Blog Full - Muhasibat.Az

Oxunma sayı: 133. 712

26 Avq 2020

Filter sonrası sıra nömrələrinin avtomatik yenilənməsi

by | posted in: Excel, Xəbər | 0

Filter sonrası sıra nömrələri

Böyük məlumat bazası ilə işlədiyimiz zaman filterdən tez-tez istifadə edirik. Filter vasitəsilə müəyyən kriteriyaya əsasən filterlənmiş yeni siyahı əldə etdiyimiz zaman, sıra nömrələrinin ilkin siyahıdakı sıra nömrələri olduğunu görürük.

Məsələn, yuxarıdakı siyahıda maaşları 900-dan yuxarı olan satış nümayəndələri filterlənib. Amma fikir versək görəcəyik ki, onların sıra nömrələri ilkin siyahıdakı sıra nömrələri olaraq qalıb, yəni filterlənmiş yeni siyahıda 1, 2, 3, 4, 5 … olaraq davam etmir. Bu yazıda məhz bu problemi aradan qaldırmanın yollarını axtaracağıq.

Bu problemi həll etmək, yəni filterlənmiş hər yeni siyahının sıra nömrələri ilə davam etməsini əldə etmək üçün AGGREGATE funksiyasından istifadə edəcəyik.

Sıra nömrələri olan yerə yazmalı olduğumuz formul belə olacaqdır.

Funksiya əsas 3 komponentdən ibarətdir:

Function num – əməliyyatlar siyahısı isə aşağıdakı kimidir:

Biz sıra nömrələrini o siyahıdakı dəyərlərin sayına əsasən hesablanmalı olduğu məntiqi ilə 3 – COUNTA seçirik.

Options – Bu, filterləmə sonrasında nəzərə alınacaq dəyərləri süzgəcdən keçirməyə yarayır. Əgər filtersonrası xəta mesajlı, gizlədilmiş heç bir xananın nəticəyə təsir etməsini istəmiriksə, o halda burda da 3-cü variantı seçməliyik.

Array – Hər sətrə qədər olan diapazon.

Yuxarıdakı screenshot göstərir ki, birinci sətirdə D3:D3 olaraq daxil edib, ilk D3 xanasına $$ işarələrini əlavə etdikdən sonra, həmin xanadakı formulu kopyalayıb aşağıdakı xanalara yapışdırdığımız zaman, $ olan xana hər zaman stabil qalacaqdır. Bu isə, hər sətirdəki diapazonun aşağı düşdükcə genişlənməsinə gətirib çıxaracaqdır.

Formul olan faylı əlavədən yükləyə bilərsiniz.

Faylı yükləyin: Filter sonrası sıralama

Müəllif: Elçin Xəlilov

Bax:

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

26 Avq 2020

Sığortaya görə ödənilmiş vəsaitin gəlir vergisinə cəlb edilməsi

by | posted in: Vergi, Xəbər | 0

Vergi Məcəlləsinin 102.1.8-ci maddəsinə əsasən, sığorta hadisəsi baş verdikdə sığorta olunanın və faydalanan şəxsin həyatına, habelə onun əmlakına və ya əmlak mənafelərinə dəymiş zərərin əvəzini ödəmək üçün pul və ya natura şəklində ödənilmiş vəsait, həmçinin işəgötürən tərəfindən ödənilən bütün növ icbari sığorta və könüllü tibbi sığorta haqları, 3 ildən az olmayan müddətə bağlanan müqavilə ilə həyatın yığım sığortası və pensiya sığortası üzrə işəgötürənin sığortaolunanın vergiyə cəlb olunan gəlirlərinin 50 faizindən çox olmayan hissəsindən Azərbaycan Respublikasının sığortaçılarına ödədikləri sığorta haqları, həyatın yığım sığortası və pensiya sığortası üzrə müqavilənin qüvvəyə mindiyi andan etibarən 3 illik müddət keçdikdən sonra sığorta olunana və faydalanan şəxsə ödənilən hər hansı məbləğlər gəlir vergisindən azaddır. Mövzunu iqtisadçı ekspert İsmayıl Bağırov şərh edir.

Vergi Məcəlləsinin bu maddəsinin tətbiqinin əsas məqsədi fiziki şəxslərin sığorta hadisəsinə görə aldıqları vəsaitlərə və onun adından ödənilən sığorta haqlarına görə gəlir vergisi hesablandıqda azadolma məbləğinin tətbiqi qaydasını müəyyən etməkdir. Belə ki, Vergi Məcəlləsinin 102.1.8-ci maddəsinin tərkibində sığorta məbləğinin azad olması üçün üç hal mövcuddur.

