Blog Full - Muhasibat.Az

Oxunma sayı: 134. 425

1 Fev 2018

Bakıda qida məhsullarının ixracı ilə məşğul olan sahibkarlarla görüş keçirilib

by | posted in: Xəbər | 0

Yanvarın 31-də Bakıda “Təhlükəsiz qida ilə ixraca dəstək” devizi altında qida məhsullarının ixracı ilə məşğul olan sahibkarlarla görüş keçirilib.

Tədbir İqtisadiyyat Nazirliyinin dəstəyi və Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə keçirilib.

AZPROMO-nun rəhbəri Rüfət Məmmədov bildirib ki, Azərbaycanda istehsal olunan məhsulların bəzən standartı və keyfiyyəti digər ölkələrin standartlarına uyğun olmadığı üçün idxalı məhdudlaşdırılır. Onun sözlərinə görə, Qida Təhlükəsizliyi Agentliyinin fəaliyyəti bu problemləri aradan qaldıracaq: “Artıq AZPROMO ilə Qida Təhlükəsizliyi Agentliyi arasında geniş əməkdaşlıq proqramları mövcuddur. Tərəflər sıx əməkdaşlıq edir və görüşlər keçirirlər”.

Qida Təhlükəsizliyi Agentliyinin sədri Qoşqar Təhməzli isə bildirib ki, hazırda agentliyin maddi texniki bazası yaradılır və strukturu formalaşdırılır.

“Bununla bağlı müxtəlif nazirliklərlə iş aparılır. Azərbaycanda qida təhlükəsizliyi haqqında qanun olmadığı üçün bəzi mövcud qanunlara uyğun olaraq uyğunlaşdırmalar aparmalıdırlar. Bir neçə aya hüquqi baza yaradıldıqdan sonra agentlik tam olaraq işə başlayacaq”, – deyə Q.Təhməzli qeyd edib.

Q.Təhməzlinin sözlərinə görə, hazırda Avropa İttifaqı və qurumun ekspertləri ilə birgə agentliyin əsas iş prinsipləri hazırlanır: “Qurumun qapıları hər zaman sahibkarların üzünə açıqdır. Onlar narahatlıq yaradan bütün məsələlərlə bağlı agentliyə müraciət edə bilərlər”.

Mənbə: apa.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

1 Fev 2018

Həmkarlar ittifaqları haqqında qanunda kiçik dəyişiklik edildi

by | posted in: Xəbər | 0

“Həmkarlar ittifaqları haqqında” Azərbaycan Respublikasının Qanununda dəyişiklik edilməsi barədə Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 16-cı bəndini rəhbər tutaraq, “Həmkarlar ittifaqları haqqında” Azərbaycan Respublikasının Qanununu Azərbaycan Respublikasının İnzibati Xətalar Məcəlləsinə uyğunlaşdırmaq məqsədi ilə qərara alır:

“Həmkarlar ittifaqları haqqında” Azərbaycan Respublikasının Qanununun (Azərbaycan Respublikası Ali Sovetinin Məlumatı, 1994, № 17, maddə 235; Azərbaycan Respublikasının Qanunvericilik Toplusu, 1997, № 3, maddə 226, № 5, maddə 379; 2001, № 11, maddələr 676, 683; 2004, № 6, maddə 397; 2005, № 1, maddə 5, № 8, maddə 684; 2006, № 11, maddə 922; 2007, № 5, maddə 437, № 11, maddə 1049; 2010, № 3, maddə 171; 2012, № 7, maddə 672; 2013, № 1, maddə 17; 2014, № 10, maddə 1172) 20-ci maddəsinin ikinci hissəsinə “işəgötürən” sözündən sonra “həmkarlar ittifaqının üzvü olan” sözləri əlavə edilsin.

İlham Əliyev

Azərbaycan Respublikasının Prezidenti

Bakı şəhəri, 15 dekabr 2017-ci il.

Mənbə: president.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

1 Fev 2018

Statistika haqqında qanunda kiçik dəyişiklik edildi

by | posted in: Xəbər | 0

“Rəsmi statistika haqqında” Azərbaycan Respublikasının Qanununda dəyişiklik edilməsi barədə Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 24-cü bəndini rəhbər tutaraq, “Rəsmi statistika haqqında” Azərbaycan Respublikasının Qanununu Azərbaycan Respublikasının İnzibati Xətalar Məcəlləsinə uyğunlaşdırmaq məqsədi ilə qərara alır:

“Rəsmi statistika haqqında” Azərbaycan Respublikası Qanununun (Azərbaycan Respublikası Ali Sovetinin Məlumatı, 1994, № 11, maddə 115; Azərbaycan Respublikasının Qanunvericilik Toplusu, 2000, № 7, maddə 486; 2002, № 12, maddə 706; 2003, № 1, maddə 4; 2004, № 2, maddə 57, № 4, maddə 202, № 7, maddə 507; 2006, № 2, maddə 63, № 12, maddə 1005; 2007, № 5, maddə 437; 2008, № 2, maddə 49; 2009, № 12, maddə 957; 2011, № 12, maddə 1101) 7-ci maddəsinin birinci hissəsinin 3-cü bəndində “rəsmi statistikanın” sözləri “statistik müşahidələrin” sözləri ilə əvəz edilsin.

