Blog Full - Muhasibat.Az

Oxunma sayı: 175. 544

21 İyn 2020

Mühasib olmaq üçün 5 səbəb

by | posted in: muhasibat, Məqalə, Xəbər | 0

Mühasib olmaq üçün 5 səbəb

Mühasib kimi karyera qurmaq bir çox insanlar üçün böyük məna kəsb edir. Siz öz yolunuzu seçərkən, məhz mühasibliyi seçməyiniz üçün ən yaxşı səbəblərdən bəzilərini sizə təqdim edəcəyik. Bu iş sizə təhlükəsizlik verir, digər işlərə nisbətən çox iş və az təhsil tələb edir. Müsbətdir, çünki müəssisələrin çoxunda mühasiblərə ehtiyac var. Siz rahat uzanıb öz istirahətinizi edə bilərsiniz, sizin yeni sənaye haqqında məlumatlar əldə edə bilməyiniz üçün kifayət qədər potensialınız var.

Nisbətən az təhsil

Siz mühasib olmaq üçün pulunuzun və vaxtınızın çox hissəsini sərf etməyə məcbur deyilsiniz. Mühasiblərin əksər hissəsi yalnız bakalavr dərəcəsinə malikdirlər. Bu təhsil 4 il müddətində davam edir, lakin istisna hallarda daha da az ola bilər. Bir mühasib kimi, siz davamlı olaraq öz biliklərinizi yeniləmək üçün təhsil kursu keçməlisiniz. Ümumiyyətlə isə, bu sahədə öz karyeranızı qurmaq üçün magistr dərəcəsini almağınıza ehtiyac yoxdur. Bu, sizin nisbətən daha gənc yaşlarda iş tapmağınıza imkan verir və öz sahələrində işə başlamaq üçün daha çox öhdəliyi olan digər insanlara nisbətən daha çox məsuliyyət tələb edir.

Başlanğıc üçün yaxşı əmək haqqı

Dünya statistikasına görə əksər mühasibat işləri iş faydaları ilə yanaşı, hər il təxminən 40,000 $ əmək haqqı ilə başlayır. Bu, nisbətən aşağı təhsil səviyyəsini nəzərə almaqla, başlamaq üçün ən ideal pillədir. Əmək Statistika Bürosunun verdiyi məlumata görə, 90% mühasib ildə 40,000 $ məvacib əldə edir və bu sahədə orta əmək haqqı ildə 60,000 $ dır. Ölkəmizdə isə bu məbləğ illik 4,000 manatdan 100,000 manatadək ola bilər.

İnkişaf üçün otaq

Mühasibat sahəsində daha böyük müştərilər üçün daha çox məsuliyyətli olmaq və daha çox iş götürmək məqsədilə xüsusi inkişaf otaqları var. Xüsusilə siz böyük bir şirkətə başlanğıc səviyyədə qoşulmusunuzsa, gələcəkdə o şirkətlə daha uğurlu əməkdaşlıqlar qura biləcəyinizdən tam əmin ola bilərsiniz. Və bu inkişaf əmək haqqında da özünü biruzə verir, sizin əmək haqqınız artmağa başlayır. Dünyada təxminən 25% mühasib ildə 80,000 $ qazanır. Mühasiblərin 10%i isə hətta 6 rəqəmli əmək haqqı əldə edir.

İş təhlükəsizliyi

Mühasiblərə yüksək tələbat var və bu da öz növbəsində gələcək illərdə biznes mühasibat xidmətlərinin başlamasına və daha çox inkişaf etməsinə səbəb olacaqdır. Hətta siz işinizi itirsəniz belə, siz öz təcrübə və bacarığınızla minlərlə belə iş tapa bilərsiniz. Biznesmenlərə və fiziki şəxslərin hər zaman mühasiblərə ehtiyacları var. Buna görə də, sizin bacarıq və təcrübələriniz hər zaman gərəkli olacaqdır.

Praktiki Büdcə Bacarıqları

Yüksək maaş alan insanların bir çoxları hələ də bilmirlər ki, öz pullarını necə idarə etsinlər. Beləliklə, öz əmək haqlarını lazımsız xərclərlə tükədirlər. Lakin bir mühasib kimi siz pulu idarə edə bilmə bacarığına sahibsiniz və öz pullarınızı xüsusi, şəxsi hesab sayəsində idarə edə bilərsiniz. Bu sizə şəxsi maliyyə məqsədlərinizə çatmaqda daha çox köməkçi olacaqdır.

