Oxunma sayı: 138. 437
1 İyl 2021

Keçmiş tarixə məcburi ƏDV qeydiyyatına alınmış vergi ödəyicisinin həmin dövrdə təqdim etdiyi elektron qaimə-fakturaları dəqiqləşdirməsi barədə

by | posted in: Xəbər | 0

təkrar sığorta, Qeyri-rezident, Dövlət büdcəsinin gəlirləri, ƏDV-dən azad, ƏDV qeydiyyatının ləğvi, ƏDV ödənişi, ƏDV-nin qaytarılması mexanizmi, ƏDV depozit hesabı, ƏDV ödəyicisi, ƏDV hesablanması, EDV ƏDV Müavinət məbləği Əsas məbləğKeçmiş tarixlə məcburi ƏDV qeydiyyatına alınmış vergi ödəyicisinin ƏDV qeydiyyatının qüvvəyə mindiyi tarixdən aparılan əməliyyatı ƏDV daxil olmaqla aparılan əməliyyat hesab edilir. Bu zaman ƏDV tutulan əməliyyatın dəyəri malın satış qiymətindən ƏDV çıxılmaqla müəyyən edilir.

ƏDV qeydiyyatı qüvvəyə mindikdən sonra vaxtilə təqdim edilmiş mala (işlərə, xidmətlərə) görə alıcıya verilmiş elektron qaimə-faktura “malların qaytarılması istisna olmaqla, bu Məcəllənin 163-cü maddəsinə əsasən” növündə olan elektron qaimə – faktura təqdim etməklə dəqiqləşdirilir. “Malların qaytarılması istisna olmaqla, bu Məcəllənin 163-cü maddəsinə əsasən” növündə olan elektron qaimə-faktura təqdim edildikə “Səbəb” menusundan dəqiqləşdirilmənin səbəbi olaraq “Digər” seçilir və satılmış malın ƏDV-siz dəyəri və ƏDV məbləği müvafiq xanalarda əks etdirilir.

Əsaslandırılma: Vergi Məcəlləsinin 71-1.5.3-cü, 155.1-ci, 157.3-cü, 157.5-ci maddələri, “Elektron Qaimə (E-Qaimə) Altsisteminin İstifadəçi Təlimatı”.

Mənbə: sosial.gov.az

Bax:

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

1 İyl 2021

Fiziki şəxslərin sosial ödənişi necə hesablanır?

by | posted in: Xəbər | 0

Fiziki şəxslərin sosial ödənişlərinin məbləği həm ərazilərə görə, həm də fiziki şəxsin fəaliyyət sahəsinə görə dəyişir. Qanunvericiliyin tələbini iqtisadçı ekspert Mahmud Abasquliyev şərh edir.

“Sosial sığorta haqqında” Qanunun 14.5.1-ci maddəsində göstərilib ki, sahibkarlıq fəaliyyətindən gəlir əldə edən sığortaolunanlar üzrə məcburi dövlət sosial sığorta haqqı minimum aylıq əməkhaqqının tikinti sahəsində 50 faizi, digər sahələrdə 25 faizi miqdarında hesablanır. Regionlar üzrə ödəniş miqdarı isə belə müəyyən edilib:

– Bakı şəhərində əməkhaqqının 100 faizi;

– Sumqayıt və Gəncə şəhərlərində 90 faizi;

– digər şəhərlərdə 80 faizi;

– rayon inzibati ərazi vahidlərinin inzibati mərkəzi olan inzibati ərazi vahidlərində və qəsəbələrdə 60 faizi;

– kənd yerlərində 50 faizi.

Ticarət sahələrində fəaliyyət göstərən sahibkarlar hər ay minimum aylıq əməkhaqqının 25 faizi miqdarında məcburi dövlət sosial sığorta haqqı ödəməlidir.

Regionlardan asılı olaraq ödənişin miqdarı dəyişir. Belə ki, ticarətlə məşğul olanlar Bakıda 62,50 manat, Sumqayıt və Gəncədə 56,25 manat, digər şəhərlərdə (məsələn, Mingəçevirdə) 50 manat, rayon inzibati ərazi vahidlərinin inzibati mərkəzi olan inzibati ərazi vahidlərində və qəsəbələrdə (məsələn, Oğuz şəhərində) 37,50 manat, kənd yerlərində isə (məsələn, Oğuz rayonunun Bucaq kəndində) 31,25 manat məcburi dövlət sosial sığorta haqqı ödəməlidir.

