Blog Full

Əməkdaşların iş vaxtının uçotu müəssisələrin əksəriyyətində məcburi bir funksiyadır. Bu uçot həm əllə, həm də xüsusi proqram təminatının köməyi ilə yerinə yetirilə bilər. Bu məqalədə biz əməkdaşların iş vaxtının uçotunu necə aparmaq və bu prosesi maksimal dərəcədə necə optimallaşdırmaq barədə söz açacağıq.  

Məzmun:

• Əməkdaşların iş vaxtının uçotunu necə aparmalı: 5 üsul;
• Distant və məsafədən çalışan əməkdaşların iş vaxtının uçotu;
• Normalaşdırılmamış iş günündə çalışanların iş vaxtının uçotu;
• Biznes-prosesin optimallaşdırılması;
• Şirkətlərin işlərinin “Bitriks24”də təşkili.

Müasir dünyada zaman ən vacib mənbəyə çevrilir və ondan səmərəsiz istifadə istənilən bir müəssisənin fəaliyyətinə mənfi təsir göstərə bilər. Bəs işçilərə nəzarət etmək həqiqətənmi zəruridir və ya bunsuz da keçinmək mümkündürmü?

Birincisi, təşkilatın iş vaxtının uçot cədvəlini doldurmaq dövlət tərəfindən tələb olunur. Formallıq kimi görünsə də, bu, şirkəti xoşagəlməz hallardan qoruya bilər. Məsələn, əməkdaşla məhkəmə çəkişməsi zamanı həmin uçot cədvəli bir zərurət halına gələ bilər.

İkincisi, yaxşı qurulmuş nəzarət sistemi işinə səhlənkar yanaşan və öz işini vicdanla yerinə yetirən əməkdaşları aşkara çıxarmağa imkan yaradır ki, nəticədə birinciləri cəzalandırmaq, ikinciləri isə mükafatlandırmaq mümkün olur.

Üçüncüsü, iş vaxtının uçotu intizamı dəstəkləməyə kömək edir. Beləliklə, itkilərə gətirib çıxaracaq ştatdankənar vəziyyətlərin yaranması ehtimalını aşağı salır.

Bundan əlavə, işçilərin fəaliyyətinə nəzarət ümumi təhlükəsizlik və informasiya təhlükəsizliyi səviyyəsini artıra bilər və prosesin avtomatlaşdırılması, həmçinin mənfəəti də artıra bilər.

Əməkdaşların iş vaxtının uçotunu necə aparmaq olar?: 5 üsul

Beləliklə, biz nəzarət etməyin zəruriliyinə əmin olduq. İndi isə belə bir sual qarşıya çıxır: iş vaxtının uçotunu necə aparmalı? Budur, lazım olan bir neçə üsul:

• “Excel” və ya “Google” cədvəlləri. Müsbətləri: ucuz və sadədirlər. Mənfiləri: avtomatlaşdırmanın mümkünsüzlüyü, yalnız kiçik şirkətlər üçün yarayır, müəssisədə vəziyyəti əks etdirmir.
• Mühasibat proqramları. Müsbətləri: mühasibat və HR xidmətləri (kadr xidmətləri) üçün uyğundur. Hazır cədvəllər formalaşır, xidmət sənədlərini əlavə etmək imkanı var. Mənfi cəhətlər üçün iş vaxtının nə dərəcədə səmərəli istifadə edildiyini izləmək mümkünsüzlüyünü qeyd etmək olar.
• Videomüşahidə sistemi. Müsbətləri: əməkdaşın iş yerində olduğu vaxtı qeydə alır, işçinin nə ilə məşğul olduğunu aydınlaşdırmağa kömək edir. Mənfiləri: yalnız ofis işçiləri üzərində nəzarəti təmin edir, mühasibat sistemləri ilə inteqrasiya mümkünsüzdür.
• Avtomati izləmə proqramları. Müsbətləri: həyata keçirilən bütün hərəkətlərin izlənməsi. Mənfiləri: yazılı razılığı tələb etmək zəruriliyi.
• CRM sistemləri. Müsbətləri: sərf olunan vaxtın keyfiyyətini təhlil etməyə kömək edir, avtomatik olaraq işin başlanğıc və bitmə vaxtını, digər proqramlarla inteqrasiya imkanını qeyd edir. Mənfiləri: sazlanma zərurəti.

II hissəyə nəzər yetirmək üçün keçidə daxil olun

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun