Oxunma sayı: 172. 117
27 İyn 2021

Ukraynada internetə vergi tətbiq olunub

by | posted in: Xəbər | 0

2021-ci il iyun ayının əvvəlində Ali Rada “Facebook”, “Netflix”, “Google” və digər internet nəhənglərini Ukraynada ƏDV ödəməyə məcbur edəcək bir qanun layihəsi qəbul edib. Qanunun qəbul olunmasından ötrü 226 zəruri səsə ehtiyac duyulsa da, təşəbbüs 283 deputat tərəfindən dəstəklənib.

Qanun Ukraynanın Vergi məcəlləsini “qeyri-rezidentlər tərəfindən fiziki şəxslərə elektron xidmətlərin tədarükü üzrə əməliyyatların əlavə dəyər vergisinə cəlb olunma qaydasının təkmilləşdirilməsi” ilə bağlı normaları tamamlayır. Qeyri-rezident şirkətlərin Ukrayna ərazisində fiziki şəxslərə təqdim etdikləri elektron xidmətlərə artıq 20% ƏDV tətbiq olunacaq. Bundan ötrü qeyri-rezident şirkətlər Ukraynada vergi ödəyiciləri siyahısına daxil edilir.

Elektron xidmətlərin ƏDV-nin vergiyə cəlb edilməsinin xüsusi qaydalarının müəyyən edilməsi xarici dövlətlərdə, məsələn, Avropa İttifaqı ölkələrində, Avstraliya, Belarus, Qazaxıstan, Rusiya kimi ölkələrdə adi praktikaya çevrilib – qanun layihəsinə əlavə edilən izahedici qeyddə belə deyilir.

Orada da həmçinin deyilir ki, qanun layihəsi sayəsində dövlət büdcəsini doldurmaq və bütün vergi ödəyicilərinin bərabərlik prinsipini təmin etmək planlaşdırılır.

Qanunun əsas müddəaları aşağıdakılardır:

  • elektron formada tərtib edilmiş xidmətlərin göndərilməsi faktını təsdiq edən sənədlər üçün bu cür sənədin rəsmiləşdirilmə tarixi, bu cür elektron sənədin tərtib olunduğu tarix hesab olunur;
  • təhsil xidmətlərinin göstərilməsi çərçivəsində elektron təhsil (tədris) resurslarına çıxışın təmin edilməsi yolu ilə elektron xidmətlərin göstərilməsi əlavə dəyər vergisindən azad edilir;
  • əlavə dəyər vergisi ödəyiciləri tərəfindən qeydiyyata alınan şəxslərin siyahısına qeyri-rezidentlər daxil edilib;
  • elektron xidmətlərin tədarük yerinin (B2C) müəyyənləşdirilməsi qaydaları müəyyən edilib;
  • qeyri-rezident təchizatçılar üçün xüsusi hazırlanmış veb-portalda məsafədən elektron formada həyata keçirilə bilən ƏDV ödəyicisinin sadələşdirilmiş qeydiyyat proseduru müəyyən edilmişdir.

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

27 İyn 2021

Gəlir və xərclərin uçotunda kassa və hesablama metodlarından istifadə

by | posted in: Xəbər | 0

xərclər, gəlir,Vergi Məcəlləsi gəlir və xərcləri tanımaq üçün iki metoddan birini – kassa və ya hesablama metodunu tətbiq etməyə imkan verir. Mövzu ilə bağlı yaranan suallara maliyyə mütəxəssisi Vüqar Mirheydərov aydınlıq gətirir.

Ən azı bir dəfə Bəyannamə Tərtibatı Proqramında (BTP) hər hansı bir bəyannamə dolduran hər kəs bəyannamənin baş səhifəsində bu metodlar arasında seçim edir. Bu seçim gəlirlərin və xərclərin tanınmasına təsir baxımından əhəmiyyətlidir.