Misal 1: Fiziki şəxs Zaqatala şəhərində ticarətlə məşğul olur. Azərbaycanda minimum aylıq əməkhaqqının miqdarı bu il üçün 250 manat müəyyən edilib. Həmin şəxsin aylıq sosial sığorta ödənişi belə hesablanır:

250 x 25% = 62,50 manat
62,50 x 80% = 50 manat

Əgər həmin şəxs Zaqatalada tikinti sektorunda çalışarsa, 100 manat sosial sığorta haqqı ödəməlidir:

250 x 50% = 125 manat
125 x 80% = 100 manat

Misal 2: Fiziki şəxs Zaqatala rayonunun Qımır kəndində ticarətlə məşğul olur. Onun aylıq məcburi dövlət sosial sığorta ödənişi belə hesablanır:

250 x 25% = 62,50 manat
62,50 x 50% = 31.25 manat.

Əgər fiziki şəxs kənddə tikinti ilə məşğul olarsa, 62,50 qəpik aylıq sosial sığorta haqqı ödəməlidir:

250 x 50% = 125 manat
125 x 50% = 62,50 manat

Misal 3: Fiziki şəxs Gəncədə xidmət sektorunda çalışır. Onun aylıq məcburi sosial sığorta ödənişinin məbləği belə hesablanır:

250 x 25% = 62,50 manat
62,50 x 90% = 56,25 manat.

Misal 4: Sumqayıtda tikinti ilə məşğul olan fiziki şəxsin aylıq məcburi dövlət sosial sığorta ödənişi 112,50 manat olacaq:

250 x 50% = 125 manat
125 x 90% = 112,50 manat.

Xatırladaq ki, sahibkarlıqla məşğul olan fiziki şəxslər məcburi dövlət sosial sığorta haqqı ilə yanaşı, hər ay icbari tibbi sığorta haqqı ödəməlidir. Onun məbləği minimum aylıq əməkhaqqının 4 faizi həcmindədir:

250 x 4% = 10 manat.

Mənbə: vergiler.az

Bax:

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

1 İyl 2021

Bruney sultanlığı – Biz bu ölkə haqqında nə bilirik? (3-cü hissə)

by | posted in: Xəbər | 0

Bruney sultanlığı – Biz bu ölkə haqqında nə bilirik? (3-cü hissə)

2-ci hissəyə nəzər yetirmək üçün keçidə daxil olun

Bruney sultanlığı haqqında

Bruney əhalisinin üçdə bir hissəsi paytaxtda yaşayır. Ölkənin ən yaxşı mağaza və otelləri məhz, burada yerləşir. Yeri gəlmişkən, planetin ən bahalı oteli – “Empire” da paytaxtda yerləşir. Həmin otel bir il ərzində tikilib və demək olar ki, 3 milyard dollara başa gəlib. Otelin şəraiti ilə bağlı heç nəyə qənaət olunmayıb desək, yanılmarıq. Bütün santexnika, qab-qacaq, qapı və pəncərə tutacaqları, hətta kondinsionerlərin düymələri belə qiymətli metallardan düzəldilib! Dünyanın ən böyük hovuzlarından biri də elə bu otelin ərazisində düzəldilib. 11 min kvadrat metrlik səhəsi olan hovuz dəniz suyu ilə doldurulub!

Amma, Bruneyin fəxr etdiyi əsas məkan sultan sarayıdır. Saray İstana-Nurul-İman adlanır. Hazırda bu, planetdə ən bahalı saraydır. O, “dünyanın səkkizinci möcüzəsi” adı ilə Ginnesin rekordlar kitabına düşüb. Sarayda demək olar ki, 2 min zal və otaq var. Təkcə qızıldan hazırlanmış santexnika və qiymətli daş-qaşlarla bəzədilmiş 300-ə yaxın vanna saymaq olar. Sarayı sanki “bütün dünya” ilə birlikdə  tikiblər: mərmər İtaliyadan gətirilib, qranit Şanxaydan, çilçıraqlar İngiltərədən, daxili işləmələrdə isə ən bahalı Çin ipəklərindən istifadə olunub.

