Oxunma sayı: 150. 514
17 Yan 2022

Müştəri Bank istifadəçiləri ƏDV-ni avtomatik hesablayıb, ödəyə bilərlər

by | posted in: Xəbər | 0

Kapital Bank Müştəri Bank-da mütəmadi olaraq hüquqi şəxs və fərdi sahibkarlara daha rahat və onlayn xidmətlər təqdim edir. Artıq sahibkarlar Müştəri Bank vasitəsilə mal və xidmətlərə görə ödənilən ƏDV-ni avtomatik olaraq formalaşdırıb, ödəyə bilərlər.

İndiyədək sahibkarlar ƏDV-ni manual olaraq özləri hesablayıb, sonra ödənişi həyata keçirə bilirdilər. Lakin yeni onlayn funksiya vasitəsilə sahibkarlar həm vaxtlarına qənaət etmiş olacaqlar, həm də hesabatlığı daha rahat formalaşdıra biləcəklər. Çünki ƏDV-nin məbləği Müştəri Bank tərəfindən avtomatik hesablanır və sahibkar tərəfindən əlavə ödəniş tapşırığının hazırlanmasına ehtiyac yoxdur.

Qeyd edək ki, Müştəri Bank vasitəsilə rahat və təhlükəsiz şəkildə bir sıra xidmətlərdən istifadə etmək mümkündür: təcili köçürmələr, büdcə ödənişləri, cari hesabın tam onlayn şəkildə açılması, əməkhaqqı layihəsinə qoşulma, əməkhaqqı kartlarına mədaxil, əməkhaqqı kartlarının sifarişi və çatdırılması biznes və sahibkar kartlarının sifarişi, ölkə daxili və ölkə xarici nağdsız köçürmələr, konvertasiya əməliyyatları, hesablara nəzarət, çıxarışların əldə edilməsi, sərəncamlar haqqında məlumat, onlayn kredit məhsulları sifarişi (overdraft, kredit, qarantiya, sürətli tender və s.) və s.

Müştəri Bank sisteminə qoşulmaq üçün https://cb.kapitalbank.az/login inkinə keçid etmək və ya (+99 412) 310 09 99 nömrəsi ilə əlaqə saxlamaq kifayətdir. Qeyd edək ki, Müştəri Bank sistemi vasitəsilə həyata keçirilən bütün köçürmələr zamanı 25%-dək güzəşt əldə etmək mümkündür.

17 Yan 2022

Dünyanın müxtəlif ölkələrində qeyri-adi vergi və yığımlar

by | posted in: Məqalə, Vergi, Xəbər | 0

vergi, yığımlar, qeyri-adi vergilər,Bütün dövrlərdə və dünyanın müxtəlif ölkələrində vergilər kəskin mübahisələrə səbəb olub və yerli sakinlərin daimi narazılığına gətirib çıxarıb. Əksər qərb ölkələrində vergi sistemləri öz kökü ilə XV-XVII-ci əsrlərə gedib çıxsa da, ilk vergi yığımları daha əvvəllər tətbiq edilib. Bu müddət ərzində bir çox gözlənilməz təşəbbüslər olub – Bizansda hava vergisindən tutmuş, orta əsrlər İngiltərəsində tətbiq edilən qorxaqlığa görə vergiyə qədər (o, ödəyicini hərbi kampaniyalarda iştirak etmək ehtiyacından azad edirdi). Bu yığımların əksəriyyəti çoxdan unudulub, lakin, dünyada əcnəbilər üçün gözlənilməz və bəzən anlaşılmaz qalan vergilər hələ də mövcuddur.

  • Vətəndaşların sağlamlığına qayğı

Çox vaxt qeyri-standart vergilərin tətbiqi təkcə xəzinəni doldurmaq istəyi ilə deyil, həm də yerli sakinlərə faydalı vərdişlər aşılamaq cəhdi ilə diktə edilir. Belə ki, məsələn, Macarıstanda son altı il ərzində “fastfood” vergisi fəaliyyət göstərir ki, bu da zərərli məhsullar istehlak edən insanların sayını azaltmaq məqsədilə tətbiq edilmişdir.