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

20 İyn 2020

Ezamiyyə vərəqi olmayanlar postlardan buraxılmayacaq

by | posted in: Xəbər | 0

“Ötən həftə də sərtləşdirilmiş karantin rejimi ilə bağlı vətəndaşların rayona getməməsi üçün müraciət etmişdim”.

Bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Daxili İşlər Nazirliyinin Baş Dövlət Yol Polisi İdarəsinin (BDYPİ) ictimaiyyətlə əlaqələr şöbəsinin rəisi, polis polkovniki Kamran Əliyev bildirib.

K. Əliyev deyib ki, ancaq buna baxmayaraq, rayonlara axın olub: “Onların əksəriyyəti postlardan geri qaytarıldı. Bəziləri torpaq yolla keçməyə cəhd etdi və buna nail oldu. Artıq texniki vasitələrdən istifadə etməklə, bu kimi halların da qarşısını almağa çalışacağıq. Əgər bir postdan keçən avtomobil digər postda görünməyəcəksə, deməli, torpaq yola keçib və həmin avtomobillər, onların sürücüləri aşkarlanacaq”.

BDYPİ-nin şöbə rəisi qeyd edib ki, Nazirlər Kabinetinin qərarı ilə bir sıra xidmət sahələrinin fəaliyyətinə icazə verilib: “Bu da müəyyən sayda avtomobilin sərbəst hərəkəti deməkdir. Ümumiyyətlə, onu da deyim ki, hərəkətinə icazə verilən şəxslərin ezamiyyə vərəqi olmalıdır və ezamiyyə vərəqi olmayanlar postlardan buraxılmayacaq. Ezamiyyəyə gedənlər də avtomobildə ailə üzvlərini aparmağa cəhd etməsinlər”.

Mənbə: apa.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

20 İyn 2020

Əsas vergi nəzəriyyələri və onların müasir şərhi (6-cı hissə)

by | posted in: Vergi, Xəbər | 0

Əsas vergi nəzəriyyələri və onların müasir şərhi (6-cı hissə)

5-ci hissəyə nəzər yetirmək üçün keçidə daxil olun

Vergi nəzəriyyələri vergilərin mahiyyəti və əhəmiyyəti haqqında elmi biliklərin müəyyən sistemini, yəni, bu və ya digər təyinatlı verginin tanınmasından asılı olaraq dövlətdə vergitutma modellərinin müxtəlif variantlarını nəzərdə tutur.

Neokeyns nəzəriyyəsində vergi problemlərinə əhəmiyyətli yer verilmişdir. Belə ki, ingilis iqtisadçıları M. Fişer və N. Kaldor vergitutma obyektlərini istehlaka (bu halda istehlak edilən məhsulun son dəyərini müəyyən etməklə) və əmanətə (əmanətə görə yalnız faiz dərəcəsi ilə məhdudlaşdırmaqla) ayırmağı zəruri hesab edirdilər. Eyni zamanda, əmanətlərin təşviqi metodu və inflyasiyaya qarşı mübarizə vasitəsi kimi istehlaka vergi ideyası da buradan ortaya çıxıb. Əvvəllər istehlak mallarının alınması üçün nəzərdə tutulan pul indi ya investisiyalara, ya da əmanətlərə yönəldilə bilərdi. Bu pullar həmin büdcə siyasəti – artıq əmanətlərin götürülməsi vasitəsilə kapital qoyuluşuna çevrilə bilərdi. Uzunmüddətli qənaət artıq öz-özlüyündə gələcək iqtisadi artımın amilinə xidmət edir.

Lakin, istehsal tənəzzülü zamanı istehlak bazarında xərclər gəlirlərin azalmasından daha yavaş azalır və bununla da ajiotaj tələbinə səbəb olur. Buna görə də istehlak vergisindən daxilolmalar gəlir vergisi tutulduğundan daha yüksəkdir. Beləliklə, vergi sistemi daxili stabilləşdirici rolunu oynaya bilməz. Eyni zamanda, N. Kaldor hesab edirdi ki, malların ayrı-ayrı növləri üçün güzəşt və endirimlərdən (məsələn, gündəlik istifadə predmetlərindən) istifadə etməklə proqressiv dərəcələrlə tətbiq edilən istehlak vergisi aşağı gəlirli insanlar üçün sabit satış vergisindən daha ədalətlidir. Bundan başqa, gəlir vergisindən fərqli olaraq, bu vergiyə gələcək investisiya qoyuluşu üçün lazım olan qənaət cəlb edilmir ki, bu da onların artımını stimullaşdırır.