Saray ildə bir neçə gün ziyarət üçün bütün insanların üzünə açıq olur. Bruneylilər Cerudonq-Park adlandırılan sultan parkı ilə də çox qürur duyurlar. Bu nəhəng idman-əyləncə kompleksi sultanın birbaşa himayəsi altındadır. Arzu edənlərin hər biri bu nəhəng parkda sultanın sevimli oyunu sayılan su polosu oynaya bilər. Qolf üçün əla meydançaları, kroket oyunu üçün nəhəng sahəni dəyərləndirə bilər və özlərini ultra-müasir tirlərdə və ya kartinq trassında sınaya bilərlər. Uşaqları isə bu zaman qonşuluqda yerləşən Luna-parka göndərmək olar. Hətta bu Luna-parkın yanında ən məşhur Disneylend belə parodiyaya bənzəyir.

Sultanlığa elmlər doktoru hakimlik edir. O, dissertasiyanı Rusiyada müdafiə edib. Ölkəni sultan Hassanal Bolkiah idarə edir. O, həm baş nazir, həm müdafiə naziri, həm də maliyyə naziri və dini liderdir. Ümumiyyətlə, bruneylilər siyasi partiyalar, müxalifət və seçkilərin nə olduğunu bilmirlər. Düzdür, bir neçə il əvvəl sultan yenidən parlamentin işə başlamasına razılıq verib, ötən iyirmi il ərzində isə buna lüzum olmayıb. Ölkə parlamentsiz də yaşamağı bacarıb. Yeni qanunverici orqana Bolkiah 21 nəfəri təyin edib, o cümlədən öz kiçik qardaşını. Bu orqan nə ilə məşğul olur sualına, heç kim, hətta yeni təyin olunmuş parlamentin üzvləri belə cavab verə bilmir. Elə bruneylilərin özləri üçün də parlamentin olub-olmaması, heç nəyi dəyişmir. Təəbələri öz hömdarlarını Müda Hassanal Bolkiah Müizaddin Vəddüllah adlandırırlar. Sultanın tam adı isə bundan da uzundur, düz 28 sözdən ibarətdir.

Ömər Əli Seyfuaddinin oğlu olan iyirmi doqquzuncu sultan Bolkiah 40 il bundan əvvəl taxta çıxıb. Sultan fövqəladə dərəcədə cazibəli və ali təhsillidir. Britaniya taxt-tacının cəngavəri adını daşıyır ki, bu da təəccüblü görünməməlidir. Çünki Bruney uzun zaman Böyük Britaniyanın “himayəsi” altında olub. Sultan təkcə Bruney universitetini bitirməyib, həm də Böyük Britaniyanın Hərbi Akademiyasında da təhsil alıb. Dörd dildə sərbəst danışır, o cümlədən rus dilini də yaxşı bilir. Bruney sultanının zəif yeri avtomobillərdir. Onun yeraltı qarajı sahəsinə görə böyük aerodromu xatırladır.

Sultanı başa düşmək olar, axı 5 minə yaxın əla seçimli avtomobilləri saray qarşısındakı çəmənlikdə yerləşdirmək mümkün olmazdı. Sultanın ən əsas qürur duyduğu avtomobil markası “Ferraridir”. Qarajda bu modeldən olan unikal dörd “Venice” modeli (hər biri yarım milyon dollar) və bir neçə cüt “Ferrari Mythos” modelləridir. Sultan öz kolleksiyasının mirvarisi olaraq isə F-X modelini görür, bu ondan ötrü xüsusi sifarişlə hazırlanan və avtomobildən daha çox zərgərlik mağazasını xatırladan təyyarəyə bənzəyir. Klassik “mersedesləri” Bolkiah topdan satın alır. Təbii ki, sultan “tövləsi”  “Rolls-Royce” və “Bentley” modelləri olmadan da keçinə bilməzdi.  Hər il sultan 50 ədəd qızılla işlənmiş adi “Rolls-Royce” modelindən olan (hər biri milyon dollara) avtomobillər alır.

Hassanal təyyarələrə bir qədər biganə münasibət göstərir. Yoxsa, iki “Boeing 747-400s” və altı ədəd kiçik “Airbus” təyyarələrinə sahib olmazdı. Baxmayaraq ki, sultan özü də təyyarə sürməyi bacarır, o, təyyarələri gənclərin nəqliyyat vasitəsi hesab edir.

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

30 İyn 2021

Yaxşı əməkdaşların motivasiyasını itirmələrinin 4 səbəbi (I hissə)

by | posted in: Xəbər | 0

Bu material Amerika psixoloqlarının ən son araşdırmalarına əsaslanır. Tədqiqatçılar Riçard Klark və Bror Saksberq belə bir sualla müraciət ediblər: “Niyə ən loyal işçilər belə motivasiyanı itirirlər?”.

