Blog Full

Vergi və korporativ hüququn analizi

Təlim kimlər üçündür?

1. Mühasib və baş mühasiblər
2. Vergi müşavirləri və konsultantlar
3. Biznes və maliyyə direktorları
4. Hüquqşünaslar (xüsusilə kommersiya hüququ üzrə)
5. Startap sahibləri və sahibkarlar və digər maraqlanan şəxslər

Təlimin əsas faydaları:

• Vergi nəzarəti üzrə praktiki biliklər:
  • Səyyar və kameral vergi yoxlamalarının tənzimlənməsi, hüquqi və praktiki aspektləri öyrənilir.
• Hüquqi və inzibati biliklərin artırılması:
  • Kommersiya hüquqi şəxslərin qeydiyyatı, filial və nümayəndəlik prosessləri, yaranan problemlərin inzibati qaydada həlli yolları öyrədilir.
• Riskli vergi ödəyicisi və vergi optimizasiyası:
  • Riskli vergi ödəyicisi meyarları, risklərdən azad olma və düzgün vergi strategiyası qurma bacarıqları qazandırılır.
• Praktiki və maliyyə yönümlü bacarıqlar:
  • Nizamnamə kapitalının artırılması (pul və əmlak yolu ilə), bank hesablarına sərəncam qoyulması və yazışmaların aparılması kimi praktik məsələlər öyrədilir.
• Operativ təhlil və vergi yoxlamaları:
  • Xronometraj metodu və operativ vergi nəzarəti kimi real iş proseslərinə dair hüquqi və vergi analiz bacarıqları inkişaf etdirilir.
• Peşəkar əlaqələrin və qərarvermənin gücləndirilməsi:
  • Mühasiblər, hüquqşünaslar və biznes rəhbərləri üçün praktiki nümunələr və situasiyalarla qərarvermə bacarığı artırılır.

Təlimçi: Ziyafət Qarayeva – Hüquqşünas (Vergi və Korporativ Hüquq üzrə Mütəxəssis)

Ziyafət Qarayeva, vergi və korporativ hüquq sahəsində geniş təcrübəyə malik hüquqşünasdır. Dövlət Vergi Xidmətində (DVT) 10 ildən artıq müddət ərzində mütəxəssis və müşavir vəzifələrində çalışmış, vergi nəzarəti, vergi mübahisələri və kommersiya hüququ sahələrində dərin biliklərə sahib olmuşdur. Hazırda vergi və korporativ hüquq üzrə müstəqil mütəxəssis olaraq fəaliyyət göstərir.

Ziyafət Qarayeva, həmçinin müxtəlif təlimlər və seminarlar keçirərək vergi və hüquq sahəsindəki biliklərini paylaşır, hüquqi təcrübəsini peşəkarlarla bölüşür. Onun təqdimatları vergi nəzarəti, kommersiya hüququ və risk idarəçiliyi sahələrində praktiki yanaşmalar təqdim edir.

Linkedin profili: https://www.linkedin.com/in/ziyafet-garayeva-a0419a14a/

Təlim mövzuları: 

1. Vergi ödəyicilərinə nəzarət tədbirləri (səyyar və kameral vergi nəzarət tədbirlərinin tənzimlənməsi)
2. ⁠Kommersiya hüquqi şəxsin qeydiyyatı və qeydiyyat zamanı yaranan problemlərin inzibati qaydada həlli qaydası
3. ⁠Operativ vergi nəzarəti və xronometraj metodu ilə müşahidənin aparılmasının vergi aspektindən hüquqi analizi
4. ⁠Kommersiya hüquqi şəxsin nizamnamə kapitalının artırılması ( əmlak və pul şəkilində)
5. ⁠Riskli vergi ödəyiciləri meyarları, riskli vergi ödəyicisindən azad olunmaq qaydaları
6. ⁠Nümayəndəlik və filial qeydiyyatı prosessləri
7. ⁠Vergi ödəyiciləri ilə yazışmalar
8. Bank hesablarına serancam qoyulmağı və sərəncamın növləri haqqında

Təlim sayı və vaxtı: Hər təlim 2 saat, həftədə 2 dəfə

Kurslara qoşulmaq və ya ödəniş, başlama tarixi və s. haqda məlumat almaq üçün müvafiq linkdən qeydiyyatdan keçə bilərsiniz. Ən qısa zamanda əməkdaşlarımız sizə geri dönüş edəcəklər: https://crmform.azgroup.az/

Əlaqə:

📞+994 12 310 05 50

📱+994 50 209 34 72

Ünvan: Caspian Plaza

Yeni ideyaları, böyük hədəfləri olan kiçik sahibkarlar, artıq arzularınız əlçatandır.  Biznesimi necə böyüdüm? – sualı sizi də düşündürürsə Birbank Biznes-in bu təklifindən mütləq yararlanın. Bunun üçün sadəcə Birbank Biznes mobil tətbiqinə daxil olun və cəmi bir neçə kliklə pulunuz hesabınızda olsun.

