Blog Full

“Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişiklik edilib.

Baş nazir Əli Əsədov bununla bağlı qərar imzalayıb.

Qərara əsasən, ölkə ərazisinə idxal olunan maya kulturaları, çörəkçilik mayaları, hazır çörəkçilik tozları gömrük rüsumundan azad edilib.

Bundan başqa, Azərbaycana gətirilən bir sıra tərəvəz bitkilərinin toxumları, balıqdan və ya xərçəngkimilərdən, molyusklardan və ya digər su onurğasızlarından narın və qaba üyüdülmüş un və qranullar, heyvanların yemlənməsi üçün həll olunan balıq məhsulları və ya digər dəniz məməli heyvanlarından məhsullar da gömrük rusumundan azad olunub.

Həmçinin qida məhsullarının sənaye istehsalı üçün istifadə edilən ətirli maddələrin qarışıqları gömrük rüsumundan azad olunub.

Qərar 2022-ci il dekabrın 31-dək qüvvədədir.

Azərbaycan Respublikası Nazirlər Kabinetinin 2017-ci il 17 noyabr tarixli 500 nömrəli Qərarı ilə təsdiq edilmiş “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişiklik edilməsi barədə

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, Azərbaycan Respublikasının Nazirlər Kabineti qərara alır:

1. Azərbaycan Respublikası Nazirlər Kabinetinin 2017-ci il 17 noyabr tarixli 500 nömrəli Qərarı (Azərbaycan Respublikasının Qanunvericilik Toplusu, 2017, No 11, maddə 2164; 2018, No 3, maddə 586, No 9, maddə 1904, No 10, maddə 2169, No 11, maddə 2427; 2019, No 1, maddə 148, No 2, maddə 332, No 4, maddələr 747, 748, 759, No 5, maddə 939, No 7, maddələr 1314, 1323, No 8, maddə 1473, No 12, maddələr 2047, 2055, 2061; 2020, No 1, maddə 84, No 2, maddələr 185, 195, 219, No 3, maddələr 345, 375, No 4, maddə 488, No 8, maddə 1130, No 10, maddə 1267; 2021, No 1, maddə 94, No 2, maddə 201, No 3, maddə 271, No 4, maddələr 392, 422, No 9, maddə 1053, No 10, maddə 1172, No 12, maddələr 1516, 1519, 1536, 1541; 2022, No 1, maddə 83; Azərbaycan Respublikası Nazirlər Kabinetinin 2022-ci il 14 mart tarixli 80 nömrəli,19 mart tarixli 104 nömrəli və 7 aprel tarixli 147 nömrəli qərarları) ilə təsdiq edilmiş “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə aşağıdakı dəyişikliklər edilsin:

1.1. 2102 10 100 0, 2102 10 310 0, 2102 10 390 0, 2102 10 9000, 2102 20 110 0, 2102 20 190 0, 2102 20 900 0, 2102 30 000 0, 2309901000,2309 90 200 0, 2309 90 310 0, 2309 90 330 0, 2309 903500,2309903900,2309 90 410 0, 2309 90 430 0, 2309 90 490 0, 2309 90 510 0, 2309 905300,2309 90 590 0, 2309 90 700 0, 2309 90 910 0, 2309 90 960 0, 3302 109000və 3507 90 900 0 alt yarımmövqelərinə aid sətirlərin “Tarif dərəcəsi (gömrük dəyərinə görə %-lə və ya ölçü vahidinə görə ABŞ dolları ilə)” sütununda “15” rəqəmləri “0” rəqəmi ilə əvəz edilsin;

1.2.1209 91 800 0 və 2301 20 000 0 alt yarımmövqelərinə aid sətirlərin “Tarif dərəcəsi (gömrük dəyərinə görə %-lə və ya ölçü vahidinə görə ABŞ dolları ilə)” sütununda “5” rəqəmi “0” rəqəmi ilə əvəz edilsin.

2. Bu Qərar 2022-ci il dekabrın 31-dək qüvvədədir.

Əli Əsədov

Azərbaycan Respublikasının Baş naziri

Bakı şəhəri,12 may 2022-ci il.

İqtisadiyyat Nazirliyi yanında Dövlət Vergi Xidməti (DVX) əmtəəsiz və riskli əməliyyatlar aparan vergi ödəyicilərinin fəaliyyətinə nəzarəti gücləndirib.

Bunu qurumun rəisi Orxan Nəzərli məlumat verib.

