You can display the Full post on your Blog Page
Vakansiya: Mühasib / İşəgötürən: Buta Group.
Yuxarıda qeyd olunan tələblərə uyğun gələn namizədlərdən mövzu yerində “Mühasib” qeyd edərək öz CV-lərini mükəmməl şəkildə / email ünvanına göndərməyiniz xahiş olunur.
“Azərbaycan Respublikasının Vergi Məcəlləsində dəyişiklik edilməsi haqqında” Azərbaycan Respublikasının 2019-cu il 12 iyul tarixli 1648-VQD nömrəli Qanununun tətbiqi və həmin Qanunun tətbiqi ilə əlaqədar bir sıra məsələlərin tənzimlənməsi barədə Azərbaycan Respublikası Prezidentinin Fərmanı (vergi məcəlləsi)
AR Konstitusiyasının 109-cu maddəsinin 19-cu və 32- ci bəndlərini rəhbər tutaraq, “Azərbaycan Respublikasının Vergi Məcəlləsində dəyişiklik edilməsi haqqında” Azərbaycan Respublikasının 2019-cu il 12 iyul tarixli 1648-VQD nömrəli Qanununun qüvvəyə minməsi ilə əlaqədar həmin Qanunun tətbiqini təmin etmək məqsədilə qərara alıram:
1.1. Azərbaycan Respublikası qanunlarının və Azərbaycan Respublikası Prezidentinin aktlarının “Azərbaycan Respublikasının Vergi Məcəlləsində dəyişiklik edilməsi haqqında” Azərbaycan Respublikasının Qanununa uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;
1.2. Azərbaycan Respublikası Nazirlər Kabinetinin normativ hüquqi aktlarının həmin Qanuna uyğunlaşdırılmasını üç ay müddətində təmin edib Azərbaycan Respublikasının Prezidentinə məlumat versin;
1.3. mərkəzi icra hakimiyyəti orqanlarının normativ hüquqi aktlarının həmin Qanuna uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Respublikasının Prezidentinə məlumat versin;
1.4. həmin Qanundan irəli gələn digər məsələləri həll etsin.
2. Azərbaycan Respublikası Vergi Məcəlləsinin 22-1.1-ci maddəsinə uyğun olaraq əldə olunan vəsaitin Azərbaycan Respublikası Prezidenti Administrasiyasının, Azərbaycan Respublikası Nazirlər Kabinetinin və Azərbaycan Respublikası Vergilər Nazirliyinin hesablarına köçürülən hissəsi aşağıdakı kimi müəyyən edilsin:
2.1. 2019-2022-ci illər üçün – 100 faizi;
2.2. 2023-cü il və növbəti illər üçün – 50 faizi.
3. “Azərbaycan Respublikası Vergi Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında” Azərbaycan Respublikası Qanununun və bu Qanunla təsdiq edilmiş Azərbaycan Respublikası Vergi Məcəlləsinin tətbiq edilməsi barədə” Azərbaycan Respublikası Prezidentinin 2000-ci il 30 avqust tarixli 393 nömrəli Fərmanında (Azərbaycan Respublikasının Qanunvericilik Toplusu, 2000, № 8 (III kitab), maddə 616; 2005, № 12, maddə 1099; 2006, № 5, maddə 400, № 12, maddə 1034; 2007, № 4, maddə 323, № 12, maddə 1225; 2008, № 11, maddə 972; 2009,
№ 3, maddə 163, № 4, maddə 226, № 10, maddə 780; 2010, № 7, maddə 610; 2011, № 7, maddə 631; 2013, № 7, maddə 805, № 11, maddə 1324; 2014, № 4, maddə 359, № 5, maddə 477, № 9, maddə 1027, № 10, maddə 1198, № 11, maddələr 1390, 1420; 2015, № 1, maddə 12, № 12, maddə 1454; 2016, № 2 (II kitab), maddələr 261, 265, № 3, maddə 450, № 5, maddə 882, № 6, maddələr 1023, 1024, 1042, 1065, № 7, maddə 1257, № 9, maddə 1464, № 11, maddə 1838, № 12, maddə 2089; 2017, № 5, maddələr 760, 811, 845, № 7, maddə 1344, № 8, maddə 152, № 9, maddələr 1830, 1843, № 12 (I kitab), maddələr 2571, 2599) aşağıdakı dəyişikliklər edilsin:
3.1. 1-ci bənddə “22-1.2-ci maddəsinin birinci (hər iki halda) və ikinci cümlələrində, 23.1.15-4-cü maddəsində” sözləri “22-1.1-ci maddəsinin birinci cümləsində (ikinci halda), 22-1.2-ci maddəsinin birinci (hər iki halda) və ikinci cümlələrində, 22-1.3-cü (hər üç halda), 23.1.15-4-cü maddələrində” sözləri ilə əvəz edilsin;
3.2. 1-2-ci bənddə “(ikinci halda)” sözləri “(üçüncü halda)” sözləri ilə əvəz edilsin;
3.3 1-8-ci bəndə “həmin Məcəllənin” sözlərindən sonra “22-1.3-cü (ikinci halda),” sözləri əlavə edilsin;
3.4. aşağıdakı məzmunda 1.1-9-cu bənd əlavə edilsin:
“1.1-9. həmin Məcəllənin 22-1.3-cü maddəsində (birinci və üçüncü hallarda) “orqan (qurum)” dedikdə Azərbaycan Respublikası Prezidentinin Administrasiyası, Azərbaycan Respublikasının Nazirlər Kabineti və Azərbaycan Respublikasının Vergilər Nazirliyi nəzərdə tutulur.”.
