Blog Full - Muhasibat.Az

Oxunma sayı: 134. 532

7 Fev 2018

Qadınlar üçün ödənişsiz təlim

by | posted in: Xəbər | 0

Wowoman və Business Management School arasında imzalanan əməkdaşlıq memorendumu əsasında hər iki təşkilatın müxtəlif mövzularda bərabər təlimlər və tədbirlər təşkil etməsi nəzərdə tutulmuşdur. Bu əməkdaşlığa 10 Fevral 2018-ci il tarixində baş tutacaq “Əmək Məcəlləsi və Kadr Kargüzarlığı”təlimi ilə start veriləcəkdir.

“Business Management School” MMC öz fəailiyyətinə 2015-ci ildən başlamışdır. Fəaliyyətimizin əsas istiqaməti Azərbaycan hüdudlarında biznesin inkişafı üçün ehtiyac duyulan ixtisaslara aid yerli və xarici mütəxəssislərin iştirakı ilə təlimlərin təşkil olunması və peşəkar kadrların hazırlanmasında rol oynamaqdır. Business Management School MMC-nin bu günə kimi İnsan Resursları, Təchizat Zənciri, Marketinq, Satış, PR, Maliyə və mühasibatlıq, Layihələrin idarə edilməsi , İstehsalat və s. sahələri üzrə keçirdiyi təlimlərdən 600-dən çox məzunu olmuşdur.
2016-cı ildən etibarən “Business Management School” “Sigma Center”ın Azərbaycandakı rəsmi təmsilçisi ünvanını əldə etmişdir.
Müştəriyönümlü siyasət nəticəsində Business Management School fəaliyyət istiqamətini genişləndirərək təlim-tədris sahəsi ilə yanaşı, karyera inkişafında, şirkətlərdə insan resursları sisteminin qurulmasında, biznesin müxtəlif istiqamətlərində konsultasiya xidmətləri, o cümlədən tədbirlərin təşkilində də öz
tövhəsini vermişdir.

Bunun nəticəsidir ki, Business Management School 2017-ci ildə Azərbaycanda ilk dəfə keçirilən “HR Summit Baku”nun təşkilati dəstəkçisi olmuşdur.

Təlimdə tədris ediləcək mövzular:

1. Əmək hüququ üzrə anlayışlar və tənzimləyici hüquqi aktlar
2. İşçinin işə qəbulu üzrə rəsmiləşdirmə, düzgün sənədləşdirmə qaydaları
3. İşçinin vəzifə dəyişikliyi və onun rəsmiləşdirmə qaydası
4. İşçiyə digər əmək funksiyasiyalarının müvəqqəti həvalə edilməsi qaydaları
3. İşçilərin iş vaxtlarının tənzimlənməsi, müxtəlif iş vaxtı növlərinin və rejimlərinin formalaşdırılması
4. Əmək müqaviləsinə xitam verilməsi əsasları və xitamın sənədləşməsi
5. Əmək Məcəlləsinə yeni dəyişikliklərin müzakirəsi

İştirak ödənişsizdir.
Qeydiyyat üçün link: https://goo.gl/NJvU6w

Başlama saatı: 12:00
Tarix: 10 Fevral, 2018
Məkan: Barama İnnovasiya Mərkəzi

Mənbə: WoWoman Azerbaijan

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

7 Fev 2018

İşsizlikdən sığorta üzrə rüblük hesabat forması Nazirlik tərəfindən vergi ödəyicilərinə göndərildi

by | posted in: Xəbər | 0

İşsizlikdən sığorta üzrə rüblük hesabat forması Nazirlik tərəfindən vergi ödəyicilərinə göndərildi. Forma Azərbaycan Respublikasının Əmək və Əhalinin Sosial Müdafiəsi Nazirliyinin Kollegiyasının 20 dekabr 2017-ci il tarixli, 18-2 nömrəli qərarı ilə təsdiq edilmişdir.

Faylı yükləyin: İşsizlikdən sığorta üzrə rüblük hesabat

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

7 Fev 2018

Mühasiblərin diqqətinə! İşsizlikdən sığorta üzrə təsnifat kodları yenidən dəyişdirildi

by | posted in: Xəbər | 2

S I Ğ O R T A E D Ə N L Ə R İ N N Ə Z Ə R İ N Ə

Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Bakı şəhəri üzrə hüquqi şəxslərlə iş İdarəsi bildirir ki, qanunvericilikdə büdcə gəlirlərinin təsnifat kodu İşəgötürənlərin əməyin ödənişi fondundan hesablanan işsizlikdən sığorta haqqı üçün 123100, İşləyənlərin əmək haqlarından hesablanan işsizlikdən sığorta haqqı üçün 123200, “İşsizlikdən sığorta haqqında” Azərbaycan Respublikası Qanunu ilə müəyyən edilmiş digər gəlirlər üçün 123300 və İşsizlikdən sığorta haqqında qanunvericiliyin pozulmasına görə tətbiq edilən cərimələrdən daxilolmalar üçün 143800 nəzərdə tutulmuşdur.

Göstərilənləri nəzərə alaraq işsizlikdən sığorta haqqı üzrə dəqiqləşdirilmiş bank rekvizitlərini nəzərinizə çatdırırıq:

B1. Benefisar (alan bank)

Adı: Dövlət Xəzinədarlıq Agentliyi

Kodu: 210005

VÖEN: 1401555071

Müxbir hesab: AZ41NABZ01360100000000003944

S.W.İ.F.T. BİK: CTREAZ22

B2. Alan müştəri

Adı: DSMF Bakı şəhəri üzrə Hüquqi Şəxslərlə İş İdarəsi

Hesab: AZ42CTRE00000000000007018576

VÖEN: 1600351421

Büdcə səviyyəsinin kodu: 4

Büdcə təsnifatının kodu: 123100

İşəgötürənlərin əməyin ödənişi fondundan hesablanan işsizlikdən sığorta haqqı – 123100

İşləyənlərin əmək haqlarından hesablanan işsizlikdən sığorta haqqı – 123200

İşsizlikdən sığorta haqqında” Azərbaycan Respublikası Qanunu ilə müəyyən edilmiş digər gəlirlər-123300

İşsizlikdən sığorta haqqında qanunvericiliyin pozulmasına görə tətbiq edilən cərimələrdən daxilolmalar – 143800

Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Bakı şəhəri üzrə hüquqi şəxslərlə iş İdarəsi

Faylı yükləyin: İşsizlikdən sığorta ödənişlərinin rekvizitləri

7 Fev 2018

İşğal olunmuş ərazilərdə audit aparan xarici audit şirkətlərinə xəbərdarlıq edilib

by | posted in: Audit, Xəbər | 0

Azərbaycan Auditorlar Palatası xarici hüquqi şəxslərin (xarici auditor təşkilatlarının) Azərbaycandakı filial və nümayəndəliklərinin rəhbərlərinə ciddi xəbərdarlıq edib.

Auditorlar Palatasından bildirilib ki, Maliyyə Bazarlarına Nəzarət Palatası (MBNP) “GRANT Thornton CJSC Ermənistan” və “KPMG Armenia CJSC”nin Azərbaycanın işğal olunmuş ərazilərində, o cümlədən Dağlıq Qarabağda fəaliyyət göstərən bir sıra erməni banklarına (Artsakhbank, Ardshininvestbank və s.) audit xidmətləri göstərməsi ilə bağlı quruma müraciət edib.

MBNP Xarici İşlər Nazirliyinin “Azərbaycanın işğal olunmuş ərazilərində qeyri-qanuni iqtisadi və digər fəaliyyət” adlı hesabatına istinad edərək ölkəmizdə auditor fəaliyyəti göstərmək hüququna icazə verən qurum kimi Auditorlar Palatasından bu istiqamətdə müvafiq tədbirlər görməyi xahiş edib.

Bununla əlaqədar olaraq Auditorlar Palatası xarici hüquqi şəxslərin (xarici auditor təşkilatlarının) Azərbaycandakı filial və nümayəndəliklərinin rəhbərlərinə müraciət edib.

“İşğal olunmuş ərazilərdə belə fəaliyyətin göstərilməsinin beynəlxalq hüquq normalarına zidd olmasını, Azərbaycan Respublikasının ərazi bütövlüyü və suverenliyi prinsiplərinin pozulmasının yolverilməzliyini bildirməklə, Sizin təşkilatın üzv olduğu beynəlxalq şəbəkənin rəhbərliyinə və digər ölkələrdə fəaliyyət göstərən üzvlərinə bu barədə müvafiq xəbərdarlıq müraciətinin çatdırılmasını təmin etməyi və Auditorlar Palatasını məlumatlandırmağı xahiş edirik”, – deyə müraciətdə vurğulanıb.

Qeyd edək ki, “KPMG Azərbaycan” tabe olduğu şirkətin Dağlıq Qarabağda iddia olunan fəaliyyəti ilə bağlı bəyanat yayıb. Bəyanatda KPMG-nin (“Klynveld Peat Marwick Goerdeler”) Dağlıq Qarabağda heç bir nümayəndəliyinin olmadığı qeyd olunub.

“KPMG-nin Dağlıq Qarabağ ərazisində iddia olunan fəaliyyəti ilə bağlı son zamanlar bəzi media vasitələrində (sosial media daxil olmaqla) çıxan məlumatla bağlı bəyan edirik ki, KPMG-nin Dağlıq Qarabağda heç bir nümayəndəliyi yoxdur və olmayıb. Bundan əlavə, 2016-cı ilin əvvəlində KPMG MDB-də münaqişə ərazilərində fəaliyyəti məhdudlaşdıran daxili qaydalar təsdiqləyib və öz fəaliyyətində bu məhdudiyyətləri tətbiq etməkdədir. Sözügedən qaydalar KPMG-nin işçilərinin, KPMG-yə aid şəxslərin və şirkətlərin Dağlıq Qarabağa getməsini, orada işləməsini və Dağlıq Qarabağdakı şirkətlərlə əməkdaşlıq etməyi qadağan edir”, – deyə bəyanatda vurğulanıb.

“KPMG Azərbaycan”dan bildirilib ki, nümayəndəlik KPMG-nin müstəqil üzv şirkətlər şəbəkəsinin üzvüdür: “KPMG MDB-də beynəlxalq hüquqa və fəaliyyət göstərdiyi bütün ölkələrin qanunlarına hörmətlə yanaşdığını təsdiq edir və KPMG MDB-də Azərbaycan Respublikasının tətbiq olunan qanunvericiliyinə daim əməl edir”.

Qeyd edək ki, KPMG Dağlıq Qarabağda heç bir nümayəndəliyinin olmadığını bəyan etsə də sözügedən audit şirkətinin Ermənistan nümayəndəliyi Azərbaycanın işğal olunmuş ərazilərində fəaliyyət göstərən “Artsakhbank”ın 2013-cü ildə auditini aparıb və bu hesabat bankın saytında yerləşdirilib.

Mənbə: apa.az