1. Sığorta hadisəsi baş verdikdə sığorta olunanın və faydalanan şəxsin həyatına, habelə onun əmlakına və ya əmlak mənafelərinə dəymiş zərərin əvəzini ödəmək üçün pul və ya natura şəklində ödənilmiş vəsaitlər və işəgötürən tərəfindən işçinin adından ödənilən bütün növ icbari sığorta və könüllü tibbi sığorta haqları gəlir vergisindən azaddır.

Misal. Fiziki şəxs sığortalatdığı şəxsi avtomobili üçün 1.200 manat sığorta haqqı ödəmişdir. Baş vermiş qəza nəticəsində avtomobilə dəymiş zərərə görə sığorta təşkilatı fiziki şəxsə (sığorta olunana) 20.000 manat sığorta ödənişi vermişdir. Bu halda fiziki şəxsin aldığı sığorta ödənişi gəlir vergisinə cəlb olunmur.

2. İşəgötürən tərəfindən Azərbaycan Respublikasının sığortaçılarına işçinin adından ödənilən 3 ildən az olmayan müddətə bağlanan müqavilə ilə həyatın yığım sığortası və pensiya sığortasının işçinin vergiyə cəlb olunan gəlirlərinin 50 faizindən çox olmayan hissəsi qədər sığorta haqları gəlir vergisindən azaddır.

Misal. Tutaq ki, müəssisənin işçisinin vergiyə cəlb olunan gəlirləri 400 manatdır. Müəssisə həmən işçini 3 il müddətinə yerli sığorta təşkilatında həyatın yığım sığortası üzrə sığortalamış və 500 manat sığorta haqqı ödəmişdir.

Vergi Məcəlləsinin 98.2.5-ci maddəsinə əsasən, müəssisənin işçiyə görə ödədiyi 500 manat sığorta haqqı işçinin muzdlu işdən gəliri hesab olunur, 102.1.8-ci maddədə is göstərilir ki, ödənmiş sığorta haqqının işçinin vergiyə cəlb olunan gəlirlərinin 50 faizindən çox olmayan hissəsi, yəni 200 manatı (400 x 50% = 200) gəlir vergisindən azaddır. Əgər fiziki şəxs xarici sığorta təşkilatında 3 ildən az olmayan müddətə həyatın yığım sığortası müqaviləsi bağlamış olsa idi, bu halda müəssisənin işçiyə görə xarici sığorta təşkilatına həyatın yığım sığortası üzrə ödədiyi 500 manat sığorta haqqı vergidən azad olmadığı üçün işçinin vergiyə cəlb olunan gəlirinə əlavə olunacaq və 900 manat (400 + 500 = 900 manat) məbləğ gəlir vergisinə cəlb olunacaqdı.

3. Həyatın yığım sığortası və pensiya sığortası üzrə müqavilənin qüvvəyə mindiyi andan etibarən 3 illik müddət keçdikdən sonra sığorta olunana və faydalanan şəxsə ödənilən bütün növ sığorta ödənişləri gəlir vergisindən azaddır.

Misal. Tutaq ki, fiziki şəxs yerli sığorta təşkilatı ilə 3 il müddətinə həyatın yığım sığortası müqaviləsi bağlamış və 400 manat sığorta haqqı ödəmişdir. Müqavilə şərtlərinə əsasən sığorta müddəti ərzində sığorta hadisəsi baş verməzsə, sığortalı 3 il müddəti başa çatdıqdan sonra 2.300 manat sığorta ödənişi alacaqdır. Fərz edək ki, sığorta dövrü başa çatmış, heç bir hadisə baş verməmişdir. Bu halda sığortalıya ödənilmiş 2.300 manat sığorta ödənişi 102.1.8-ci maddəyə əsasən gəlir vergisindən azaddır. Əgər fiziki şəxs yerli sığorta təşkilatı ilə 3 ildən az olan müddətə, məsələn, 2 il müddətinə həyatın yığım sığortası müqaviləsi bağlamış olsa idi, bu halda sığorta şirkətinin sığortalıya ödəniləsi 2.300 manat məbləğdən ödəmə mənbəyində 190 manat ((2.300 – 400) x 10% = 190 manat) gəlir vergisi tutmalı idi.

Qeyd edək ki, Vergi Məcəlləsinin 102.1.8-ci maddəsində nəzərdə tutulan 3 ildən az olmayan müddətə bağlanan müqavilə ilə həyatın yığım sığortası və pensiya sığortası üzrə işəgötürənin sığortaolunanın vergiyə cəlb olunan gəlirlərinin 50 faizindən çox olmayan hissəsindən Azərbaycan Respublikasının sığortaçılarına ödədikləri sığorta haqlarına görə güzəşt hesablanarkən işçinin əməkhaqqı deyil, vergi tutulan gəliri nəzərə alınır.

