Oxunma sayı: 151. 607
10 İyl 2021

İcbari tibbi sığorta haqqına cəlb olunan ödənişlər

by | posted in: Xəbər | 0

icbari tibbi sığorta, Əmək qabiliyyəti, icbari tibbi sığorta, İcbari tibbi sığorta haqlarıİcbari tibbi sığorta, sığorta hadisəsi zamanı əhaliyə ilkin səhiyyə xidmətləri, təcili və təxirəsalınmaz tibbi yardım, sığorta olunanlara xidmətlər zərfində nəzərdə tutulmuş şərtlər çərçivəsində tibbi xidmətlərin göstərilməsinə imkan yaradır. Mövzunu İqtisadi Resursların Öyrənilməsi Mərkəzinin sədri Ruslan Atakişiyev şərh edir.

İcbari tibbi sığorta üzrə sığorta haqları işçinin əməkhaqqından, yəni işəgötürən tərəfindən işçiyə pul və ya natura formasında ödənilən gündəlik və ya aylıq məbləğ, habelə ona edilən əlavələrin, mükafatların və digər ödənclərin məcmusundan ibarət məbləğdən hesablanır.

Dövlət və neft sektorunda çalışan işəgötürən və işçilərdən aylıq hesablanmış əməyin ödənişi fondunun 8000 manata qədər olan hissəsindən 2%, 8000 manatdan yuxarı olan hissəsindən 0,5% məbləğində icbari tibbi sığorta haqqı hesablanır.

Qeyri-dövlət və qeyri-neft sektorunda çalışan işəgötürən və işçilərdən aylıq hesablanmış əməyin ödənişi fondunun 8000 manata qədər olan hissəsindən 1%, 8000 manatdan yuxarı olan hissəsindən 0,5% məbləğində icbari tibbi sığorta haqqı tutulur. 2022-ci ildən etibarən bu sektor üzrə işəgötürən və işçilərdən əməkhaqqının 8000 manata qədər olan hissəsindən 2% miqdarında icbari tibbi sığorta haqqı tutulması müəyyən olunub.

Mülki-hüquqi xarakterli müqavilələr əsasında işləri (xidmətləri) yerinə yetirən fiziki şəxslər aylıq gəlirlərinin 8000 manatadək (8000 manat da daxil olmaqla) olan hissəsinin 2 faizi, 8000 manatdan yuxarı olan hissəsinin 1 faizi miqdarında icbari tibbi sığorta haqqı ödəyirlər.

1 yanvar 2021-ci ildən etibarən vergi ödəyicisi kimi vergi uçotuna alınmış fiziki şəxslər (fərdi sahibkarlar) minimum aylıq əməkhaqqının 4 faizi miqdarında (hazırda minimum əməkhaqqı 250 manat olduğu üçün ayda bu 10 manat təşkil edir) icbari tibbi sığorta haqqı ödəyirlər. Bu məbləğ hər ay üçün hesablanır və sonrakı ayın 15-dən gec olmayaraq tam məbləğdə ödənilir. Azərbaycan Respublikasının Vergi Məcəlləsinə əsasən, vergi ödəyicisinin sahibkarlıq fəaliyyətini və ya digər vergi tutulan əməliyyatlarını müvəqqəti dayandırdığı halda vergi ödəyicisi kimi vergi uçotuna alınmış fiziki şəxslər (fərdi sahibkarlar) icbari tibbi sığorta haqqı ödəməkdən azaddır.

Əməkhaqqının tərkibinə daxil olmayan ödənişlər icbari tibbi sığorta üzrə sığorta haqqına cəlb olunmur.

Qeyd edək ki, 1 yanvar 2020-ci ildən icbari tibbi sığortanın ölkə üzrə mərhələli tətbiqinə başlanılıb.1 aprel 2021-ci ildən icbari tibbi sığorta sistemi bütün ölkə ərazisini əhatə edir.

