Blog Full

Oxunma sayı: 137. 843

15 Noy 2019

Vakansiya: Mühasibatlıq üzrə Təcrübəçi – Mazarina

by | posted in: İş elanı, muhasibat, Vakansiya, Xəbər | 0

Vakansiya: Mühasibatlıq üzrə Təcrübəçi.

İşəgötürən: Mazarina.

Şəhər: Bakı
Yaş: 20 – 30 yaş
Cins: Fərqi yoxdur
Təhsil: Ali
İş təcrübəsi: 1 ildən aşağı
Əlaqədar şəxs: HR
E-mail: /

İş barədə məlumat

Gündəlik qaimə və qəbzlərin işlənməsi
Logo proqramına məlumatların daxil edilməsi
Mühasibin verdiyi tapşırıqların tam olaraq vaxtında yerinə yetirilməsi
Bütün mühasibatlıq əməliyyatlarında iştirak etmək
İstirahət günləri: Şənbə və Bazar
İş saatları: 09:00-dan 18:00-dək

Namizədə tələblər

Ali iqtisadi təhsill (Maliyyə, Mühasibat uçotu və audit üstünlük veriləcək)
Mühasibat uçotu və audit barəsində güclü nəzəri biliklər
MS Office (xüsusən excel) bilikləri
Gərgin iş tempində işləmək bacarığı, əzmkarlıq, problem həll etmə qabiliyyəti

Qeyd

Təcrübəsiz namizədlərə üstünlük veriləcək.
Təcrübə müddəti 3 ay təşkil edir və ödənişlidir
Təcrübə müddətini uğurla başa vuran təcrübəçi işlə təmin ediləcək

Email: /

Mənbə: finstaff.az

15 Noy 2019

Maliyyə Nazirliyinin kollegiyasının tərkibi haqqında Qərarda dəyişiklik edilib

by | posted in: Xəbər | 0

“Azərbaycan Respublikası Maliyyə Nazirliyinin kollegiyasının tərkibi haqqında” Azərbaycan Respublikası Nazirlər Kabinetinin 2016-cı il 11 avqust tarixli 300 nömrəli Qərarında dəyişiklik edilməsi barədə (maliyyə nazirliyi)

Azərbaycan Respublikası Prezidentinin 2009-cu il 9 fevral tarixli 48 nömrəli Fərmanı ilə təsdiq edilmiş “Azərbaycan Respublikasının Maliyyə Nazirliyi haqqında Əsasnamə”nin 20-ci hissəsinə uyğun olaraq Azərbaycan Respublikasının Nazirlər Kabineti qərara alır:

“Azərbaycan Respublikası Maliyyə Nazirliyinin kollegiyasının tərkibi haqqında” Azərbaycan Respublikası Nazirlər Kabinetinin 2016-cı il 11 avqust tarixli 300 nömrəli Qərarının (Azərbaycan Respublikasının Qanunvericilik Toplusu, 2016, № 8, maddə 1438; 2017, № 4, maddə 609) 1-ci hissəsi aşağıdakı redaksiyada verilsin:

“1. Azərbaycan Respublikası Maliyyə Nazirliyinin kollegiya üzvlərinin sayı 13 nəfərdən ibarət müəyyənləşdirilsin və aşağıdakı tərkibdə təsdiq edilsin:

Kollegiyanın sədri

Azərbaycan Respublikasının Maliyyə naziri

Kollegiyanın üzvləri:

Azərbaycan Respublikası Maliyyə nazirinin birinci müavini

Azərbaycan Respublikası Maliyyə nazirinin müavini

Naxçıvan Muxtar Respublikasının Maliyyə naziri

Azərbaycan Respublikası Maliyyə Nazirliyinin Aparatının rəhbəri

Azərbaycan Respublikası Maliyyə Nazirliyinin Aparatının rəhbərinin müavini

Azərbaycan Respublikası Maliyyə Nazirliyinin Dövlət Maliyyə Nəzarəti Xidmətinin rəisi

Azərbaycan Respublikası Maliyyə Nazirliyi yanında Dövlət Xəzinədarlığı Agentliyinin direktoru

Azərbaycan Respublikası Maliyyə Nazirliyi yanında Dövlət

Borcunun və Maliyyə Öhdəliklərinin İdarə Edilməsi Agentliyinin direktoru

Azərbaycan Respublikası Maliyyə Nazirliyinin Aparatının Büdcə şöbəsinin müdiri

Azərbaycan Respublikası Maliyyə Nazirliyinin Aparatının Vergi siyasəti və gəlirlər şöbəsinin müdiri

Azərbaycan Respublikası Maliyyə Nazirliyinin Bakı Şəhəri üzrə Baş Maliyyə İdarəsinin rəisi”.

