Blog Full - Muhasibat.Az

Oxunma sayı: 165. 769

6 Avq 2018

Kiçik və Orta Biznesin İnkişafı Agentliyi tərəfindən sahibkarlar üçün “bir pəncərə” sistemi formalaşacaq

by | posted in: Xəbər | 0

Azərbaycan Respublikasının Kiçik və Orta Biznesin İnkişafı Agentliyi sahibkarlara müasir innovasiyaları tətbiq etməklə biznesin yaradılmasının və inkişafının bütün mərhələlərində zəruri səyyar xidmətlər göstərəcək. Bu xidmətlər qurumun nəzdində yaradılacaq “KOB evləri”, “KOB dostları” şəbəkəsi və “KOB könüllüləri” vasitəsilə reallaşdırılacaq.

Bu barədə Azərbaycan Respublikasının Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov bildirib.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Onun sözlərinə görə, sahibkarlara elektron platformadakı xidmətlərdən istifadə imkanı da yaradılacaq: “Plana əsasən, yeni “E-KOB evi” portalında “Sahibkarın elektron kabineti” bölməsi və “Elektron sahibkar” sistemi “KOB e-şəbəkəsi”nə daxil edilməklə, elektron xidmətlər mərkəzləşdirilmiş dövlət informasiya sistemləri ilə inteqrasiya olunacaq. Bununla yanaşı, biz göstərilən hər bir xidməti təhlil edib qiymətləndirəcək, onların elektron formada həyata keçirilməsi üçün müvafiq proqram təminatının, informasiya sistemlərinin, məlumat bazalarının və xidmətlər reyestrinin yaradılması və təkmilləşdirilməsi ilə bağlı tədbirlər görəcəyik”.

O.Məmmədov qeyd edib ki, bu fəaliyyətlərin məntiqi nəticəsi olaraq, KOB-lar üçün “bir pəncərə” sistemi formalaşacaq. Sahibkar olmaq istəyən və ya sahibkar kimi fəaliyyət göstərən şəxslər bunun sayəsində lazım olan xidmətləri və zəruri dəstəyi vahid məkandan ala biləcəklər.

Mənbə: azertag.az

Whatsapp qrupumuza daxil olmaqla sizin üçün qaranlıq qalan suallarınıza təcili cavab ala bilərsiniz

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

6 Avq 2018

Sən niyə heç vaxt varlı olmayacaqsan?! (2-ci hissə)

by | posted in: Məqalə, Xəbər | 0

II hissə

Sən hazırda bu yazını oxuyur və düşünürsən ki, bu sənə aid deyil. Ola bilsin ki, sən maliyyə cəhətdən uğurlu birisən. Bu təkcə səninmi xidmətindir? Əminsənmi ki, bu səbəblərdən heç biri sabah səninlə pis zarafat etməyəcək?

Məqalə motivasiya-provokasiya stilində yazılıb. Müəllif beyninizdə oyanacaq “tarakanlara” görə məsuliyyət daşımır.

6. Sən özündə olanı qorumursan

Bax, soyuducunu üç il ərzində yerindən tərpətməmək nədir? Sən bunu izah et! Ritorik sualdır, cavab vermə. Xatırlayıram, həmin soyuducunu zibilliyə necə çətinliklə sürüyüb ata bildik. O, tamamilə tozun içindəydi. Axı, soyuducunu bir dəfə də olsun yerindən tərpədib, silməmişdiz. Bunda sənin təqsirin yoxdur, axı sən bunu bilmirdin! Arvadın isə həmin ağırlığı yerindən tərpədə bilməzdi.

