Blog Full

Vergi ödəyicisi kimi Azərbaycanda qeydiyyatdan keçmiş şirkətlərdən biri yerli şirkətlərə satmaq məqsədilə proqram təminatını, proqram təminatının texniki dəstəyi üçün lisenziyaları xaricdən alır. Proqram təminatının satışı, proqram təminatına dəstək lisenziyaları və proqram təminatının yenilənməsi – xidmətin, yoxsa malın satışıdır? Proqram təminatı xaricdən alınarkən Azərbaycan Respublikasının Vergi Məcəlləsinin hansı maddələrinə əsasən hansı vergilər hansı müddətdə hesablanmalı və büdcəyə köçürülməlidir?

Dövlət Vergi Xidmətindən bildirilib ki, qeyri-maddi aktivlər, o cümlədən proqram təminatı üzərində istifadə hüququnun digər şəxslərə verilməsi ƏDV-nin məqsədləri üçün xidmət (iş) sayılmaqla ümumi qaydada 18 faiz dərəcə ilə ƏDV-yə cəlb edilir.

Vergi Məcəlləsinin 168.1.5-ci maddəsinin müddəalarına əsasən, bu maddədə göstərilən xidmətlər üzrə işlərin və ya xidmətlərin alıcısının yerləşdiyi və ya qeydiyyatda olduğu, təsis edildiyi, işlər və ya xidmətlər alıcının daimi nümayəndəliyi ilə bilavasitə bağlı olduğu halda həmin daimi nümayəndəliyin olduğu yer ƏDV məqsədləri üçün işlərin görüldüyü və ya xidmətlərin göstərildiyi yer sayılır.

Hüquqi şəxs yaratmadan sahibkarlıq fəaliyyəti

Qeyd olunan halda, qeyri-rezidentə ödənilmiş məbləğdən 10% dərəcə ilə ödəmə mənbəyində vergi tutulmalı və 18% dərəcə ilə ƏDV hesablanaraq büdcəyə ödənilməlidir. Vergi agenti ƏDV-nin məqsədləri üçün qeydiyyatdan keçmişdirsə, hesablanan vergi əməliyyatın aparıldığı ay üçün ƏDV-nin bəyannaməsi verilərkən ödənilir. Hesablanan verginin ödənilməsini təsdiq edən ödəmə sənədi bu Məcəllənin 175-ci maddəsinin müddəalarına uyğun olaraq vergi agentinə ƏDV-nin məbləğini əvəzləşdirmək hüququnu verən elektron qaimə-fakturadır.

Vergilər Nazirliyinin 12 iyun 2017-ci il tarixli 1717050000009300 nömrəli Kollegiya Qərarı ilə təsdiq edilmiş və Azərbaycan Respublikasının Hüquqi Aktların Dövlət Reyestrinə daxil edilmiş “Azərbaycan Respublikası ilə digər dövlətlər arasında bağlanmış ikiqat vergitutmanın aradan qaldırılması haqqında beynəlxalq müqavilələrin inzibatçılığı Qaydaları”nın 5.1-ci bəndinə əsasən əgər beynəlxalq müqavilədə qeyri-rezidentin Azərbaycan mənbəyindən əldə etdiyi hər hansı gəlirinin vergidən azad edilməsi və ya aşağı dərəcə ilə vergiyə cəlb edilməsi nəzərdə tutulmuşdursa, qeyri-rezident ona gəlir ödəyən şəxsin uçotda olduğu vergi orqanına elektron və ya kağız daşıyıcısında doldurulmuş “Qeyri-rezidentin Azərbaycan Respublikasından əldə etdiyi gəlirə ödəmə mənbəyində beynəlxalq müqavilədə nəzərdə tutulmuş azadolma və ya aşağı dərəcənin tətbiq edilməsi haqqında” DTA-03 Ərizə forması təqdim etməklə həmin azadolma və ya aşağı vergi dərəcəsinin tətbiq edilməsi ilə bağlı müraciət edə bilər.

Əsas: Vergi Məcəlləsinin 125-ci, 168-ci və 169-cu maddələri.