Mənbə: cabmin.gov.az

Azərbaycan Respublikasının
Baş Naziri Əli Əsədov

15 Noy 2019

Əmək və Əhalinin Sosial Müdafiəsi Nazirliyinin vəzifəli şəxsləri barəsində cinayət işi başlanmışdır

by | posted in: Xəbər | 0

Azərbaycan Respublikasının Prezidenti cənab İlham Əliyevin rəhbərliyi ilə ölkəmizdə uğurla həyata keçirilən kompleks islahatlar çərçivəsində son illər sosial müdafiə sisteminin əhatəliliyi və səmərəliliyi daha da artırılmış, sosial siyasətin başlıca istiqamətlərindən biri kimi əhalinin sosial təminatı sahəsində idarəetmənin təkmilləşdirilməsində, eləcə də ünvanlılıq və şəffaflığın təmin olunmasında əhəmiyyətli irəliləyişlərə nail olunmuşdur. (cinayət işi)

Bununla yanaşı, dövlətin bu sahədə həyata keçirdiyi mütərəqqi siyasətə kölgə sala biləcək neqativ amillərə, o cümlədən əhatə etdiyi geniş əhali kateqoriyasına görə sosial-müdafiə sferasının mühüm komponentlərindən olan əmək və pensiya təminatı sistemində baş verə biləcək sui-istifadə hallarına və vətəndaşların hüquqlarının pozulmasına yönəlmiş digər qanunsuz hərəkətlərə qarşı ən ciddi mübarizə tədbirləri davam etdirilməkdədir.

Həyata keçirilməkdə olan belə tədbirlərdən biri kimi, Dövlət Sosial Müdafiə Fondunun Saatlı və Sabirabad rayon şöbələrində güzəştli şərtlərlə yaşa görə əmək pensiyalarının təyin edilməsində qanunvericiliyin tələblərinə əməl edilməməsi barədə Əmək və Əhalinin Sosial Müdafiəsi Nazirliyindən daxil olmuş material Baş prokuror yanında Korrupsiyaya qarşı Mübarizə Baş İdarəsində araşdırılmışdır.

Araşdırma zamanı DSMF-nin Saatlı və Sabirabad rayon şöbələrinin müdirləri Seyidrəsul Abbasov və Bayram Mikayılovun xidməti vəzifə səlahiyyətlərindən sui-istifadə edərək ayrı-ayrı vətəndaşların pensiya təyinatı ilə bağlı müraciət etdikləri tarixlərdən ən çoxu 3 il əvvəl üçün pensiya təyin olunması barədə “Əmək pensiyaları haqqında” Azərbaycan Respublikası Qanununun tələblərini pozaraq Saatlı rayon şöbəsində 44 pensiya işi üzrə 102 min manat, Sabirabad rayon şöbəsində isə 31 pensiya işi üzrə 95 min manat artıq ödəməyə səbəb olan keçmiş tarixə pensiya məbləğlərini hesablamalarına dair əsaslı şübhələr müəyyən edilmişdir.

Qeyd edilən xüsusatlarla əlaqədar fakta görə həmin vəzifəli şəxslər barəsində Cinayət Məcəlləsinin 308.1-ci (vəzifə səlahiyyətlərindən sui-istifadə) maddəsi ilə cinayət işi başlanmışdır.

Hazırda cinayət işi üzrə təqsirli şəxslərin tam dairəsinin müəyyənləşdirilərək məsuliyyətə cəlb edilmələri istiqamətində zəruri istintaq-əməliyyat tədbirləri davam etdirilir.

Mənbə: sosial.gov.az

15 Noy 2019

Azərbaycanda daha bir elektron xidmətlər portalı yaradılacaq

by | posted in: Xəbər | 0

Gələn il Azərbaycanın bir sıra dövlət qurumlarının xidmətlərini cəmləşdiriləcək yeni “e-KOB” elektron xidmətlər portalı yaradılacaq.

Bunu Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov deyib.

Onun sözlərinə görə, bu istiqamətdə işlər Agentlik tərəfindən ölkədə “elektron hökumət” layihəsi çərçivəsində icra olacaq: “Portal təkcə KOBİA-nı deyil, eləcədə də bir neçə digər dövlət qurumunu “e-KOB” reyestrinə inteqrasiyasını nəzərdə tutur. Portala bir neçə dövlət qurumunu – İqtisadiyyat Nazirliyini, Dövlət Vergi Xidmətini, Qida Təhlükəsizliyi Agentliyini, Kənd Təsərrüfatı Nazirliyini və digərlərini birləşdirəcək. İnanıram ki, bu layihə gələn il ərzində icra olunacaq”.

Mənbə: apa.az