O, bu barədə Alman-Azərbaycan Xarici Ticarət Palatasının üzv şirkətlər üçün keçirdiyi növbəti görüşdə, “Azərbaycan iqtisadiyyatı üçün yeni çağırışlar: davamlı inkişafa xidmət edən vergi islahatları” mövzusunda çıxışı zamanı danışıb.

O. Nəzərli son illər vergi sistemində aparılan islahatlar, “kölgə iqtisadiyyatı”nın minimallaşdırılması istiqamətində həyata keçirilən siyasət, haqsız rəqabətin qarşısının alınması, əmtəəsiz və riskli əməliyyatlar aparan vergi ödəyicilərinin fəaliyyətinə nəzarətin gücləndirilməsi, leqal fəaliyyətin stimullaşdırılması mexanizmlərinin tətbiqi ilə bağlı görülən işlər barədə məlumat verib, Palata üzvlərini ortamüddətli dövr üçün vergi sisteminin inkişaf strategiyası, həyata keçirilməsi nəzərdə tutulan vergi siyasətinin əsas istiqamətləri, Dövlət Vergi Xidmətinin rəqəmsal platformasının təkmilləşdirilməsi, vergi ödəyiciləri üçün nəzərdə tutulan yeni elektron xidmətlər və rəqəmsal layihələr barədə məlumatlandırıb.

Rəhbərlik etdiyi qurumun sağlam dialoqun qurulması, qərarların qəbulunda ictimai iştirakçılığın təmin edilməsində maraqlı olduğunu vurğulayan O.Nəzərli Alman-Azərbaycan Xarici Ticarət Palatası ilə əməkdaşlığın dövlət, sahibkar və ictimaiyyət arasında dialoqa töhfə verəcəyinə əmin olduğunu bildirib.

Mənbə: report.az

ƏDV ödəyicisi olmayan fiziki şəxs xarici ölkələrin birindən xidmət alır. Bu zaman ödəmə mənbəyində 10 faiz vergi ödəyir. Bu halda həmin xidmətə görə fiziki şəxs əlavə olaraq 18 faizlik ƏDV ödəməlidirmi?

Dövlət Vergi Xidmətindən bildirilib ki, qeyri-rezidentin Azərbaycan mənbəyindən əldə olunan gəlirlərinin ödəmə mənbəyində vergiyə cəlb olunması Vergi Məcəlləsinin 125-ci maddəsi ilə, ƏDV-yə cəlb olunması isə bu Məcəllənin 169-cu maddəsi ilə tənzimlənir.

Vergi Məcəlləsinin 125.1-ci maddəsinə əsasən, qeyri-rezidentin, bu Məcəllənin 13.2.16-cı maddəsi ilə Azərbaycan mənbəyindən əldə olunan gəliri kimi müəyyən edilən və qeyri-rezidentin Azərbaycan Respublikasının ərazisindəki daimi nümayəndəliyinə aid olmayan ümumi gəlirindən ödəmə mənbəyində xərclər çıxılmadan bu maddə ilə müəyyənləşdirilmiş dərəcələrlə vergi tutulur.

Vergi Məcəlləsinin 169.5-ci maddəsinə əsasən, vergi agenti ƏDV-nin məqsədləri üçün qeydiyyatdan keçməmişdirsə, o, hesablanan vergini bu maddəyə uyğun olaraq qeyri-rezidentə ödəmə verildikdən sonra 7 gün ərzində ödəməyə və növbəti ayın 20-dək müvafiq icra hakimiyyəti orqanı tərəfindən müəyyən edilmiş formada ƏDV bəyannaməsi verməyə borcludur. Bu Məcəlləyə uyğun olaraq vergi agentinin qeyri-rezidentə ödənilməli olan məbləğ ƏDV-nin hesablanması üzrə əməliyyatları vergi agentinin ƏDV-nin məqsədləri üçün qeydiyyata alınmasına görə müəyyənləşdirilən vergi tutulan əməliyyatlarına aid edilmir. Vergi agenti qeyri-rezidentə ödənilməli olan məbləğə ƏDV-ni hesablayaraq büdcəyə ödədikdə, ödəniş sənədlərində vergini qeyri-rezidentdə ödədiyi məbləğdən hesabladığı barədə müvafiq qeyd aparmalıdır.

Əsas: Vergi Məcəlləsinin 125-ci, 150-ci, 168-ci və 169-cu maddələri.

Mənbə: vergiler.az

MMC-nin təşkilati-hüquqi formasını dəyişərkən necə qərar verilməlidir?