Oxunma sayı: 141. 202
12 Sen 2022

Borcun tələb edilməsinin bilinməyən, lakin faydalı üsulu – icra qeydi

by | posted in: Xəbər | 0

icra qeydi, Borcun tələb edilməsi,Mövcud qanunvericiliyə əsasən bir şəxsin digər şəxsə verdiyi borcun ödənilməməsi ilə əlaqədar məhkəməyə müraciət edilərkən 1000 manatadək məbləğdə iddia tələbləri üzrə 30 manat məbləğində, bu məhkəməyə müraciət edilmədən həyata keçirildikdə isə notariusun icra qeydi ilə aparılarsa, 25 manat məbləğində dövlət rüsumu ödənilməlidir. Qeyd edək ki, məhkəməyə müraciət üzrə iddia tələbinin məbləği daha çox olduqda, dövlət rüsumunun məbləği 1290 manatdan da çox ola bilir. İcra qeydi üzrə isə bu rüsum sabit həcmdə müəyyən edilmişdir.

İcra qeydi kimlər tərəfindən aparılır?

Ölkə ərazisində dövlət və ya xüsusi notarius vasitəsilə, ölkə xaricində isə Azərbaycan Respublikası konsulluqlarında (10 USD dövlət rüsumu ödəməklə) müvafiq icra qeydləri əsasında borcludan tələb edilən məbləğ geri alına bilər.

Borcludan pul məbləğlərini tutmaq və ya əmlakı tələb edib almaq üçün borclunun olduğu yer üzrə notarius borcu müəyyən edən sənədlərdə icra qeydləri aparmalıdır. Bu icra qeydləri yalnız təqdim olunan sənədlər borcun mübahisəsiz olduğunu təsdiq etdiyi halda tətbiq edilir. Notariusa yazılı və ya elektron imza ilə bu barədə müraciət etmək mümkündür. Nəzərə almaq lazımdır ki, icra qeydi məhkəmə qətnaməsinə bərabər hüquqi statusa malik olmaqla, yenidən məhkəmə qərarı tələb edilmədən icra məmurları tərəfindən borcun tələb edilməsinə əsas verən icra sənədi hesab edilir. Onu da qeyd edək ki, məhkəmə qətnaməsi 1 ay ərzində icraya yönəldiyi halda, icra qeydi dərhal icra məmuru tərəfindən icraya götürülür.

Tələbkar şəxs notariusa (konsulluğa) müraciət etdiyi vaxtdan 1 iş günü müddətində müraciət üzrə icra qeydi aparılır və elektron qaydada icra məmurlarının sisteminə icra sənədini göndərir. Halbuki məhkəməyə müraciət zamanı prosedur müddətlər daha çox vaxt tələb edir.

İcra qeydinin aparılması üçün şəxs notariusa pulun ödənilməsini, əmlakın qaytarılmasını və ya verilməsini tələb edən notariat qaydasında təsdiq olunmuş əqdin əslini təqdim etməlidir. Həmçinin qeyd edək ki, icra qeydləri digər hallar üzrə də aparıla bilər. Həmin hallara aiddir:

  • Hesablaşma və kredit münasibətlərindən irəli gələn əsaslarla borcun alınması;
  • İşçilər əmək münasibətlərini pozduqda, onların müəssisəyə, idarəyə və təşkilata ödəmədikləri borcun alınması;
  • Nisyə alınmış mallar üçün borcun və müamilənin alınması;
  • Yüklərin daşınmasından əmələ gələn borcun və müəyyən edilmiş müddət ərzində dispaşa üzrə çatası məbləğlərin alınması;
  • Taranı vaxtında qaytarmamağa görə cərimənin alınması;
  • Yaşayış və qeyri-yaşayış sahələrindən kirayə müqavilələri üzrə, habelə kommunal xidmətləri üçün borcun alınması;
  • Müəlliflik hüququ ilə əlaqədar münasibətlərdən əmələ gələn borcun alınması;
  • Uşaqları uşaq tərbiyə müəssisələrində saxlamağa görə valideynlərdən borcun alınması və digər hallar.