Hesablama metodu, gəlirin faktiki əldə edilib-edilməməsindən (xərcin ödənilməsindən) asılı olmayaraq, həmin gəliri əldə etmək hüququ (xərcin ödənilməsi üzrə öhdəlik) yaranan kimi tanınmasını nəzərdə tutur. Gəlir faktiki əldə edildikdə və ya xərc faktiki ödənildikdə kassa metodu ilə uçota alınır.

Fərz edək ki, “Metod” MMC şirkəti 2020-ci ildə “BB” şirkətinə 10.000 manat, “KK” şirkətinə isə 7.000 manat dəyərində xidmət göstərib. “BB” şirkəti borcunu 19 iyun 2020-ci ildə tam ödəyib, lakin “KK” şirkəti ödəməni yalnız 24 yanvar 2021-ci ildə yerinə yetirib. “Metod” MMC-nin kassa və ya hesablama metodlarından istifadə etdikdə 2020-ci il ərzində bəyan etdiyi gəlirin necə fərqləndiyini araşdıraq.

Kassa metodundan istifadə edilərkən yalnız faktiki olaraq əldə edilmiş gəlir tanınacaq. Yəni 2020-ci il üzrə “Metod” MMC yalnız “BB” MMC-dən aldığı 10.000 manat gəliri tanıyıb, həmin gəlirin vergisini ödəyəcək.

Hesablama metodundan istifadə edildikdə isə “Metod” MMC “KK” şirkətindən hələ almadığı 7.000 manat pul vəsaitini də bəyannamədə tanımalıdır. Odur ki, 2020-ci il üzrə “Metod” MMC cəmi 17.000 manat gəliri tanıyacaq və həmin məbləğdən vergilərini hesablayıb ödəyəcək.

Qeyd etmək lazımdır ki, hesablama metodundan istifadə edilərkən tanınmış xərclər üçün müəyyən tələblər tətbiq olunur. Bunlar Vergi Məcəlləsinin 136.1-ci maddəsi ilə tənzimlənir. Həmin maddəyə əsasən, vergi ödəyicisi vergi uçotunun aparılması üçün hesablama metodundan istifadə etdikdə, əqdlə bağlı olan xərcin çəkilməsi vaxtı, bu maddədə başqa hallar nəzərdə tutulmamışdırsa, aşağıda sadalanan şərtlərin hamısına əməl edildiyi vaxt sayılır:

  • vergi ödəyicisi birmənalı olaraq maliyyə öhdəliklərini qəbul edir;
  • maliyyə öhdəliklərinin məbləği dəqiq qiymətləndirilir;
  • əqddə və ya müqavilədə iştirak edən bütün tərəflər əqd və ya müqavilə üzrə özlərinin bütün öhdəliklərini yerinə yetirmişlər, yaxud müvafiq məbləğlər qeyd-şərtsiz ödənilməlidir.

Mənbə: vergiler.az

Bax:

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

25 İyn 2021

İş vaxtının uçotunu necə aparmalı? (IV hissə)

by | posted in: Xəbər | 0

İş vaxtının uçotunu necə aparmalı? (IV hissə)

III hissəyə nəzər yetirmək üçün keçidə daxil olun

Əməkdaşların iş vaxtının uçotu müəssisələrin əksəriyyətində məcburi bir funksiyadır. Bu uçot həm əllə, həm də xüsusi proqram təminatının köməyi ilə yerinə yetirilə bilər. Bu məqalədə biz əməkdaşların iş vaxtının uçotunu necə aparmaq və bu prosesi maksimal dərəcədə necə optimallaşdırmaq barədə söz açacağıq.  

Proqram məhsullarının tədricən inteqrasiyası iş saatlarından fayda ilə istifadə etməyə kömək edir. Tətbiqləri dəyişdirməyə ehtiyac yoxdur: bütün servislər bir yerdədir. Hesabatlar bir kliklə formalaşır. Sənədlərdə səhvlərin yaranması ehtimalı sıfra bərabərdir. Vasitəçi proqramların aradan qaldırılması nəticəsində müştəri xidmətinin keyfiyyəti artır.

