Ukraynada yeni vergi tətbiqi vəd olunub
Ukraynada yeni vergi tətbiqi vəd olunub
Ukrayna prezidenti Vladimir Zelenskiy, Ali Radaya müraciətində çıxarılan kapitala vergi tətbiq olunması və vergi amnistiyası qanununun qəbulu üçün təşəbbüslə çıxış edəcəyini vəd edib. Onun sözlərinə görə, bu, koronavirus ilə bağlı böhrandan sonra iqtisadiyyatı bərpa etməyə imkan verəcək, Reuters agentliyi belə xəbər verib.
Zelenskinin sözlərinə görə, yeni vergi tətbiqi ilə bağlı Ukrayna cəmiyyətində lazımi qədər “sonsuz müzakirələr” olub. “Bu məsələdə artıq nöqtə qoymaq vaxtı gəlib çatıb və mən bunu etməyə hazıram”, – deyə, o, qeyd edib.
Çıxarılan kapitala tətbiq edilən vergi fiziki şəxslərin, qeyri-rezidentlərin gəlir vergisinin mövcud olmaması deməkdir. Biznes yalnız o halda vergini ödəyir ki, sahibkar dividendlərin ödənilməsi yolu ilə pul götürsün. Belə bir təklif ilk dəfə hələ Pyotr Poroşenkonun prezidentliyi dövründə formalaşdırılmışdı. Lakin ölkənin əvvəlki rəhbərliyi bu tədbirlərə getməmişdi.
Vergi amnistiyası dedikdə, vergilər ödənilmədən əldə edilmiş aktivlərin, gəlirlərin və əmlakın könüllü bəyan edilməsi nəzərdə tutulur. Təklifdən istifadə edənlər cinayət təqibinə düşməyəcəklər. Maliyyə, vergi və gömrük siyasəti komitəsinin sədri Daniel Getmansevin qeyd etdiyi kimi, baza dərəcəsi 5 faiz təşkil edəcək, xaricdəki aktivlər üçün faiz dərəcəsi 9 faiz, nağd pullar üçün isə 18 faiz səviyyəsində müəyyən ediləcək.
Zelenskiy çıxışı zamanı yeni fəlsəfənin tətbiqinə çağırış edib o, ölkənin buna hazır olduğunu bəyan edib. Onun fikrincə, bu, ölkənin qurulmasına yanaşmanı kökündən dəyişdirəcək.
Bundan əvvəl Ukraynanın baş naziri Denis Şmıqal gələcəkdə pensiyanın ləğv olunması ehtimalı ilə bağlı xəbərdarlıq etmişdi. Onun fikrincə, 15 ildən sonra büdcədə bunun üçün vəsaitlər olmayacaq. Bu problemi həll etməkdən ötrü vergiləri iki dəfə artırmaq lazım gələcək ki, buna da şirkətlər getmək istəmirlər.
Hazırda dünya ölkələri üzrə yeni növ koronavirus (COVID-19) infeksiyasına yoluxmada artım müşahidə olunmaqdadır. Ümumdünya Səhiyyə Təşkilatının məlumatına əsasən, bu günədək dünyada 42 milyondan çox şəxs COVID-19 infeksiyasına yoluxmuş, 1 milyondan çox insan isə bu xəstəlikdən vəfat edib.
Bestanın işində müəssisənin balansının təkcə vertikallar üzrə deyil, həm də horizontallar üzrə aydın bölgüsü müşahidə olunur.
Taxta dollarların həqiqiliyi Amerika Birləşmiş Ştatları Ticarət palatasının nümayəndələrinin imzaları ilə təsdiq edilmişdi. Güman edilirdi ki, bu pul nişanları müvəqqəti tədavüldə olacaq. Bu müddət isə 1933-cü il yanvar ayının 1-də bitirdi, bundan sonra hokumət onları ABŞ-ın adi dollarlarına çevirəcəkdi. Yəqin ki, hökumət öz vədlərini yerinə yetirəcəkdi. Amma nədənsə, pul əvəz edicilərini dəyişməyə heç kim tələsmirdi. Bundan başqa, Tenino şəhərinin taxta dollarları ölkənin hər yerindən olan çoxsaylı kolleksiyaçılar üçün əsl ov obyektinə çevrilmişdi. Rəsmi məlumatlara görə, şəhərdə təxminən 10 000 dollar ümumi məbləğində pul nişanları buraxılıb. Mübadilə üçün isə onların yalnız kiçik hissəsi təhvil verilib.