Oxunma sayı: 139. 930
2 May 2023

İstehsal fəaliyyəti ilə məşğul olan şəxslər hansı halda sadələşdirilmiş vergi ödəyicisi ola bilər?

by | posted in: Xəbər | 0

Sadələşdirilmiş vergi ödəyicisi, sosial ödənişlər, sosial ödənişlərin hesablanması, Minimum əməkhaqqı, əməkhaqqı artımı, Məzuniyyətdən geri çağırılma, əməkhaqqının hesablanması, ödəmə mənbəyində vergi, icarə xərcləri,Sadələşdirilmiş vergi ödəyicisi və işçilərinin sayı 6 nəfər olan hüquqi şəxs mebel istehsalı ilə məşğuldur, il ərzindəki dövriyyəsi 200.000 min manatdan az olub. Müəssisə sadələşdirilmiş vergi ödəyicisi statusunda qala bilərmi?

Vergi Məcəlləsinin 218.5.8-ci maddəsinə əsasən, 10 nəfərdən artıq işçisi olan istehsal fəaliyyəti ilə məşğul olan şəxslərin sadələşdirilmiş vergi ödəyicisi olmaq hüququ yoxdur. Digər hallarda, ƏDV məqsədləri üçün qeydiyyata alınmamış və ardıcıl 12 aylıq dövrün istənilən ayında (aylarında) vergi tutulan əməliyyatlarının həcmi 200.000 manat və ondan az olan istehsal fəaliyyəti ilə məşğul olan şəxslər sadələşdirilmiş vergi ödəyicisi olmaq hüququna malikdirlər.

Belə ki, ticarət fəaliyyəti, istehsalçılar tərəfindən özlərinin istehsal etdiyi malların təqdim edilməsi istisna olmaqla, malların təqdim edilməsi ilə əlaqədar sahibkarlıq fəaliyyətidir. Müvafiq olaraq qeyd etdiyiniz fəaliyyət topdansatış deyil, istehsal fəaliyyətidir, bu səbəbdən malların topdansatış qaydasında satılması sadələşdirilmiş vergi hüququnu məhdudlaşdırmır.

Əsas: Vergi Məcəlləsinin 13.2.55-ci, 218.1-ci və 218.5.8-ci maddələri.

Mənbə: vergiler.az

2 May 2023

Standard & Poor’s agentliyi Kapital Bank-ın reytinq proqnozunu yüksəltdi

by | posted in: Xəbər | 0

Kapital Bank,Standard & Poor’s Beynəlxalq Reytinq Agentliyi növbəti qiymətləndirmənin yekunu olaraq Kapital Bank-ın reytinq proqnozunu “stabil”dən “pozitivə” yüksəltdi, uzunmüddətli və qısamüddətli kredit reytinqlərini isə “BB-/B” səviyyəsində təsdiqlədi. Bu reytinqlər ölkə bankları arasında ən yüksək göstəricilərdən hesab olunur.           

Agentliyin hesabatında qeyd olunur ki, bu reytinqlər Kapital Bank-ın digər yerli və oxşar beynəlxalq banklarla müqayisədə yüksək gəlirliyindən, aktivlərinin keyfiyyətindən, həmçinin 2022-ci ilin sonuna problemli kreditlərin (“Stage 3”) ümumi portfeldəki həcminin cəmi 2,3% faiz təşkil etməsindən irəli gəlir. “Pozitiv” reytinq proqnozu bankın gəlirlilik, aktivlərin keyfiyyəti və kapitallaşma baxımdan növbəti 12-24 ay ərzində də öz rəqiblərini üstələyəcəyini əks etdirir.

Agentliyin fikrincə, Kapital Bank Azərbaycanın bank sektorunda rekord mənfəət göstəricisinə korporativ, kiçik, orta sahibkarlıq (KOB) və pərakəndə bankçılıq arasında diversifikasiyanın düzgün həyata keçirməsi, aktivlərdən səmərəli istifadə sayəsində nail ola bilib. Bankın 2020-2022-ci illərdə aktivlərinin gəlirliyi (ROA) ortalama 4,5%, kapitalının gəlirliyi (ROE) isə ortalama 36% təşkil edib.

Ölkənin birinci bankı olan Kapital Bank PAŞA Holding-ə daxildir və Azərbaycanda ən böyük filial şəbəkəsi — 114 filialı və 25 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün https://kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz. Nağd pul krediti sifarişi üçün — https://kbl.az/krdt, Birbank kartı sifarişi üçün — https://kbl.az/tkstcrd.

2 May 2023

İşğaldan azad edilmiş ərazilərdə sahibkarlara maliyyə yardımı göstəriləcək

by | posted in: Xəbər | 0

emekhaqqi, Ümumistehsalat xərcləri, qeyri-maddi aktivlər, Ehtiyatların qiymətləndirilməsiPrezident İlham Əliyev “İşğaldan azad edilmiş ərazilərdə istehsal fəaliyyəti ilə məşğul olan sahibkarlara kommunal xidmətlərdən istifadəyə görə maliyyə yardımı göstərilməsi haqqında” Fərman imzalayıb.

Fərmana əsasən, işğaldan azad edilmiş ərazilərdə iqtisadi canlanmanın sürətləndirilməsi, investisiya cəlbediciliyinin artırılması, müasir və effektiv istehsal, ticarət və xidmət infrastrukturunun yaradılması, innovativ texnologiyaların tətbiqi, sənaye potensialının reallaşdırılması və sahibkarlıq fəaliyyəti üçün əlverişli şərait yaradılması məqsədilə qərara alınıb ki, işğaldan azad edilmiş ərazilərdə istehsal fəaliyyəti ilə məşğul olan sahibkarlara 2023-cü il yanvarın 1-dən 10 il müddətində hər ay istehlak olunan kommunal xidmətlərin (elektrik enerjisi, təbii qaz, su təchizatı və tullantı sularının axıdılması xidməti) tariflərinə uyğun olaraq ödədikləri vəsaitin 20 faizi məbləğində dövlət büdcəsinin vəsaiti hesabına maliyyə yardımı ödənilsin.

Nazirlər Kabinetinə tapşırılıb ki, işğaldan azad edilmiş ərazilərdə istehsal fəaliyyəti ilə məşğul olan sahibkarlara kommunal xidmətlərdən (elektrik enerjisi, təbii qaz, su təchizatı və tullantı sularının axıdılması xidməti) istifadəyə görə maliyyə yardımının ödənilməsi qaydasını on beş gün müddətində Azərbaycan Respublikasının Prezidenti ilə razılaşdırmaqla təsdiq etsin və nəzərdə tutulan maliyyə yardımının ödənilməsi ilə bağlı tələb olunan vəsaitin müvafiq illərin dövlət büdcəsi layihələrində nəzərdə tutulmasını təmin etsin.

Nazirlər Kabineti bu Fərmanın icrası barədə ildə bir dəfə ‒ hər il aprelin 1-dək Azərbaycan Respublikasının Prezidentinə məlumat verməli və digər məsələləri həll etməlidir.

Fərmanla İqtisadiyyat Nazirliyi Maliyyə Nazirliyi və Energetika Nazirliyi ilə razılaşdırmaqla, Fərmanın icrası ilə bağlı 2023-cü ildə tələb olunan vəsait barədə təkliflərini on beş gün müddətində Nazirlər Kabinetinə təqdim etməli, Fərmanın icrası ilə bağlı illik icmal hesabatı növbəti il fevralın 1-dək Azərbaycan Respublikasının Nazirlər Kabinetinə təqdim etməlidir.

Mənbə: vergiler.az

1 May 2023

İşğaldan azad edilmiş ərazilərdə çalışanlara verilən birdəfəlik müavinət

by | posted in: Xəbər | 0

birdəfəlik müavinət, Torpaq vergisinin hesablanması, torpaq vergisi kalkulyatoru, Xarici ölkələrə ezamiyyələr, əmək haqqı,Müavinətin verilmə qaydası ilə bağlı əmək qanunvericiliyi eksperti Nüsrət Xəlilovun şərhi.

İşğaldan azad edilmiş ərazilərdə çalışanlara verilmiş növbəti imtiyazlardan biri də “Sosial müavinətlərin məbləğinin artırılması haqqında” Qanuna edilmiş dəyişiklikdə öz əksini tapmış birdəfəlik müavinətdir.

Dəyişikliyə əsasən, işğaldan azad edilmiş ərazilərdə işləyən mütəxəssisə ilkin maddi-məişət şəraitinin dəstəklənməsi üçün 600 manat birdəfəlik müavinət verilir. Müavinətin 2023-cü il yanvarın 1-dən 2028-ci il yanvarın 1-dək verilməsi nəzərdə tutulub. Müavinət verilərkən bəzi zəruri şərtlərə diqqət yetirmək lazımdır.

Misal. İşğaldan azad edilmiş ərazilərin rezidenti olan müəssisənin işçisi əmək müqaviləsi əsasında işğaldan azad edilmiş ərazilərdə fəaliyyət göstərən müəssisədə çalışır və son 5 ildə 4 illik əmək stajına malik olmaqla ali təhsilli mütəxəssisdir. İşçi Daşkəsən rayonunda yaşayır.

Bu halda işçiyə Azərbaycan Respublikasının işğaldan azad edilmiş ərazilərində işləyən mütəxəssis üçün nəzərdə tutulmuş ilkin maddi-məişət şəraitinin dəstəklənməsi məqsədilə 600 manatlıq müavinət ödənilməyəcək. Çünki Əmək Məcəlləsinin 21-1-ci maddəsində qeyd olunub ki, Azərbaycan Respublikasının işğaldan azad edilmiş ərazilərində işləyən mütəxəssislər maddədə nəzərdə tutulmuş şərtlər birgə mövcud olduğu hallarda Əmək Məcəlləsi və Azərbaycan Respublikasının digər qanunlarında nəzərdə tutulan güzəştlərdən və imtiyazlardan istifadə etmək hüququna malikdirlər. İşçi Əmək Məclləsinin 3-cü maddəsində nəzərdə tutulmuş işğaldan azad edilmiş ərazilərdə işləyən mütəxəssis anlayışına uyğun gəlsə də, Əmək Məcəlləsinin 21-1.1.3-cü maddəsində nəzərdə tutulmuş tələbə (mütəxəssislər Azərbaycan Respublikasının işğaldan azad edilmiş ərazilərində məskunlaşdıqda) uyğun gəlmədiyi üçün nəzərdə tutulan imtiyaz ona şamil edilmir.

Mənbə: Nüsrət Xəlilov. “Əmək qanunvericiliyi: Testlər və praktiki məsələlər toplusu”.

Mənbə: vergiler.az

1 … 542 543 544 545 546 547 548 … 2. 685