Mənbə: vergiler.az

Vergi, icbari sığorta haqqı və digər ödənişlərə görə məsuliyyətdən azadolma

Ölkənin ən məşhur taksit kartı olan BirKart, müştərilər üçün daha bir qazandıran kampaniya təqdim edir. Şərtlərə görə müştərilər BirKartla 20 AZN və daha çox məbləğdə taksitlə və ya birdəfəlik ödəniş etdikdə ballar qazanacaqlar və kampaniya bitdikdən sonra 500-dən yuxarı bal toplayanlar hədiyyələr qazanacaqlar.

Müştərilər topladıqları ballara uyğun hədiyyə əldə edəcəklər. Belə ki, 500-4999 bala 50 mb mobil internet və 20 danışıq dəqiqəsi, 5 000 – 9 999 bala 50 000 “ürək”, 10 000 – 24 999 bala 20 AZN-lik yanacaq doldurma kuponu, 25 000 – 39 999 bala 50 AZN keşbek, 40 000 – 69 999 bala 100 AZN keşbek, 70 000 – 149 999 bal LG televizoru, 150 000-dən yuxarı bal topladıqda isə iPhone 13 smartfonu əldə edəcəklər.

Kampaniya zamanı müştərilər hər əməliyyatdan sonra əldə etdiyi ballar barədə bildiriş alacaqlar. Ballar həm əməliyyat sayı, həm də əməliyyat məbləğinə görə hesablanacaq. Belə ki taksit əməliyyatı etdikdə müştəri hər əməliyyata görə 10, xərclənən hər AZN-ə görə 5 bal qazanacaq. Birdəfəlik əməliyyatlarda isə əməliyyat sayına görə 2, xərclənən hər AZN-ə görə 1 bal qazacaq. Əməliyyat sayına görə hər müştəri taksit ödənişində 10 dəfə, birdəfəlik ödənişlərdə isə 30 dəfə bal qazana bilər. Əməliyyat məbləğinə görə bal qazanmaq üçün limit yoxdur.

30 iyun 2022-ci il tarixində bitəcək kampaniyadan sonra 3 ay müddətində müştəri hədiyyə üçün müraciət etməlidir. Kampaniya bitdikdən sonra qaliblərə qazandığı hədiyyə və onu necə əldə etməklə bağlı məlumat göndəriləcək. Kampaniya haqqında detallı məlumat: https://kbl.az/bktqpr

Qeyd edək ki, BirKart-ın 4 növü var – Taksit, Cashback, Miles və Umico. BirKart bir sıra üstünlüklərə malikdir: 18 ayadək faizsiz taksitlə hissə-hissə ödəmək imkanı, birdəfəlik ödənişlərdə 40 günədək güzəşt müddəti, kartı idarə etmək üçün rahat mobil tətbiqi, loyallıq sistemləri və pulsuz SMS məlumatlandırma xidməti. BirKart-ın ölkə üzrə 10 000-dən artıq partnyor şəbəkəsi fəaliyyət göstərir və bu say artmaqdadır.

BirKart haqqında ətraflı məlumat üçün www.birkart.az saytına, 196 Sorğu Mərkəzinə və ya kartın Facebook səhifəsinə www.facebook.com/birkart.az müraciət edə bilərsiniz. BirKart sifarişi üçün həmçinin 8196 qısa nömrəsinə SMS və ya (+994 50) 999 81 96 nömrəsinə WhatsApp vasitəsilə, həmçinin BirKart mərkəzlərinə müraciət etmək olar.

