Dövlət təşkilatının pullu xidmətlər göstərməsi

Oxunma sayı: 359

Dövlət təşkilatının pullu xidmətlər göstərməsi sahibkarlıq fəaliyyəti sayılır?

Sual: Büdcədən maliyyələşən dövlət təşkilatının pullu xidmətlər göstərməsi sahibkarlıq fəaliyyəti sayılırmı və buna görə hansı vergi ödənilməlidir?

Cavab: Hüquqi şəxslər fəaliyyətinin əsas məqsədi mənfəət götürməkdən ibarət olan (kommersiya hüquqi şəxsləri) və ya əsas məqsədi mənfəət götürməkdən ibarət olmayan və götürülən mənfəəti iştirakçıları arasında bölüşdürməyən (qeyri-kommersiya hüquqi şəxsləri), habelə ümumdövlət və (və ya) ictimai əhəmiyyət daşıyan fəaliyyətlə məşğul olan (publik hüquqi şəxslər) qurumlar ola bilər.

Büdcə təşkilatı – büdcə smetası əsasında fəaliyyəti tamamilə və ya qismən büdcə vəsaiti hesabına maliyyələşdirilən, hesablaşma hesabı olmayan qeyri-kommersiya təşkilatıdır.

Eyni zamanda, qeyri-kommersiya hüquqi şəxsləri sahibkarlıq fəaliyyəti ilə yalnız o hallarda məşğul ola bilərlər ki, bu fəaliyyət onların yaradılması zamanı qarşıya qoyulmuş məqsədlərə nail olmağa xidmət etsin və bu məqsədlərə uyğun gəlsin.

Azərbaycan Respublikasında rezident və qeyri-rezident müəssisələr, habelə sahibkarlıq fəaliyyətindən gəlir əldə edən qeyri-kommersiya təşkilatları mənfəət vergisinin ödəyiciləridir. Vergi Məcəlləsinin 105.1-ci maddəsində qeyd olunan dərəcə ilə vergiyə cəlb olunur.

Əsas: Mülki Məcəllənin 43-cü, Vergi Məcəlləsinin 13.2.38-ci, 103.1-ci və 105-ci maddələri.

Mənbə: taxes.gov.az

Bax:

Əmək məzuniyyətlərinin verilməsində növbəlilik

Hamilə və azyaşlı uşağı olan işləyən qadınların hansı güzəştləri var?

Ödənilmə vaxtı keçmiş və artıq ödənilmiş vergilər üzrə faizlər

Muzdlu işə aid olmayan fəaliyyətdən gəlirlər dedikdə nə başa düşülür?

“Asan İmza”nın istifadəsində 7 əsas təhlükəsizlik qaydası

İşdən çıxan işçiyə məzuniyyət haqqının ödənilməsi