4. “Azərbaycan Respublikası Prezidentinin Administrasiyasında, Azərbaycan Respublikası Prezidentinin İşlər İdarəsində və Azərbaycan Respublikası Prezidentinin Xüsusi Tibb Xidmətində işləyən dövlət qulluqçularının sosial müdafiəsinin gücləndirilməsi ilə bağlı əlavə tədbirlər haqqında” Azərbaycan Respublikası Prezidentinin 2017-ci il 1 may tarixli 1358 nömrəli Fərmanında (Azərbaycan Respublikasının Qanunvericilik Toplusu, 2017, № 5, maddə 762, №11, maddə 2023, № 12 (I kitab), maddə 2343; 2018, № 6, maddə 1235, № 9, maddə 1842, № 12 (I kitab), maddələr 2555, 2603; 2019, № 1, maddə 95, № 3, maddə 435, № 4, maddə 645; Azərbaycan Respublikası Prezidentinin 2019-cu il 25 iyun tarixli 753 nömrəli Fərmanı) aşağıdakı dəyişikliklər edilsin:
4.1. 2-ci bənddə “50 faizi” sözləri “Azərbaycan Respublikası Prezidentinin müəyyən etdiyi hissəsi” sözləri ilə əvəz edilsin;
4.2. 2.2-ci yarımbənddə “43 faiz” sözləri “bu Fərmanın 2.2.1-ci və 2.2.1-1- ci yarımbəndləri nəzərə alınmaqla, qalan hissəsi” sözləri ilə əvəz edilsin;
4.3. həmin Fərmanla təsdiq edilmiş “Azərbaycan Respublikası Prezidentinin Administrasiyasında, Azərbaycan Respublikası Prezidentinin İşlər İdarəsində və Azərbaycan Respublikası Prezidentinin Xüsusi Tibb Xidmətində işləyən dövlət qulluqçularının sosial müdafiəsini gücləndirmək məqsədi ilə Azərbaycan Respublikası Prezidenti Administrasiyasının hesabına köçürülən vəsaitdən istifadə Qaydası”nın 2.1-ci bəndinə “Xüsusi vəsait” sözlərindən sonra “Azərbaycan Respublikası Vergi Məcəlləsinin 22- 1.3-cü maddəsinə əsasən, habelə” sözləri əlavə edilsin;
4.4. həmin Qaydaya Əlavənin “Qanunda nəzərdə tutulmuş mənbələr hesabına formalaşan və Azərbaycan Respublikası Prezidenti Administrasiyasının xüsusi xəzinə hesabına köçürülən vəsait barədə məlumat” cədvəlinə aşağıdakı məzmunda 2-1-ci hissə əlavə edilsin:
| 2-1. | Azərbaycan Respublikası Vergi Məcəlləsinin
22-1.3-cü maddəsinə əsasən köçürülən vəsait |
5. Azərbaycan Respublikasının Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların “Azərbaycan Respublikasının Vergi Məcəlləsində dəyişiklik edilməsi haqqında” Azərbaycan Respublikasının Qanununa uyğunlaşdırılmasını təmin edib Azərbaycan Respublikasının Nazirlər Kabinetinə məlumat versin.