Solyariumda vergi Amerikada fəaliyyət göstərir. Burada hakimiyyət orqanları dəri üçün təhlükə yarada biləcək süni günəş vannası qəbul etmək kimi dəbə qarşı bu şəkildə mübarizə aparmağa çalışırlar. Plastik cərrahiyyəyə görə yığımları isə həmin əməliyyatların populyarlıq qazandığı Cənubi Koreyada ödəyirlər. Ümumiyyətlə, o, çox güman ki, vətəndaşların sağlamlığı ilə bağlı qayğıdan daha çox, bu xidmətlərin turistlər arasında populyarlığından irəli gəlir. Hazırda ölkədə çoxlu klinikalar fəaliyyət göstərir ki, onların bəziləri xaricdən gələn xəstələrlə də işləyirlər.

  • Pasportda ştampın olmasına görə ödəniş
Çox vaxt hakimiyyətlər ölkədəki demoqrafik vəziyyəti düzəltmək, hökumətin fikrincə mənəviyyatın tənəzzülü ilə mübarizə aparmaq və ya çoxuşaqlı ailələri dəstəkləmək üçün əlavə vəsaitlər toplamaqdan ötrü xüsusi vergilər tətbiq etməyə əl atırlar.

Vətəndaş nikahı vergisi 1990-cı illərin ortalarında Çində nikahdankənar birgə yaşayış kimi artan dəb ilə mübarizə aparmaq üçün tətbiq edilmişdi. Birlikdə yaşayan və bütün qeydiyyatdan keçməyən cütlüklər xəzinəyə ildə təxminən 120 avro ödəməlidirlər. Özü də bu zaman ayıq-sayıq qonşular məhəllədə məskunlaşan sevgililər barədə hökumət yetkililərinə məlumat verərək, xəzinənin doldurulmasında fəal iştirak edə bilərlər.

  • Qeyri-leqal və şübhəli fəaliyyətə görə vergi

Narkodilerlər üçün vergi ABŞ-da mövcuddur. Hətta ABŞ vergi bəyannaməsinə bu gəlir xətti üçün ayrıca sətir də salınıb. Eyni zamanda, ölkədə psixotrop dərmanların ticarətinin özü də qeyri-qanuni olaraq qalır. Vergi ödəmək, vergi ödəyicisini tutulduqda məsuliyyətdən azad etmir, lakin yüngülləşdirici hal kimi çıxış edə bilər.

  • Ada və cədugərliyə görə vergi

Ada görə dünyada vətəndaşların vergi ödədiyi yeganə ölkə İsveçdir – orada bu rüsum övladına qəribə adlar qoyan valideynlər tərəfindən ödənilir, çünki bu adların tələffüzü başqalarını narahat edir.

Özü də qeyd etmək lazımdır ki, İsveçdə vergi sistemi dünyanın ən qədim sistemlərindən biridir – yerli arxivlərdə hətta Vikinqlərin dövrünə aid olan vergi ödəyiciləri haqqında məlumatlar da vardır.

Sülhə görə vergini isə Afrikanın qərbində yerləşən Qvineya Respublikasında ödəyirlər. Müharibəsiz keçən hər il onlara 700 Belçika frankına başa gəlir.

Kənar qüvvələrin köməyinə əl atmaq istəyən Niderland sakinləri isə cadugərliyə görə vergi ödəməlidirlər.

14 Yan 2022

İşsizliyə görə verilən müavinət hansı ölkədə daha çoxdur?

by | posted in: Xəbər | 0

Rusiyada işsizlərə verilən müavinətin məbləği ABŞ-da verilən məbləğdən daha azdır, lakin sözügedən müavinət Rusiyada daha uzun müddət ərzində ödənilir.

Belə ki, Amerikada işsizlik müavinətinin miqdarı işdən çıxarılmaya qədər (son 52 həftə ərzində qazanc əsasında) olan əməkhaqqının miqdarından və yaşayış yerindən asılıdır. Bir qayda olaraq, müavinət keçmiş əməkhaqqının 30-50 faizini əhatə edir. Lakin ödənişin yayılma arealı çox genişdir (Massaçusetsdə maksimum həftədə 823 dollar, Missisipidə – 235 dollardır). Müavinət almaq üçün maksimum müddət ştatdan asılı olaraq, 26 ilə 28 həftə arasındadır.

Eyni zamanda, Rusiyada işsizlik müavinətinin maksimum məbləği ayda 12 130 rubl (161 ABŞ dolları) təşkil edir. Müavinət ən çoxu bir il ərzində ödənilir.

