Blog Full

Oxunma sayı: 150. 235

16 Fev 2022

Mart ayı üçün qeyri-iş günləri hansılardır?

by | posted in: Xəbər | 0

Gələn ay 8 Mart – Beynəlxalq Qadınlar Günü və Novruz bayramı ilə əlaqədar Azərbaycanda 9 gün iş olmayacaq.

Beynəlxalq Qadınlar Günü münasibətilə martın 8-i, həftənin çərşənbə axşamı qeyri-iş günüdür.

Martın 20–24-də Novruz bayramı ilə əlaqədar qeyri-iş günləridir. Əmək Məcəlləsinə əsasən martın 20-i bazar gününə təsadüf etdiyindən iş və istirahət günlərinin yeri dəyişdiriləcək və ayın 25-i qeyri-iş günü olacaq. 26 və 27 mart tarixləri də şənbə, bazar gününə təsadüf etdiyi üçün Novruz bayramı ilə əlaqədar 8 gün ardıcıl (20, 21, 22, 23, 24, 25, 26 və 27 mart) iş olmayacaq.

Martın 28-də isə növbəti iş günüdür.

Mənbə: report.az

16 Fev 2022

Hansı qurumlarda peşəkar mühasib tələb olunur?

by | posted in: Xəbər | 0

Müəyyən qurumlarda peşəkar mühasiblərin işə təyinatı qanunverciliklə tənzimlənir. Mövzunu sərbəst auditor Altay Cəfərov şərh edir.

“Mühasibat uçotu haqqında” Qanunun 3.4-cü maddəsinə əsasən, paylarının (səhmlərinin) nəzarət zərfi dövlətə məxsus olan hüquqi şəxslərin, qiymətli kağızları fond birjasında dövriyyədə olan hüquqi şəxslər istisna olmaqla, digər ictimai əhəmiyyətli qurumların, iri, orta sahibkarlıq subyektlərinin, büdcə təşkilatlarının və illik maliyyə hesabatlarını və ya birləşdirilmiş (konsolidə edilmiş) maliyyə hesabatlarını dərc edən publik hüquqi şəxslərin baş mühasibləri peşəkar mühasiblər olmalıdır.

İqtisadi subyeklər	Peşəkar mühasib (baş mühasib)		Açıqlamalar
İqtisadi subyeklər	Tələb edilir	Tələb edilmir	Açıqlamalar
Paylarının (səhmlərinin) nəzarət zərfi dövlətə məxsus olan hüquqi şəxslər	Bəli	——	Kommersiya qurumu mikro, kiçik, orta, iri olmağından asılı olmayaraq, paylarının (səhmlərinin) nəzarət zərfi dövlətə məxsusdursa, pəşəkar mühasib tələb olunur.
Qiymətli kağızları fond birjasında dövriyyədə olan hüquqi şəxslər	————	Bəli	Qiymətli kağızları fond birjasında dövriyyədə olan hüquqi şəxslər ictimai əhəmiyyətli qurumlar sayıldığına baxmayaraq, onların baş mühasiblərinin peşəkar mühasib olması tələb olunmur.
Qiymətli kağızları fond birjasında dövriyyədə olan hüquqi şəxslər istisna olmaqla, digər ictimai əhəmiyyətli qurumlar	Bəli	—	Qiymətli kağızları fond birjasında dövriyyədə olan hüquqi şəxslər istisna olmaqla, digər ictimai əhəmiyyətli qurumların baş mühasibləri peşəkar mühasib olmalıdırlar. İctimai əhəmiyyətli qurumların siyahısı böyükdür.
İri sahibkarlıq subyektləri	Bəli	—	İri sahibkarlıq subyektinin baş mühasibi peşəkar mühasib olmalıdır
Orta sahibkarlıq subyektləri	Bəli	—–	Orta sahibkarlıq subyektinin baş mühasibi peşəkar mühasib olmalıdır.
Büdcə təşkilatları	Bəli	—	Kiçik, iri, böyük olmasından asılı olmayaraq istənilən büdcə təşkilatında peşəkar mühasib olmalıdır.
İllik maliyyə hesabatlarını dərc edən publik hüquqi şəxslər	Bəli	—	İstənilən yox, ancaq illik maliyyə hesabatlarını dərc edən publik hüquqi şəxslərin baş mühasibləri peşəkar mühasib olmalıdır.
Birləşdirilmiş (konsolidə edilmiş) maliyyə hesabatlarını dərc edən publik hüquqi şəxslər	Bəli	—	İstənilən yox, ancaq birləşdirilmiş (konsolidə edilmiş) maliyyə hesabatlarını dərc edən publik hüquqi şəxslərin baş mühasibləri peşəkar mühasib olmalıdır.
Kiçik sahibkarlıq subyektləri	——	Bəli	Yalnız nəzarət zərfi dövlətə məxsus kiçik sahbkarlıq subyektlərinə peşəkar mühasib tələb olunur
Mikro sahibkarlıq subyektləri	———–	Bəli	Yalnız nəzarət zərfi dövlətə məxsusmikro sahibkarlıq subyektlərinə peşəkar mühasib tələb olunur.
Bələdiyyələr	——	Bəli	Bələdiyyələrin də baş mühasibləri peşəkar mühasib olmaya bilər. Çünki nə kommersiya, nə də dövlət müəssisəsi olanbələdiyyə yerli özünüidarəetmə qurumudur.

