Blog Full

Sual: “İstehsal fəaliyyəti sahəsində vergitutma məqsədləri üçün gəlirlərin və xərclərin uçotunun aparılması Qaydası”nın təsdiq edilməsi haqqında Azərbaycan Respublikasi Prezidentinin Fərmanına əsasən “İstehsal ehtiyatlarının təhvil-qəbul aktı”, “İstehsal ehtiyatlarının alış aktı”, “İstehsal ehtiyatlarının təsərrüfatdaxili yerdəyişməsi qaimə-fakturası”, “Malların (hazır məhsulların) təsərrüfatdaxili yerdəyişməsi qaimə-fakturası”, “Alış sifarişi”, “Hazır məhsulların təhvil-qəbul aktı”, “İstehsal ehtiyatlarının buraxılışı tələbnaməsi”, “İstehsal ehtiyatlarının istehsala buraxılışı qaimə-fakturası”, “Köməkçi istehsal məhsullarının əsas istehsala buraxılışı qaimə-fakturası”, “Zay məhsullara dair akt”, “Zay məhsulların təhvil-qəbul aktı”, “İtmiş, əskik gəlmiş, xarab və ya zay olmuş və oğurlanmış mallar barədə akt”, “Hazır məhsulların təsərrüfatdaxili yerdəyişməsi qaimə-fakturası” və “Fövqəladə hallarda malların itməsi, əskik gəlməsi və xarab və ya zay olması barədə akt” Azərbaycan Respublikası Maliyyə Nazirliyinin təsdiq etdiyi formada vergi ödəyicisi tərəfindən kağız və ya elektron daşıyıcıda hazırlanaraq tətbiq edilir.

Sual olunur, yuxarıda fərmandan belə nəticəyə gəlmək olar ki, qeyd edilən mallar və inventarların hərəkət dövriyyəsi elektron daşıyıcıda deyəndə yəni imzasız, möhürsüz excel faylında və ya daxili maliyyə proqram təminatında (1C məsələn) uçotu aparıla bilər və həmin aktların gündəlik uçotu və hərəkətinə (kağız variantında imzalı və ya möhürlü, eyni zamanda elektron imzalı və möhürlü) ehtiyac yoxdur və belə bir uçot forması vergi orqanları səyyar yoxlama vaxtı Azərbaycan Respublikası Vergi Məcəlləsinin 130.1-1-ci maddəsi və 58.8.3 maddəsinin tələblərini pozmuş sayılmayacaqdır. Qeyd edilən sual barədə xahiş olunur ərtaflı, net münasibətinizi bildirəsiniz.

Cavab: Bildiririk ki, istehsal fəaliyyəti ilə məşğul olan vergi ödəyiciləri tərəfindən vergitutma məqsədləri üçün gəlirlərin və xərclərin uçotunun aparılması qaydaları Azərbaycan Respublikası Prezidentinin 2017-ci il 16 iyun tarixli 1460 nömrəli Fərmanı ilə təsdiq edilmiş “İstehsal fəaliyyəti sahəsində vergitutma məqsədləri üçün gəlirlərin və xərclərin uçotunun aparılması Qaydası” ilə tənzimlənir.

Belə ki, Qaydanın 9-cu bəndinin müddəalarına əsasən “İstehsal ehtiyatlarının təhvil-qəbul aktı”, “İstehsal ehtiyatlarının alış aktı”, “İstehsal ehtiyatlarının təsərrüfatdaxili yerdəyişməsi qaimə-fakturası”, “Malların (hazır məhsulların) təsərrüfatdaxili yerdəyişməsi qaimə-fakturası”, “Alış sifarişi”, “Hazır məhsulların təhvil-qəbul aktı”, “İstehsal ehtiyatlarının buraxılışı tələbnaməsi”, “İstehsal ehtiyatlarının istehsala buraxılışı qaimə-fakturası”, “Köməkçi istehsal məhsullarının əsas istehsala buraxılışı qaimə-fakturası”, “Zay məhsullara dair akt”, “Zay məhsulların təhvil-qəbul aktı”, “İtmiş, əskik gəlmiş, xarab və ya zay olmuş və oğurlanmış mallar barədə akt”, “Hazır məhsulların təsərrüfatdaxili yerdəyişməsi qaimə-fakturası” və “Fövqəladə hallarda malların itməsi, əskik gəlməsi və xarab və ya zay olması barədə akt” Azərbaycan Respublikası Maliyyə Nazirliyinin təsdiq etdiyi formada vergi ödəyicisi tərəfindən kağız və ya elektron daşıyıcıda hazırlanaraq tətbiq edilir.