Bu hallarla bağlı sənədlərin siyahısı Nazirlər Kabinetinin müvafiq qərarı ilə təsdiq edilmişdir. Göründüyü kimi icra qeydləri əsasında aparılan tələblərin icrası və tələb edilməsi qaydası daha sərfəlidir.

“Notariat haqqında” Qanun

“Dövlət rüsumu haqqında” Qanun

“İcra haqqında” Qanun

“Borcların icra qeydləri əsasında mübahisəsiz qaydada alınmasına əsas olan sənədlərin siyahısının təsdiq edilməsi haqqında” Nazirlər Kabinetinin Qərarı.

İnzibati cərimənin əməkhaqqıdan tutulması

12 Sen 2022

Niyə biznes müasir texnologiyaya ehtiyac duyur?

by | posted in: Məqalə, Xəbər | 0

yeni texnologiyalarRazılaşın ki, müasir texnologiyalar şirkətlərdə müsbət dəyişikliklərə, onun artımına və inkişafına doğru əhəmiyyətli addımdır. Texnologiyaların nəzərə alınmaması deqradasiyaya bərabərdir, çünki çoxsaylı rəqiblər artıq onları tətbiq edirlər. Yeni texnologiyaları tətbiq edən şirkətlər potensialı genişləndirmək, müştəri loyallığını artırmaq və ümumiyyətlə, yaxşı perspektivləri görmək imkanı əldə edirlər.

Alətlərin məsələsi

Şirkətlərin işini daha yüksək səviyyəyə avtomatlaşdırma alətləri çıxara bilər. Onlar biznesdə gedən proseslərə nəzarət edir və onları idarə edirlər. Bu alətlər geniş tanınan “fərdi yanaşmanı” təmin edirlər. Onlar bir sıra məsələlərin həllinə görə məsuliyyət daşıyırlar:

  • Satıcı və alıcı şirkətlər arasında əlaqələr qurmağa kömək edirlər.
  • Xərcləri optimallaşdırır və gəlirləri artırırlar.
  • Əməkdaşların əmək məhsuldarlığını artırırlar.
  • Biznesi avtomatlaşdırırlar.
  • Yeni məhsulun populyarlaşmasını təmin edirlər.
  • Rəqiblərdən öndə olmağı təmin edir, məhsulun və şirkətin bazarda mövqeyini yaxşılaşdırırlar.
  • Marketinq üsullarının keyfiyyətini yaxşılaşdırır və effektiv inkişaf strategiyası hazırlamağa kömək edirlər.

Biznesi təbliğ etməyə və fasiləsiz işi təmin etməyə imkan verən müasir yanaşmadan, demək olar ki, istənilən seqmentdə istifadə etmək olar. Hər şey sadə elementdən başlanır. Yeni texnologiyaların biznesdə tətbiqinin ilk mərhələsi rəqəmsallaşdırma hesab olunur.

Müasir texnologiyalarda 8 tendensiya

  • Hiperavtomatlaşdırma

O, tapşırıqları əhəmiyyətli şəkildə asanlaşdırır. Hiper-avtomatlaşdırma istənilən biznes seqmentində fəaliyyətləri təşkil etməyə qadirdir. O, səmərəlilik göstəricilərini artırır, xərcləri optimallaşdırır, şirkətin idarə olunmasına kömək edir. İnsanları tamamilə əvəz etmək mümkün deyil, lakin səyləri birləşdirmək — bununla da biznes imkanlarını genişləndirmək – mümkündür.

