Vergi bəyannaməsinin təqdim olunmamasına görə maliyyə sanksiyaları
Vergi Məcəlləsinin 57.1-ci maddəsinə əsasən, bu Məcəllənin 57.1-1-ci maddəsində nəzərdə tutulan şəxslər istisna olmaqla, vergi hesabatını və ya bu Məcəllənin 16.2-ci maddəsində nəzərdə tutulmuş arayışı əsas olmadan müəyyən edilən müddətdə təqdim etməyən vergi ödəyicisinə vergi orqanının rəhbərinin (onun müavininin) qərarına əsasən, 40 manat məbləğində maliyyə sanksiyası tətbiq edilir.
İqtisadçı ekspert Anar Bayramov bildirib ki, həmin maddədə vergi hesabatı dedikdə, Vergi Məcəlləsinə müvafiq olaraq təqdim edilən vergi bəyannaməsi nəzərdə tutulur. Arayış dedikdə isə, vergi ödəyicisinin hesabat dövründə sahibkarlıq fəaliyyəti və ya digər vergi tutulan əməliyyatı olmadığı halda vergi orqanına vergi hesabatının əvəzinə, hesabatın təqdim edilməsi üçün müəyyən edilmiş müddətdən gec olmayaraq təqdim edilməli sənəd nəzərdə tutulur.
Misal 1: Vergi ödəyicisi 2020-ci ilin 3-cü rübü üzrə sadələşdirilmiş vergi bəyannaməsini 20 oktyabr 2020-ci il tarixdən gec təqdim etdiyi halda ona 40 manat məbləğində maliyyə sanksiyası tətbiq edilir.
Qeyd edək ki, vergi orqanı bəyannamə üzrə maliyyə sanksiyasını vergi hesabatının təqdim etmə günü bitən kimi tətbiq etmir. Çünki bütün vergi ödəyicilərinin kağız formada bəyannamə təqdim etmək hüququ olduğu üçün, vergi orqanı poçtun çatma müddətini gözləməlidir. Vergi ödəyicisi 20 oktyabr 2020-ci il tarixdə poçtla vergi hesabatını göndərərsə, həmin bəyannamə vergi orqanlarına 26 oktyabr 2020-ci il tarixdə çatsa da, şəxsi vərəqəyə işlənmə tarixi 20 oktyabr 2020-ci il kimi olacaq.
Misal 2: Fərdi sahibkarın 2020-ci ilin 2-ci rübü üzrə fəaliyyəti olmayıb. Ancaq o, “Muzdlu işlə əlaqədar ödəmə mənbəyində tutulan vergi, məcburi dövlət sosial sığorta, işsizlikdən sığorta və icbari tibbi sığorta haqları bəyannaməsinin (hesabatı)” arayış formasını təqdim etməyib. Bu halda vergi ödəyicisinə Vergi Məcəlləsinin 57.1-ci maddəsinə uyğun olaraq 40 manat maliyyə sanksiyası tətbiq ediləcək.
Misal 3: Mənfəət (gəlir) vergisi ödəyicisi olanlar, Vergi Məcəlləsinin 151-ci maddəsinə uyğun hər rübdən sonrakı ayın 15-ə qədər “Cari vergi ödəmələrinin hesablanması haqqında” arayış təqdim etməlidirlər. Hesab edək ki, vergi ödəyicisi 15 aprel 2020-ci il tarixinə qədər həmin arayışı təqdim etmir. Vergi orqanı vergi ödəyicisinə “Cari vergi ödəmələrinin hesablanması haqqında” arayışı təqdim etməməsinə görə maliyyə sanksiyası tətbiq etməyəcək. Çünki Vergi Məcəlləsinin 57.1-ci maddəsində qeyd edilən arayışın təqdim olunmamasına görə maliyyə sanksiyası nəzərdə tutulmayıb.
Mənbə: vergiler.az
Bax:
Vergi Məcəlləsinin 106.1.9-cu maddəsinə əsasən, müvafiq icra hakimiyyəti orqanı tərəfindən müəyyən edilmiş hallarda hüquqi şəxsin qərarı ilə onun özünün və onun tam mülkiyyətində olan rezident törəmə müəssisələrinin birinin balansından digərinin balansına əvəzsiz olaraq verilən aktivlərin dəyəri vergidən azaddır. Məcəllənin 106.1.10-cu maddəsində isə göstərilib ki, müvafiq icra hakimiyyəti orqanının qərarına əsasən, bir hüquqi şəxsin balansından əvəzsiz olaraq digər şəxsin balansına verilmiş əsas vəsaitlərin dəyəri vergidən azaddır.
Sual: Xarici ölkədə müqavilə ilə çalışan Azərbaycan vətəndaşları hansı hallarda Azərbaycanda da gəlir vergisi ödəməlidirlər?
İsveçrə frankı, Çex Respublikasının kronası, həmçinin Yeni Zelandiya dolları yüksək artım potensialı olan valyutalardır, deyə Sankt-Peterburq dövlət universitetinin iqtisadiyyat fakültəsinin kredit nəzəriyyəsi və maliyyə menecmenti kafedrasının dosenti Aleksandr Kazanskiy “Praym” agentliyi ilə söhbətində bildirib.