Hazırda iqtisadi tənzimlənmənin yeganə düzgün nəzəriyyəsi mövcud deyil. Bir çox ölkələrdə hökumətlərin praktikada tətbiq etdiyi tənzimləmə metodları üç başlıca konsepsiyanın qarşılıqlı təsiri altında baş verir: müxtəlif keyns variasiyaları, tələb iqtisadiyyatı nəzəriyyəsi və monetarizm. Neoklassik cərəyanlar daha çox dövlət tənzimlənməsi üçün nəzəri əsas kimi istifadə edilsə də, alimlər artıq bu metodları keyns cərəyanlarından ayırmırlar. Öz işlərində onların qarşılıqlı nüfuzunu getdikcə daha çox aşkar edirlər.

Tanınmış iqtisadçı P. Samuelson “İqtisadiyyat” əsərində dövlətin müəyyən israfçılığını qeyd edir. Onun fəaliyyətinin effektivliyinin artırılması üçün konkret yollar təklif edir ki, onların arasında vergilər sonuncu yer tutmur. Eyni zamanda, vergitutmada mütərəqqiliyin tərəfdarı olaraq, o, vergitutmada “Qazanc və ianələr” prinsiplərindən danışır və hesab edir ki, vergi strukturu elə olmalıdır ki, onun köməyi ilə bazarın mexanizmi ilə müəyyən edilən gəlirlər müvafiq olaraq cəmiyyətin maraqlarına uyğun olaraq yenidən bölüşdürülsün. P. Samuelsonun klassik və keyns baxışları bir-birinə sıx bağlıdır. Lakin toplanmış nəzəri təcrübəni ümumiləşdirməklə, ona dövlət tərəfindən fiskal siyasətin aparılmasına dair tövsiyələr verməsinə mane olmur. Vergitutma (bərabər, mütənasib, mütərəqqi) prinsiplərinə görə müxtəlif spesifik vergilərin xüsusiyyətlərini öyrənərək P. Samuelson müəyyən hallarda onların mümkün reqressiv nəticələrinə işarə edir: məhz bu, insanların fəaliyyətində əsas motivlərin zəifləməsinə, cəmiyyətin resurslarından istifadənin səmərəliliyinin azalmasına səbəb ola bilər.

Vergilər sahəsində dövlət siyasəti müasir iqtisadi təhlilin alət və metodlarından istifadə etməklə düşünülmüş şəkildə və balanslı olmalıdır. Eyni zamanda, ikiqat vergitutmanın pisliyini, eləcə də vergilərin köçürülməsinin mənfi təsirini də unutmaq olmaz. Vergi sistemi ümumi iqtisadi sistemin bir hissəsi olduğundan dolayı yolla, bəzi hallarda isə qiymətlərə və digər iqtisadi göstəricilərə birbaşa təsir göstərməklə, vergilərin təsirini onların mütərəqililiyi baxımından qiymətləndirmək lazımdır.

Vergilər sahəsində xarici tədqiqatlar, göründüyü kimi, konkret, tətbiqi xarakter daşıyır. Çünki onların hazırladıqları nəzəri müddəalar ənənəvi olaraq bu dövlətlərin maliyyə qanunvericiliyinin fiskal siyasətinin əsasını təşkil edir. Alimlər vergilərin mahiyyəti, iqtisadi kateqoriya kimi, obyektiv mövcudluğu və hamının razı olduğu zərurətlə bağlı deyil, onların iqtisadiyyatda oynadığı rolla bağlı mübahisələr aparırlar.

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

20 İyn 2020

Hansı biznes virus səbəbiylə sıradan çıxacaq? (6-cı hissə)

by | posted in: Xəbər | 0

Hansı biznes sıradan çıxacaq? (6-cı hissə)

5-ci hissəni oxumaq üçün keçidə daxil olun

Unikal böhran iqtisadiyyatın strukturunu yenidən quracaq: bir seqmenti öldürəcək, digərini isə yaradacaq. Yeni dünyada hansı biznes və peşələrə tələbat olacaq və hansı biznes tükənmək təhlükəsi altında qalacaq?

Telekommunikasiya

Ekspertlər yüksəliş gözlənilən sahələr sırasına telkommunikasiya sferasını da əlavə edirlər. Lazımi məhsulların istehsalı və mənzil-kommunal xidmətlər ilə yanaşı, bu sahə də mövcud böhranda qoruyucu kimi çıxış edir, Mixail Zeltser belə güman edir. “Kontenti genişləndirməklə telekommunikasiya şirkətləri əyləncə sektorunun alış tələbinin bir hissəsini – onlayn kinoteatrlar, musiqi, kitab mağazalarını ələ keçirməyə çalışacaqlar, – o, izah edir. – İnsanlar telefonlarından istifadəni dayandırmayacaqlar və əlaqəli operator xidmətlərinə xərcləri artıracaqlar”.