Müasir CRM sistemləri biznes proseslərinin optimallaşdırılması vəzifəsinin öhdəsindən uğurla gəlir. Biz “Profi Soft”da bir neçə həll təklif edirik:

  • “MoySklad” mağazları sisteminin avtomatlaşdırılması;
  • virtual amoCRM;
  • “Meqaplan” biznesin idarə olunması paneli.

Qeyd olunan məhsullar əvvəlcə müxtəlif məqsədlər üçün hazırlandığından, onların üstünlükləri və əskiklikləri var. “Bitrix24” hər hansı bir iş üçün uyğun universal bir həlldir.

“Bitrix24” şirkətində işin təşkili

“Bitrix24” sistemi müəssisənin səmərəli işləməsi üçün bir sıra alətlərdən ibarətdir. Əməliyyatların tarixi, istehsal cədvəli, müqavilələr, daxili sərəncamlar və işçi heyətinin əlaqələri bir yerdədir. Bütün hesabatlar bir neçə kliklə formalaşdırılır. Email-poçt göndərişləri, hesab-faktura və digər gündəlik əməliyyatlar avtomatlaşdırılır ki, bu da şirkətin gəlirlərinin artmasına təsir göstərir.

Özü də bu zaman, əsas versiya tətbiq tələb etmir və işçilər sistemi bir iş günündə mənimsəyirlər. Əsas funksiyalar “Bitrix24”ün istənilən versiyasında mövcuddur:

  1. Layihələrin yaradılması, tapşırıqların verilməsi və onların yerinə yetirilməsinə nəzarət;
  2. Əməkdaşların iş vaxtının uçotu;
  3. Telefon zəngləri;
  4. İş çatı;
  5. Poçt serveri ilə inteqrasiya;
  6. Satışların optimallaşdırılması;
  7. Eletron sənəd dövriyyəsi.

Digər həllərlə inteqrasiya şirkət əməkdaşlarının işini optimallaşdırmağa imkan verir. 1C-dən kontragentlərin və malların yüklənməsi, müştəri bazasını birbaşa sistemdə saxlamağa imkan verəcək. Qiymətlərə, qalıqlara və ödənişlərə nəzarət etmək, satış hesabatlarını formalaşdırmaq daha asan olacaq. Sosial şəbəkələrdən, onlayn məsləhətçidən və messencerlərdən gələn mesajlara cavab vermək bacarığı müştəri xidmətinin keyfiyyətini artıracaq.

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

25 İyn 2021

İcarəyə götürülmüş torpaq sahələri üzrə vergitutma

by | posted in: Xəbər | 0

əmlak vergisiİcarəyə götürülmüş torpaq sahələri üçün vergilər necə hesablanır, haraya ödənilir? Suallara vergi mütəxəssisi Xəyal Feyzullayev aydınlıq gətirir.

Vergi Məcəlləsinin 204-cü maddəsinə əsasən, Azərbaycan Respublikasının ərazisində mülkiyyətində və ya istifadəsində torpaq sahələri olan fiziki şəxslər və müəssisələr torpaq vergisinin ödəyiciləridir. Məcəllənin 205-ci madddəsində isə göstərilib ki, fiziki şəxslərin və müəssisələrin Azərbaycan Respublikasının ərazisində mülkiyyətində və ya istifadəsində olan torpaq sahələri vergitutma obyekti sayılır.

Vergi Məcəlləsinin 203.2-ci maddəsinə əsasən, rezident və qeyri-rezident fiziki şəxslər, habelə rezident və qeyri-rezident müəssisələr torpaq sahələri barədə özlərinin mülkiyyət və istifadə hüquqlarını təsdiq edən sənədləri aldıqdan sonra fiziki şəxslər və bələdiyyə müəssisələri bələdiyyələrdə, digər müəssisələr isə vergi orqanında 1 ay ərzində uçota durmalıdırlar.