Nəşr qeyd edir ki, ümumilikdə ABŞ-ın əmək bazarında vəziyyət birmənalı deyil. Bir tərəfdən, ümumi işsizlik nisbəti aşağıdır – 4,2 faiz təşkil edir. Eyni zamanda, təxminən yeddi milyon işsiz amerikalı üçün 11 milyon vakansiya təşkil edən iş yeri var. Bundan əlavə, Amerikada bölgədən asılı olaraq işsizlik dərəcələrində böyük fərq var: Kaliforniya və Nevadada işsizlik 7,3 faizə çatır, Nebraskada isə o, 1,9 faizi keçmir.

14 Yan 2022

Korrupsiya dünya üçün neçəyə başa gəlir?

by | posted in: Xəbər | 0

Dünya hər il korrupsiyadan böyük itkilərə məruz qalır. Bu, təsirə məruz qalan ölkələrin həm həyatına, həm də iqtisadi rifahına toxunur.

2018-ci ildə BMT-nin baş katibi Antoniu Quterriş bəyan etmişdi ki, beynəlxalq korrupsiyadan illik itkilər heyrətamiz bir rəqəm təşkil edir. Belə ki, bütün dünya üzrə rüşvət və oğurlanmış vəsaitlərin həcmi 3,6 trilyon dollara çatır.

Bu, hökumətlərin gəlirlərinin əhəmiyyətli dərəcədə azaldılması deməkdir, çünki vergilər ya ödənilmir, ya da şəxsi ciblərə gedir.

Korrupsiyaya uğramış bir çox ölkələrdə ixtisassız insanlar rüşvət yolu ilə dövlət və özəl sektorlarda mühüm vəzifələr tuturlar, öz həyatlarını təhlükəyə atırlar və öz ölkələrinin iqtisadi artımını təhlükə altına salırlar.

Nigeriyada, məsələn, dövlət xadimləri layihələrin dəyərini artırmaq üçün podratçılarla razılığa gəlirlər və podratçılar həmin müqavilə layihələrini təmin etmək üçün külli miqdarda rüşvət alırlar. Bütün bunlar hökumətin pul kisəsindəki cüzi vəsaitləri tükəndirir, milyonlarla dollar pul qazanan korrupsionerləri isə zənginləşdirir.

Bundan əlavə

Rüşvətxorluğa qarşı mübarizə üzrə müqayisəli agentliklərin mövcud olduğu korrupsiyaya uğramış ölkələrin əksəriyyətində, siyasi cəhətdən əhəmiyyətli şəxslər qanunsuz yolla əldə edilmiş sərvətlərini xilas etmək üçün çirkli pulların yuyulmasına güvənirlər. Onlar adətən bunu oğurlanmış dövlət vəsaitlərini digər ölkələrə köçürməklə edirlər.

Buna nümunə olaraq, 1999-cu ildən 2007-ci ilə kimi Nigeriyanın Delta ştatının qubernatoru olmuş Ceyms İborini göstərmək olar. İbori Delta ştatının hökumətinə məxsus olan 250 milyon dolları oğurladığına və həmin vəsaitlərin yuyulmasına görə, 2012-ci ildə Londonda həbs edilib və həbsxanaya yerləşdirilib.

2015-ci ildə “ResearchGate”də dərc olunan sorğuda Delta ştatı Nigeriyanın ən əlverişsiz əyalətlərindən biri kimi etiraf olunmuşdu. Hesabata görə, müxtəlif dərəcəli infrastruktur çatışmazlıqları olub. İlkin tibbi-sanitar yardımın 34,22 faizinin təhlükəsiz suya çıxışı olmayıb. Əhalinin 51,33 faizi üçün ümummilli elektrik şəbəkəsi əlçatan deyil, 34,22 faizi üçün səhiyyədə çarpayı yeri çatışmır və 40,89 faizinin isə ümumiyyətlə, rabitə vasitəsi yoxdur.

İnfrastrukturun çatışmazlıqlarının əsas səbəbi kifayət qədər maliyyələşdirmənin olmaması, resursların birtərəfli paylanması və rəsmi korrupsiyadır.

Korrupsioner məmurlar ictimai xidmətlər və infrastrukturun inkişafı üçün ayrılan vəsaitləri oğurlamaqla əsas infrastruktur layihələrini bərbad vəziyyətdə qoyurlar və vətəndaşları qarşısı alına bilməyən təhlükələrə məruz qoyurlar.

1 … 751 752 753 754 755 756 757 … 2. 691