Read More9
Read More9
Oxunma sayı: 156. 319
14 Noy 2019

“Vergi Məcəlləsinə 162 dəyişiklik nəzərdə tutulub”

by | posted in: Vergi, Xəbər | 0

Vergi Məcəlləsi, maliyyə hesablaşmaları, törəmə müəssisə,vergi ödəyiciləri, Vergi qanunvericiliyinin pozulması, ÖMV bəyannaməsi, Vergi borcu, vergi mecellesi, vergi məcəlləsi, vergi öhdəliyi, əmlak, ayrıca şəxs, Vergi məcəlləsi, nəqliyyat xidməti, Hüquqi şəxs vergi məcəlləsi əmlak vergisi emek muqavilesi Əmək müqaviləsi kassa çeki qaime e-qaimə Qeyri-rezident Torpaq sahələri vergi icarə haqqı əsas vəsaitlər qiymetlendirme Yenidən qiymətləndirmə amortizasiya Turagentlər vergi güzəştləri Vergi nəzarəti artım Yükdaşıma xırda istehsal vergi öhdəliyi qeyri-neftPrezident İlham Əliyevin apardığı iqtisadi islahatlarla əlaqədar olaraq, ölkədə şəffaflığın artırılması, korrupsiyaya qarşı mübarizə tədbirlərinin gücləndirilməsi Vergi Məcəlləsində də bir sıra dəyişikliklərin edilməsini zəruri edir. (Vergi Məcəlləsi)

Bunu parlamentin bu gün keçirilən plenar iclasında Milli Məclisin İqtisadi siyasət, sənaye və sahibkarlıq komitəsinin sədri Ziyad Səmədzadə deyib.

Onun sözlərinə görə, 2001-ci ildə qəbul edilmiş Vergi Məcəlləsi Azərbaycanda yeni iqtisadi sistemin formalaşmasına, ölkəyə maliyyə resurslarının cəlb edilməsinə öz müsbət təsirini göstərib: “Dünyada qlobal risklərin artdığı bir şəraitdə sahibkarlığın və iqtisadi inkişafın keyfiyyətinin yüksəldilməsi Vergi Məcəlləsində də bir sıra dəyişiklikləri zəruri edib. Vergi Məcəlləsində edilən növbəti dəyişikliklər mahiyyətinə və əhatə dairəsinə görə şübhəsiz ki, Azərbaycan tarixində mühüm dəyişiklik kimi qeyd edilə bilər”.

O bildirib ki, Vergi Məcəlləsinə 162 dəyişiklik nəzərdə tutulub. Onlardan 73-ü ayrı-ayrı maddələrin dəyişməsi ilə əlaqədar, 89 ədədi isə texniki dəyişiklikdir.

Mənbə: report.az

14 Noy 2019

Milli Məclis Vergi Məcəlləsinə təklif edən dəyişiklikləri I oxunuşda qəbul edib

by | posted in: Vergi, Xəbər | 0

Sığorta fəaliyyəti, Miqrasiya məcəlləsi Mühasibat Uçotu Milli Məclis Əcnəbilərə güzəşt dövlət rüsumuMilli Məclisin bu gün keçirilən plenar iclasında Vergi Məcəlləsinə təklif edilən dəyişikliklər müzakirəyə çıxarılıb.(Vergi Məcəlləsinə dəyişikliklər)

Müzakirələrdən sonra müvafiq qanun layihəsi I oxunuşda səsverməyə çıxarılaraq qəbul edilib.

Hazırlanan layihədə sənəddə 154 maddə və yarımmaddə dəyişdiriləcək.

Dəyişikliklər aşağıdakı sahələrə aiddir:

Elektron vergi hesab-fakturanın ləğvi və əməliyyatın xarakterindən asılı olaraq müxtəlif növdə elektron qaimə-fakturaların tətbiqi üzrə – 33 maddədə.

ƏDV-nin hesablanması və ödənilməsində vahid yanaşmanın tətbiqi (kassa metodu) üzrə – 17 maddədə.