Səhiyyə

“Koronavirusun nümunəsində dünya təhlükə ilə üzləşdi və məlum olduğu kimi, buna hazır deyildi, – Aleksandr Baranov deyir. – Təsadüfi deyil ki, ən yaxşı səhiyyə xidmətlərinin ilk siyahısında olan bir çox ölkələr həm milyon nəfərə düşən koronavirus hallarının sayına, həm də ölüm sayına görə lider mövqedədir”.

Bir çox ölkələrdə səhiyyə sistemini zədələyən pandemiya təcrübəsinin tibbə yanaşmanı dəyişdirəcəyi və orijinal funksiyalarını bərpa edəcəyi gözlənilir. “Müasir bazar iqtisadiyyatında tibb birbaşa və ya dolayısı ilə özünü doğrultmalı və hətta gəlir gətirməli olan bir sahədir, – Mixail Xanov belə deyir. – Belə kommersiyalaşdırılmış təbabətdə az və ya çox az ödənişli seqmentlər var. Koronavirusa qarşı mübarizə prosesində çox güman ki, təbabət özünün ilkin funksiyasına – həyat qurtarmasına, xəstəliklərin profilaktikasına və sağlamlığın qorunmasına qayıtmağa başlayacaq. Müvafiq ixtisaslaşmalarda əmək haqqının müəyyən qədər artacağını gözləmək olar”.

Dövlət bununla əlaqəli nə edə bilər? “Acı təcrübəni öyrənmiş bəzi inkişaf etmiş ölkələr vətəndaşların sosial sığorta sahəsində siyasətinə yenidən baxmağa çalışacaqlar, – Mixail Zeltser söyləyir. Yəqin ki, pulsuz səhiyyənin perimetri genişlənəcəkdir. Ola bilsin ki, müxtəlif sosial qrupların nümayəndələrinə keyfiyyətli preparatlar təqdim edəcək dərman sığortası yaranacaq”, – “Etnamed” tibb şirkətinin həmsahibi Andrey Barsukov, buna ümid edir.

Lakin əsas artım digər istiqamətdə – tibbi təhlükəsizlik sahəsində gözlənir. “Pandemiya əvvəllər belə geniş miqyasda düşünülməmiş dərman və tibbi məhsullarla təminatında problemləri göstərdi, – Timur Ksyonz belə söyləyir. Maskalar, təmizləyici maddələr və digər zəruri tibbi məhsullar istehsalı çox lokallaşdırılmışdır: əksəriyyəti virusdan ilk təsirlənən Çində istehsal edilir. Sərhədlərin bağlanması və tədarükün pozulması fəlakətli nəticələrə gətirib çıxardı ki, bu da qlobal mübadilə sisteminin uğursuzluğunu və çatışmazlığını göstərdi”.

“Aydındır ki, tibbi və sanitariya təhlükəsizliyi ilə əlaqəli bütün sahələr inkişaf edəcək: fərdi mühafizə vasitələri, sanitariya, birdəfəlik əşyalar və s., – Anton Tabax belə güman edir. – Koronavirus – bu yeni Bin Ladendir. İnsanlar qorxu içindədirlər və qorxu ilə necə pul qazanacağını düşünən hər kəs, terrorçulardan müdafiənin pul qazanmasında olduğu kimi milyardlarla gəlir əldə edəcəkdir. Baxın, eyni miqyasda olan terrorçuların təhlükəsi çoxdan aradan qalxıb. Hansı səbəbdən olduğunu bilmirik: ola bilsin ki, onların maliyyələşməsini dayandırıblar. Bəlkə də onların məskənlərini yerlə-yeksan ediblər. Lakin təxminən 20 il əvvəl yaradılmış təhlükəsizlik normaları, məsələn, hava limanında çoxsaylı yoxlamaların hamısı bu gün də mövcuddur. Oxşar vəziyyət koronavirusla bağlı da yarana bilər”.

Tibbi təhlükəsizliyin məhz, hansı forma alacağını söyləmək çətindir. O, müxtəlif sahələrə toxuna bilər. Məsələn, sərnişin aviadaşımaları. “Bəlkə də insanlar bu gün itlərin uçduğu eyni qaydalar üzrə uçacaqlar, – Anton Tabax belə deyir. – Axı, heyvanların aparılmasından ötrü bilet almaq kifayət etmir, onların sağlamlığını təsdiq edən çoxsaylı digər arayışları da toplamaq lazım gəlir”.