Bildiririk ki, istehsal fəaliyyəti ilə məşğul olan vergi ödəyicisinin istifadəsində adıçəkilən sənədlərin tərtibi və dövriyyəsini dəstəkləyən elektron informasiya sistemi mövcud olduğu və bu sənədlərin tərtib edilərək elektron qaydada təsdiq edilməsi təmin edildiyi halda (misal: istehsal ehtiyatlarının təsərrüfatdaxili (anbardan-anbara) hərəkəti elektron qaydada sənədləşdirilərkən bu zaman istehsal ehtiyatlarını göndərən və qəbul edən maddi məsul şəxslər tərəfindən bu sənədlərin elektron sistem üzərində tərtib və təsdiq imkanına malik olması) həmin sənədlər çap edilmədən tətbiq edilə bilər.

Vergi ödəyicisinin istifadəsində müvafiq texniki imkanlara malik elektron informasiya sistemi mövcud olmadıqda isə sənədlər kağız daşıyıcıda çap edilərək müvafiq qaydada təsdiq edilir.

Qeyd edilənlərə əsasən vergi ödəyicisinin təsərrüfat daxili əməliyyatları tam həcmdə elektron informasiya sistemi ilə rəsmiləşdirildiyindən təsərrüfat məqsədləri üçün həmin sənədlərin kağız daşıyıcıda çap edilməsinə zərurət yaranmır.

Eyni zamanda, vergi orqanları tərəfindən keçirilən vergi nəzarəti tədbirləri zamanı qeyd olunan proqram təminatında elektron qaydada tərtib olunan sənədlərin vergi orqanının vəzifəli şəxslərinə təqdim edilməsi təmin edilməlidir.

Əsas: Azərbaycan Respublikası Prezidentinin 2017-ci il 16 iyun tarixli Fərmanı ilə təsdiq edilmiş “İstehsal fəaliyyəti sahəsində vergitutma məqsədləri üçün gəlirlərin və xərclərin uçotunun aparılması Qaydası”.

Bax:

• Ezamiyyədə olan işçinin maaşının hesablanması

• Auditor rəyi malların mədaxilini təsdiq edən sənəd hesab olunurmu?

• Əməliyyatın düzgün sənədləşdirilməməsinə görə maliyyə sanksiyası

• Hansı halda işçinin gəlirindən işsizlik sığortası tutulmur?

• Pul növündə inzibati cərimə (məbləğlər, tutulma qaydası və gecikdirmə)

• İxtisar olunan işçilərə müavinət necə hesablanır?

• Satışdankənar gəlirlər ƏDV bəyannamələrində qeyd olunmalıdırmı?

• İxtisar olunan işçilərə müavinət necə hesablanır?

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Biznesin tələbatını müəyyənləşdirən ən çox tələb olunan biznes-amillər + 9 ideya (5-ci hissə)

4-cü hissəyə nəzər yetirmək üçün keçidə daxil olun

İstehsalat sahəsində tələbolunan biznes

İstehsal sahəsi kifayət qədər müxtəlifdir və həyatın müxtəlif sahələrinə aiddir və öz işinə malik olmaq istəyən hər kəs tələb olunan biznes ideyasını tapa bilər.

1. Emal sənayesi.

Bizim planetimiz daha çox istifadə olunan əşyaların anbarını xatırladır. Xüsusilə bu problem postsovet ölkələrində aktualdır, burada emal sənayesi zəif inkişaf edib.

Bu sahəyə zibilin, rezin şinlərin, şüşə qabların, plastikin, kağızların emalı ideyası aiddir.

Belə biznesin sərfəli olması xammalın ucuzluğu və rəqiblərin sayının az olması, eləcə də bazarda emal məhsullarına tələbatın olması ilə bağlıdır.

Belə bir həqiqətən aktual və tələb olunan biznes sahəsini açmaq üçün aşağıdakıları etməlisiniz:

• fəaliyyətin istiqamətini müəyyənləşdirmək;
• istehsalın texnoloji prosesini öyrənmək;
• şəhərdən kənarda istehsal otaqlarını kirayə götürmək;
• müvafiq avadanlıqlar almaq;
• ştata işçilər götürmək;
• emal olunmuş məhsullara ehtiyacı olanları tapmaq.

2. Tikinti materiallarının istehsalı.

Hətta böhran dövründə şəhərlərdə inşaat işləri davam edir, insanlar öz evlərində təmir işləri aparırlar.