Bina tikintisində sadələşdirilmiş verginin ləğvi üzrə – 16 maddədə.

Yalan əqdlər və riskli vergi ödəyiciləri üzrə – 15 maddədə.

Aksiz dərəcələrinə yenidən baxılması üzrə – 12 maddədə.

Azadolmalar üzrə – 13 maddədə.

POS-terminalların quraşdırılmasına nəzarət və yeni nəsil nəzarət kassa aparatlarının tətbiqi üzrə – 4 maddədə.

Sadələşdirilmiş vergi üzrə sabit məbləğin ödənilməsi sahəsində təkmilləşmə üzrə – 3 maddədə.

Mərkəzləşdirilmiş qaydada uçotu alınma üzrə – 3 maddədə.

Tikinti şirtkətləri tərəfindən yaşayış və qeyri yaşayış sahələrindən dövlətə ayrılan hissədən vergitutma üzrə – 3 maddədə.

Transmilli Şirkətlər Qrupu üzrə hesabatlılıq üzrə – 2 maddədə.

Beynəlxalq müqavilələrdə nəzərdə tutulduğu halda digər dövlətin vergi orqanları ilə birgə yoxlamaların keçirilməsi üzrə – 2 maddədə.

Redaktə və dəqiqləşdirmə xarakterli – 31 maddədə.

14 Noy 2019

“2019-cu ildə keçirilmiş vergi islahatının praktiki aspektləri” mövzusunda təlim keçiriləcək

by | posted in: Vergi, Xəbər | 0

telim, bank xidmətləri, Bank məhsulları, vergi seminar Əmtəə nişanları coğrafi göstəricilər təlimÜzvlərimizə göstərilən xidmətlərinin effektivliyini artırmaq məqsədi ilə “Üzvdən üzvə” paketi çərçivəsində Azərbaycan Sahibkarlar Konfederasiyasının dəstəyi və PWC-nin (PricewaterhouseCoopers Audit Azerbaijan LLC) iştirakı ilə 03.12.2019 tarixində “2019-cu ildə keçirilmiş vergi islahatının praktiki aspektləri” mövzusunda təlimin keçirilməsi planlaşdırılır. (Vergi islahatı, təlim)

Kursun keçirilmə tarixi: 03.12.2019

Başlama saatı: 10:00 – 12:00

Təlimin keçirildiyi ünvan: Bakı ş, Nizami küç., 90A, Landmark III

Son qeydiyyat tarixi: 02.12.2019 saat 16:00-a qədər

Təlimçi: PWC-nin əməkdaşı

Təlimin dili: Azərbaycan dili

PwC Akademiyası mütəxəssislər tərəfindən Sizin üçün yüksək səviyyədə ixtisaslaşdırılmış təlim, təhsil və inkişaf təşkil edən qurum olaraq 2011 – ci ildə yaradılmışdır. Məqsəd – müştərilərə effektiv şəkildə dəyişməyə, daha çevik, rəqabətə davamlı, səmərəli, dayanıqlı olmaq, eləcə də bütün sektor və biznes funksiyaları əhatə edən effektiv təlim həlləri vasitəsilə təcrübələrinin artmasında köməklik göstərməkdən ibarətdir.

Ölkəmizdə baş verən struktur dəyişiklikləri baxımından bəhs olunan mövzu aktuallığı ilə diqqət çəlb edir. Təlim sadəcə ASK üzvləri üçün nəzərdə tutulur. Aidiyyəti şöbənin məsul əməkdaşlarının məlumatlılığını artırmaq məqsədi ilə təlimdə iştirak etməyə Sizi dəvət edirik. İştirak edəcəyiniz təqdirdə https://sahibkarliq.typeform.com/to/I6dUS3 linkə daxil olaraq qeydiyyatdan keçməyiniz xahiş olunur.

Əlaqələndirici şəxs: Elmira Balıyeva

Sahibkarlarla iş və kommunikasiya şəbəsi

Baş mütəxəssis

Tel: +994 12 465 76 92 (daxili 119)

E-mail: 

Mənbə: ask.gov.az

14 Noy 2019

Şirkət satıldıqda hansı vergi öhdəlikləri yaranır?

by | posted in: Vergi, Xəbər | 0

Sual: Təsisçisi və direktoru eyni şəxs olan, heç bir fəaliyyəti olmayan MMC başqa şəxsə satıldıqda (və ya bağışlandıqda) hansı hərəkətlər olunmalıdır? (vergi öhdəlikləri)

Cavab: Bildiririk ki, rezident hüquqi şəxsdə təsisçi dəyişikliyi həmin hüquqi şəxsin təsisçisi tərəfindən iştirak paylarının təqdim edilməsi (satılması) anlamını verir.

Hüquqi şəxsin nizamnamə kapitalındakı iştirak payı və ya səhmlər xalis aktivlərin iştirak payı və ya səhmlərə mütənasib dəyərindən yuxarı qiymətə təqdim edildikdə faktiki təqdimetmə qiyməti ilə nizamnamə kapitalındakı iştirak payının və ya səhmin nominal dəyəri arasındakı fərq, iştirak payı və ya səhmlər xalis aktivlərin iştirak payı və ya səhmlərə mütənasib dəyərindən aşağı qiymətə (güzəştli qiymətlə) təqdim edildikdə isə alqı-satqı müqaviləsinin bağlanıldığı tarixə xalis aktivlərin mütənasib dəyəri ilə nizamnamə kapitalındakı iştirak payının nominal dəyəri arasındakı fərq vergiyə cəlb edilən gəlirdir (mənfəətdir).

Qeyd olunan gəlirdən (mənfəətdən) rezident təsisçi fiziki şəxslər tərəfindən Vergi Məcəlləsinin 101.2-ci maddəsi ilə müəyyən olunmuş dərəcələrlə gəlir vergisi, rezident təsisçi hüquqi şəxslər tərəfindən isə Vergi Məcəlləsinin 105.1-ci maddəsi ilə müəyyən olunmuş dərəcə ilə mənfəət vergisi hesablanaraq bəyan edilməklə dövlət büdcəsinə ödənilməlidir.

Eyni zamanda bildiririk ki, müəssisəni alan və ya qəbul edən şəxs təqdim edənə və təqdim edilən müəssisəyə aid hüquq və öhdəliklərini öz üzərinə götürür. Lakin bu müddəa müəssisəni təqdim edən şəxsi əvvəlki vergi dövrləri üçün vergiləri, faizləri və ya maliyyə sanksiyalarını ödəməkdən azad etmir.

Hüquqi şəxslərin təsis sənədlərinə edilən hər bir dəyişiklik, eləcə də qeydə alınmş faktların hər bir sonrakı dəyişikliyi qeydiyyata alınmalı, həmin dəyişikliyin qeydiyyata alınması üçün bu dəyişikliyin baş verdiyi andan 40 gündən gec olmayaraq qeydiyyat orqanına ərizə ilə müraciət edilməlidir. Ərizədə baş vermiş dəyişiklik göstərilməli və həmin dəyişikliyi təsdiq edən sənədlər təqdim edilməlidir.

Təsisçi dəyişikliyinin dövlət qeydiyyatına alınması üçün yeni təsisçinin (təsisçilərin) qərarı, yeni təsisçinin şəxsiyyətini təsdiq edən sənədin surəti, dəyişikliyi təsdiq edən sənəd (alqı-satqı, bağışlama, dəyişmə müqavilələri) müvafiq ərizə forması ilə birlikdə hüquqi şəxsin qeydiyyatda olduğu vergi orqanına təqdim olunmalıdır.

Əsas: Vergi Məcəlləsinin 96.5-ci, 101.2-ci və 106-cı maddələri.

Mənbə: taxes.gov.az

1 … 1. 554 1. 555 1. 556 1. 557 1. 558 1. 559 1. 560 … 2. 694
error: Content is protected !!