Sizi varlı edə biləcək 17 vərdiş (2-ci hissə)
Sizi varlı edə biləcək 17 vərdiş (2-ci hissə)
1-ci hissəni oxumaq üçün bu keçidə daxil olun
Gəlirlərinizi artırmaq, varlı olmaq üçün həyata yanaşmanızı dəyişdirin.
- Pul əmanəti toplayın
Qənaətcillik sizi milyoner etməyəcək, amma iflasdan qurtarmağa kömək edə bilər. Fors-major vəziyyətlər üçün elementar yatırımlarınız, ehtiyatınız olmasa, fövqalədə hallarda, məsələn, xəstəlik və ya işdən çıxarılma zamanı, heç olmasa qidalanmaqdan ötrü siz borca girməyə məcbur olacaqsınız.
- Əlavə qazancınız olduqda onu ehtiyac üçün saxlayın
Adamlar xalq müdrikliyindən bəhs edən sitatları çox sevirlər, amma “yelnən gələn, elə yel ilə də gedər” kimi ibarəni nədənsə “qəpik manatı qoruyur” ifadəsindən daha tez-tez işlədirlər. Buna baxmayaraq, pul ehtiyatı yaratmaqla bağlı məsləhət, hansı ki, qəfildən ortalığa çıxıb, həqiqətən bizləri varlandıra bilər.
Gözlənilməz mükafat, qonorar, hədiyyə və ya digər mənbələrdən gələn vəsaitləri asanlıqla arxaya atmaq olar, çünki bunlar onsuz da büdcədə nəzərdə tutulmayan məbləğdir. Özü də bu zaman ehtiyatınız artacaq və siz sərvətə doğru bir addım da irəlidə olacaqsınız.
- Pulları işləməyə məcbur edin
Nə qədər ki, pulları sadəcə toplayırsınız, onlar onsuz da inflyasiya nəticəsində azalmaqda davam edir, onların real alıcılıq qabiliyyəti aşağı düşür. Bunun baş verməməsi üçün pulları ən azından yığım hesabına yatırmalısınız ki, heç olmasa üzərinə faizlər gəlsin, həmin faizlər inflyasiyanı qabaqlaya da bilər. Amma, bu da qazanc üçün alət deyildir.
Pullardan qazanc götürmək üçün onları sərmayə kimi yatırmaq lazımdır. Düzdür, buna görə investisiya yatırımları etməkdən ötrü müxtəlif variantları nəzərdən keçirmək lazım gələcək. Çünki yığdığınız pulları itirmək təhlükəsi də yarana bilər.
Kapital artımı üçün bir gəlir mənbəyi yetərli deyil, ən azından üç mənbə lazımdır.
Özü də bu zaman ikinci və ya üçüncü iş yeri axtarmaqdan söhbət getmir. Siz səhmlərə pul yatıra bilərsiniz, daşınmaz əmlakı icarəyə verə və ya kənar şirkətdə partnyor da ola bilərsiniz.
- Düzgün kumirlər axtarın
Super-qəhrəmanlarla fəxr etməyi bizlərə heç kim qadağan etmir, lakin rollarda iştirak edən modellərdənsə, xüsusi qabiliyyətlərə malik daha ədəbi personajlar axtarıb tapmaq lazımdır, hansı ki, onlara baxıb inkişaf etmək olar.
Uğurlu biznesmenlər arasında çox güman ki, sizi ruhlandıran bir neçə insanı tapmaq olar. Məhz, belələri bu həyatda heç nəyin mümkünsüz olmadığını sübut edə bilirlər. Deməli, siz də uğura çata bilərsiniz.
- Özünüzə investisiya yatırın
Necə varsınızsa, yəni, inkişaf etmək istəmirsinizsə, onda siz yalnız miras əldə edə bilərsiniz. Yaxşı gəlir əldə etmək üçün isə siz həmişə inkişaf etməlisiniz. Bu yüksək maaşla muzdlu işçi olaraq qalmaq istəyən üçün də, öz işini qurmaq istəyən şəxsdən ötrü də çox mühümdür.
Kurslar, seminarlar, treninqlər, səyahət, görüşlər – bu boş yerə pul xərcləmək demək deyil. Belə də siz daha ağıllı, təcrübəli, fərasətli olursunuz ki, bu da sizin qazancınızda da özünü göstərəcək. Treninq və seminarlara gəldikdə, siz bunları aparanlar sırasından daha təcrübəli olanları seçməlisiniz.
- Oxuyun
Xüsusi ədəbiyyatı oxumaq – minimal xərclə bunu internetdən də yükləyə bilərsiniz. Bu sadə bir üsuldur. Belə etsəniz, siz başqalarının səhvlərindən də yararlana bilərsiniz, onların öz bizneslərinin müxtəlif növlərini necə inkişaf etdirdiklərini, düşdükləri müəyyən çətin vəziyyətlərdən necə çıxdıqlarını öyrənməklə, siz belə vəziyyətlərdən sığortalana bilərsiniz.
Bu təcrübə sizə bir kitabın dəyərinə başa gələ bilər, halbuki müəlliflər ola bilsin ki, buna milyonlar xərcləyiblər.
ƏDV hesabatı “0” dərəcəyə görə necə verilməlidir?
Hesablama metodu ilə uçot aparan istehsal müəssisəsi ilə bağlı müəyyən suallar yaranır. Bu suallardan biri belədir ki, 2018-ci ildə hazır məhsulun istehsal edilməsinə 200 min manat xammal və material, istehsal prosesinə cəlb edilmiş işçilərin əməkhaqqına (o, cümlədən sosial sığorta) 50 min manat, istehsal prosesində istifadə olunan avadanlıqların amortizasiyasına 20 min manat və istehsal binası ilə bağlı sair məsrəflərə (icarə, kommunal, mühafizə və s.) 30 min manat xərclənib. Hesabat dövrü ərzində istehsal edilən hazır məhsulun yarısı satılıb. İstehsal prosesi ilə bağlı olmayan (yəni inzibati və satışla bağlı) xərclər 50 min manat təşkil edib. (əməkhaqqı, icarə, kommunal, nəqliyyat, amortizasiya və sair). Belə olan halda 2018-ci ilin mənfəət vergisi bəyannaməsində xərc kimi istehsal prosesi ilə bağlı olmayan xərcləri (yəni inzibati və satışla bağlı) tam olaraq əks etdirmək olarmı? Əks halda hansı qaydaya istinad edilməlidir? Həmin bəyannamədə istehsal prosesi ilə bağlı xərcləri də tam əks etdirmək olarmı?
Oktyabrın 4-də Azərbaycan Mikromaliyyə Assosiasiyası (AMFA) Bakıda “Mikromaliyyə yol kəsişməsində: rəqəmsal erada dayanıqlı inkişaf” adlı konfrans keçirəcək. 