Lakin, söylə, dərhal yeni çexol da ala bilməzdinmi? Sən aldığın yeni telefonu bir ay sonra əlindən yerə salmısan. Ekranı dəyişdirməyə pul yoxdur. İndi isə sən köhnə model telefonla gəzirsən.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

7. Sən pulunu boş yerə xərcləyirsən

Bax, nə qədər lazımsız şeylər almısan. Siqaretlər, çipsi, ucuz pivələr. Pivəyə pulu biz eyni cür xərcləyirik. Lakin, bu səndən ötrü mən majoram! Çünki, mən butılka pivəsini deyil, elə pivə bişirilən yerdəki pivədən içirəm. O, sənin içdiyin zəhrimardan beş dəfə bahadır. Olmazmı ki, az içməyə başlayasan?

8. Sən planlaşdırmırsan

Hər il yay zamanı istirahətlə bağlı problemin yaranır. Xaricə səfərə getməklə bağlı səndə yenə nəsə alınmır. Həmişə də səbəb eynidir – pul yoxdur. Nəticədə sən istirahətini bağ evində keçirirsən. Hər dəfə maaşından 5% arxaya at və səndə səfər etmək planı baş tutacaq.

9. Sən lazım olanda qənaət etmirsən.

Həqiqətən düşünürsən ki, vaxtı keçən ərzaqları aşağı qiymətlə aldıqda, heç vaxt zəhərlənməyəcəksən?

Bəs, ayaqqabı, hansı ki, sən bir mövsüm üçün alırsan. Bir həftədən sonra o, öz görünüşünü itirir və üç aydan sonra onu tullayırsan. Nədənsə başqalarında ayaqqabı daha çox gedir. Görünür, onlar daha yaxşı qulluq edirlər. Bəlkə, onlar daha keyfiyyətli ayaqqabı alırlar?

10. Sən heç nəyi dəyişmək istəmirsən

Ürəkdən etiraf et, səni hər şey təmin edir. Kasıb olmaq sənin xoşuna gəlir. Çünki sən vərdiş etdiyin kimi yaşayırsan. Sən özünün komfort zonasındasan. İstənilən dəyişikliklər isə cəhdlər tələb edir, istənilən dəyişikliklər – bunlar məlum olmayanlardır. O səbəbdən sənə nəyisə dəyişdirməkdənsə, kasıb olmaq daha asandır.

Məqalənin 1-ci hissəsini bu linkə daxil olaraq oxuya bilərsiniz

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

6 Avq 2018

Mühasib fırıldaqları (13-cü sxem)

by | posted in: muhasibat, Məqalə, Xəbər | 0

13-cü sxem.

Xeyriyyəçilik aksiyaları zamanı edilən dələduzluqlar…

İndi söz açacağımız dələduzluqlar bir qayda olaraq xeyriyyəçilik fəaliyyəti ilə məşğul olan şirkətlərdə rast gəlinir. Təmənnasız yardımlar, məlum olduğu kimi pul şəklində və ya natural formada həyata keçirilir. Vicdansız mühasib xeyriyyəçilik fəaliyyətindən də öz şəxsi mənafeyi üçün istifadə edə bilər.

Misal üçün, şirkət meyvə şirələrinin ticarəti ilə məşğul olur. Elə vaxt olur ki, müəssisənin anbarında realizə olunmayan və istifadə vaxtı ötməkdə olan məhsullar qalır. Aydın olur ki, bu məhsulların həmin partiyasını vaxtında satmaq mümkün olmayacaq, tədarükçü isə həmin malları geri qaytarmaqdan imtina edir.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Belə vəziyyətdə ən yaxşı çıxış yolu həmin məhsulları təmənnasız olaraq hansısa idarəyə, məsələn, uşaq xəstəxanasına, uşaq evinə və s. verməkdir. Uşaqlar həmin şirələri məhsulun saxlanılma müddəti bitənə kimi içib qurtara bilərlər. Bu həm də bir növ özünəməxsus reklam aksiyası olacaq – bu addımın şahidləri çox güman ki, mağazaların piştaxtalarında olan sizin mallara diqqət yetirəcəklər.