  • Multisensor təcrübəsi

infomasiya təhlükəsizliyiTəcrübənin müxtəlifliyi yeni texnologiyalar sahəsində biliklərə malik olan insanları birləşdirməyə və biznes-planı təkmilləşdirməyə kömək edir. Yeni təcrübənin tətbiqi sayəsində biz çərçivədən kənara çıxırıq, baxmayaraq ki, onlarla işləməyə öyrəşmişik. Məsələn, “Domino’s Pizza” tətbiqdə müştəri təcrübəsindən yararlanmağa və müştərilərin şirkətlə qarşılıqlı əlaqə prosesini təkmilləşdirən bir çox alətlər hazırlamağa müvəffəq olmuşdur. Bu tendensiya aşağıdakı komponentləri birləşdirir:

  1. Artırılmış və virtual reallıq.
  2. Maşın interfeysləri.
  3. Sensorlu texnologiyalar.

  • Texnologiyaların demokratikləşdirilməsi

Bu, insan və süni intellekt arasında yaranan qarşılıqlı bir əlaqədir. Yeni məhsul yaratmaq üçün müəyyən bir sahədə mütəxəssis və ya aparıcı mütəxəssis olmamağa imkan verir. Texnologiyaların demokratikləşdirilməsi sayəsində insanlar biznes və texnologiyalar haqqında zəngin bilik əldə edə bilərlər. O, 4 əsas sahədə qurulur:

  1. Dizayn və təhlil.
  2. Məlumatlar və təhlil.
  3. Əlavələrin hazırlanması.
  4. İnsanın bilikləri.

Yeni texnologiyaların inkişafındakı bu tendensiya sadə həllərdən istifadə edərək mürəkkəb problemləri həll etməyə kömək edir.

  • Qavrayışın yaxşılaşdırılması

Növbəti tendensiya — insan qavrayışının (həm fiziki, həm də idrakın) yaxşılaşdırılması üçün texnologiyaların tətbiqidir. Bu, sensor qavrayışa və biofunksiyaya təsir edən cihazların (protezlər, ekzoskeletlər və s.) yaradılmasıdır. Gələcəyin insanının planlarına öz imkanlarının durmadan genişləndirilməsi daxildir.

  • Etimad böhranı ilə mübarizə

Şəffaflıq və izləmək imkanı da az əhəmiyyət daşımır. Yeni texnologiyalar səbəbindən etimad böhranı aktuallaşır. İstifadəçilər təhsilli və məlumatlı insanlara çevrilirlər. Buna görə də etibarın əsas elementlərinin əhəmiyyəti artır. Onların arasında dürüstlük və açıqlıq, səlahiyyət və etika, ardıcıllıq və hesabatlılıq var.

Bu tendensiya sayəsində müştərilərin loyallığı artır, məhsul istehlakçısı ilə biznes arasında yaranan münasibətlər yaxşılaşır. O, bir tərəfdən təxribatçıdır, digər tərəfdən isə etimad böhranının aradan qaldırılmasına imkan verir.

  • İmkanların genişləndirilməsi

Bu gün insan çox kontent istehlak edir, ona görə də onu operativ, özü də asan və anlaşılan formada təmin etmək lazımdır. Beləliklə, sərhəd hesablamalarını təkmilləşdirmək məqsədəuyğundur. Yalnız texnologiyalar informasiyanın insan üçün rahat formada translyasiyasını təmin etməyə və qavrayış imkanlarını genişləndirməyə qabildir.

  • Praktikada blokçeyn

Blokçeyn – bu, aktivləri izləməyə kömək edən bir texnologiyadır, hakimiyyətin iştirakı olmadan tərəflərin qarşılıqlı əlaqəsi və dəyər mübadiləsini təmin edir. Bloklar zəncirlərindən istifadə, biznesə mərkəzləşdirilmiş şəkildə yaxınlaşmağa imkan verir, lakin şirkət daxilində mərkəzsizləşməni saxlayır. Bu, biznesdə strategiyaların idarə edilməsi üsuludur.

  • İnfomasiya təhlükəsizliyi

Biznes cəmiyyətinin transformasiyası — ayrılmaz prosesdir, onun əsas səbəbləri avtonomluq və hiperavtomatikləşdirmədir. Buna baxmayaraq, təhlükəsizlik məsələsi də ortaya çıxır. Buna görə, yeni texnologiyaları hazırlayanlar, ümumiyyətlə, məlumatların və biznesin qorunması üçün məsuliyyət daşıyırlar.