Mənbə: vergiler.az

Bax:

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

9 İyl 2021

Avropa ölkələrində və dünyada əməkhaqqı statistikası (6-cı hissə)

by | posted in: Xəbər | 0

Əməkhaqqı statistikası (6-cı hissə)

5-ci hissəyə nəzər yetirmək üçün keçidə daxil olun

Peşələr üzrə kimlərə daha çox ödəniş edilir?
Konkret ixtisaslar üzrə dünyada maaşların reytinqi ayrıca diqqətə layiqdir. Məsələn, yaxşı əməkhaqqı verilən regionlarda peşələr üzrə top-onluqda üstünlüklər fərqlidir.
  • Norveçdə tibb işçiləri, IT əməkdaşları, proqramçılar və neftçilərə daha çox ödəniş edilir;
  • Avstraliyada paytaxt sakinlərinə daha çox və Tasmaniya sakinlərinə isə daha az ödəniş edilir, tibb işçiləri, proqramçılar yüksək qiymətləndirilir;
  • Yeni Zelandiyada ən çox hüquqşünaslara, həkimlərə ödəniş edilir;
  • ABŞ-da mühəndislər, müəllimlər, həkimlər, polis işçiləri, yüksək texnologiyalar mütəxəssislərinə çox ödəniş edilir;
  • Almanlar istedadlı komüterçilər, maliyyəçilər, həkimlər, sığorta mütəxəssislərini böyük həvəslə yaxşı ödənişlə təmin edirlər;
  • Kanadada inşaatçılar, kompüter işçiləri, uzaqyol-sürücülər, mühəndislər, baş-aşpazlar, neftçilər, hüquqşünasları sevirlər;
  • Yaponlar ənənəvi olaraq qeyri-adidirlər – standart kompüterçilərdən başqa bu ölkədə dizaynerlər, satıcılar, arxitektorlar, reklam sahəsində dahilər, piar işçiləri də yaxşı qazanc əldə edirlər;
  • Yaşayış üçün Fransada IT mütəxəssislərinə ayda 4000 dollar düşür, mühasiblərə də eyni məbləğ verilir, istehsal sahəsində 3000 dollardan çox gəlir əldə etmək mümkündür.

Ümumilikdə, 2021-ci ildə Avropada bu ixtisaslar üzrə maaşlar daha yüksək hesab olunur:

  1. Mühəndis-iqtsadçı (Belçikada 20 min dollardan başlayır, İsveçrədə isə 40 min dollara kimi).
  2. IT mütəxəssisi (Belçika, İtaliyada 20 min dollardan başlayır, İsveçrədə 40 min dollara kimi).
  3. Hüquqşünas (Belçikada 18 min dollardan başlayır, İsveçrə, Almaniyada 40 min dollara kimi).

7-ci hissəyə nəzər yetirmək üçün keçidə daxil olun

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

9 İyl 2021

Fiziki şəxs evini və ya obyektini satarkən nə qədər vergi ödəməlidir?

by | posted in: Xəbər | 0

komisyon haqqı, Qeyri-rezident, onlayn xidmət, vergi uçotu, Kompensasiyalara görə vergi, Sadələşdirilmiş vergi ödəyicisi, güzəşt, güzəştlər, vergi tutulmaları, Gəlirlər, Məzuniyyət haqqı, Pandemiya, vergi güzəştləri,Gəlirdən çıxılmayan xərclər, qeyri-rezident, ÖMV, ƏDV, cərimə, EDV, Riskli vergi ödəyiciləri,Fiziki şəxsin mülkiyyətində olan yaşayış səhəsinin satışı zamanı vergi öhdəliyi yaranır. Burada hansı məqamlara diqqət yetirilməlidir? Mövzunu iqtisadçı ekspert, Azərbaycan Kooperasiya Universitetinin dosenti Ədalət Əsədov şərh edir.

Vergi Məcəlləsinin 198.1.1 –ci maddəsinə əsasən, fiziki şəxslərin xüsusi mülkiyyətində olan binaların sahəsinin (yaşayış sahələrinə münasibətdə – onların 30 kvadratmetrdən artıq olan hissəsinin) hər kvadratmetrinə görə dərəcələr tətbiq olunur. Bina Bakı şəhərində yerləşdikdə, verginin məbləği həmin dərəcələrə müvafiq icra hakimiyyəti orqanının müəyyən etdiyi 0,7-dən aşağı və 1,5-dən yuxarı olmayan əmsallar tətbiq edilməklə hesablanır.