İlham Əliyev

Azərbaycan Respublikasının Prezidenti

Bakı şəhəri, 15 dekabr 2017-ci il.

Mənbə: president.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

1 Fev 2018

Əmək Məcəlləsində kiçik dəyişiklik edildi

by | posted in: Xəbər | 0

Azərbaycan Respublikasının Əmək Məcəlləsində dəyişikliklər edilməsi haqqında Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 16-cı bəndini rəhbər tutaraq, Azərbaycan Respublikasının Əmək Məcəlləsini Azərbaycan Respublikasının İnzibati Xətalar Məcəlləsinə uyğunlaşdırmaq məqsədi ilə qərara alır:

Azərbaycan Respublikasının Əmək Məcəlləsində (Azərbaycan Respublikasının Qanunvericilik Toplusu, 1999, № 4, maddə 213; 2001, № 3, maddə 143, № 6, maddə 362, № 11, maddələr 672, 679, № 12, maddə 731; 2002, № 1, maddə 2, № 5, maddə 241, № 6, maddə 328; 2003, № 1, maddələr 9, 23; 2004, № 1, maddə 10, № 2, maddə 57, № 3, maddə 133, № 6, maddə 413, № 7, maddə 505, № 9, maddə 672, № 12, maddə 981; 2005, № 3, maddə 151, № 4, maddə 278, № 7, maddə 560, № 10, maddə 874, № 11, maddə 1001, № 12, maddə 1094; 2006, № 3, maddələr 220, 222, № 5, maddə 385, № 11, maddə 923, № 12, maddələr 1004, 1025, 1030; 2007, № 5, maddələr 401, 437, № 6, maddə 560, № 8, maddə 756, № 11, maddələr 1049, 1053; 2008, № 3, maddə 156, № 7, maddələr 600, 602, № 10, maddə 887, № 11, maddə 960; 2009, № 2, maddə 48, № 5, maddə 294, № 6, maddə 399, № 12, maddələr 949, 969; 2010, № 2, maddələr 70, 75, № 4, maddə 275; 2011, № 1, maddə 11, № 2, maddələr 70, 71, № 6, maddə 464, № 7, maddə 598; 2012, № 11, maddə 1054; 2013, № 2, maddələr 89, 101, № 11, maddə 1268; 2014, № 2, maddə 92, № 10, maddə 1162, № 11, maddə 1339, № 12, maddə 1527; 2015, № 2, maddə 97, № 3, maddə 250, № 6, maddə 680; 2016, № 2 (I kitab), maddələr 190, 201, № 5, maddə 847, № 11, maddə 1767; 2017, № 6, maddələr 1031, 1048; Azərbaycan Respublikasının 2017-ci il 13 iyun tarixli 716-VQD nömrəli Qanunu) aşağıdakı dəyişikliklər edilsin:

1. 209-cu maddənin on üçüncü abzasında “təhqiq edilməsi” sözləri “araşdırılması” sözü ilə əvəz edilsin.

2. 217-ci maddə üzrə:

2.1. adında “təhqiqi” sözü “araşdırılması” sözü ilə əvəz edilsin;

2.2. 1-ci hissədə “təhqiqatının aparılması” sözləri “araşdırılması” sözü ilə əvəz edilsin;

2.3. 2-ci hissədən “və onun təhqiqatının aparılması” sözləri çıxarılsın;

2.4. 3-cü hissədə “təhqiqatı” sözü “araşdırılması” sözü ilə əvəz edilsin;

2.5. 4-cü hissədə “təhqiqat” sözü “araşdırılma” sözü ilə əvəz edilsin;

2.6. 5-ci hissədə “təhqiqinin” sözü “araşdırılmasının” sözü ilə əvəz edilsin.

3. 237-ci maddənin 3-cü hissəsinin birinci cümləsində “təhqiqində” sözü “araşdırılmasında” sözü ilə əvəz edilsin.

4. 310-cu maddədən və 312-ci maddənin birinci hissəsindən “fiziki” sözü çıxarılsın.

İlham Əliyev

Azərbaycan Respublikasının Prezidenti