxt normasını buradan yükləyin.

2024-cü ildə iş günü sayılmayan bayramlar

Azərbaycan Respublikasının Əmək Məcəlləsinin 105-ci maddəsinin 1-ci hissəsi bayram günlərinin tərkibini müəyyən edir. Məcəllədə ilə 15 bayram müəyyən edilib ki, bunlarda 12-si iş gün hesab edilmir.

AR ƏM-ni, habelə AR NK-nın yuxarıda qeyd edilən qərarları nəzərə almaqla, 2024-cü il üçün istehsalat təqvimində aşağıdakı bayramlar iş günü deyil:

1, 2 Yanvar     Yeni il bayramı;

8  Mart           Qadınlar Günü;

20, 21, 22, 23, 24 Mart     Novruz bayramı;

10, 11 Aprel    Ramazan bayramı;

9  May            Faşizm Üzərində Qələbə Günü;

28 May           Müstəqillik Günü;

15 İyun           Azərbaycan Xalqının Milli Qurtuluş Günü;

26 İyun           Azərbaycan Respublikasının Silahlı Qüvvələri Günü;

16, 17 İyun     Qurban bayramı;

8 Noyabr         Zəfər Günü;

9  Noyabr        Azərbaycan Respublikasının Dövlət Bayrağı Günü;

31 Dekabr       Dünya Azərbaycanlılarının Həmrəyliyi Günü.

2024-cü ilin istehsalat təqvimində digər qeyri-iş günləri

Habelə Azərbaycan Respublikası Prezidentinin “Növbədənkənar Azərbaycan Respublikası Prezidenti seçkilərinin elan edilməsi haqqında” 2023-cü il 7 dekabr tarixli Sərəncamına əsasən 2024-cü ilin 7 fevral tarixi növbədənkənar Azərbaycan Respublikası Prezidenti seçkiləri günü elan edilmişdir. Odur ki, Məcəllənin 105-1-ci maddəsinə uyğun olaraq həmin gün iş günü hesab edilmir.

Hər il yanvarın 20-si ümumxalq hüzn günüdür. Azərbaycanın müstəqilliyi və ərazi bütövlüyü uğrunda həlak olmuş şəhidlərin xatirəsini yad etmə günü olan bu gün iş günü hesab edilmir. 

İş və istirahət günlərinin yerdəyişməsi

Azərbaycan Respublikasının Əmək Məcəlləsinin 105-ci maddəsinin 5-ci hissəsinə uyğun olaraq, istirahət günü qeyri-iş günü ilə üst-üstə düşərsə, istirahət günü istirahət günündən sonrakı iş gününə keçirilir.

Həmin maddənin 6-cı hissəsinə görə isə Qurban və Ramazan bayramları iş günü hesab olunmayan başqa bayram günü ilə üst-üstə düşərsə, növbəti iş günü istirahət günü hesab olunur.

Müvafiq qurumlar tərəfindən istehsalat təqvimi hazırlanarkən 2024-cü ildə belə üst-üstə düşmələr nəzərə alınmış, iş və istirahət günlərinin yerdəyişmələri təqvimdə müvafiq qaydada əks etdirilib.

Ramazan bayramı ilə əlaqədar iş və istirahət günlərinin yerləri dəyişdirilib. Bu barədə Baş nazir Əli Əsədov qərar imzalayıb.

Qərara əsasən, iş və istirahət günlərinin ardıcıllığını təmin etmək məqsədilə 12 aprel iş günü ilə 6 aprel istirahət gününün yerləri dəyişdirilib.

Qeyd edək ki, 10, 11 aprel Azərbaycanda Ramazan bayramıdır. Aprelin 12-si həftənin cümə gününə təsadüf etdiyindən aprelin 6-sı şənbə günü ilə yerləri dəyişdirilib. Bu da o deməkdir ki, ardıcıl 5 gün (aprelin 10,11,12,13 və 14-ü) iş olmayacaq. Aprelin 6-sı isə rəsmi iş günü elan edilib.

İş və istirahət günlərinin yerlərinin dəyişdirilməsi haqqında

“Azərbaycan Respublikasının Əmək Məcəlləsinə dəyişiklik edilməsi barədə” Azərbaycan Respublikasının 2006-cı il 8 dekabr tarixli 194-IIIQD nömrəli Qanununun tətbiq edilməsi haqqında” Azərbaycan Respublikası Prezidentinin 2006-cı il 18 dekabr tarixli 489 nömrəli Fərmanının 2-ci hissəsinə əsasən Azərbaycan Respublikasının Nazirlər Kabineti qərara alır:

İş və istirahət günlərinin ardıcıllığını təmin etmək məqsədilə 2024-cü il 12 aprel iş günü ilə 6 aprel istirahət gününün yerləri dəyişdirilsin.

Əli Əsədov

Azərbaycan Respublikasının Baş naziri

Bakı şəhəri, 24 fevral 2024-cü il

Dövlət Vergi Xidməti və Azərbaycan Yerüstü Nəqliyyat Agentliyinin birgə məlumatı.

Əmtəə-nəqliyyat qaiməsinin və yol vərəqinin elektron qaydada tərtib edilməsi ilə bağlı elektron xidmət istifadəyə verilib.

Elektron xidmət “Azərbaycan Respublikasının Vergi Məcəlləsində dəyişiklik edilməsi haqqında” Azərbaycan Respublikasının 2021-ci il 3 dekabr tarixli 406-VIQD nömrəli Qanununa, “AYNA informasiya sistemi haqqında Əsasnamə”yə, eləcə də Azərbaycan Respublikası Nazirlər Kabinetinin 2023-cü il 4 oktyabr tarixli 355 nömrəli Qərarına uyğun olaraq hazırlanıb. Elektron xidmət 1 mart tarixindən tam istifadəyə veriləcək. Hazırda sistem açıqdır.

Əmtəə təyinatlı yüklərin elektron əmtəə-nəqliyyat qaiməsi (e-qaimə) ilə rəsmiləşdirilmədən daşınması İnzibati Xətalar Məcəlləsinə uyğun olaraq inzibati məsuliyyət yaradır və bu qaydaların pozulmasına görə qırx manat məbləğində cərimə nəzərdə tutulub.

Əmtəə-nəqliyyat qaiməsi avtomobil nəqliyyatı ilə əmtəə təyinatlı yüklərin ölkədaxili daşınması zamanı rəsmiləşdirilən sənəddir. Bu sənəd yükgöndərənlə daşıyıcı arasında müqaviləni, daşıyıcı tərəfindən yükün daşınmaya qəbul olunmasını, yükalan tərəfindən yükün qəbul edilməsini təsdiq edir. Əmtəə-nəqliyyat qaiməsində yükalanın ünvanı, yükün çatdırılma yeri, miqdarı, qabı, tərkibi və brutto çəkisi, göndərilmə vaxtı, avtonəqliyyat vasitəsinin növü və digər məlumatlar qeyd olunur. Xidmətdən istifadə etmək üçün https://e-xidmet.ayna.gov.az/ portalına daxil olaraq, elektron əmtəə-nəqliyyat qaiməsi bölməsini seçmək lazımdır.

Əmtəə-nəqliyyat qaiməsi avtomobil nəqliyyatı və eləcə də ticarət sahələrində şəffaflığın təmin edilməsini hədəfləyir. Elektron əmtəə-nəqliyyat qaiməsinin tərtib edilməsi zamanı gücləndirilmiş elektron imzadan istifadə nəzərdə tutulur.

Mənbə: taxes.gov.az