İqtisadiyyatın bərpası üçün əsas amil açıqlanıb
Britaniyanın “TS Lombard” investisiya tədqiqatları şirkətinin baş iqtisadçısı Çarlz Düma, iqtisadiyyatın pandemiyanın nəticələrindən bərpası üçün qlobal istiləşmə ilə mübarizəni başlıca amil adlandırıb. CNBC-nin istinad etdiyi qeyddə analitik, hökumətlərə iqlim dəyişikliyinin qarşısının alınmasına daha çox vəsait ayırmağı məsləhət görüb.
“TS Lombard” tədqiqatlar şirkətinin məlmatına görə, son on ildə günəş və külək enerjisi daha əlçatan olub, eyni zamanda kömürün və təbii qazın qiyməti isə dəyişikliyə uğramayıb. Dümanın proqnozun görə, 2030-cu ilə kimi bərpa olunan enerji ənənəvi yanacaq növlərindən iki dəfə ucuz başa gələcək – deməli, perspektivdə isə bərpa olunan enerjiyə keçid, təkcə atmosferə zərərli qaz tullantılarının sıfra enməsinə görə faydalı olmayacaq.
Cari ilin noyabr ayında Qlazqo şəhərində (Şotlandiya) BMT-nin iqlim dəyişikliyi Konfransı (COP26) – Paris razılaşmasının imzalanmasından bəri ən əhəmiyyətli çoxtərəfli görüşlərdən biri keçirələcək. Duma hesab edir ki, COP26-nın keçirilməsi ərəfəsinədək hökumətlər qlobal istiləşməyə qarşı mübarizədə əsas prioritetlərini müəyyənləşdirməlidirlər. Bir çox ölkələr üçün bu, mövsümdən və ya ekstremal hava şəraitindən asılı olmayaraq, bərpa olunan enerjinin sabit şəkildə verilməsini təmin etmək üçün elektrik stansiyalarının infrastrukturuna investisiya yatırımları olacaq.
Düma təmiz enerjinin yayılmasını digər bir böyümə nöqtəsi adlandırıb. Afrikanın inkişaf etməkdə olan ölkələrində, məsələn, günəş enerjisinin istehsalında Avropa regionları ilə bölüşmək mümkün olacaq böyük potensial var – bunun üçün hökumətlər bahalı tədqiqatlara və enerjinin uzun məsafələrə ötürülməsi texnologiyalarına sərmayə qoymalıdırlar. Bundan əlavə, iqtisadçı, karbon qazının tutulması və saxlanılması sistemlərini atmosferin zərərli qazlarla çirkləndirilməsinin sıfra endirilməsinə nail olmaq üçün bahalı da olsa, ən təsirli bir vasitə kimi göstərib. Bununla birlikdə, Düma, karbon qazının atmosferə buraxılmasına görə vergi tətbiq edilməsini də ən ehtimal olunan tədbir olduğunu düşünür.
Öz növbəsində, Beynəlxalq ətraf mühit və inkişaf institutunun baş iqtisadçısı Pol Stil qeyd edib ki, bərpa olunan energetikaya yatırılan investisiyalar nəinki iqlim böhranını, həm də iqtisadi böhranı aradan qaldırmağa kömək edəcək – onlar pandemiyadan sonra bərpa üçün iş yerləri yaradacaqlar. Digər məsələlərlə yanaşı, Pol Stilə görə, iqlim üçün əlverişli iqtisadiyyatın maliyyələşdirilməsi qısamüddətli olmamalı və sürətli nəticələr əldə etməyə hesablanmamalıdır.
Orta əmək haqqı əvvəlki iki aydan hesablanarkən nəzərə alınmayan ödənclər:
Azərbaycanda avtomobil nəqliyyatı ilə daşımalara dair prosedur qaydalarının təkmilləşdirilməsi məqsədilə fərqlənmə nişanlarının verilməsi ilə bağlı müvafiq qaydalara dəyişiklik edilib.
Sual: İdxaldan daxil olan malların maya dəyəri hesablanan zaman invoys ilə hesablanmalıdır, yoxsa gömrük tərəfindən hesablanmış statistik dəyər ilə?