“Torpaq icarəsi haqqında ” Qanun 4-cü maddəsində qeyd edilir ki, torpaq üzərində icarə münasibətlərinin obyektləri dövlət, bələdiyyə və xüsusi mülkiyyətdə olan torpaqlardır. Azərbaycan Respublikasında bu Qanunla müəyyənləşdirilən icarə münasibətlərinin obyektləri olan dövlət və bələdiyyə torpaqları mənfəət (gəlir) əldə etmək məqsədilə fəaliyyət göstərən hüquqi və fiziki şəxslərin istifadəsinə, qanunvericiliklə müəyyən edilmiş qaydada, icarə əsasında verilir.

“Torpaq icarəsi haqqında” Qanunun 14-cü maddəsinə əsasən, icarəyəverən torpaq vergisi tədiyəçisi olduqda torpaq vergisi icarə haqqının tərkibinə daxil edilir. İcarəyəverən torpaq vergisi tədiyəçisi olmadıqda iaə icarə haqqının tərkibində torpaq vergisi nəzərə alınmır.

Vergi Məcəlləsinin 207.1.2-ci maddəsinə əsasən, dövlət hakimiyyəti orqanlarının, büdcə təşkilatlarının və yerli özünüidarəetmə orqanlarının, Azərbaycan Respublikası Mərkəzi Bankının və onun qurumlarının, dövlətin adından yaradılan publik hüquqi şəxslərin (sahibkarlıq fəaliyyəti məqsədləri üçün istifadə olunan torpaqlar istisna olmaqla), habelə Azərbaycan Respublikasının Dövlət Neft Fondunun mülkiyyətində və ya istifadəsində olan torpaqlar torpaq vergisindən azaddır.

Göründüyü kimi, torpağın icarə haqları müəyyən edilərkən icarəyə verən şəxsin torpaq vergisi ödəyicisi olması fərqləndirilir. Vergi məbləği icarə haqqı müəyyən edilərkən qiymətə təsir edən amil kimi çıxış edir. Bu səbəbdən icarəyəverən torpaq vergisi tədiyəçisi olduqda torpaq vergisi icarəyəverən tərəfindən, icarəyəverən torpaq vergisi tədiyəçisi olmadıqda isə icarəyə götürən tərəfindən ödənilməlidir.

Bu baxımdan, dövlətin və bələdiyyələrin mülkiyyətində və ya istifadəsində olan torpaq sahələri fiziki və ya hüquqi şəxslərə icarəyə verilən zaman icarəyəverən dövlət orqanı və ya bələdiyyə torpaq vergisinin tədiyəçisi olmadığı üçün icarəyə götürən icarəyə götürülmüş torpaq sahəsinə görə icarə haqqı ödəməklə yanaşı, qanunvericilikdə güzəştlər nəzərə alınmaqla bu torpaq sahələrinə görə torpaq vergisi ödəməlidir.

İcarəyəverənin mülkiyyətində və ya istifadəsində olan torpaq sahələri fiziki şəxslərə və müəssisələrə aid olduğu halda icarəyə götürən torpaq vergisi ödəmir. Vergi Məcəlləsinin 208.5-ci maddəsinə əsasən, torpaq vergisi torpağın əvvəlki sahibi tərəfindən ödənilmədiyi halda vergi bu maddə ilə müəyyən edilmiş ödəmə vaxtına həmin torpağın sahibi tərəfindən ödənilir.

Vergi Məcəlləsinin 208.6-cı maddəsində göstərilib ki, müəssisələrin və bu Məcəllənin 206.1-ci maddəsində nəzərdə tutulmuş fiziki şəxslərin torpaq vergisi dövlət büdcəsinə, digər hallarda fiziki şəxslərin torpaq vergisi yerli büdcəyə (bələdiyyə büdcəsinə) ödənilir.

Mənbə: vergiler.az

Bax: İşçilərin əmək kitabçasının forması və onun tərtibi qaydaları hansı qaydada tənzimlənir?

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

1 … 941 942 943 944 945 946 947 … 2. 705