Mənbə: vergiler.az

Bax:

Ezamiyyədə olan işçinin maaşının hesablanması

İşəgötürən işçini ixtisar etdiyi halda müavinət

Xarici valyutada nizamnamə kapitalı

İcarəyə götürülmüş əsas vəsaitlərə təmir xərclərinin hesablanması

Bu halda qeyri-rezidentin ödədiyi məbləğ ödəmə mənbəyində vergiyə düşürmü?

Obyekt valideynin adına olduqda icarə müqaviləsi bağlanılmalıdır?

Yararsız malların uçotdan silinməsi gəlirdən çıxılır?

VÖEN-i olmayan şəxsdən mal aldıqda onu necə rəsmiləşdirməliyik?

Qonorardan sosial sığorta haqqı hesablanmalıdır?

İşçinin əmək haqqından işəgötürən tərəfindən həyata keçirilən tutulmalar hansılardır?

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

25 Avq 2020

İnventarlaşdırma: tarix və müasirlik (I hissə)

by | posted in: Xəbər | 0

İnventarlaşdırma mühasibat uçotu metodu kimi / I hissə

İnventarlaşdırma müəssisənin iqtisadi gücünü müəyyən etməyə imkan verir. L. I. Gombert

İnventarlaşdırma – mühasib işinin ayrılmaz hissəsidir. Nə vaxtsa bu uçot işinin yeganə üsulu olub. Zamanla onun rolu dəyişildi, amma, o, yox ola bilmədi.

“İnventarlaşdırma” nisbətən yeni sözdür. Rus dilində o, yüz ildən də az müddətdə mövcuddur. Belə hesab olunur ki, o, 1931-ci ildə “EA-nın xəbərləri” jurnalının 8-ci sayında işıq üzü görüb, “inventarlaşdırmaq” feli isə daha gec – 1935-ci ildə peyda olub. Ancaq, bu sözlərin meydana gəldiyi ismin özü, “inventar” sözü isə çox köhnədir və ən azından 1713-cü ilə aiddir. İlkin olaraq o, inventarium və inventariy formasında mövcud olub. Lakin, sonradan alman versiyası – inventar qələbə qazanmışdı.

Söz latın dilindən yaranıb ki, orada inventar və ya inventarium “qeydə almaq” mənasını verirdi. İndi isə o, “əşyaların məcmusu” mənasında işlənir. Bir çox latın sözləri kimi “inventar” da müxtəlif dillər üzrə uzun səyahətə çıxmış, sonda alman dilindən bizim dilə də keçmişdir.

Müasir zamanda inventarlaşdırma artıq söz deyil, mühasibat uçotu metodunun bir elementidir. Bu çox qədim bir metoddur. İstənilən uçot işi inventarlaşdırmadan, yəni, kiməsə mənsub olan əmlakın qeydə alınmasından başlanır. Həm fərd olaraq insanlar, həm də dövlət həmişə özəl təsərrüfatın və ya ölkənin resurslarının çoxalıb və ya azalmasını öyrənmək üçün dəyərlərin yenidən hesablanmasını həyata keçirmişlər.

Artıq Qədim Misirdə (e.ə. 3400-2980-cu illər) iki ildən bir bütün ölkə üzrə tam inventarlaşdırma həyata keçirilirdi. Onlar mümkün olan hər şeyi qeydə alırdılar, çünki vətəndaşların əmlakının da onların mülkiyyətində olduğuna baxmayaraq, hər şeyin sahibinin firon olduğuna inanılırdı. Əvvəlcə inventarlaşdırma informasiya xarakteri daşıyırdı. Mülkiyyətçi sadəcə öz mülkiyyətində nələrin olduğunu bilmək istəyirdi. Zamanla isə bu nəzarətedici xarakter aldı: bütün əmlak konkret insanlar arasında bölüşdürülürdü. Bütün daxilolmalar və verilmələr üçün cari uçot tətbiq edilirdi.

Dövri olaraq bu uçotun məlumatları faktiki olanlarla müqayisə edilirdi: belə deyək, uçotda iki öküz göstərilirdi, sahədə isə üç öküz otlayırdı. Deməli, məsul insan – çoban sahibkarın hesabına qeydə alınmamış öküzü yemləyirdi, üç öküzə çəkilən məsrəflər isə iki öküzün ayağına yazılırdı. Bəs, əgər çöldə iki öküzün yerinə biri otlayırdısa, deməli, çobanın təqsiri üzündən əmlak itkisinə yol verilmişdi.