Bunun üçün isə müxtəlif inşaat materialları – taxta, quru tikinti qarışıqları, kərpiclər, metal profillər, plitələr və bir çox şeylər lazım olur.

Ona görə, hətta kiçik inşaat materialları istehsalını açsanız belə, əmin olun ki, biznesinizə böyük tələbat olacaq.

Əgər sizin kiçik bir başlanğıc kapitalınız varsa, onda bir istiqaməti seçin və ilkin dövrdə onun inkişafı üzərində işləyin.

Lap əvvəldə siz kiçik inşaat mağazalarına hazır məhsulları sata bilərsiniz.

Biznesiniz genişləndikcə, regional, sonra isə dövlət bazarlarına çıxmaqdan çəkinməyin.

İşiniz alınsın deyə, ancaq keyfiyyətli tikinti materialları istehsal edin, onda sizin həmişə alıcılarınız olacaqdır.

3. Ağac kömürünün istehsalı.

Ağac kömürünün tətbiqi sahəsi çox genişdir.

Ondan tikinti sahəsində – lakların, inşaat tozlarının istühsalında, istehsalda – yanacaq kimi, məişətdə isə kaminlər və manqllarda od qalamaq üçün istifadə olunur.

Beləliklə, bu istehsalı da tələbolunan biznesə aid etmək olar, çünki onun müxtəlif planlı istelakçıları var.

Bi ideynı həyata keçrməkdən ötrü, böyük bir sahəni icarəyə götürmək və ya bahalı avadanlıqlar almağa gərək yoxdur. Başlanğıc üçün 20 kv metrlik bir otaq və soba almaq almaqla kifayətlənmək olar.

6-cı hissəyə nəzər yetirmək üçün keçidə daxil olun

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Pulların təşəkkülü (II hissə)

I hissəyə nəzər yetirmək üçün keçidə daxil olun

Bir məhsulun satış qabiliyyətini və ya likvidliyini nə müəyyənləşdirir?

Üçüncüsü, məhsulun satış qabiliyyəti kəmiyyətcə məhduddur. Yəni, hələ təmin olunmamış müştəri ehtiyaclarının həcmi ilə məhdudlaşır; bundan başqa, müxtəlif mallarda nəzərəçarpacaq dərəcədə fərqlənən kəmiyyət satış həcminin sərhədləri mövcuddur. Məsələn, K. Menqer Perunun qədim dövrü ilə bağlı elmi əsərləri ət və çörəyin satış qabiliyyəti ilə müqayisə etməyi təklif edir.

Dördüncüsü, satış qabiliyyəti satışların mümkün olduğu dövrdən asılıdır. Təzə çiyələk, hisə verilmiş kolbasa, istiridyə, qəzet, moda geyimləri və s.-nin satış müddətlərini müqayisə etsək məhsullar arasındakı bu fərqlər daha aydın olacaqdır.

Beləliklə, maksimum satış qabiliyyətinə malik olan əmtəə pula çevrilir. Pullar – bu, mütləq likvid bir mübadilə vasitəsidir. Bunlar cəmiyyətin iqtisadi həyatının əsas tərkib hissələrindən biridir və inkişafının müəyyən bir mərhələsində meydana çıxıb. Ancaq, bir dövlət qanunvericilik aktının məhsulu olaraq deyil, cəmiyyətdəki iqtisadi münasibətlərin inkişafı, insanların təbii iqtisadi həyatı nəticəsində meydana gəlib.

Artıq müxtəlif regionlarda və ölkələrdə ticarətin inkişafının ilk mərhələlərində insanlar elə bir məhsul tapıblar ki, o, ən çox satış qabiliyyəti ilə seçilir ki, bu da lazım olan istənilən məhsula dəyişdirilə bilər. Bütün bu proses təbii olaraq baş verdi. Bu cür məhsul olaraq taxıl, mal-qara, mis, duz, xəz və s. istifadə edilmişdir. Bu məhsulların hamısı bir tələbi ödəməli idi: həm alıcılar, həm də satıcılar tərəfindən mübadilə vasitəsi olaraq universal qəbul vasitəsi əldə etmək.

Qeyd etmək lazımdır ki, neoklassiklər vərdişin pulun meydana gəlməsində böyük təsirini vurğulayırlar. Bu amil müasir pulların təbiətində çox şeyi aydınlaşdırmağa kömək edəcəkdir.

III hissəyə nəzər yetirmək üçün keçidə daxil olun

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun