Blog Full

Kapital Bank Yeni ilə özəl nağd kredit kampaniyasına start verir. 2023-cü ilin 1-30 dekabr tarixlərini əhatə edəcək kampaniya çərçivəsində nağd kredit əldə edən hər 100-cü müştəriyə kredit ödənişi üçün 100₼ məbləğ hədiyyə ediləcək.

Kampaniyadan yararlanmaq üçün həm onlayn müraciət edə, həm də sizə ən yaxın filiala yaxınlaşa bilərsiniz. Üstəlik onlayn əldə edilən kreditlərə 2%-dək endirim imkanı təqdim olunacaq. Qeyd edək ki, kampaniyadan yalnız bir dəfə yararlanmaq mümkündür.

Kampaniya haqqında ətraflı məlumat: https://kbl.az/kp1alpfe1c

Ölkənin birinci bankı olan Kapital Bank PAŞA Holding-ə daxildir və Azərbaycanda ən böyük filial şəbəkəsi, 117 filialı və 31 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün https://kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz. Nağd pul krediti sifarişi üçün — https://kbl.az/prgtk, Birbank kartı sifarişi üçün — https://kbl.az/prcrc.

Dövlət büdcəsinə olan vergi borclarının silinməsindən əldə edilən gəlir mənfəət vergisindən azad olunurmu?

İqtisadiyyat Nazirliyi yanında Dövlət Vergi Xidmətindən bildirilib ki, Vergi Məcəlləsinin 106.1.8-ci maddəsinə əsasən, müvafiq qanunvericiliyə uyğun olaraq, dövlət büdcəsinə olan vergi borclarının silinməsindən əldə edilən gəlir mənfəət vergisindən azaddır. Bu maddənin müddəaları vergilər, hesablanmış faizlər və tətbiq olunmuş maliyyə sanksiyaları üzrə vergi borclarını əhatə edir. Yerinə yetirilmə müddəti başa çatmış hər bir vergi borcuna münasibətdə sözügedən maddənin müddəası ayrılıqda tətbiq olunur.

Vergi Məcəlləsinin 78.1-ci maddəsinə əsasən, vergi öhdəliklərinin yerinə yetirilməsi ödənilməli olan vergilərin (o cümlədən cari vergi ödəmələrinin), hesablanmış faizlərin və tətbiq olunan maliyyə sanksiyalarının müəyyən edilmiş müddətlərdə və qaydada ödənilməsidir.

Eyni zamanda, müvafiq azadolma sahibkarlığın inkişafının stimullaşdırılması, əlverişli biznes mühitinin formalaşdırılması və vergi yükünün optimallaşdırılması məqsədilə qəbul edilmiş qanunvericilik sənədində silinməsi nəzərdə tutulan vergi borclarına münasibətdə tətbiq olunur. Belə sənədə “Vergi ödəyicilərinin 2017-ci ilin 1 yanvar tarixinə mövcud olan vergi borclarının tənzimlənməsi haqqında” Qanunu nümunə göstərmək olar.

Əsas: Vergi Məcəlləsinin 78-ci və 106-cı maddələri, “Vergi ödəyicilərinin 2017-ci ilin 1 yanvar tarixinə mövcud olan vergi borclarının tənzimlənməsi haqqında” Qanun

Mənbə: vergiler.az

Keyfiyyətli və təhlükəsiz xidməti ilə 6 000 000-a yaxın müştərinin seçimi olan  ölkənin birinci bankı Kapital Bank depozit məhsulu üzrə şərtləri dəyişib. Yeni qaydalara əsasən maksimal depozit AZN valyutası üzrə 12 aylıqda 9%-ə,  USD valyutası üzrə isə 36 aylıqda 3,5%-dək artırılıb.

AZN valyutası ilə depozitlərdə yeni kampaniyaya start verilib. 31 yanvar 2024-cü ilədək aktual olacaq kampaniyanın şərtlərinə əsasən müştərilər 12 aylıq 9% gəlir əldə edirlər. Depozit üçün minimum 500 manat olmaqla istənilən qədər məbləği banka əmanət etmək mümkündür. Kapital depoziti ilə yüksək faiz əldə etməklə yanaşı əmanət məbləğini minimum 100 manat məbləğində artırmaq olar. Faizlər aylıq və ya müddətin sonunda təqdim edilir. Sığortalanan məbləğin həcmi isə 100 000 manatdır.

Müştərilər üçün daha sərfəli olan yeni qaydaya əsasən USD valyutası üzrə əmanətin müddəti 12 aydan 36 ayadək müəyyən edilib. Depozit üçün minimum $500 olmaqla istənilən qədər məbləği banka əmanət etmək mümkündür. Kapital əmanəti ilə yüksək faiz əldə etməklə yanaşı əmanət məbləğini minimum $100 məbləğində artırmaq olar. Faizlər aylıq və ya müddətin sonunda təqdim edilir. Sığortalanan məbləğin həcmi isə 100 000 manat ekvivalentindədir.

Bundan başqa tezliklə Birbank mobil tətbiqində yeni başdan-başa “Rəqəmsal depozit” məhsulu istifadəyə veriləcək. Bu məhsulun əsas üstünlüyü müştərilərin kampaniya çərçivəsində 12 aylıq 9% gəlir əldə etmələri ilə yanaşı proseslərin tamamilə onlayn olmasıdır.

Nağd pulunu sərfəli və güvənilir sərmayəyə çevirmək istəyən müştərilər onlara yaradılan imkanlardan istifadə etmək üçün ən yaxın Kapital Bank filialına yaxınlaşa bilərlər. Depozit kalkulyatoru ilə faiz miqdarını asanlıqla hesablamaq mümkünür: https://kbl.az/kdpr

140 ildən çox tarixə malik olan Kapital Bank depozitlərin sərfəli və etibarlı ünvanıdır. Müştərilər ürək rahatlığı ilə əmanətlərini banka etibar edə və vəsaitlərinin dövlət səviyyəsində müəyyən edilən bütün təhlükəsizlik standartlarına uyğun şəkildə qorunduğundan əmin ola bilərlər. Şəffaf maliyyə göstəriciləri, ekosistemdəki davamlı yeri və nüfuzu, qabaqcıl dünya trendlərinə əsaslanan strateji hədəfləri və müştərilərlə qurulan səmimi bağ Kapital Bankı milyonlarla müştərinin güvəndiyi etibarlı tərəfdaşa çevirib.

Ölkənin birinci bankı olan Kapital Bank PAŞA Holding-ə daxildir və Azərbaycanda ən böyük filial şəbəkəsi, 117 filialı və 31 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün https://kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz. Nağd pul krediti sifarişi üçün — https://kbl.az/prgtk, Birbank kartı sifarişi üçün — https://kbl.az/prcrc.

Maliyyə sanksiyası və cərimələr

Azərbaycan Respublikasının Vergi Məcəlləsində maliyyə sanksiyası və cərimələr ayrı-ayrı vergi növləri üçün nəzərdə tutulmayıb, ümumidir, bütün vergilər üçün təyinatı üzrə eyni qaydada tətbiq edilir.

Digər vergilərdə olduğu kimi, mədən vergisi üzrə maliyyə sanksiyası və cərimələr aşağıdakı hallarda tətbiq edilə bilər:

• mədən vergisinin düzgün hesablanmaması (verginin azaldılması və sair);
• vergi bəyannaməsinin müəyyən olunmuş müddət ərzində təqdim edilməməsi;
• verginin vaxtında ödənilməməsi.

Maliyyə sanksiyalarının tətbiqi qaydaları Məcəllənin 57 və 58-ci maddələrində şərh edilib. Yol vergisinin timsalında bu maddələrin tətbiqi ətraflı şərh edilib. Həmin şərhlə buradan tanış ola bilərsiniz.

Hesabatın təqdim edilməməsinə görə maliyyə sanksiyası

Mədən vergisi aylıq hesablanan vergi növlərindən biridir. Hesabat ayı üzrə hesablanan vergi faydalı qazıntıların çıxarılması prosesi baş tutan ayda deyil, növbəti ayın 20-dən gec olmayaraq ödənilir. Vergi, bəyannamə təqdim edildikdən sonra hesablandığı üçün (Şəxsi Hesab Vərəqəsində bəyannamə təqdim edildikdən sonra əks etdirilir), bəyannamə də bu qeyd olunan müddət ərzində vergi orqanına təqdim edilməlidir. Əks təqdirə vergi ödəyicisinə mədən vergisi üzrə maliyyə sanksiyaları tətbiq oluna bilər.

