Blog Full - Muhasibat.Az

Oxunma sayı: 151. 851

4 İyn 2021

Şəhid ailə üzvlərinin, müharibə səbəbindən əlilliyi olan şəxslərin və müharibə veteranlarının reyestri yaradılır

by | posted in: Xəbər | 0

Şəhid ailə üzvlərinin, müharibə səbəbindən əlilliyi olan şəxslərin və müharibə veteranlarının reyestri yaradılır. Əmək və Əhalinin Sosial Müdafiəsi Nazirliyindən bildirilib ki, reyestrə şərti olaraq “Zəfər reyestri” adı verilib.

Bu reyestrə şəhidlərimizin ailə üzvlərinin və bu kateqoriyadan olan vətəndaşlarımızın məlumatları toplanılacaq. Reyestr dövlət orqanlarına və özəl qurumlara imkan verəcək ki, bu kateqoriyadan olan vətəndaşlarımızın müraciəti zamanı onların dərhal tanınması və onlara növbədənkənar xidmətlərin göstərilməsi və ya qanunla müəyyən olunmuş hüquqlarının həyata keçirilməsi, güzəştlərin əldə edilməsində açar rolunu oynasın.

Prezident İlham Əliyevin tapşırığına əsasən hazırlanan reyestr ilin sonuna qədər tam formalaşdırılacaq.

Mənbə: vergiler.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

4 İyn 2021

Əlilliyin müəyyən olunması üzrə yeni meyarların detalları açıqlanıb

by | posted in: Xəbər | 0

Əmək və Əhalinin Sosial Müdafiəsi Nazirliyi tərəfindən ölkədə əlillik təyinatı sistemində ilk dəfə olaraq köklü dəyişikliklərin edilməsini, əlilliyin mütərəqqi dünya təcrübəsinə uyğun daha təkmil qiymətləndirilməsini hədəfləyən yeni “Əlilliyin müəyyən olunması meyarları” ilə əlaqədar hazırlanmış qanunvericilik layihələrinin paketi artıq Milli Məclisə təqdim edilib.

Nazirlikdən verilən məluamta görə, gələn ildən tətbiqi nəzərdə tutulan yeni meyarlarla əlillik artıq 3 dərəcə üzrə məhdud çərçivədə deyil, orqanizmin funksiyalarının itirilməsi faizinin müəyyən edilməsi prinsipi əsasında, həm də xəstəliyin ağırlıq dərəcəsi nəzərə alınmaqla təyin olunacaq.

Yəni, I dərəcə – orqanizmin funksiyalarının 81-100 faiz itirilməsi, II dərəcə – orqanizmin funksiyalarının 61-80 faiz itirilməsi, III dərəcə – orqanizmin funksiyalarının 31-60 faiz itirilməsi kimi müəyyən ediləcək. Həmçinin sağlamlıq imkanları məhdudluq da bu əsasda təyin olunacaq.

Əlilliyin qiymətləndirilməsi şəxsin özünəqulluq, sərbəst hərəkətetmə, istiqamət seçmə, ünsiyyət, davranışına nəzarət etmə, öyrənmə və əmək fəaliyyəti üzrə insanın həyat fəaliyyətinin 7 əsas kateqoriyasının məhdudlaşma dərəcəsi əsas götürülməklə aparılacaq.

Qüvvədə olan 94 normativ hüquqi akt bu dəyişikliklərə uyğunlaşdırılacaq, o cümlədən “sağlamlıq imkanları məhdud 18 yaşınadək uşaqlar” sözləri “18 yaşınadək əlilliyi olan şəxslər” sözləri ilə əvəzlənəcək. Geridönməz halları olan uşaqlara əlillik 18 yaşa qədər deyil, müddətsiz təyin ediləcək.

Yeni “Əlilliyin müəyyən olunması meyarları”nın hazırlanmasında əsas məqsəd əlillik təyinatlarında həssas və obyektiv yanaşmanın, ünvanlılıq və sosial ədalətin təmin edilməsidir. Bu meyarlar eyni zamanda, əlillik təyinatı sahəsində qabaqcıl beynəlxalq standartların tətbiqinə, xidmətin keyfiyyətinin və vətəndaş məmnunluğunun yüksəldilməsinə, əlilliyi olan şəxslərin cəmiyyətə inteqrasiya imkanlarının artırılmasına xidmət edir.

Mənbə: report.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

4 İyn 2021

Mühasib seçimi zamanı yol verilən 8 tipik səhv (V hissə)

by | posted in: Xəbər | 0

Mühasib seçimi zamanı yol verilən 8 tipik səhv (V hissə)

IV hissəyə nəzər yetirmək üçün keçidə daxil olun

8-ci səhv. Müəssisədə personal seçiminin düzgün olmayan strategiyası

Mühasib seçimi zamanı düzgün olmayan kadr seçimi strategiyası ilə diktə edilmiş səhvlər ola bilər.