İlham Əliyev
Azərbaycan Respublikasının Prezidenti
Bakı şəhəri, 21 avqust 2019-cu il.
Mənbə: president.az
Auditor və mühasibat peşələrinin fərqləndirici xüsusiyyəti-ictimai maraqlarda fəaliyyət göstərmək vəzifəsinin etiraf olunması və qəbul edilməsidir. Buna görə də onların məsuliyyəti yalnız ayrı-ayrı müştərinin və ya işəgötürənin tələbatının ödənilməsi ilə məhdudlaşmır. İctimai maraqlarda fəaliyyət göstərən mühasiblər və auditorlar peşə etikası və əxlaq normalarına riayət etməli və tabe olmalıdırlar. (auditorun etikası, peşəkar mühasib)
Peşəkar davranış etikası Məcəlləsi, əsasən, cəmiyyət qarşısında xüsusi, yüksək məsuliyyəti olan peşələr – dövlət qulluqçuları, həkimlər, peşəkar mühasiblər üçün mövcuddur.
Mühasiblərin peşə davranışının etik Məcəlləsi nisbətən yaxın vaxtlarda – ötən əsrin sonlarında Beynəlxalq Mühasiblər Federasiyası tərəfindən formalaşdırılıb və elan edilib. Buna uyğun olaraq hər bir ölkə də həmin peşələr üzrə öz ölkədaxili peşə Kodeksini qəbul etmişlər.
Baxmayaraq ki, beynəlxalq təcrübədə peşəkar mühasiblər və auditorları bəzən bir peşədə birləşdirsələr də, onların davranış Kodeksi fərqliliklərə malikdir və iki kodeksin mövcudluğu barədə danışmaq daha düzgün olardı.
Müəssisələrdə, idarələrdə və digər təşkilatlarda uçot işçiləri kimi işləyən mühasiblərin davranış etikasının xüsusi məcəlləsinin zəruriliyi mühasibatlıq tərəfindən yerinə yetirilən funksiyaların spesifik məzmunu və uçot peşəsinin ictimai təyinatı ilə şərtlənir.
Mühasibat peşəsinin ictimai təyinatı özünü onda göstərir ki, mühasiblər resurslardan səmərəli istifadə etməyə imkan yaradır, qeyri-rasional xərclərin, qeyri-istehsal xərclərinin qarşısını alır, öz müəssisəsinə mənsub olan və təsərrüfat fəaliyyəti üçün fərqlənən öz əmlakının mühafizəsini təmin edirlər. Onlar sövdələşmələr və təsərrüfat əməliyyatları zamanı öz işçiləri və kənar şəxslər və təşkilatlar tərəfindən qanunvericiliyə riayət olunmasına nəzarət edirlər. Auditorlarla birlikdə onlar bütün iş birliyi iştirakçıları üçün zəruri olan maliyyə hesabatlarının düzgünlüyünü təmin edirlər.
Hökumət, investorlar, kreditorlar, işəgötürənlər və ümumiyyətlə ictimaiyyət bu hesabatlara görə fərdi və ya sərbəst şəkildə ölkənin iqtisadiyyatının vəziyyəti, maliyyə vəziyyəti və bu müəssisə ilə məşğul olan təşkilatların vəziyyəti ilə bağlı olan qərarlar qəbul edir. Mühasibat uçotunun etibarlı məlumatları olmadan effektiv maliyyə menecmenti, həmçinin vergitutma, idarəetmənin bütün əsas funksiyalarının həyata keçirilməsi mümkün deyildir. Onlar kreditlərin və borcların verilməsi, yerli və xarici investorların kənar kapitalın cəlb edilməsi üçün zəruri şərtlərdir. Mühasiblərin və auditorların fəaliyyət prosesində peşəkar davranışlarının cəmiyyətin və dövlətin iqtisadi rifahına təsir göstərdiyini iddia etməsi də mübaliğə olmaz.
Peşəkar mühasiblər öz işlərini yüksək keyfiyyətli səviyyədə aparmaqla yanaşı, həm də öz peşəsinin etik normalarına, peşəkar davranış Məcəlləsinə uyğun olaraq aparsalar, onlarla işi olan hər kəsin etimadından istifadə edə bilərlər. Bu Məcəllənin məqsədləri aşağıdakılardır:
Mühasibat peşəsinin məqsədlərinə nail olmaq və cəmiyyətdə yüksək nüfuz sahibi olmaq üçün müəyyən şərtlər və fundamental prinsiplərə riayət etmək lazımdır. Bunlara düzgünlük, obyektivlik, peşəkar səriştəlilik, işdə lazımi qayğı (vicdanlılıq), məxfilik, peşəkar davranış, rəhbər standartların reqlamentasiyası və istifadəsinə zərurət daxildir.