Bəs “Peşəkar mühasib sertifikatı” əldə edən mühasiblərin fəaliyyəti necə tənzimlənir?

Maliyyə hesabatlarının beynəlxalq standartları üzrə “Peşəkar mühasib sertifikatı”. Statusu daha yüksək olduğuna görə bu sertifikatı alan mühasib həm bu sertifikat üzrə, həm də “Kiçik və orta sahibkarlıq subyektləri üçün maliyyə hesabatlarının beynəlxalq standartları” üzrə pəşəkar mühasib sertifikatı tələb olunan qurumlarda işləyə bilər.
Kiçik və orta sahibkarlıq subyektləri üçün maliyyə hesabatlarının beynəlxalq standartları üzrə “peşəkar mühasib sertifikatı” alan mühasib ancaq adları çəkilən qurumlarda işləyə bilər.
İctimai sektor üçün I dərəcəli pəşəkar mühasib sertifikatı olan mühasib sertifikatının statusu daha yüksək olduğuna görə həm də II dərəcəli pəşəkar mühasib sertifikatı tələb edilən təsərrüfat subyeklərində çalışa bilər.

Mənbə: vergiler.az

Əməkhaqqı artımının işçinin məzuniyyətə göndərildiyi aya düşməsi

16 Fev 2022

Ezamiyyə üçün bir günlük norma necə hesablanır və işçi qayıtdıqdan sonra ondan hansı məbləğ tutula (geri alına) bilər?

by | posted in: Xəbər | 0

Azərbaycan Respublikası Nazirlər Kabinetinin “Ezamiyyə xərclərinin normaları haqqında” 2008-ci il 25 yanvar tarixli 14 nömrəli qərarının 1-ci bəndinin ikinci abzasına əsasən Azərbaycan Respublikasının ərazisində ezamiyyə xərclərinin müəyyən edilmiş 1 günlük normasının 80 faizini mehmanxana xərcləri təşkil edir. Həmin bəndin 1-1-ci yarımbəndinə əsasən Azərbaycan Respublikasının ərazisində ezamiyyə zamanı mehmanxana xərcləri barədə müvafiq təsdiqedici sənədlər təqdim edilmədiyi hallarda, ezamiyyə xərclərinin 1 günlük normasının mehmanxana xərcləri üçün müəyyən edilmiş hissəsinin 50 faizi ödənilir.

