Sərt karantin rejimində fəaliyyətinə icazə verilən sahələr açıqlanıb
Nazirlər Kabineti Azərbaycan ərazisində müəyyən edilmiş xüsusi karantin rejimi dövründə işlərin davam etdirilməsi zəruri olan fəaliyyət sahələrinin siyahısını açıqlayıb.
Siyahı:
1. Səhiyyə və sosial xidmət sahələri üzrə:
Azərbaycanda karantin rejimi sərtləşdirilir
Nazirlər Kabineti yanında Operativ Qərargah məlumat yayıb.
Operativ Qərargahdan “Report”a verilən məlumata görə, dünya ictimaiyyətinin üzləşdiyi COVID-19 pandemiyasının hazırda növbəti dalğası yaşanmaqdadır. Artıq dünyada 60 milyondan çox yoluxma halı qeydə alınıb və 1 milyondan çox insan yeni növ koronavirusdan həyatını itirib. Pandemiyanın bu mərhələsində virusa yoluxmanın yüksək həddi müxtəlif ölkələrdə yenidən sərt karantin tədbirlərinin tətbiq olunmasını şərtləndirmişdir. Azərbaycanda son aylarda yaşanan yüksək yoluxma səviyyəsi nəzərə alınaraq, virusun yayılmasının qarşısının alınması məqsədi ilə ölkə ərazisində sərtləşdirilmiş karantin tədbirlərinin həyata keçirilməsinə qərar verilmişdir.
ölkə üzrə xüsusi karantin rejiminin müddəti 2021-ci il 31 yanvar 06:00-dək uzadılır;
2020-ci il 14 dekabr saat 00:00-dan 2021-ci il 18 yanvar saat 00:00-dək bütün ölkə üzrə sərtləşdirilmiş xüsusi karantin rejimi tətbiq edilir;
Xüsusi karantin rejiminin sərtləşdirilməsindən irəli gələrək 2020-ci il 14 dekabr saat 00:00-dan 2021-ci il 18 yanvar saat 00:00-dək ölkənin bütün ərazisində Azərbaycan Respublikasının Nazirlər Kabinetinin müvafiq qərarı ilə müəyyən edilmiş iş və xidmət sahələri istisna olmaqla digər sahələrdə iş və xidmətlər dayandırılır. Bütün ticarət obyektlərinə, ictimai iaşə obyektlərinə, o cümlədən restoran, kafe və çay evlərinə müştərilərə yalnız çatdırma xidmətlərinin göstərilməsi və ya onlayn satışa icazə verilir;
2020-ci il 14 dekabr saat 00:00-dan 2021-ci il 18 yanvar saat 00:00-dək operativ və xüsusi təyinatlı nəqliyyat vasitələrinin, habelə yükdaşıyan avtomobillərin və Azərbaycan Respublikası Ərazilərinin Minalardan Təmizlənməsi üzrə Milli Agentliyinin nəqliyyat vasitələrinin hərəkəti istisna olmaqla, Bakı, Sumqayıt, Gəncə, Mingəçevir, Şirvan şəhərlərinin və Abşeron rayonunun ərazisinə, eləcə də Lənkəran, Masallı, Cəlilabad, Şəki, Zaqatala, Quba, Xaçmaz, Yevlax, Bərdə, Biləsuvar və İsmayıllı rayon mərkəzlərinə (kənd və qəsəbələr istisna olmaqla) giriş-çıxış dayandırılır;
2020-ci il 14 dekabr saat 00:00-dan 2021-ci il 18 yanvar saat 00:00-dək Bakı, Sumqayıt, Gəncə, Mingəçevir, Şirvan şəhərlərinin və Abşeron rayonunun ərazisində, eləcə də Lənkəran, Masallı, Cəlilabad, Şəki, Zaqatala, Quba, Xaçmaz, Yevlax, Bərdə, Biləsuvar və İsmayıllı rayon mərkəzlərində (kənd və qəsəbələr istisna olmaqla) hərəkət məhdudiyyəti tətbiq edilir. Azərbaycan Respublikası Nazirlər Kabinetinin qərarı əsasında müəyyən edilən siyahı üzrə müvafiq qurumlarda çalışan şəxslər xidməti vəsiqə əsasında, eyni zamanda qərarla müəyyən edilmiş digər təşkilatların və qurumların işçiləri onlar barədə məlumatlar işəgötürən tərəfindən elektron imzadan istifadə edilməklə “icaze.e-gov.az” portalına daxil edildikdən sonra yuxarıda qeyd olunan ərazilərdə hərəkət edə bilərlər;
müvafiq dövlət qurumları və özəl hüquqi şəxslərin əməkdaşları, habelə bəzi könüllülər təşkilatlarının üzvləri barədə məlumatlar “icaze.e-gov.az” portalına 9 dekabr 2020-ci il saat 10:00-dan etibarən daxil edilməlidir.