Süni intellektdən müxtəlif seqmentlərdə aktiv istifadə edilməsi səbəbindən hücumlardan müdafiə yolları işlənib hazırlanıb, kibertəhlükəsizlik təmin edilir. Bu, illər ərzində dəbdən düşməyəcək bir trenddir.

Avtomatlaşdırma yolunda ilk addım

Başlanğıc üçün şəxsi saytınızı işləyib hazırlayın. Bu tapşırığa rəqəmsallaşma kimi oflayn sərhədləri aşan bayağı bir iş kimi baxmayın. Ona kölgəyə çəkilməmək, mümkün qədər çox yeni müştəri cəlb etmək üçün bir fürsət kimi baxın.

Böyük məlumatları emal etmək və gələcəkdə qarşılıqlı əlaqə yaratmaq üçün bu məlumatları haradansa götürməlisiniz. Miqyaslana bilən resurs yaratmaqdan başlayın. O, işə başlamağa kömək edəcək və daha da inkişaf etdirmək üçün imkanlar açacaq. İstifadəçiyə asan oxunan məzmunu, həmçinin onu istənilən cihazdan qəbul etmək imkanı verin. Elə edin ki, potensial müştəri malı seçmək üçün anbara və ya mağazaya getməli olmasın. Sizin biznes rəvan şəkildə onun həyatına daxil olmalıdır və mümkün qədər uzun müddət orada qalmalıdır.

Yeni texnologiyalar biznes proseslərini idarə etməyə, köhnə müştəriləri saxlamağa və yeniləri cəlb etməyə imkan verir. Biznes transformasiya prosesindən keçir, texnologiyalar onun ayrılmaz hissəsinə çevrilir. Bu, qaçılmazdır və biznesə artım və inkişaf lazımdır.

Dünyanın ən nəhəng audit şirkətləri

9 Sen 2022

İnzibati cərimənin əməkhaqqıdan tutulması

by | posted in: Xəbər | 0

inzibati cərimə, inzibati cərimənin əməkhaqqıdan tutulması, əməkhaqqı,Qanunvericiliklə nəzərdə tutulan bir sıra hallarda (yol hərəkəti qaydalarının pozulması, karantin qaydalarını pozma, döymə, tütündən istifadə qadağan olunan yerdə tütündən istifadə, ev heyvanlarının gəzdirilməsi qaydalarını pozma və s.) inzibati xəta törətmiş şəxs barəsində inzibati cərimə növündə tənbeh tədbiri tətbiq edilə bilir. İnzibati cərimə məhkəmə və ya səlahiyyətli orqan tərəfindən tətbiq edilir.

  • Məhkəmə qərarı ilə tətbiq edilən inzibati cərimə qərar qüvvəyə mindikdən sonra 10 gün,

  • Səlahiyyətli orqanın qərarı ilə tətbiq edilən inzibati cərimə isə qərar qüvvəyə mindikdən sonra 30 gün müddətində ödənilməlidir.

Yetkinlik yaşına çatmayan şəxsin qazancı olmadıqda, onun əvəzindən valideynləri cəriməni ödəmək öhdəliyi daşıyır. Nağdsız əməliyyatlarla bağlı qanunvericiliyə əsasən inzibati cərimələr nağdsız qaydada ödənilməlidir.

Fiziki şəxslərin barəsində cərimə tətbiq edildikdə cərimənin göstərilən müddətdə ödənilməməsi aşkar edildikdən dərhal sonra səlahiyyətli orqan tərəfindən qərarın surəti onun əməkhaqqısından, təqaüdündən, pensiyasından və ya digər gəlirlərindən tutulması üçün şəxsin işlədiyi və ya oxuduğu, yaxud əməkhaqqı aldığı müəssisəyə, idarəyə, təşkilata və ya pensiya təyin edən orqana göndərilir.

