Blog Full - Muhasibat.Az

Oxunma sayı: 152. 620

15 Mar 2021

Maliyyə Monitorinqi Xidməti Ümumi Siyahısını yeniləyib

by | posted in: Xəbər | 0

Nazirlər Kabinetinin 25 iyun 2010-cu il tarixli qərarı ilə təsdiq edilmiş “Terrorçuluğun maliyyələşdirilməsinə qarşı mübarizə çərçivəsində barəsində sanksiya tətbiq edilməli olan şəxslərin Ümumi Siyahısının təsdiq olunması Qaydası”na əsasən, Maliyyə Monitorinqi Xidməti Ümumi Siyahını yeniləyib.

Bu barədə Auditor Palatasının auditorlara müraciətində bildirilir.

“Martın 12-nə qüvvədə olan siyahı ilə tanış olmağınız və auditor xidməti göstərərkən nəzərə almağınız zəruridir. Ümumi Siyahının son versiyası Maliyyə Monitorinqi Xidmətinin rəsmi internet səhifəsində (http://www.fiu.az/aze/umumi-siyahi/ ) yerləşdirilib”, – müraciətdə qeyd olunub.

Mənbə: report.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

15 Mar 2021

Peşə Təhsili üzrə Dövlət Agentliyinin təşkilatçılığı ilə “Vergi uçotu” üzrə onlayn təlimlərə müraciətlər qəbul olunur

by | posted in: Xəbər | 0

Peşə Təhsili üzrə Dövlət Agentliyinin təşkilatçılığı ilə “Vergi uçotu” üzrə onlayn təlimlərə müraciətlər qəbul olunur.

İştirakçılar təlim müddətində verginin mahiyyəti, vergi uçotunun əsasları, verginin növləri, onların hesablanması, vergi bəyannamələrinin hazırlanması və təqdim edilməsi kimi biliklərə sahib olacaqlar.

Müraciətlər Azərbaycanın bütün şəhər və regionlarından qəbul olunur. Təlimlər onlayn formatda keçiriləcək. Seçim zamanı regionlardan olan şəxslərə üstünlük veriləcək.

İştirak üçün əsas meyarlar:

– Maliyyə, mühasibatlıq, audit, vergi uçotu və ya iqtisadiyyatın digər sahələri üzrə ən azı peşə təhsili və ondan yuxarı təhsil pilləsi;

– Mühasibatlıq üzrə nəzəri və praktiki biliklərə sahib olmaq;

– Windows əməliyyat sistemində işləmək bacarıqları;

– Mühasibat uçotu sahəsində müəyyən təcrübənin olması üstünlükdür.

Təlim müddəti: 32 saat (2 ay)

Seçilmiş namizədlər üçün təlimdə iştirak ödənişsizdir.

Təlimi müvəffəqiyyətlə bitirən iştirakçılara sertifikatlar təqdim ediləcəkdir.

Müraciətləri 24 mart, 2021-ci il tarixinədək aşağıdakı linkə keçid edərək göndərə bilərsiniz:

https://cutt.ly/9zlkwYe

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

13 Mar 2021

Alibaba şirkətinin qurucusu ilə müharibə Çin iqtisadiyyatına zərbə vurub

by | posted in: Xəbər | 0

Çin hakimiyyət dairələrinin Alibaba şirkətinin qurucusu Jack Ma ilə müharibəsi çinli sahibkarları qorxuya salıb. Bu səbəbdən Pekinin texnologiya sahəsində dünya lideri statusuna doğru irəliləməsi ləngiyə bilər ki, bu da iqtisadiyyata zərbə vuracaq, Bloomberg belə yazıb.

Startaplardan birinin rəhbəri artıq Alibaba ilə müqayisə edilə biləcək hər hansı bir biznes miqyasına nail olmaq istəmədiyini söyləyib. O, hökumət tərəfindən arzuolunmaz diqqətə düçar ola biləcəyindən ehtiyatlanır. Başqa bir iş adamı isə ictimai çıxışlardan imtina etmək qərarına gəlib və artıq bundan sonra robot texnikası ilə əlaqəli öz işlərini ölkə hüdudlarından kənarda inkişaf etdirmək niyyətində olduğunu açıqalayıb.

İnvestorlar və biznes sahəsi ümumilikdə, şəffaflığın olmaması və fərqli düşüncənin qarşısının sərt şəkildə alınmasından şox narahatdır. “Jack Ma ilə baş verən insident aşkar göstərir ki heç kimin təhlükəsizliyinə təminat yoxdur”, – iş adamlarından biri sözügedən nəşrə belə söyləyib.

Qeyd edək ki, bir müddət əvvəl hakimiyyət ilə sözügedən şirkət arasında yaranan münaqişə səbəbindən Çin rəsmiləri, Ant Group (Alibaba şirkətinin törəmə şirkəti) şikətinin səhmlərinin lkin yerləşdirilməsini bloklamışdı. Səbəbi də əməliyyatın mümkün benefisiarları haqqında bir araşdırma ola bilərdi. Onların arasında hazırkı hakimiyyətin xoşuna gəlməyən siyasi klanlarla bağlı adamlar da var idi. Fevral ayında Ant Group və Çin tənzimləyiciləri şirkəti maliyyə holdinqinə çevirəcək bir restrukturizasiya planını razılaşdırmışdılar.

Fevral ayında Çin tənzimləyicisi onlayn-mikrokreditorlarla, o cümlədən Ant Group rəhbərliyi altında işləyən banklara və maliyyə təşkilatlarına, yeni məhdudiyyətlər qoymuşdu.

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

13 Mar 2021

Avropa İttifaqı zəif vaksinasiya səbəbindən 100 milyard avro itki ilə üzləşə bilər

by | posted in: bank, Xəbər | 0

Avropa İttifaqı (Aİ) əhalinin koronovirusdan vaksinasiyasının yavaş getməsi səbəbindən 100 milyard avro itki ilə üzləşə bilər. Bu haqda Bloomberg agentliyi xəbər verib.

Agentliyin məlumatına görə, Avropada “ləng” vaksinasiya tempi investorları narahat edir. Çünki bu Aİ iqtisadiyyatının və biznesin bərpasını təxirə sala bilər. Eyni zamanda, işin bərpasında bir və ya iki aylq gecikmə, AB iqtisadiyyatına 50-100 milyard avroya başa gələ bilər.

Qeyd edilir ki, Avropa fondları artıq üçüncü həftədir ki, kapital axınını qeydə alır, koronavirus xəstəliyinə tutulmanın davam edən artımı isə investorların cari strategiyalarını poza bilər. Principal Global Investors Fondunun baş strateqi Sima Şah bildirib ki, Avropada vaksinasiyanı bürokratiya və hakimiyyət dairələrinin ziddiyyətli bəyanatları tormozlayır. Nəşr, səbəblər arasında təchizatın kəsilməsini və cəmiyyətin müqavimətini də qeyd edib.

Fevralın sonunda məlum olub ki, AstraZeneca 2021-ci ilin ikinci rübündə müqavilə üzrə planlaşdırıldığından daha az vaksin dozası – 180 milyon əvəzinə 90 milyon doza istehsal edib. Texniki problemlər üzündən şirkətlər istehsal qrafikindən iki ay geri qalır.