Vergi ödəyicisi mədən vergisi bəyannaməsini heç bir əsas olmadan tələb olunan müddət ərzində göndərməsə, vergi orqanının müəyyən etdiyi qaydalara uyğun olaraq 40 (qırx) manat məbləğində maliyyə sanksiyası hesablanacaq və ödənilməsi tələb olunacaqdır. Həmçinin, mədən vergisi üzrə hər hansı öhdəlik yaranmadığı halda bu barədə müvafiq arayışı da əsas olmadan təqdim etmədikdə eyni miqdarda mədən vergisi üzrə maliyyə sanksiyası tətbiq edilir.

Vaxtında ödənilməyən vergiyə görə cərimə

Hesablanan mədən vergisi yuxarıda qeyd olunan müddətlərdə ödənilməsə, yenə də digər vergilərdə olduğu kimi ödəmə müddəti keçəndən sonra hər ötmüş günə görə ödənilməli olan vergi məbləğinin 0.1%-i miqdarında faiz hesablanır. (VM 59.1) Faizlərin hesablanması müddəti bir ildən artıq olmamalıdır.

Bizim vergi xidmətləri sizin sanksiyalardan mühafizənizdir!

Hesabatlardakı səhvə görə maliyyə sanksiyası

Mədən vergisinin ödəyicisi hesabatda göstərdiyi məlumatların onun ilkin uçot sənədlərinə uyğun olmasını təmin etməlidir. Səhv doldurulmuş bəyannaməyə görə vergi ödəyicisi dəqiqləşdirilmiş bəyannaməni tərtib etməyə borcludur.

Bilərəkdən, yaxud etinasızlıq ucbatından hesabatdakı məlumat reallığı əks etdirmirsə və bunun nəticəsində büdcəyə hesablanmalı olan vergi məbləği az göstərilibsə, vergi ödəyicisinə bununla bağlı sonradan sıxıntı yarana bilər. Beləki, qeyd etdiyimiz fakt, səyyar vergi yoxlaması zamanı aşkarlanarsa, ona yayındırılmış məbləğin yarısı qədər mədən vergisi üzrə maliyyə sanksiyası tətbiq ediləcəkdir (VM 58.1).

Nümunə 1: Müəssisə aprel ayında hasil etdiyi faydalı qazıntılarla bağlı vergi bəyannaməsini gecikdirərək may ayının 29-u təqdim etmiş, habelə hesablanmış 2000 manat vergi məbləğini iyununun 14-ü ödəmişdir.

Vergi qanunvericiliyinin belə pozuntuları üçün vergi ödəyicisinə yuxarı vergi orqanının qərarıyla hesabatı gec təqdim etdiyi üçün 40 manat maliyyə sanksiyası hesablana bilər. Bununla yanaşı mayın 20-sindən sonrakı ötmüş 24 gün üçün 48 manat məbləğində cərimə faizləri ödəməlidir.

Mədən vergisi üzrə digər sanksiyalar

Mədən vergisi ödəyicilərini pozuntulara görə yalnız maliyyə sanksiyaları deyil, qanunla müəyyən edilmiş cərimə, habelə digər islah tədbirləri də gözləyir.

Məsələn İnzibati Xətalar Məcəlləsi ilə bir sıra cərimələri diqqətinizə çatdırırıq:

• Mədən vergisi ödəyicisi 50000 AZN məbləği aşmayan məbləğdə vergini ödəməkdən yayınarsa, ona vergi məbləğinin 30%-dən başlayaraq cərimə məbləği hesablana bilər. Hesablanan cərimə maksimum vergi məbləğinin 70%-ini təşkil edə bilər (İXM maddə 246)
• Vergiləri ödəməkdən yayındıqda sizə eyni zamanda həm Vergi Məcəlləsinin 58.1-ci maddəsiylə mədən vergisi üzrə maliyyə sanksiyası, həm də inzibati cərimə tətbiq edilə bilməz.
• Mədən vergisini ödəməkdən xeyli miqdarda yayınmış olsanız Cinayət Məcəlləsi ilə sizə verginin 2-3 misli qədər cərimə, 3 ilədək müddətə azadlıqdan məhrumetməylə tətbiq edilə bilər. İslah işlərinin tətbiq edilməsi də mümkündür. Xeyli miqdar deyəndə iki yüz min manatadək miqdar nəzərdə tutulur. Təbiki bu həddin minimal məbləği əlli min manatdan başlayır (CM maddə 213).

Vergi ödəyicisinə eyni zamanda İXM üzrə cərimə və Cinayət Məcəlləsi üzrə cərimə, yaxud islah tədbiri tətbiq edilə bilməz.