Söhbət nə pul bonuslarından və nə də karyera yüksəlişindən gedir. Sən demə, bunun 4 səbəbi var və onlar barədə öncədən bilmək lazımdır ki, sonra tələyə düşməyəsən.

Komanda layihələrinin uğurlarının 40 faizi iştirakçıların motivasiyasından asılıdır. Bununla birlikdə, menecerlər çox vaxt dağları yerindən oynatmaq istəyi ilə alışıb-yanmayan işçiləri təsirli bir şəkildə necə stimullaşdıracaqlarını bilmirlər. Psixoloji araşdırmaların nəzərdən keçirilməsi göstərir ki, aşağı motivasiyanın səbəblərini aşkara çıxarmaqdan başlamaq lazımdır və sonra onu artıq “ruhlandırıcı taktika” ilə  işçiyə tətbiq etmək lazımdır. Məsələn, bir insanı əgər, o, sadəcə istənilən nəticəyə nail ola bilməyəcəyinə əmindirsə, daha səylə işləməsini xahiş etmək məntiqli deyil. Motivasiyanın olmamasının səbəbləri dörd kateqoriyaya bölünür, onları ətraflı nəzərdən keçirək.

1-ci səbəb. Dəyərlərin uyğunsuzluğu: “Bunun mənə nə istisi, nə də soyuğu var”.

Əgər iş tapşırığı şəxsən icraçının özü üçün nəsə mühüm bir şeylə əlaqəli deyilsə və onun öz şəxsi məqsədlərinə çatmasına xidmət etmirsə, əməkdaşlar belə bir tələyə düşürlər. Komandanızın hər bir üzvü üçün subyektiv əhəmiyyətə malik olanları aydınlaşdırın və bunun üzərinə oynamağa çalışın. Çox vaxt rəhbərlik özləri üçün vacib olan stimulların, tabeliyində olanlar üçün də əhəmiyyətli olduğunu düşünürlər. Hər şeyi özünüzlə ölçməyin, ən yaxşısı adamlarla söhbət edin və onların nəyə can atdıqlarını soruşun.

Fərdi motivasiyanın əsasını təşkil edə biləcək dəyərlər az deyil. Məsələn, intellektual bir problemlə alovlanan insanlar var. Onlardan ötrü ilk növbədə mühüm olan tapşırığın maraqlı olmasıdır. Digərləri, vəzifəni yerinə yetirmək üçün tələb olunan bacarıq və səlahiyyətlərin öz təsəvvürlərinə uyğun olmasını, öz fərdiliklərinə zidd olmamasını və özünəhörmətin artırılmasına kömək etməsini istəyirlər. Belə insanlarla ünsiyyət zamanı həmişə vurğulayın ki, yeni tapşırığın yerinə yetirilməsi onların ən yaxşı keyfiyyətlərinin (məsələn, analitik qabiliyyət və ya stress vəziyyətində məhsuldarlığı saxlamaq imkanı) təzahürünü tələb edəcək. Müraciət etdiyiniz keyfiyyətlərin insanın özü tərəfindən şəxsiyyətlərinin vacib bir hissəsi kimi qəbul edilməsi və onların sayəsində kollektivdə istədiyi rolu oynaya biləcəyinə inanması vacibdir.

Miqyas. Bir çox əməkdaşlar böyük və vacib bir işə cəlb olunmaqla motivasiya olunurlar. Söhbət zamanı onların ümumi işə töhfələrinin nə qədər vacib olduğunu vurğulayın.

Uğur ehtimalı. Uğursuzluqlardan yayınmaq insanlara xasdır. Əgər icraçılar uğursuzluq ehtimalının müvəffəqiyyət ehtimalından daha yüksək olduğunu düşünürlərsə, əlləri əvvəldən yanlarına düşəcək. Hər bir kiçik tapşırığı yerinə yetirməyin daha böyük hədəflərə çatmağa necə töhfə verdiyini və uzun müddətdə uğursuzluğun qarşısını aldığını ona göstərmək üçün bir yol tapın. Tabeçiliyinizdə olanları cəsarətləndirmək üçün onlara gələcək faydaları izah edin.

II hissəyə nəzər yetirmək üçün keçidə daxil olun

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

1 … 913 914 915 916 917 918 919 … 2. 684