Beləliklə, müəssisə rəhbəri vaxtı ötməkdə olan şirələri hansısa uşaq evinə təmənnasız bağışlamaq istəyini öz mühasibinə bildirir və ondan bu məhsul partiyasının qiymətini dəqiqləşdirməyi xahiş edir. Mühasibin ağlına yaranan vəziyyətdən yararlanmaq fikri gəlir. O, uşaq evinin direktoru ilə şəxsi görüş barədə razılığa gəlir. Söhbət zamanı ona deyir ki, çalışdığı müəssisə dadlı və faydalı şirələri təmənnasız olaraq evsiz-eşiksiz uşaqlara paylamaq istəyir. Lakin, əvəzində “minnətdarlıq” əlaməti kimi buna görə kiməsə müəyyən miqdarda pul ödəmək lazım gələcək.

Həmçinin bax: Ən səs-küylü maliyyə qalmaqalları – Parmalat-ın iflası

Təbii ki, uşaq evinin rəhbəri belə bir sövdələşməyə qarşı çıxmır – axı, təqdim edilən məhsulların məbləği, minnətdarlıq üçün ödənilən puldan qat-qat çoxdur. Mühasiblə birlikdə onlar həmin məbləğin həcmini müəyyənləşdirirlər – bu həm konkret məbləğ və ya verilən şirələrin müəyyən hissəsi ola bilər. Məsələn, 3000 qutu şirənin 300 qutusu. Belə halda uşaq müəssisəsi 2700 qutu şirə alacaq.

Müəssisə uşaq evinə təmənnasız olaraq pul vəsaiti ilə kömək edirsə, belədə həmin məbləğdən müəyyən pay əldə etmək daha da asanlaşır. Şəxsi söhbət zamanı mühasib uşaq evinin direktoruna hesablarına köçürüləcək məbləğin miqdarını söyləyir və buna görə hardasa 10%-15% “mükafat” istəyir. Təbii ki, bu zaman mühasib həmin məbləğin şəxsən özünə çatacağını bildirmir, əksinə deyir ki, bu işin təşkili üçün kimlərəsə “hörmət etmək” lazımdır.

Bu tip dələduzluqlar əlbəttə ki, şirkətdən ötrü maddi zərər yaratmır. Belə ki, həmin məhsullar onsuz da təmənnasız olaraq verildiyindən, mühasib öz müəssisəsindən deyil, tutaq ki, həmin uşaq evinin hesabından oğurluq edir. Lakin, müsəssisə rəhbərindən xəbərsiz olaraq bu cür saxtakarlıqlara yol verən mühasib, heç şübhəsiz ki, öz şirkətinin nüfuzuna xələl gətirir.

12-ci sxemi bu linkə daxil olaraq oxuya bilərsiniz

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

6 Avq 2018

Torpaq vergisinin hesablanması və ödənilməsi qaydası

by | posted in: Vergi, Xəbər | 0

Kənd təsərrüfatı torpaqlarına görə torpaq vergisi onların təyinatı üzrə istifadə edilməsindən asılı olaraq aşağıdakı qaydada hesablanır.

Təyinatı üzrə istifadə edilən və ya irriqasiya, meliorasiya və digər aqrotexniki səbəblərdən təyinatı üzrə istifadə edilməsi mümkün olmayan kənd təsərrüfatı torpaqlarının vergi dərəcələri torpaqların təyinatı, coğrafi yerləşməsi və keyfiyyəti nəzərə alınmaqla şərti ballar əsasında torpaq sahəsinin hər bir hektarına görə hesablanır. Bir şərti balın qiyməti 6 qəpikdir (şərti ballar Nazirlər Kabineti tərəfindən müəyyən edilir).

Qeyd edilən kənd təsərrüfatı torpaqları Nazirlər Kabineti tərəfindən təsdiq edilən qayda və meyarlar əsasında müəyyən edilir.

Kənd təsərrüfatı fəaliyyəti üçün nəzərdə tutulan, lakin təyinatı üzrə istifadə olunmayan torpaqlar üzrə torpaq vergisinin dərəcəsi torpaq sahəsinin hər 100 kvadratmetrinə görə 2 manat müəyyən edilir.