Səhv strategiyanın nümunələri:

kortəbii seçim – əməkdaşların axtarışı zamanı “yaxşılar” qalacaq, “pislər” isə özləri çıxıb gedəcək kimi səhv məntiqdən istifadə olunur;
“rəhbərliyin patronajlığı əsasında” seçim – bu halda kollektivin heyəti, onun xüsusiyyətləri gözardı edilir. İdealda isə yeni əməkdaş ona rəhbərlik tərəfindən irəli sürülən peşəkar tələblərə cavab verməli, öz həmkarları ilə ümumi dil tapa bilən biri olmalıdır;
“kollektivin rəyi əsasında” seçim – burada isə tam əksi baş verir. Yəni elə bir namizəd seçilir ki, personalla ünsiyyəti maraqlı olur, lakin, rəhbərliyin xüsusiyyətləri və tələbləri nəzərə alınmır;
namizədin keyfiyyətinin qeyri-adekvat dəyərləndirilməsi – burada müxtəlif variantlar ola bilər, xüsusilə də əsaslandırılmamış yüksək tələblər səbəbindən işə demək olar ki, bütün arzu edənlərin qəbulu;
daha bir variant – ikinci dərəcəli tələblərə (məsələn, zahiri görünüş peşəkar keyfiyyətlərdən daha yüksək dəyərləndirilir) daha çox üstünlük verilir.

Son söz əvəzi

Mühasib vəzifəsinə namizədin seçilməsi zamanı ortaya çıxan tipik səhvləri nəzərdən keçirdik. Mühasib seçərkən hansı prinsipləri rəhbər tutduğunuzu, bu cür səhvlərə yol verməyinizi təhlil edin. Ola bilsin ki, sizə hansısa vacib məqamları nəzərə almağa və personalın seçim strategiyasına müəyyən düzəlişlər etməyə dəyər.

Məlum olduğu kimi, yalnız heç bir şey etməyən bir kimsə səhv etmir. Lakin mühasibin səhvləri müəssisəyə çox baha başa gələ bilər. Buna görə də, mühasib seçimi zamanı kadrların seçilməsi üzrə menecerin səhvlərini minimuma endirmək arzu edilir.

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

4 İyn 2021

Ani Ödənişlər Sisteminin “AniPay” mobil tətbiqi vasitəsilə təqdim olunan rəqəmsal həllərin əhatəliliyi artırılıb

by | posted in: Xəbər | 0

Prezident İlham Əliyevin 2018-ci il 26 sentyabr tarixli Sərəncamı ilə təsdiq edilmiş “2018-2020-ci illərdə Azərbaycan Respublikasında rəqəmsal ödənişlərin genişləndirilməsi üzrə Dövlət Proqramı” çərçivəsində Azərbaycan Mərkəzi Bankı (AMB) tərəfindən yaradılaraq 2020-ci il oktyabrın 1-də istismara verilmiş Ani Ödənişlər Sisteminin (AÖS) infrastruktur imkanlarının genişləndirilməsi üzrə fəaliyyət davam etdirilir.

AMB-dən bildirilib ki, bu istiqamətdə həyata keçirilən tədbirlər çərçivəsində, ölkədə ilk dəfə olaraq “Açıq bankçılıq” prinsipləri əsasında AÖS-də müştərilərin və onlara aid bank hesablarının məsafədən qeydiyyatdan keçirilməsi, silinməsi, qalıq üzrə məlumatların əldə edilməsi və əməliyyatların aparılmasına dair funksionallıqlar yaradılıb. Hazırda “Yapı Kredi Bank Azərbaycan” QSC, “Unibank” KB ASC, “AFB Bank”, “Azər-Türk Bank” ASC müştəriləri cari və ödəniş kartı hesabları üzrə, “Premium Bank” ASC, “Günay Bank” ASC, “Muğanbank” ASC, “Naxçıvanbank” ASC, “Bank Avrasiya” ASC, “Bank Respublika” ASC, “Turanbank” ASC və Bank “BTB” ASC müştəriləri isə cari hesablar üzrə sistemin qeyd edilən funksionallıqlarından yararlana bilər. Eyni zamanda, müştərilər AÖS-ün “AniPay” mobil tətbiqindən (Android: http://bit.ly/3b78WQo və IOS: https://apple.co/3hXL17u) istifadə etməklə 24/7/365 rejimində ödənişlərini anında həyata keçirə bilərlər.

Qeyd edək ki, hazırda 19 bank, Maliyyə Nazirliyinin Dövlət Xəzinədarlığı Agentliyi və “Azərpoçt” MMC AÖS platformasına inteqrasiya olunub. Gələcəkdə sistemin əhatə dairəsinin genişləndirilməsi, habelə istifadəçilər üçün təqdim olunan rəqəmsal həllərin çeşidinin artırılması istiqamətində işlər davam etdiriləcək.