Oxunma sayı: 139. 642
25 Okt 2018

1000 manat məvaciblə İnsan resursları üzrə menecer axtarılır

by | posted in: İş elanı, Xəbər | 0

Vəzifə: İnsan resursları üzrə menecerİnsan resursları üzrə menecer

İşəgötürən: Beynəlxalq şirkət

Əmək haqqı: 800-1000 AZN (NET)

Vəzifə təlimatları:

• AR Əmək Məcəlləsinə, əsasnaməyə və rəhbərin əmrlərinə müvafiq olaraq işçilərin işə qəbulu, başqa vəzifəyə keçirilməsi, işdən azad edilmələrinin, bütün növ məzuniyyətlərin, intizam tənbehlərinin və mükafatlandırılmaların vaxtında rəsmiləşdirilməsi və həyata keçirilməsinə nəzarət edilməsi;
• İşçilərin şəxsi işlərinin formalaşdırılması və qeydiyyatının aparılması, əmək müqavilələrinin, vəzifə təlimatlarının hazırlanması, əmək kitabçalarının müvafiq qaydada doldurulması, Elektron Hökumət Portalına daxil edilməsi, sosial sığorta şəhadətnamələrinin sifariş olunması;

Bax: 3000 manat məvaciblə Maliyyə Meneceri tələb olunur

• İşçilərə məzuniyyətlərin verilməsinin uçotunun aparılması, növbəti məzuniyyət cədvəlinin tərtibatına və məzuniyyətlərin cədvəl üzrə istifadə edilməsinə nəzarət edilməsi;
• İş vaxtının rejiminə riayyət etmək üçün gündəlik davamiyyətin qeydiyyatının aparılması; aylıq tabelin hazırlanması, tabelin maliyyə şöbəsinə təqdim edilməsi;
• Kadrlara olan tələbin müəyyənləşdirilməsi, vakansiyaların müxtəlif informasiya resurslarında yerləşdirilməsi və uyğun namizələrin seçilməsi;
• İşə qəbul və oriyentasiya planının hazırlanması, plana uyğun olaraq yeni işçinin oriyentasiya olunması, sınaq müddətində izlənməsi;
• Kadrlarla bağlı məşğulluq və digər orqanlara müvafiq hesabatların təqdim edilməsi;
• İşçi heyətinin motivasiyası üçün materialların hazırlanması;
• İşçilərin təlim ehtiyyaclarının müəyyənləşdirilməsi, illik təlim planının hazırlanması, təlim təchizatçılarının seçilməsi, təlimlərin qiymətləndirilməsi və hesabatların hazırlanması, təlimlərin sənədləşdirilməsi;
• İşçilərin əmək fəaliyyətlərinə dair arayışların və xasiyyətnamələrin hazırlanması;
• Korporativ mədəniyyətin formalaşdırlması və təkmilləşdirilməsi məqsədilə müxtəlif növ layihələr, təlimlər və proqramların hazırlanması və tətbiq edilməsi.

Bax: 1500 manat məvaciblə Auditor tələb olunur

Tələblər

• Hüquq və ya insan resursları üzrə ali təhsil (Magistr təhsili arzuolunandır);
• İnsan resurslarının idarə edilməsi sahəsində minimum 5 il təcrübə;
• Yaş həddi (35-45 yaş)

Bax: 1500 manat məvaciblə Auditor tələb olunur

Nəzəri biliklər:

– Əmək qanunvericliyi və hüquqi normativ aktlar;
– AR Əmək məcəlləsi;
– İnsan resurslarının idarə olunması, funksiyaları, prosedurları haqqında biliklər;
– Personalın qiymətləndirmə sistemi və metodları;
– Kadr uçotu, lazımi hesabatların hazırlanma qaydası;
– Sosiologiya, psixologiya və əməyin təşkilinin əsasını bilməli;
– Əməyin mühafizəsi qayda və normaları.
• Azərbaycan, Rus və İngilis dillərində sərbəst danışmalı;
• Komputerdə işləmək bacarığı (Word, Excel, Power Point, Outlook, 1C proqramı);
• Elektron Hökumət Portalı ilə yüksək səviyyədə işləmə bacarığı;
• Sənədləşdirmə və yazışma işlərini yüksək səviyyədə bacarmaq;
• Şifahi və yazılı ünsiyyət qurmaq bacarığı.

Yuxarıda qeyd olunan tələblərə uyğun namizədlər CV-lərini mövzu yerində (subject) “ İnsan resursları üzrə menecer” qeyd edərək  ünvanına göndərə bilərlər.

Mənbə: jobsearch.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
25 Okt 2018

“İdarəetmə uçotu” üzrə təlimlər təşkil edilir

by | posted in: Audit, Xəbər | 0

İdarəetmə uçotuAzərbaycan Respublikasının Auditorlar Palatası “İdarəetmə uçotu” üzrə təlimlər təşkil edir

Azərbaycan Respublikasının Auditorlar Palatası rəhbər işçilər, fərdi sahibkarlar,  mühasibatlıq və maliyyə mütəxəssisləri üçün faydalı olacaq “İdarəetmə uçotu” təlimlərinə başlamışdır. “İdarəetmə uçotu” təliminin keçirilməsində əsas məqsəd müəssisələrdə fəaliyyətin planlaşdırması və ona nəzarət edilməsi üçün lazım olan mühasibatlıq üsulları barədə bilikləri mütəxəssislərə ötürməkdir. Təlimlər ACCA-nın üzvü, “Davud Mamedov” MMC-nin direktor-auditoru Davud Məmmədov tərəfindən tədris ediləcəkdir.

Təlimin proqramı aşağıdakı kimidir:

– İdarəetmə məlumatların mahiyyəti, mənbələri və məqsədi;

– İdarəetəmə uçotunun üsulları;

– Büdcələmə;

– Standart maya dəyəri;

– Nəticələrin qiymətləndirilməsi.

Sizin 13-29 noyabr 2018-ci il tarixlərində saat 1600 – 1800-da Auditorlar Palatası tərəfindən təşkil ediləcək “İdarəetmə uçotu” üzrə xüsusiləşdirilmiş təlimdə iştirakınızdan məmnun olardıq. Təlimin proqramı ilə keçiddən tanış ola bilərsiniz.

Bax: “Kənar audit və maya dəyəri” mövzusunda təlim keçiriləcək

Təlim və bütün materiallar Azərbaycan dilində təqdim olunur. Təlimin standart müddəti 12 saatdır. Həftə ərzində 2 gün (II və IV günlər) olmaqla ödənişli əsaslarla keçiriləcəkdir. Təlimlərdə iştirak etmək istəyən şəxslər aşağıdakı sənədləri təqdim etməlidirlər:

– Kurslarda iştirak etmək üçün müəyyən olunmuş formada yazılmış ərizə;

– Şəxsiyyət vəsiqəsinin surəti.

Əlaqələndirici şəxs: Kadr hazırlığı və ictimaiyyətlə əlaqə şöbəsinin müdir müavini    Aytən Seyidəliyeva ().

Ünvan: S.Y. Bakuvi küç., 35; əlaqə telefonları: (012) 564-80-62; 055-866-44-29.

Qeydiyyat üçün son tarix: 2018-ci il 08 noyabr.

Mənbə: audit.gov.az

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün bu linkə daxil olun.

25 Okt 2018

Kölgə iqtisadiyyatının aradan qaldırılması büdcə gəlirlərinin artırılması üçün olduqca əhəmiyyətlidir

by | posted in: Vergi, Xəbər | 0

büdcə gəlirlərinin artırılmasıKölgə iqtisadiyyatının aradan qaldırılması büdcə gəlirlərinin artırılması üçün olduqca əhəmiyyətlidir.

Bu barədə Vergilər Nazirliyinin Media və Kommunikasiya Mərkəzindən AZƏRTAC-ın vergi orqanları tərəfindən kölgə iqtisadiyyatının aradan qaldırılması ilə bağlı son dövrlərdə görülən tədbirlərlə bağlı sualına cavab olaraq bildirilib.

Xatırladaq ki, Prezident İlham Əliyev Nazirlər Kabinetinin 2018-ci ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunan iclasında Azərbaycanda kölgə iqtisadiyyatının aradan qaldırılmasını vergi orqanları qarşısında əsas vəzifə kimi qoyub. “ Vergidən yayınma halları əvvəlki illərdə kütləvi xarakter daşıyırdı. Bu, əlbəttə, imkan vermirdi ki, biz öz potensialımızı tam gücü ilə işə salaq. Bu gün bu hallara son qoyulur. Bütün dövlət orqanları vergi orqanlarına kömək göstərməlidirlər. Müvafiq göstərişlər verilir. Vergidən yayınmaya son qoyulmalıdır”, – deyə Prezident bildirib.

Azərbaycanın vergi sistemində son dövrlərdə həyata keçirilən genişmiqyaslı islahatlar, qanunvericilikdə və inzibatçılıqda davamlı olaraq aparılan dəyişikliklər sahibkarlarla vergi orqanları arasında münasibətlərin yeni müstəviyə keçirilməsi, ölkədə şəffaf biznes mühitinin formalaşdırılması, vergidən yayınma ilə mübarizənin gücləndirilməsi, dövlət büdcəsi gəlirlərinin vergilər yolu ilə daha da artırılması Prezident İlham Əliyevin diqqət mərkəzindədir.

Ölkə başçısı vergi orqanları qarşısında “kölgə iqtisadiyyatı”nın aradan qaldırılması, şəffaflığın və bərabərliyin təmin edilməsi, vergi mədəniyyətinin yüksəldilməsi kimi mühüm tapşırıqlar qoyub.

