Sual: ƏDV bəyannaməsinin 306.1-ci sətrində ƏDV-nin məqsədləri üçün qeydiyyata alınmayan qeyri-rezidentin göstərdiyi xidmətlər və ya gördüyü işlər üzrə əməliyyatlar bölməsində qeyri-rezident tərəfindən təqdim edilən hesab və təhvil-təslim aktında qeyd olunan tarixə həmin günün məzənnəsinə əsasən AZN ekvalentində göstərilir. Bildiyimiz kimi, qeyri-rezidentə görə yaranmış ƏDV büdcəyə qeyri-rezidentə ödəniş edildiyi vaxt ödənilməlidir.
Bu zaman büdcəyə ödəniləcək qeyri-rezidentə görə yaranmış ƏDV borcu hesab (invoice)-da qeyd olunan tarixdəki məzənnə ilə nəzərə alınmalıdır yoxsa ödəniş gününə olan məzənnə ilə?
Misal: 28.01.2021 tarixində qeyri-rezident 100.00 AVRO xidmət göstərmişdir (28.01.2021-2.0554 AZN) mən Yanvar bəyannaməsində 306.1 sətirdə (100.00*2.0554=205.54 AZN) göstərmişəm. Ödəniş edilib 25.02.2021 günün məzənnəsi 2.0697 əsasən 100*2.0697=206.97 AZN. Mən büdcəyə ödəyəcəyim ƏDV 205.54 AZN yoxsa 206.97 AZN-dən hesablamalıyam?
Cavab: Bildiririk ki, Vergi Məcəlləsinin 169.3-cü maddəsinin müddəalarına əsasən bu Məcəllənin 169.1-ci maddəsi tətbiq edildikdə, vergi tutulan əməliyyatın vaxtı ödəmənin həyata keçirildiyi vaxt sayılır. Ödəmə əməliyyatın həyata keçirilməsinədək aparıldıqda, vergi tutulan əməliyyat ödəmə həyata keçirildikdə aparılmış sayılır.
Buna əsasən qeyri-rezidentin göstərdiyi xidmətlərə görə ƏDV həmin xidmətlərin dəyərinin qeyri-rezidentə ödənildiyi günün məzənnəsinə uyğun hesablanır və ödənişin aparıldığı ayın ƏDV bəyannaməsində əks etdirilir.
Əsas: Vergi Məcəlləsinin 169-cu maddəsi.
Mənbə: taxes.gov.az
Bax:
İcarə müqaviləsi notarial qaydada təsdiqlənməsə obyekt kodu almaq mümkündür?
Bank hesabına ödənilən məbləğə görə kassa çeki verilməlidirmi?
Hansı halda işçinin kirayə haqqını ödəyəndə sosial sığorta haqqı hesablanmır?
Konsiqnasiya qaydasında satışların sənədləşməsi necə aparılmalıdır?
İşçi vəfat etdikdə vərəsəsinə ödənilən müavinətdən gəlir vergisi və digər məcburi tutulmalar aparılmalıdırmı?
İxtisar olunan işçilərə müavinət necə hesablanır?
Əmək müqaviləsinin ləğv edilməsi