Belə ki, Birbank Biznes, kredit götürmək və böyük planlarını vaxt itirmədən reallaşdırmaq istəyənlər üçün sərfəli şərtlərlə yeni kampaniyaya start verir. 31oktyabr tarixinədək bankdan mikro kredit alan müştərilər hər 10 000 manat kredit məbəği üçün cəmi 350 manat aylıq ödəniş edirlər.

Kampaniya Birbank Biznes mobil tətbiqindən rəsmiləşdirilən kreditlərə şamil edilir. Üstəlik  də heç bir komissiya ödəmədən.

Sifariş üçün: https://www.b-b.az/kqss

Sahibkarlığın inkişafına önəm verən Birbank Biznes Kapital Bank-ın əmtəə nişanı olaraq həm sahibkarların, həm də onların bizneslərinin inkişafına dəstək olur, biznes sahiblərinə innovativ və rahat məhsullar təqdim edir. Birbank Biznes müştərilərində suallar yaranarsa, onlara istənilən vaxt canlı çat vasitəsilə də dəstək göstərilir. Sahibkarlara vaxta qənaət etmək imkanı verən Birbank Biznes sistemi haqqında ətraflı məlumat üçün https://birbank.business/ saytına keçid edin və ya 896 məlumat mərkəzinə zəng edin.

2025-ci ildə iqtisadiyyat üzrə Nobel mükafatı laureatları kimlərdir?

İsveç Kral Elmlər Akademiyası yanında Nobel Mükafatı Komitəsi tərəfindən 2025-ci il üçün Alfred Nobelin xatirəsinə İqtisadi Elmlər üzrə “Sveriges Riksbank” mükafatının laureatları məlum olub.

“Nobelprize.org”a istinadən xəbər verilir ki, Joel Mokir, Filippe Aghion və Peter Houitt sözügedən sahə üzrə laureatlar elan edilib.

Onlar bu mükafata niyə layiq görülüblər?

Joel Mokir, Filippe Aghion və Peter Houittə “innovasiya əsaslı iqtisadi artımı izah etdiklərinə görə” mükafat təqdim edilib.

Mükafatın yarısı Joel Mokirə “texnoloji tərəqqi vasitəsilə davamlı artımın ilkin şərtlərini müəyyən etdiyinə görə”, digər yarısı isə Filippe Aghion və Peter Houittə “yaradıcı dağıdılma (creative destruction) vasitəsilə davamlı artım nəzəriyyəsinə görə” birgə verilir.

2024-cü ildə iqtisadiyyat üzrə Nobel mükafatına kimlər layiq görülmüşdü?

Xatırladaq ki, ötən il Nobelə Daron Əcəmoğlu, Saymon Conson və Ceyms A.Robinson sözügedən sahə üzrə 2024-cü ilin laureatları elan edilib.

Mənbə: apa.az

Aksiz və əlavə dəyər vergisi siyasətində dəyişikliklər ediləcək.

Maliyyə Nazirliyi tərəfindən hazırlanan 2026-2029-cu illəri əhatə edən Ortamüddətli Xərclər Çərçivəsində əksini tapıb.

Sənədə əsasən 2026-2029-cu illərdə sahibkarlıq fəaliyyətinin dəstəklənməsi və vergi yükünün azaldılması, o cümlədən neft-qaz sahəsində fəaliyyəti olmayan və qeyri-dövlət sektoruna aid edilən vergi ödəyicilərinin vergi yükünün optimallaşdırılması, nağdsız ödənişlərin stimullaşdırılması, kənd təsərrüfatı istehsalçılarına dəstəyin artırılması, vergi güzəştlərinin əhatə dairəsinin genişləndirilməsi, həmçinin aksiz və əlavə dəyər vergisi siyasətində dəyişikliklərin aparılması nəzərdə tutulub.

Balıqçılıq sahəsində dəstək mexanizmləri tətbiq ediləcək

Sənəddə həmçinin, əlverişli investisiya mühitinin yaradılması, xüsusilə balıqçılıq sahəsində dəstək mexanizmlərinin tətbiqi, dövlət-özəl tərəfdaşlığı çərçivəsində yerli istehsalın stimullaşdırılması, eləcə də daxildə istehsal olunan avtomobillərin satışına və onların idxalına dair vergi güzəştlərinin təkmilləşdirilməsi tədbirləri görüləcək.

Azad edilmiş ərazilərdə fəaliyyət göstərən subyektlərin rezidentlik statusu tənzimlənəcək

Eyni zamanda vergi və gömrük sahəsində inzibatçılığın təkmilləşdirilməsi, bu çərçivədə iqtisadi fəaliyyət sahələri üzrə təmir və amortizasiya xərclərinin uçotu mexanizminin təkmilləşdirilməsi, güzəşt mexanizmlərinin optimallaşdırılması, eləcədə işğaldan azad edilmiş ərazilərdə fəaliyyət göstərən təsərrüfat subyektlərinin rezidentlik statusunun tənzimlənməsi və müvafiq güzəştlərdən yararlanmasının təmin olunması tədbirləri görüləcək.

Mənbə: apa.az