2020-ci il 14 dekabr saat 00:00-dan 2021-ci il 18 yanvar saat 00:00-dək Bakı, Sumqayıt, Gəncə, Mingəçevir, Şirvan şəhərlərinin və Abşeron rayonunun ərazisində, eləcə də Lənkəran, Masallı, Cəlilabad, Şəki, Zaqatala, Quba, Xaçmaz, Yevlax, Bərdə, Biləsuvar və İsmayıllı rayon mərkəzlərində (kənd və qəsəbələr istisna olmaqla) bütün digər şəxslərin yaşayış yerini və olduğu yeri tərk etmələrinə SMS-icazə sistemi və ya Azərbaycan Respublikası Daxili İşlər Nazirliyinin Növbətçi Hissələri İdarəetmə Xidmətinin 102 Xidməti – Zəng Mərkəzi vasitəsilə ilə icazə verilir.
SMS-icazə sistemi aşağıdakı hallarda tətbiq edilir:
-təxirəsalınmaz tibbi zərurətlə və ya qrafik üzrə müalicə almaqla əlaqədar yaşayış yerini və olduğu yeri tərk etmək üçün (icazə rayon və şəhər daxilində 3 saat müddətinə verilir, rayonlar və şəhərlərarası hərəkət zərurəti yarandıqda olduğu ünvanla getməli olduğu ünvan arasında məsafə və müalicə prosedurunun müddəti nəzərə alınır, geri qayıtma müddəti həkim tərəfindən verilən arayışla müəyyən edilir və zərurət olduqda polis əməkdaşlarına təqdim edilir);
-ərzaq və digər gündəlik tələbat mallarının və dərman vasitələrinin alınması (ərzaq mağazalarından, supermarketlərdən, bazar və aptekdən), dövlət xidmətlərinin, bank, poçt və fəaliyyətinin davam etdirilməsinə icazə verilən iş və xidmət sahələrində göstərilən digər xidmətlərdən istifadə edilməsi zərurəti, həmçinin açıq havada vaxtın keçirilməsi ilə əlaqədar yaşayış yerini və olduğu yeri tərk etmək üçün (icazə 3 saat müddətinə gündə 1 dəfə verilir, dövlət xidmətlərindən istifadə edilməsi zərurəti ilə əlaqədar yaşayış yerini və olduğu yeri tərk edən şəxslər üçün geri qayıtma müddəti müvafiq dövlət qurumu tərəfindən verilən arayışla müəyyən edilir).
Yaxın qohumunun dəfnində iştirakla əlaqədar yaşayış yerini və olduğu yeri tərk etmək üçün isə hər bir şəxs Azərbaycan Respublikası Daxili İşlər Nazirliyinin Növbətçi Hissələri İdarəetmə Xidmətinin 102 Xidməti – Zəng Mərkəzi vasitəsilə icazə almalıdır.
Beynəlxalq və ölkədaxili uçuşlara müvafiq reys üçün bileti olan şəxslərin yaşadıqları və olduqları yerdən hərəkətinə onların biletləri əsasında, dövlət sərhədindən müvafiq qaydada ölkəyə daxil olan şəxslərin yaşadıqları və olduqları yerə gəlməsinə isə onların pasportuna vurulmuş ştamp əsasında yol verilir.
Bakı metropolitenində sərnişindaşımanın fəaliyyətinə tətbiq olunan məhdudiyyət 2021-ci il 31 yanvar saat 06:00-dək uzadılır.
