İtaliya haqqında maraqlı faktlar (II hissə)

posted in: Xəbər | 0

İtaliya haqqında maraqlı faktlar (II hissə)

I hissəyə nəzər yetirin

Dünyada ən böyük xristian kilsəsi Romadakı Müqəddəs Pyotr bazilik kilsəsidir. Onun inşası 120 il ərzində – 1506-cı ildən 1626-cı ilə kimi davam edib.

Pitzanın kim tərəfindən və nə vaxt hazırlandığı günümüzə qədər məlum deyil. Lakin o da məlum faktdır ki, artıq 1830-cu ildə Neapolda İtaliya ərazisində ilk pizza restoranı açılmışdı.

Minlərlə ənənəvi İtalyan desertləri mövcuddur, lakin dünya şöhrətini onlardan yalnız “Tiramisu” qazanıb. O da maraqlıdır ki, bu desert yalnız 1970-ci illərdə hazırlanıb. Bu desertin müəllifliyi ilə bağlı bir çox mübahisələr mövcuddur. Lakin əminliklə demək olar ki, tiramisu çox qısa müddət ərzində bütün dünyada populyarlıq qazanıb.

Avropa İntibahı XIV əsrdə Şimali İtaliyada başlayıb.

Bolonya universiteti Avropanın ən qədim universitetidir. Onun əsası hələ 1088-ci ildə qoyulub. Maraqlıdır ki, İtaliyada yaşı 500 ildən çox olan 13 universitet vardır.

Avropada ilk bank XII yüzillikdə Genuyada ortaya çıxıb.

Bottiçelli, Mikelancelo, Leonardo da Vinçi, Donatello, Fra Anceliko, Tintoretto, Karavadco, Bernini, Tisian və Rafael kimi məşhur rəssamlar italyandırlar.

Violonçel, skripka və fortepianonu italyanlar icad ediblər.

Vivaldi, Korelli, Monteverdi, Albinoni – bunlar barokko dövrünün dahi bəstəkarlarıdır.

Mexaniki saat, barometr, termometr, optik şüşə və telefon – bütün bunlar italyan ixtiralarıdır.

Romalılar pişikləri o qədər çox sevirlər ki, onları şəhərin Bio-mədəni sərvəti adlandırırlar. Yeni qanun qüvvəyə mindikdən sonra pişiyi öldürməyə görə 10000 avro cərimə ödəməli və 3 ilə qədər həbs cəzası almalı olacaqsınız. Maraqlıdır ki, bütün Romada 300 mindən çox pişik vardır.


Yaxşı mühasib yaxud maliyyəçinizin olması üçün nə etməli?


İtaliyanın “kölgə iqtisadiyyatı” dünyanın ən böyük kölgə iqtisadiyyatı hesab olunur.

İtalyanlar dünyanın ən bahalı və prestijli avtomobillərini istehsal edirlər. Onlardan ən məşhurları Ferrari, Lamborghini, Maseratti, Bugatti və De Tomaso markalarıdır.

1861-ci ilə kimi İtaliya kiçik dövlətlərə parçalanmışdı.

İtaliyanın əhalisi 60 milyon təşkil edir. Hər kv km-ə 200 nəfər düşür.

Ölkənin ərazisi 309 547 kv metrdir.

İtaliya ərazisinin təxminən 75 faizini dağlıq ərazilər tutur.

İtalyanlar amerikalılardan üç dəfə qənaətcildirlər.

İtaliya elektrik enerjisinin 75 faizini idxal edir.

Roma şəhərinin əsası e.ə. 753-cü ildə qoyulub.

İtaliya əhalisinin 95%-dən çoxu Roma katolik kilsəsinin tərəfdarlarıdır, lakin kilsəni müntəzəm olaraq möminlərin 35%-i ziyarət edir.

İtaliya silahlanmağa 20 milyard dollardan artıq xərcləyir.


Print Friendly, PDF & Email

Leave a Reply

Your email address will not be published. Required fields are marked *