İnsan həmişə istədiyini əldə edə bilir. Ancaq bundan ötrü həqiqətən nə istədiyinizi, o cümlədən maliyyədən nə gözlədiyinizi aydın şəkildə bilməlisiniz.- Əgər məqsədinizin nə olduğunu və maliyyə sahəsindən hansı nəticəni gözlədiyinizi bilmirsinizsə, hansı maliyyəçi sizi başa düşə bilər?
- Əgər hətta maliyyəçi hansısa üsulla, öz qorxusu və riski hesabına maliyyənizi idarə etmək üçün yaxşı bir sistem yaradıbsa, sizin isə israr etmək üçün şəxsi iradəniz və bütün komandanı bundan istifadə etməyə məcbur etmək gücünüz yoxdursa, möcüzə gözləməyin.
- Biznes sahibi kimi uçota, planlaşdırmaya, təhlilə, nəzarətə lazımi səviyyədə diqqət yetirmirsinizsə, siz qərarları emosiyalarla verirsiniz – Gəldim – Gördüm – Qələbə qazandım. Lakin həyatın qanunu vardır, biz nəyə diqqət yetiririksə, onu da əldə edirik.
- Əgər həqiqi iş adamısınızsa, istənilən məhsulu və ya xidməti satın alarkən, siz onun dəyərini anlamaq istəyirsiniz. Əgər belədirsə, onda niyə belə bir sualla məşğul olmaq istəmirsiniz – mühasibat uçotunun və hesabatın dəyəri nədir? Axı, o da kimin isə əməyidir.
- Deməli, onun da dəyəri vardır və bu dəyər kifayət qədər böyükdür. Siz işləri qaydasına saldıqdan və maliyyə idarəçiliyini həyata keçirdikdən sonra icranın nəticələri özünü göstərməlidir.
Ən yüksək vergi dərəcələri olan ölkələr
İdeal olaraq, əvvəllər sizdə tətbiq olunmayan yüksək keyfiyyətli maliyyə məlumatları əsasında idarəetmə qərarları qəbul edildikdən sonra mənfəət artmalıdır. Siz göstəricilərin yaxşılaşdırılması üçün imkanları gördünüz və onlardan istifadə etdiniz. Biznesiniz nə qədər şəffaf olarsa, investorlar üçün də bir o qədər maraqlı olur. Razılaşın ki, Maliyyədə Qaydalar deyilən bir alətin dəyəri təcrübəli idarəedicinin əlində böyük gücdür.
O səbəbdən, yaxşı bir mühasib və ya maliyyəçi arzulamazdan öncə özünüzdən başlayın. Əvvəlcə özünüzdən ötrü maliyyənizdə qaydaları təsvir edin. Bunu o qədər aydın və başa düşülən şəkildə edin ki, hətta on yaşlı uşaq belə, onu anlaya bilsin. Sonra isə ən böyük gözləntinizi – özünüz üçün görmək istədiyiniz və yazdığınız qaydanı yaradın.
Yalnız bundan sonra yaxşı mühasib və ya maliyyəçi axtarışına başlayın.
Axı, bu sizin maliyyənizdir və onları siz yalnız yaxşı birinə etibar edə bilərsiniz.