Həmin şəxs işdən çıxdıqda və ya inzibati cəriməni onun əməkhaqqısından, yaxud digər gəlirlərindən tutmaq imkanı olmadıqda, işəgötürən üç günədək müddətdə inzibati məsuliyyətə cəlb edilən şəxsin yeni iş yerini göstərməklə (əgər bu mümkündürsə), ödəmənin mümkünsüzlüyünün səbəblərini, eləcə də ödəmə olmuşdursa, bu barədə müvafiq qeyd aparılmaqla, inzibati cərimə barədə qərarın surətini onu qəbul etmiş səlahiyyətli orqana (vəzifəli şəxsə) qaytarır. Şəxs işləmirsə, yaxud onun əməkhaqqısından və ya digər gəlirlərindən inzibati cərimənin ödənilməsi mümkün deyildirsə, yaxud cərimə könüllü qaydada ödənilmədikdə inzibati cərimə tətbiq etmə haqqında qərar məcburi icraya yönəldilir. Yekunda isə qeyd etmək mümkündür ki, müvafiq olaraq gəlirlərdən tutulma barədə qərarın icra edilməməsi pozuntunu törədən şəxsin də məsuliyyətə cəlb edilməsinə səbəb olur, həmçinin əməkhaqqıdan bir neçə icra sənədinə əsasən məbləğlər tutularkən, bütün hallarda işçinin əməkhaqqısının əlli faizi saxlanmalıdır.

Qrant vəsaitindən məcburi dövlət sosial sığorta haqqı tutulurmu?

9 Sen 2022

Qrant vəsaitindən məcburi dövlət sosial sığorta haqqı tutulurmu?

by | posted in: Xəbər | 0

məcburi dövlət sosial sığorta haqqı, qrant vəsaiti,Təhsil Nazirliyinin keçirdiyi qrant müsabiqəsində fiziki şəxs qalib gəlmişdir. Qrant müqaviləsinə əlavə edilmiş xidmətlərin smetasında isə məcburi dövlət sosial sığorta ödənişi nəzərdə tutulmamışdır. Qrant kimi alınan pul vəsaitindən məcburi dövlət sosial sığorta haqqı ödənilməlidirmi?

“Qrant haqqında” Azərbaycan Respublikasının Qanununun 1-ci maddəsinin müddəalarına əsasən, qrant – humanitar, sosial və ekoloji layihələri, müharibə və təbii fəlakət nəticəsində ziyan çəkmiş ərazilərdə dağılmış istehsal, sosial təyinatlı obyektlərin və infrastrukturun bərpası üzrə işləri, təhsil, səhiyyə, mədəniyyət, hüquqi məsləhət, informasiya, nəşriyyat və idman sahələrində proqramları, elm, tədqiqat və layihələşdirmə proqramlarını, dövlət və cəmiyyət üçün əhəmiyyət kəsb edən digər proqramları hazırlamaq və həyata keçirmək üçün bu Qanunla nəzərdə tutulmuş qaydada göstərilən yardımdır. Qrant yalnız konkret məqsəd (məqsədlər) üçün verilir.

Qrant maliyyə vəsaiti şəklində və (və ya) başqa maddi formada verilir.

“Qrant haqqında” Qanunun 5.3-cü maddəsinə əsasən, bu Qanuna müvafiq olaraq qrant kimi alınan pul vəsaitinin məcburi dövlət sosial sığortasına cəlb olunması “Sosial sığorta haqqında” Qanun ilə tənzimlənir.

“Sosial sığorta haqqında” Qanununun 15-ci maddəsində məcburi dövlət sosial sığorta haqlarından azad olunan gəlir növlərinin siyahısı verilmişdir və həmin maddənin 12-ci abzasında maddi yardımın sosial sığorta haqqından azad olunduğu göstərilmişdir.

Qeyd olunanlara əsasən, sorğuda göstərilən halda, qrant üzrə resipiyent olan fiziki şəxsin qrant layihəsi çərçivəsində ona ayrılan vəsaitə görə sosial sığorta haqqı ödəmək öhdəliyi yaranmır.

Əsas: “Qrant haqqında” Qanunun 1-ci, 5-ci, 15-ci və “Sosial sığorta haqqında Qanunun 15-ci maddələri.

Mənbə: vergiler.az

Çoxnövbəli iş rejimində növbələrin müəyyən olunması və əməkhaqqının hesablanması

1 … 634 635 636 637 638 639 640 … 2. 686