Mühasib peşəsini cəlbedici edən 8 fakt

Oxunma sayı: 149

Bir çoxları mühasib işini cansıxıcı və darıxdırıcı hesab edirlər. Bütünlüklə rəqəmlər, daim təkrarlanan əməliyyatlar, yaradıcılığın olmaması və s. Amma özünüz mühasib kimi çalışdıqdan sonra bütün bu təsəvvürlər köklü şəkildə dəyişikliyə uğrayacaq!

Beləliklə, mühasiblərin işində çoxsaylı müsbətlər var:

Məntiqi düşüncə inkişaf edir. Müxabirləşmələrlə müqayisədə yapon krossvordları və rebusları “boş” şeydir! Əgər birincisi – hobbidirsə, işdə hər şeyi düzgün “düzüb-qoşmaq” çox yüksək dəyərləndirilir. Əlbəttə, zamanla avtomat kimi hərəkət etməklə, artıq bu və ya digər hesabı niyə seçdiyin barədə hətta düşnmürsən belə.
Vərdişlər yaranır. Nahaq yerə deməyiblər ki, təkrar biliyin anasıdır. Buna qədər çətinliklə etdiklərin, bir neçə cəhddən sonra çox az vaxtda yerinə yetirilir.
Özünüintizam güclənir. Mühasibatlıqda isə istənilən xırdalıqlar, istənilən detal mühüm əhəmiyyət kəsb edir. Hətta öz iradəndən asılı olmayaraq, bütün işləri dəqiqliklə və vicdanla yerinə yetirirsən. Çünki hər şey “qəpiyinə kimi” düz gəlməlidir! Bunu diqqətə aldıqdan sonra şəxsi büdcəni də dəqiqliklə planlaşdırır və nəzarət edirsən, bu isə düşünülməmiş məsrəflərdən yan keçməkdə kömək edir.
Daim yeni məlumat axını. Əgər Siz rəqəmlərlə “dostluq” edirsinizsə, quru sənədlər və hesabatların arxasından biznesin necə apardığının təsvirini görürsünüz. Axı, bütün iqtisadi əməliyyatlar mühasibin “əli” vasitəsilə həyata keçir. Təhlilə meyilli insan mühasibatlıqdan rəhbərliyin idarəetmə qərarlarının effektliliyini izləyə bilər. Mühasib şirkətin nə dərəcədə gəlirli olduğunu görə bilir. Şirkətlərin bağlanması (ləğvi) və ya ştatın ixtisara düşməsi xəbəri mühasibdən ötrü sürpriz olmayacaq, ona görə iş yerini zamanında dəyişməyə hazır olur. Bundan əlavə, müasir həyat mühasibdən çeviklik və daimi ixtisasın artırılmasını tələb edir. Bu vəzifədə daim öyrənməlisən, belə ki, qanunvericilik dəyişdirilir, yeni alətlər, proqramlar və texnologiyalar peyda olur. Bir sözlə, darıxmaq üçün vaxt qalmır.
Stabillik. Birincisi, təxmini iş həcmi əvvəldən məlum olur və planlaşdırmaya uyğunlaşır. Çox nadir hallarda “axşama” nəsə etmək kimi bir iş qalır. İkincisi, mütəxəssislərə tələbat həmişə yüksək olaraq qalır. Hətta 40-50 yaşlı mühasib üçün belə yeni vakansiyadan imtina təhlükəsi görünmür. Əksinə, təcrübə həmişə sizin xeyrinizə işləyir.
Ünsiyyət. Mühasib bir çox insanlarla iş görməli olur. Bu zaman özünə əminlik yaranır, “yox” demək, dediyində israr etmə və müxtəlif həmsöhbətlərə yanaşma bacarıqları formalaşır.
Səlahiyyət. Sizin hətta rəhbərlikdən hesabat tələb etmək hüququnuz var. Sadə əməkdaşlar isə sizinlə yaxşı münasibətlər qurmaqda maralı olacaqlar – Sizdən çox şey asılıdır. Misal üçün, hesabların vaxtında ödənişi, əməkhaqqının verilməsi və s.
Özü üçün çalışmaq imkanı. Hazırda bir çox kiçik şirkətlər mühasibatlıq işlərinin aparılmasını kənardan olan mütəxəssislərə həvalə edirlər. Siz də bu cür müəssisələrdən bir neçəsinin mühasibatlıq işlərini apara bilərsiniz. Bu zaman isə öz zamanınızı, gəlirinizi də özünüz müəyyən edə biləcəksiniz. Şəxsi bizneslə məşğul olmaq qərarı verdikdə isə, mühasibatlıqla bağlı incəliklər sizdən ötrü heç də “qaranlıq meşə” təsiri başğışlamayacaq.