Burada diqqət yetirilməli məqamlar bunlardır:

– vətəndaş 3 il və ya daha çox müddətdə həmin ünvanda qeydiyyatdadırsa, bu zaman həmin əmlakın satışı üzrə vergidən azaddır.

– vətəndaşın şəxsi mülkiyyətində olan yaşayış sahəsinin satışı zamanı bu şəxsin həmin ünvana qeydiyyatda olub-olmamasından aslı olmayaraq ümumi sahənin 30 kvadratmetrdək olan hissəsi vergidən azaddır;

– şəxsin əmlakı bağışlanma və ya vərəsəliklə digər ada keçdiyi halda da vergi hesablanmır;

– vətəndaş 5 ildən az müddətdə sahibi olduğu yaşayış sahəsini satarkən zonalara uyğun olaraq vergi hesablanır.

Misal 1: Fiziki şəxs sahibi olduğu evi digər bir fiziki şəxsə satır. Sahəsi 100 kvavratmetr olan ev Bakı şəhərində 2-ci zonada yerləşir. Evi satan şəxs bu evdə 2 ildir qeydiyyatdadır. Bu hal üçün sadələşdirilmiş vergi aşağıdakı kimi hesablanır:

100 – 30 = 70 m2.
70 x 3 x 15 manat = 3.150 manat.

Vergi notarius tərəfindən hesablanır və bir bank günü ərzində dövlət büdcəsinə ödənilir. Notarius vasitəsilə aparılan əməliyyatlar üzrə verginin hesablanmasına və verginin dövlət büdcəsinə ödənilməsinə görə məsuliyyəti notariat orqanı daşıyır. Notarius vergini əməliyyat zamanı birbaşa satıcı tərəfdən tutur. Qeyri-yaşayış sahələri təqdim edilərkən də buna oxşar olaraq vergilər notarius tərəfindən hesablanır və tutulur.

Misal 2: Fiziki şəxsə özünə məxsus olan və Bakı şəhərində 2-ci zonada yerləşən 100 kvadratmetrlik qeyri-yaşayış sahəsini digər fiziki şəxsə satır. Bu halda sadələşdirilmiş vergi 1-ci misaldakından fərqli olaraq aşağıdakı kimi hesablanır:

100 x 3 x 15 = 4.500 manat.

Xatırladaq ki, yaşayış və qeyri-yaşayış sahələrinin təqdim edilməsi zamanı sadələşdirilmiş vergi hər kvadratmetri üçün 15 manat olmaqla hesablanır. hesablama zamanı, yaşayış və qeyri-yaşayış sahələrinin yerləşdiyi ərazıdən asılı olaraq, baza məbləği müvafiq zonaya aid əmsala vurulur. Zona əmsalları aşağıdakı kimi müəyyən olunub:

birinci zona – 4.0;
ikinci zona – 3.0;
üçüncü və dördüncü zonalar – 2.2;
beşinci və altıncı zonalar – 1.8;
yeddinci, səkkizinci və doqquzuncu zonalar – 1.5,
onuncu, on birinci və on ikinci zonalar üçün 1.2.

Bina Gəncə, Sumqayıt və Xırdalan şəhərlərində yerləşdikdə, sadələşdirilmiş vergi məbləğinə 1.5, Abşeron rayonunun qəsəbə və kəndləri (Xırdalan şəhəri istisna olmaqla), Şirvan, Mingəçevir, Naxçıvan, Lənkəran, Yevlax, Şəki və Naftalan şəhərlərində yerləşdikdə – 1.2, digər rayon (şəhər) və qəsəbələrdə (kəndlərdə) yerləşdikdə – 0.5 əmsalları tətbiq olunur.