“Kölgə iqtisadiyyatı”nın aradan qaldırılması olduqca vacibdir. Təkcə ona görə yox ki, bu, vergi yığımı üçün böyük potensialdır və büdcə gəlirlərinin artırılması üçün olduqca əhəmiyyətlidir. Həm də ona görə ki, qanunauyğun fəaliyyət göstərən vergiödəyicilərinin mənafeləri bu haqsız rəqabətə uduzmasın. Bu fəaliyyətin həm dövlət, həm vətəndaş üçün faydalı olmasının əsas şərti hər kəsin qanun qarşısında bərabər olmasıdır.

Vergilər Nazirliyi cari ildə biznes dövriyyələrinin şəffaflaşdırılması istiqamətində sahibkarlıq subyektləri ilə çoxsaylı görüşlər keçirib, göstərilən məsələlərin həlli, vergitutma bazasının genişləndirilməsi, biznesin açıq və şəffaf fəaliyyətinin təmin edilməsi istiqamətində çoxsaylı müzakirələr aparılıb.

Nazirlik tərəfindən vergiödəyiciləri ilə şəffaf münasibətlərin qurulmasına yönəlmiş tədbirlərin həyata keçirilməsi hesabına qeyri-neft sektorunda dövriyyələr 7,1 faiz artaraq 44 milyard manatı ötüb. Ticarətdə dövriyyə 18,4 faiz, o cümlədən pərakəndə ticarət dövriyyəsi 27,9 faiz artıb.

Qeyd edilməlidir ki, bütün bunlar sahibkarlıq subyektlərində vergi yoxlamalarının azaldılması ilə müşayiət olunub. Belə ki, 2018-ci ilin ötən dövründə səyyar vergi yoxlamalarının sayı əvvəlki dövrlə müqayisədə 3 dəfə azalıb.

Vergilər Nazirliyi ilə Dövlət Gömrük Komitəsinin fəaliyyətinin daha sıx əlaqələndirilməsi məqsədilə bu ilin aprel və iyun aylarında ölkə Prezidenti İlham Əliyev tərəfindən imzalanmış sərəncamlar böyük əhəmiyyət daşıyır. Dövlət Gömrük Komitəsi ilə birlikdə idxal-ixrac əməliyyatlarına effektiv nəzarət sisteminin qurulması istiqamətində tədbirlər həyata keçirilir. Oktyabrın 5-də hər iki qurumun keçirdiyi hesabat xarakterli birgə kollegiya iclasında ötən dövrdə görülmüş işlər, açıq qalan məsələlərin həlli yolları müzakirə edilib. Hesab edirik ki, həyata keçirilən tədbirlərin “kölgə iqtisadiyyatı”nın aradan qaldırılması ilə bağlı olduqca müsbət fiskal nəticələri olacaq.

Bir çox hallarda əməkhaqqı üzrə sosial sığorta və vergi yükünün yüksək olması sahibkarları qeyri-rəsmi əməkhaqqı ödənilməsi praktikasına sövq edir. Bu vəziyyət kölgə iqtisadiyyatının genişlənməsinin əsas səbəblərindən biridir. Qarşıdakı ildə bu məsələnin də həlli üçün müvafiq qanunverici addımlar atılacaq.

Nağdsız ödəmələrin genişləndirilməsi, vətəndaşların və biznesin nağdsız hesablaşmalar aparması istiqamətində marağının stimullaşdırılması da diqqət mərkəzindədir.

Vergiödəyicisi əmin olmalıldır ki, yalnız şəffaf fəaliyyət ona sabit gəlir və inkişaf vəd edir.

Mənbə: azertag.az

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün bu linkə daxil olun.

25 Okt 2018

Gələn il dövlət rüsumu üzrə daxilolmalar 34% artacaq

by | posted in: Xəbər | 0

dövlət rüsumu üzrə daxilolmalar2019-cu ildə dövlət rüsumu üzrə daxilolmalar 190 mln. manat nəzərdə tutulur.

Məlumat 2019-cu ilin dövlət büdcə zərfində öz əksini tapıb. Sənəddə qeyd olunub ki, bu, 2018-ci ilin proqnozu ilə müqayisədə 48 mln. manat və ya 33,8% çoxdur.

“Artımın əsas səbəbi bir sıra hüquqi hərəkətlərə görə tutulan dövlət rüsumlarının məbləğlərinin artırılması, habelə fiziki şəxslər tərəfindən minik avtomobillərinin özgəninkiləşdirilməsi haqqında müqavilələrin dövlət qeydiyyatına alınmasına, mobil cihazların qeydiyyatına alınmasına, qida təhlükəsizliyi sahəsində hüquqi hərəkətlərə görə 2018-ci ildə yeni rüsumların tətbiq edilməsinin nəzərə alınması olub”, – sənəddə vurğulanıb.

Mənbə: report.az

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün bu linkə daxil olun.

1 … 2. 087 2. 088 2. 089 2. 090 2. 091 2. 092 2. 093 … 2. 685