Və çox uzaq keçmişdə belə adamlar ən başlıca olanı başa düşmüşdülər: həm artıq olanlar, həm də əskik gələnlər – bu böyük xətadır və buna yol verən şəxs amansızcasına cəzalandırılırdı. Ən müxtəlif tərbiyəedici tədbirlərdən istifadə olunurdu: ağac və ya daşla döyülmə, müxtəlif əzaların kəsilməsi: məsələn əlin kəsilməsi və belə bir çoban və ya anbar müdiri cəmiyyət tərəfindən nifrətlə qarşılanırdı. Nəhayət, edam etmək yolu ilə cəmiyyəti bu şikəstdən xilas da edə bilərdilər ki, bu həm də həmin şəxslərin qidalanmasına yönələn xərclərin ortadan qalxmasını təmin edirdi.

Əvvəllər yalnız natural inventarlaşdırma olub. O, uçot obyektlərinin mövcudluğunu müəyyənləşdirməyə imkan verirdi. Lakin onların ümumi dəyərini müəyyənləşdirmirdi. Bu Qədim Şərqdə (Misir, Babilistan, Fələstin və digər) uzun zaman pulun olmaması ilə bağlı idi. Sikkə pullar yalnız e.ə. VII əsrdə Qədim Yunanıstanda ortaya çıxacaqdı və o zaman bu özü ilə başqa bir problem ortaya çıxaracaqdı: inventarın dəyərləndirilməsi. Uçotda üç öküz qeydə alınıb, amma, öküzlər müxtəlif olur: yaxşılar və eləcə də yaxşı olmayanlar. Bax, indi onları pul dəyərinə çevirmək lazımdır. İki öküzün olması mühüm deyil, vacib olan onların dəyəridir, deyək ki, 200 drahma.

II hissəyə nəzər yetirmək üçün keçidə daxil olun

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

25 Avq 2020

Almaniyada dördgünlük iş həftəsinə keçid üzərində düşünürlər

by | posted in: Xəbər | 0

Almaniyada dördgünlük iş həftəsi

Almaniyanın əmək naziri Hubertus Hayl əmindir ki, iş həftəsinin dörd günə qədər qısaldılması, koronavirus pandemiyası səbəbindən ortaya çıxan böhranı aradan qaldırmağa kömək edə bilər. Bu haqda Sueddeutsche Zeitung qəzeti məlumat verib.

Bundan əvvəl isə IG Metall sənaye həmkarlar ittifaqının rəhbəri Yorg Hofman yeni iş rejiminə keçid barədə düşünməyi təklif etmişdi, çünki bu, “avtomobil sənayesi kimi sektorlarda struktur dəyişikliklərinə cavab” ola bilər və iş yerlərini saxlamağa imkan verə bilərdi.

Hayl hesab edir ki, əmək haqqının qismən kompensasiyası ilə iş vaxtının azaldılması böhranla mübarizə məsələsində əlverişli tədbirdir. Amma Almaniyanın iqtsadi tədqiqatlar institutunun (DIW) prezidenti Marsel Fratsşer qeyd edib ki, onun fikrincə “dördgünlüyün” tətbiqi mümkündür. Lakin bu zaman əmək haqqı kompensasiya edilməməlidir.

İkinci rübdə ölkənin ÜDM-i koronavirus pandemiyası səbəbi İlə əvvəlki rübə nisbətən 10,1 faiz aşağı düşüb. İşsizlik isə iyul ayında 6,4 faiz səviyyəsində qalıbdır.

Bir müddət əvvəl bəzi ekspertlər koronovirus pandemiyasına görə Rusiyada da dördgünlük iş həftəsi tətbiqini mümkün addımlardan biri kimi qiymətləndirmişdilər. Hələ ötən il Rusiya Əmək nazirliyi tərəfindən qeyd olunmuşdu ki, belə bir təşəbbüs işçilərin sağlamlığının qorunmasına və onların həyat səviyyəsinin yüksəldilməsinə yardım edə bilər.

Lakin Rusiya hökuməti yanında maliyyə universitetinin prorektoru Aleksandr Safonov bildirmişdi ki, dördgünlük iş həftəsinin tətbiqi rusların gəlirlərinin və əmək məhsuldarlığının azalmasına səbəb ola bilər. Həmçinin əlavə etmişdi ki, bu da Rusiya iqtisadiyyatının rəqabətqabiliyyətliliyinə mənfi təsir göstərəcək.