Bütün ölkə ərazisində şənbə və bazar günləri ictimai nəqliyyatın fəaliyyətinə tətbiq olunan məhdudiyyət 2021-ci il 31 yanvar saat 06:00-dək uzadılır;
2020-ci il 14 dekabr saat 00:00-dan 2021-ci il 18 yanvar saat 00:00-dək tətbiq olunan məhdudiyyətlərin iqtisadi fəallığa təsiri nəzərə alınaraq əvvəlki sərtləşdirilmiş karantin rejimi zamanı müəyyən edilmiş ehtiyacı olan təqribən 600 min nəfərə 190 manat birdəfəlik maddi yardım göstəriləcəkdir. Eyni zamanda zərərçəkmiş sahələrdə fəaliyyət göstərən sahibkarlara yardım edilməsi nəzərdə tutulur.
Xatırladırıq ki, xüsusi karantin rejiminin qüvvədə olduğu müddətdə ölkə üzrə bütün qapalı və açıq məkanlarda müvafiq qaydada tibbi maskalardan istifadə məcburi hesab olunur.
Virusun geniş yayılmasının qarşısının alınması məqsədi ilə hamını dövlət tərəfindən görülən tədbirlərə dəstək göstərməyə, özünüzün və ailənizin sağlamlığı naminə COVID-19 virusu ilə mübarizədə karantin tələblərinə ciddi riayət etməyə çağırırıq.
Hazırkı dövrdə ciddi zərurət yaranmadıqda ictimai yerlərdə olmamaq, digər şəxslərlə yaxın təmaslardan yayınmaq, qapalı və açıq məkanlarda sosial məsafəyə əməl etmək, tibbi maska və digər qoruyucu vasitələrdən ictifadə etmək zəruridir. Eləcə də xəstəliyin ilkin əlamətlərini hiss etdikdə özünütəcrid tələblərinə ciddi riayət etməyə, zəruri müalicə tədbirlərinin həyata keçirilməsinə çağırırıq.
Mənbə: report.az
TELEGRAM KANALIMIZA ÜZV OLUN
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN
Mühasibat, Audit və Kadr Xidmətləri üçün linkə daxil olun
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
Avropa ölkəsi dördgünlük iş həftəsinə keçid üzərində düşünür
İspaniyanın Əmək Nazirliyi ölkə ərazisində dördgünlük iş həftəsinə keçid üzərində düşünməyə başlayıb. Məmurların fikrincə, bu, avropalıların məşğulluğunu yüksəldə bilər, Bloomberg belə yazıb.
Baş nazirin müavini Pablo İqlesiasın sözlərinə görə, hökumət iş vaxtının azaldılması imkanını nəzərdən keçirir. Onun bu bəyanatı istehlak malları nəhəngi Unilever şirkətinin Yeni Zelandiyada əməkdaşlar üçün dördgünlük iş həftəsi tətbiq etməsini elan etdikdən bir neçə gün sonra səsləndirilmişdi. Belə bir tədbir əmək məhsuldarlığını artırmaq üçün lazımdır.
İspaniyada iş həftəsinin dəyişməsi ilə bağlı istənilən təklif hökumət tərəfindən həmkarlar ittifaqları və sənaye qrupları ilə sosial dialoq çərçivəsində təqdim olunacaq.
TELEGRAM KANALIMIZA ÜZV OLUN
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN
Mühasibat, Audit və Kadr Xidmətləri üçün linkə daxil olun
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
Mühasibat uçotunun inkişaf mərhələləri (34-cü hissə)
Mühasibat uçotu – inkişaf mərhələləri (34-cü hissə)
Diksi, mühasibatlıq balansının təyin edilməsində məqsədi son nəticələrin qarışıq hesabat dövrləri arasında maliyyə nəticələrinin dəqiq şəkildə bölüşdürməsində və müəssisənin maliyyə vəziyyətinin düzgün əks etdirməsini təmin etməsində görürdü.