Dürüstlük – hər bir layiqli insanın məcburi keyfiyyətidir. Mühasiblərə və auditorlara münasibətdə, bu, ümumi əxlaq normalarına və ədalət, düzgünlük, düzlük və səmimilik anlayışları haqqında təsəvvürlərə riayət etməklə açıq və dürüst hərəkət etmək lazımdır.
Obyektivlik tələb edir ki, peşəkar mühasib ön mühakimələrin, meyllərin, maraqların toqquşmasının təsirinə məruz qalmasın. Bu, uçot və hesabatlılığın doğruluğuna dair mühakimənin obyektivliyini təmin etmək üçün maraqlı şəxslər tərəfindən təzyiqlərin mümkünlüyündən qaçmaq, sağlam düşüncəni rəhbər tutmaq, qərəzli və qeyri-obyektivliyə yol verə biləcək münasibətlərdən yayınmaqdan ötrü auditorlar üçün xüsusilə vacibdir.
Mühasibin peşəkar səriştəliliyi-zəruri fəaliyyət şərtidir, hansı ki, bunsuz o, mümkün deyil. O, attestasiya imtahanlarının müvafiq qaydada verilməsi ilə ümumi, xüsusi və ali təhsillə təmin edilir və attestatlar, diplomlar və sertifikatlar ilə təsdiq edilir. Mühasibat işçilərinin peşə səlahiyyətlərində ixtisas üzrə praktiki iş təcrübəsi mühüm rol oynayır. Mühasib və auditor öz peşəkar bilik və bacarıqlarını öz işinin keyfiyyətlə yerinə yetirilməsi üçün zəruri olan səviyyədə daim dəstəkləməlidirlər.
İşdə vicdanlılıq həmişə mühasibat peşəsinin fərqli bir əlaməti olmuşdur. Bu olmadan, mühasiblər yalnız özləri üçün səhvlər axtararkən və düzəldərkən, həm də həmkarlarının diqqətsizlik və ya laqeydliyi onların öz səhvlərinə və ya hesab məlumatlarını istifadə edərkən səhv nəticələrə və qərarlarına səbəb olan başqaları üçün bir çox problem yaradacaq.
Gələn aydan iş yerlərində icbari sığortanın tətbiqi sahəsində elektron məlumat mübadiləsinə başlanılacaq. Əmək və Əhalinin Sosial Müdafiəsi Nazirliyinin açıqlamasında bildirilib ki, məlumat mübadiləsi ilə bağlı Maliyyə Bazarlarına Nəzarət Palatası, İcbari Sığorta Bürosu, “PAŞA Həyat Sığorta”, “Atəşgah Həyat Sığorta”, “Qala Həyat Sığorta” və “Xalq Həyat” ASC-lərin nümayəndələri ilə görüş keçirilib. Məqsəd nazirlik və həmin qurumlar arasında imzalanan əməkdaşlıq üzrə memorandumun tətbiqi sahəsində görülən işlərin və qarşıda duran vəzifələrin müzakirəsi olub. (sigorta)
Müzakirə zamanı istehsalatda bədbəxt hadisə və peşə xəstəlikləri nəticəsində peşə əmək qabiliyyətinin itirilməsi hallarından icbari sığortanın əhəmiyyəti qeyd edilib. Vurğulanıb ki, dövlət orqanları, işəgötürənlər və sığorta şirkətləri arasında bu sahədə əlaqələndirmənin təmin olunması vacibdir. Əməkdaşlıq müstəvisində görüləcək işlər barədə bildirilib ki, məlumat mübadiləsinin elektron qaydada həyata keçirilməsi ölkə üzrə bütün işçilərin icbari sığorta ilə əhatə olunmasına, öz işçilərini sığorta etdirməyən işəgötürənlərin elektron qaydada müəyyən olunaraq qanunvericiliyə uyğun tədbirlər görülməsinə, ümumən bu sahədə nəzarət sisteminin operativ qurulmaqla təkmilləşməsinə imkan verəcək.
Görüşdə sistemin sentyabr ayının əvvəlindən tam fəaliyyətə başlanacağı vurğulanıb.
Mənbə: vergiler.az