Qeyri-yaşayış sahələrinin təqdim edilməsi zamanı sadələşdirilmiş vergi əlavə olaraq 1.5 əmsalına vurularaq hesablanır və notariuslar tərəfindən tutulub bir iş günü ərzində müvafiq bank vasitəsilə büdcəyə ödənilir.

Mənbə: vergiler.az

Bax:

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

9 İyl 2021

Dividendlər nə deməkdir və onlar necə işləyir? (I hissə)

by | posted in: Xəbər | 0

vergi, dividend, təsisçi,Dividendlər – bu, şirkətlərin səhmlərinə sahib olan investorlara mənfəətin müntəzəm ödənişləridir. Amma bütün səhmlər üzrə ödənişlər verilmir. Dividendlər – bu, şirkətin səhmdarları ilə mənfəəti bölüşmək üçün istehsal etdiyi ödənişlərdir. Onlar müntəzəm olaraq ödənilir və bu, investorların səhmlərə investisiya yatırımından qazanc əldə etmək yollarından biridir.

Amma, bütün səhmlər dividendlər gətirmir – əgər siz dividendlərə investisiya etməkdə maraqlısınızsa, onda xüsusi olaraq dividend gətirən səhmləri seçə bilərsiniz.

Səhmlər üzrə dividendlər necə işləyir?

Dividendlər səhmlərə görə ödənilir – əgər siz şirkətin 30 səhminə sahibsinizsə və həmin şirkət illik 2 dollarlıq pul dividendləri ödəyirsə, belədə siz il ərzində 60 dollar əldə edəcəksiniz.

Dividendlərin növləri:

Adətən dividendlər şirkətin adi səhmlərinə görə ödənilir. Şirkətin öz səhmdarlarına ödəyə biləcəyi bir neçə dividend növü mövcuddur.

  • Pul dividendləri. Ən geniş yayılmış dividend növlərindən biridir. Şirkətlər adətən onları birbaşa səhmdarın broker hesabına nağd şəkildə ödəyirlər.
  • Səhmlərə görə dividendlər. Nağd ödəniş əvəzinə şirkətlər investorlara əlavə səhmlər də ödəyə bilərlər.
  • Dividendlərin təkrar investisiya proqramları (DRİPS). DRIPS-də investorlar, şirkətin səhmlərinə geri alınan bütün dividendləri, çox vaxt endirim yolu ilə yenidən investisiya kimi yatırım edə bilərlər.
  • Xüsusi dividendlər. Bu dividendlər şirkətin bütün adi səhmlərinə ödənilir. Lakin adi dividendlər kimi təkrarlanmır. Şirkətlər çox vaxt bir neçə il ərzində yığılmış və bölüşdürülməsinə dərhal ehtiyac duyulmayan gəlirin bölüşdürülməsi üçün xüsusi dividendlər buraxır.
  • İmtiyazlı dividendlər. İmtiyazlı səhmlərin sahiblərinə verilən ödənişlər. İmtiyazlı səhmlər – bunlar səhmlər kimi deyil, daha çox istiqrazlar kimi fəaliyyət göstərir. Dividendlər adətən rüblük ödənilir. Lakin adi səhmlər üzrə dividendlərdən fərqli olaraq, imtiyazlı səhmlər üzrə dividendlər, bir qayda olaraq, qeydə alınır.
Dividendlər hansı aralıqda ödənilir?

Birləşmiş Ştatlarda şirkətlər dividendləri adətən rüblük ödəyirlər. Baxmayaraq ki, bəzi şirkətlər onları aylıq və ya yarım ildə bir dəfə ödəyirlər. Şirkətlərin direktorlar şuraları hər bir dividendi təsdiq etməlidirlər. Bundan sonra şirkət dividendlərin, onların məbləği və ödəniş tarixi ilə bağlı vaxtı elan edir.

“İnvestorlar dividendlər almaq üçün dividendlərin ödənilməsi tarixinə qədər səhmlərə sahib olmalıdırlar”.

II hissəyə nəzər yetirmək üçün keçidə daxil olun

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

1 … 911 912 913 914 915 916 917 … 2. 692