Azərbaycan Respublikasının Maliyyə Nazirliyinin 2012-ci il 18 yanvar tarixli Q-01 nömrəli qərarı ilə təsdiq edilmiş “İşçilərin Ezamiyyə Qaydaları”nın 5-ci bəndinin dördüncü və altıncı abzaslarına və 6-cı bəndinin birinci abzasına əsasən nəqliyyat xərclərinə ezam olunma yerinə getmək və qayıtmaq, ölkədaxili nəqliyyat xərcləri (taksidən istifadə istisna olmaqla, yaşayış məntəqəsindən kənarda yerləşən vağzala, limana (bərəyə), təyyarə meydanına və ölkə ərazisində digər məntəqələrə getmək) daxildir və bu xərclər təqdim edilən sənədlər əsasında ödənilir. Nəqliyyat xərcləri ilə bağlı təsdiqedici sənədlər itirildiyi təqdirdə, bileti satmış təşkilat tərəfindən biletin həqiqətən həmin şəxsə satılmasını təsdiq edən rəsmi sənəd (arayış) ödəniş üçün əsas götürülür.

Hansı qurumlarda peşəkar mühasib tələb olunur?

Ezam olunan işçiyə ezamiyyətə getməzdən əvvəl ezamiyyətin müddətinə uyğun olaraq pul avansı verilir. İşçi ezamiyyətdən qayıtdıqdan sonra ezamiyyət ilə əlaqədar xərclədiyi vəsaitlərin məbləği haqqında avans hesabatını 3 gün ərzində təqdim etməlidir.

Yuxarıda qeyd edilənlərə əsasən yalnız nəqliyyat xərcləri təqdim edilən sənədlər əsasında ödənilir. Bu zaman ezamiyyə xərcləri norması çərçivəsində işçiyə avans olaraq verilən ezamiyyə xərcləri (nəqliyyat xərcləri istisna olmaqla) işçi tərəfindən tam xərclənmədikdə xərclənməyən hissə barədə işçidən hər hansı bir təsdiqedici sənəd tələb olunmur və bu hissə işçidən tutulmur. Ezamiyyə üçün avans olaraq verilmiş məbləğ ezamiyyə xərcləri norması üzrə hesablanmış məbləğdən (nəqliyyat xərcləri istisna olmaqla) çox olduqda isə artıq qalmış borc məbləği işçidən tutulur.

Mənbə: sosial.gov.az

Əməkhaqqı artımının işçinin məzuniyyətə göndərildiyi aya düşməsi

15 Fev 2022

Rusiya bankı əməkdaşlarının bir hissəsini dörd günlük iş həftəsinə keçirdi

by | posted in: Xəbər | 0

“Sovkombank” 2022-ci ilin yanvar ayından əməkdaşlarının bir hissəsini dörd günlük iş həftəsinə keçirilməsi üzrə eksperimentə başlayıb. Bu haqda “RBK” nəşri xəbər verib.

Kredit təşkilatından nəşrə bildirilib ki, belə bir cədvəl bankın distant rejimdə işləməyi bacaran bek-ofisinin, eləcə də “Sovcombank Texnologiya” törəmə müəssisəsinin əməkdaşları arasında sınaq kimi tətbiq edilib. İl ərzində minə yaxın insan yeni formatı və iş qrafikini sınaqdan keçirəcək, filial əməkdaşları isə adi qaydada işləməyə davam edəcəklər.

“Sovcombank”ın idarəedici direktoru Anna Kambulova üç günlük istirahətlə işə keçidin maaşlara təsir etməyəcəyinə əmin edib. Beləliklə, eksperimentin nəticələrini təhlil etdikdən sonra dörd günlük iş formatının davam etdirilib-etdirilməməsi barədə qərar qəbul ediləcək.

Daha əvvəl “Rabota.ru” xidmətinin araşdırması göstərib ki, rusiyalıların əksəriyyəti (78 faiz) iş günlərinin həftədə dörd günə endirilməsinə müsbət yanaşır. Respondentlərin 47 faizi isə şirkətlərinin dördgünlük iş həftəsinə hazır olmasını mənfi qiymətləndirib.