Məsələn Yevlax rayonunda kənd təsərrüfatı məqsədləri üçün nəzərdə tutulan, lakin istifadə olunmayan 2 hektar torpaq sahəsinə görə torpaq vergisi aşağıdakı qaydada hesablanır:

(20,000/100) * 2 = 400 manat.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Verginin ödənilməsi müddəti

Fiziki şəxslərə torpaq vergisi torpaq sahələrinin ölçüsünə və torpaq vergisinin dərəcələrinə əsasən müvafiq ərazinin bələdiyyəsi tərəfindən hər il iyulun 1-dək hesablanılır.

Torpaq sahəsi bir neçə fiziki şəxsin mülkiyyətində və ya istifadəsində olan tikilinin altında olduqda və ya torpaq sahəsi onlara xidmət üçün ayrıldıqda, vergi onlara məxsus tikili sahələrinə mütənasib surətdə hesablanır və bələdiyyə tərəfindən hesablanmış torpaq vergisinin məbləği və ödənilmə müddəti barədə «Tədiyyə bildirişi» tərtib olunur və avqust ayının 1-dən gec olmayaraq fiziki şəxslərə çatdırılır. Torpaq vergisi fiziki şəxslər tərəfindən bərabər məbləğlərdə 15 avqust və 15 noyabr tarixlərindən gec olmayaraq müvafiq bələdiyyənin büdcəsinə ödənilir. Vergi torpağın əvvəlki sahibi tərəfindən ödənilmədiyi halda, vergi müəyyən edilmiş ödəmə vaxtına həmin torpağın sahibi tərəfindən ödənilir.

Torpağın alğı-satqısı üzrə əməliyyatın hansı tarixdə aparılmasından asılı olmayaraq, torpaq vergisi torpağın əvvəlki sahibi tərəfindən ödənilmədiyi halda, vergi həmin torpağı almış fiziki şəxs tərəfindən ödənilir. Torpağın alğı-satqısı üzrə əməliyyat 15 avqust və 15 noyabr tarixlərindən sonra aparıldıqda, torpaq vergisi torpağın əvvəlki sahibi tərəfindən ödənilir.

Misal 1. Kürdəmir rayonunun Muradxan kəndində fiziki şəxsin mülkiyyətində II keyfiyyət qrupuna aid olan 2,5 ha əkin sahəsi vardır. Azərbaycan Respublikası Nazirlər Kabinetinin 2000-ci il 29 dekabr tarixli 230 ¹-li qərarı ilə təsdiq edilmiş «Kadastr qiymət rayonları və ora daxil olan inzibati rayonlar üzrə kənd təsərrüfatı torpaqlarının təyinatı, coğrafi yerləşməsi və keyfiyyəti nəzərə alınmaqla müəyyənləşdirilmiş şərti balları»na əsasən Kürdəmir rayonuna daxil olan Aran-Şirvan kadastr qiymət rayonunun II keyfiyyət qrupu üzrə torpaqların 1 ha üçün şərti bal 75 müəyyən edilmişdir.

Bu halda fiziki şəxsin 2,5 ha torpaq sahəsinə 11,25 manat (1 ha əkin sahəsinin şərti balı 75 x 0,06 manat x 2,5 ha) torpaq vergisi hesablanır.

Misal 2. Hacıqabul rayonunun düzən torpağında fiziki şəxs 50 ha otlaq sahəsini istifadəyə götürmüşdür. Muğan-Salyan kadastr qiymət rayonu üzrə Hacıqabulun düzən torpağında 1 ha otlaq sahəsinin şərti balı 9,8 (I keyfiyyət qrupunun şərti balı 98-in 1/10 hissəsi) təşkil edir.

Bu halda fiziki şəxsə 50 ha otlaq sahəsi üçün 29,4 manat (1 ha otlaq sahəsinin şərti balı 9,8 x 0,06 manat x 50 ha) torpaq vergisi hesablanır.