Oxunma sayı: 140. 172
29 Sen 2018

Azərbaycanda 17 yerli şirkət ləğv edildi

by | posted in: Uncategorized, Xəbər | 0

yerli şirkət

  • “Yol Texnik” MMC (VÖEN: 17014990011) ləğv olunduğunu elan edir. Kreditorlar tələblərini Bakı şəhəri, Səbail rayonu, M. Hüseyn keçəsi, ev 73, mənzil 1 ünvanına bildirə bilərlər.
  • “Elmas Aydınlatma, İlətişim, Elektronika, Bijuteriya, Sənaye və Ticarət” MMC (VÖen: 1500672721) ləğv olunduğunu elan edir. Kreditorlar iki ay ərzində tələblərini Bakı şəhəri, Nərimanov rayonu, Koroğlu Rəhimov küçəsi, ev 22 ünvanına bildirə bilərlər.
  • “Aecom Bakı” MMC (VÖEN: 1701012551) ləğv olunduğunu elan edir. Kreditorlar iki ay ərzində tələblərini Bakı şəhəri, Səbail rayonu, Nizami küçəsi, ev 90 A ünvanına bildirə bilərlər.
  • “Azər stismar Servis” MMC (VÖEN: 1701499961) ləğv olunduğunu elan edir. Kreditorlar tələblərini Bakı şəhəri, Səbail rayonu, M. Hüseyn keçəsi, ev 73, mənzil 1 ünvanına bildirə bilərlər.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
  • “Fine Food and Co.” MMC (VÖEN: 1701043051) ləğv olunduğunu elan edir. Kreditorlar tələblərini Bakı şəhəri, Səbail rayonu, M. Hüseyn keçəsi, ev 73, mənzil 1 ünvanına bildirə bilərlər.
  • “Fest Travel Baku” MMC (VÖEN: 1305260751) ləğv olunduğunu elan edir. Kreditorlar tələblərini Bakı şəhəri, Yasamal rayonu, Talıblı küçəsi, ev 26, mənzil 42 ünvanına bildirə bilərlər.
  • “Ağaoğlu İnşaat” MMC (VÖEN: 2902845381) ləğv olunduğunu elan edir. Kreditorlar tələblərini Sumqayıt şəhəri, məhəllə 26, ev 4/10, mənzil 4 ünvanına bildirə bilərlər.
  • “Global Proline” MMC (VÖEN: 1503150801) ləğv olunduğunu elan edir. Kreditorlar iki ay ərzində tələblərini Bakı şəhəri, Nərimanov rayonu, Heydər Əliyev Prospekti, ev 80/1, mənzil 39 ünvanına bildirə bilərlər.
  • “AKN-Group” MMC (VÖEN: 1701471151) ləğv olunduğunu elan edir. Kreditorlar iki ay ərzində tələblərini Bakı şəhəri, Səbail rayonu, Vüsal və Elçin Hacıbabayevlər, ev 4, mənzil 42 ünvanına bildirə bilərlər.
  • “İnnovation Design” MMC (VÖEN: 1802500141) ləğv olunduğunu elan edir. Kreditorlar iki ay ərzində tələblərini Bakı şəhəri, Sabunçu rayonu, Anaşkin küçəsi, ev 32A ünvanına bildirə bilərlər.
  • “Leading Solutions” MMC (VÖEN: 2002936961) ləğv olunduğunu elan edir. Kreditorlar iki ay ərzində tələblərini Bakı şəhəri, Xətai rayonu, Xudu Məmmədov küçəsi, ev 41, mənzil 125 ünvanına bildirə bilərlər.
  • “Banu-NG” MMC (VÖEN: 2004570031) ləğv olunduğunu elan edir. Kreditorlar iki ay ərzində tələblərini Bakı şəhəri, Xətai rayonu, S.Ə.Şirvani küçəsi, ev 7, mənzil 100 ünvanına bildirə bilərlər.
  • “Ready to Serve” MMC  (VÖEN: 1501185251) ləğv olunduğunu elan edir. Kreditorlar iki ay ərzində tələblərini Bakı şəhəri, Nərimanov rayonu, Ə. Rəcəbli küçəsi, ev 5 A, mənzil 35 ünvanına bildirə bilərlər.
  • “Cycle.Az” MMC  (VÖEN: 1403933441) ləğv olunduğunu elan edir. Kreditorlar iki ay ərzində tələblərini Bakı şəhəri, Nəsimi rayonu, Abbasqulu ağa Bakıxanov küçəsi, ev 26A, mənzil 111 ünvanına bildirə bilərlər.
  • “Eleqant F12” MMC (VÖEN: 7701978331) ləğv olunduğunu elan edir. Kreditorlar iki ay ərzində tələblərini Xaçmaz rayonu, N. Nərimanov küçəsi, ev 8D ünvanına bildirə bilərlər.
  • “ABS Stroy” MMC  (VÖEN: 1303659071) ləğv olunduğunu elan edir. Kreditorlar iki ay ərzində tələblərini Bakı şəhəri, Yasamal rayonu, Zahid Xəlilov küçəsiŞ ev 11a, məhəllə 523, mənzil 12 ünvanına bildirə bilərlər.
  • “Flaminqo” Mənzil-Tikinti Kooperativi  (VÖEN: 2000044961) ləğv olunduğunu elan edir. Kreditorlar iki ay ərzində tələblərini Bakı şəhəri, Xətai rayonu, Məhəmməd Hadi küçəsi, 2945-ci məhəllə ünvanına bildirə bilərlər.