Bu, uçotda inqilab idi, yalnız XIX əsrin ortalarından etibarən balansın mənfəət hesabı vasitəsi kimi nəzərdən keçirilməsinə başlanılır. Buna amortizasiya hesablanması və mənfəət vergisinin tətbiqi kömək etmişdi. Mənfəət vergisi mühasibləri iki məktəbə bölmüşdü: bəziləri balans mənfəətini vergi gəliri ilə müəyyən edirdilər, digərləri isə hesab edirdilər ki, bunlar iki fərqli dəyərlərdir.
Auditin ilk ideoloqu və nəzəriyyəçisi Diksi idi. Diksi auditin məqsədlərini bunları müəyyənləşdirməkdə görürdü:
- saxtakarlıq;
- təsadüfi səhvlər;
- uçotun təşkilində çatışmazlıqlar.
Yoxlama kassadan başlanırdı, balansın təhlilinə müxtəlif maraqlı şəxslər nöqteyi-nəzərindən baxılırdı. Diksinin audit ideyasını A.T. Vatson, R. Goddard, E. Mişo və digərləri inkişaf etdirirdi.
Beləliklə, XIX əsrdə İngiltərədə mühasibatlığı, mühasibatlıqda və müəssisələrdə işləyən insanların psixologiyasının öyrənilməsi kimi başa düşürdülər və iddia edirdilər ki, hər şey praktiki məna daşımalıdır, təcrübədən kənarda heç bir ideya yoxdur.
XX əsrdə ABŞ-da və ingilisdilli ölkələrdə uçot
ABŞ-da 20-ci əsrin ən böyük uçot nəzəriyyəçisi Ç.E. Şpruq idi, o, mücərrəd mühasibat fikirlərinin əhəmiyyətini və faydalılığını göstərirdi. Amerikada uçotla bağlı iki nəzəriyyə məktəbi formalaşmışdı:
- institualist;
- fərdi.
İki məktəb tərəfdarları arasında nəzəri məsələlərin şərhində on iki bölmə üzrə fərqlər var idi:
- kapital hesabının şərhi;
- balans passivinin məzmunu;
- müəssisənin məqsədi;
- zərər və mənfəət hesabının məzmunu;
- zərər və gəlir hesabının xarakteri;
- balans tənliyi;
- dividendlərin rolu;
- müəssisənin rentabelliyi;
- qiymətləndirmə;
- balans kim üçün nəzərdə tutulub;
- balansın dövriliyi;
- amortizasiya.
Fərdi yanaşmanı V.E. Paton müdafiə edirdi. XX əsrin 20-ci illərində ABŞ qanunu səhmlərin nominal üzrə dəyərləndirilməsini tələb edirdi. Bu müddəa tənqid edilirdi və Paton, səhmlərin nominal dəyərindəki sapmaların xüsusi hesablarda əks olunmasını təklif etdi. Paton hər cür dəyərlərin cari bazar qiymətləri əsasında yenidən qiymətləndirilməsini tələb edirdi.
Bu yanaşma R. Stivenson tərəfindən dəstəklənirdi, lakin L. Middlditç və R. Kester hesablarda qiymətləndirmənin maya dəyəri ilə saxlanılmalı olduğunu və balansın bazar qiymətləri ilə korrektə edilə biləcəyini əsas götürürdülər. Personalist məktəbdə G. Sviney başda olmaqla bir qrup elm adamı meydana gəlmişdi, onlar Şmalenbaxın ideyalarının təsiri altına düşmüşdülər, Avropa inflyasiyasının təcrübəsini nəzərə alırdılar və öz konsepsiyalarını sabitləşdirilmiş mühasibatlıq adlandırırdılar.
Paton tərəfdarlarının tənqidi Vimblanın konvertasiya olunan mühasibatlıq adlanan başqa bir məktəbin doğulması ilə nəticələndi. Bütün dəyərlər pulla satıldığından, onların kursu dəyərləndirmənin dəyişiklikləri də əks etdirir; buna görə də o, qiymət indekslərinin əvəzinə, valyuta məzənnələrinin nisbəti ilə yenidən qiymətləndirməyi təklif etmişdi. Tədqiqatçıların fikrincə, dəyişdirilə bilən uçotun səhvi dəyər ölçüsü funksiyasını mübadilə mühitinin funksiyası ilə əvəz etməkdən ibarətdir.