• 3 mart 2021-ci ildə Böyük Britaniyanın Milli statistika xidməti, xəstəliklə əlaqəli iş yerində olmayan əməkdaşların bütün işçilərin cəmi 1,8% təşkil etdiyi barədə məlumatları dərc edib. Bu, 1995-ci ildən bəri ən aşağı göstəricidir. Sizcə, bu, əksəriyyətin ən çox evdən çalışması ilə bağlı ola bilərmi?
• Pis reputasiyaya malik şirkətə işçilərin işə götürülməsi, onlara 10% baha başa gəlir. ABŞ federal əmək statistikası Bürosunun məlumatları göstərir ki, pis reputasiyası olan işəgötürənlər vakansiyaya əməkdaşı qəbul etmək üçün ən azı 10% daha yüksək maaş təklif etməlidirlər.
• Əlbəttə ki, hər bir kəsdə böyük karyera ambisiyaları yoxdur – bəziləri sadəcə öz hesablarını ödəmək istəyirlər. Lakin “MERCER” beynəlxalq konsaltinq şirkətinin məlumatına görə, bu heç də doğru deyil. Əgər işçilərin 78%-i karyera yüksəlişi üçün imkanlar görsələr, öz işəgötürənlərinin yanında daha uzun müddət qalacaqlarını bildiriblər. Bir əməkdaşın dəyişdirilməsinin dəyərini nəzərə alsaq, mükafatlar və yüksəlişlər mütləq HR strategiyanızın bir hissəsi olmalıdır.
• Hər bir HR menecer üçün kadr axınının qarşısının daha böyük sayda alınması və azaldılması çox vacibdir, siz bununla razısınızmı? “Kronos” şirkətinin araşdırmasına görə, HR rəhbərlərinin 46%-i işçilərin tükənməsinə illik işçi axınının səbəb olduğunu bildiriblər.

• İnsan resurslarının idarə edilməsi cəmiyyəti (SHRM) HR şöbələrinin rəhbərləri arasında sorğu keçirib və onların 89%-i daimi əks-əlaqə və yoxlamaların iş proseslərinin təşkilinə müsbət təsir göstərməsi ilə razılaşırlar. Öz əməkdaşlarınızın əhval-ruhiyyəsini real vaxt rejimində izləyin. Həmkarlarınızdan effektivlik haqqında tam təsəvvür əldə etmək üçün 360 dərəcə əks-əlaqə qiymətləndirmə metodundan istifadə edin.

• “Deloitte Avstraliya” şirkətinin məlumatına görə, inklüziv biznes modelləri öz həmkarlarını 80% üstələyirlər. İnklüziv biznes – bu, milli səviyyədə sosial və iqtisadi tərəqqi üçün güclü vasitədir. Sahibkarlar və korporasiyalar üçün yeni heyrətamiz inkişaf imkanları açır və insanların həyatını yaxşılaşdırır.

Böyük Piter Drukerin müdrikliyi

Onlayn satışla məşğul olmaq üçün VÖEN almaq tələb olunurmu və bunun hansı şərtləri var?

Dövlət Vergi Xidmətindən bildirilib ki, Vergi Məcəlləsinin 33.4-cü maddəsinə əsasən, hüquqi şəxs yaratmadan sahibkarlıq fəaliyyətini həyata keçirən fiziki şəxs sahibkarlıq fəaliyyətinə başladığı günədək vergi uçotuna alınma ilə bağlı ərizəni vergi orqanına təqdim etməklə vergi uçotuna alınmalı (VÖEN əldə etməli) və əldə etdiyi gəlirdən vergini dövlət büdcəsinə ödəməlidir.

“Fiziki şəxsin uçotu haqqında Ərizə”ni vergi orqanına təqdim etməklə vergi uçotuna alına bilərsiniz. Uçota alınma ödənişsiz həyata keçirilir. Uçota alınma ASAN xidmət mərkəzlərində, ASAN xidmət mərkəzlərinin olmadığı şəhər və rayonlarda isə vergi ödəyicilərinə xidmət mərkəzlərində həyata keçirilir.

Vergi öhdəlikləri isə vergi uçotuna alınarkən təqdim olunan ərizədə seçilmiş vergitutma sisteminə və yaranan vergitutma obyektlərinə uyğun olaraq müvafiq vergilərdən (sadələşdirilmiş vergi və ya gəlir vergisi) ibarət olacaqdır.

Qiymətli daşlardan və metallardan, qiymətli daşlar və metalların məmulatlarından, incəsənət əsərlərindən, əntiq əşyalardan və vergi ödəyicisinin sahibkarlıq fəaliyyətində istifadə edilən və ya istifadə edilmiş əmlakdan başqa, daşınan maddi əmlakın təqdim edilməsindən əldə olunan gəlir vergidən azaddır.

Əsas: Vergi Məcəlləsinin 16-cı, 33-cü, 101-ci, 102-ci və 220-ci maddələri.

Mənbə: vergiler.az

Vergi, icbari sığorta haqqı və digər ödənişlərə görə məsuliyyətdən azadolma