Mənbə: vergiler.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

28 Sen 2018

İşçilərini icbari qaydada sığorta etdirməyən sahibkarların məsuliyyəti artırılır

by | posted in: Xəbər | 0

sığortaBu gün Əmək və Əhalinin Sosial Müdafiəsi Nazirliyi (ƏƏSMN), Maliyyə Bazarlarına Nəzarət Palatası (MBNP), İcbari Sığorta Bürosu (İSB), “PAŞA Həyat Sığorta”, “Atəşgah Həyat Sığorta” və “Qala Həyat Sığorta” ASC-lər arasında əməkdaşlıq haqqında Memorandum imzalanıb.

“Report” xəbər verir ki, sənəddə istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta müqaviləsinin bağlanmasının təmin edilməsi, icbari sığorta müqaviləsi bağlamayan işəgötürənlərin məsuliyyətinin artırılması, istehsalatda bədbəxt hadisələrin və peşə xəstəliklərinin azaldılması üzrə qabaqlayıcı tədbirlərin müəyyən edilməsi əksini tapıb.

Bax: Vergilər nazirinin vətəndaş qəbulunun vaxtı yenə dəyişdirildi

Tədbirdə çıxış edən əmək və əhalinin sosial müdafiəsi naziri Sahil Babayev bildirib ki, Prezident İlham Əliyevin yüksək səviyyədə davam etdirdiyi milli inkişaf strategiyasının başlıca məqsədi vətəndaş firavanlığına, sosial rifah halının yaxşılaşmasına nail olmaqdır. Nazir qeyd edib ki, son 15 ildə əhalinin gəlirlərində 8,6 dəfə artım olub, orta aylıq əmək haqqı 528,2 manata çatıb. Bundan başqa, ölkdə yoxsulluq səviyyəsinin 5%-ə endiyini deyən nazir bunun qlobal yoxsulluq səviyyəsindən 3 dəfə aşağı olduğunu vurğulayıb.

Nazir qeyd edib ki, son dövrdə Prezident tərəfindən əmək və sosial müdafiə sahəsi ilə bağlı mühüm fərman və sərəncamlar imzalanmaqla, sosial müdafiə tədbirlərinin gücləndirilməsində yeni addımların atılmasına, digər tərəfdən əmək və sosial müdafiə sahələrində idarəetmənin təkmilləşdirilməsində ciddi irəliləyişlərə imkan yaradılıb. Aparılan sistemli islahatların mühüm bir istiqamətlərindən biri də əmək, məşğulluq, sosial müdafiə və sosial təminat sahələrində dövlət xidmətlərinin elektron texnologiyalar üzərində, tam şəffaf və operativ şəkildə qurulması, həmin sahələrdə innovativ idarəetmənin təmin edilməsi, korrupsiya, sui-istifadə və süründürməçilik hallarının qarşısının alınmasıdır.

S.Babayev Prezidentin 9 avqust 2018-ci il tarixli fərmanının icrası olaraq, nazirliyinin tabeliyində DOST (Dayanıqlı və Operativ Sosial Təminat) Agentliyinin və mərkəzlərinin yaradılması, habelə dövlət başçısının 5 sentyabr 2018-ci il tarixli fərmanına əsasən əmək, məşğulluq, sosial müdafiə və sosial təminat sahələrində elektron xidmətlərin tətbiqinin genişləndirilməsi istiqamətində görülən işlər barədə də məlumat verib. O, qeyd edib ki, nazirliyin informasiya sistemləri əsasında “Mərkəzləşdirilmiş elektron informasiya sistemi”nin, müvafiq fəaliyyət istiqamətləri üzrə xidmətlərin vahid platforma üzərindən elektron formada təqdim edilməsi üçün “e-sosial” internet portalının yaradılması işləri davam etdirilir.

Yeni qüvvəyə minmiş “Məşğulluq haqqında” Qanun barədə də məlumat verən əmək və əhalinin sosial müdafiəsi naziri bildirib ki, bu Qanun əhalinin məşğulluğunun təminatı, işsiz və işaxtaran vətəndaşların sosial müdafiəsi sahəsində aparılan dövlət siyasətinin və məşğulluq xidmətlərinin təkmilləşməsinə, bu sahədə innovativ yanaşmaların tətbiqi ilə səmərəli iş mexanizmlərinin formalaşdırılmasına, aktiv əmək bazarı proqramlarının genişləndirilməsinə xidmət edir. Nazir əmək bazarının daimi müşahidəsi və monitorinqinin aparılması, strateji məşğulluq sahələri və kadr tələbatı üzrə orta, eləcə də uzunmüddətli dövrü əhatə edən proqnozlaşdırma məqsədilə Milli Observatoriyanın yaradılacağını da bildirib.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

S.Babayev əməyin mühafizəsi sahəsində fəaliyyətin əlaqələndirilməsini təmin etməklə, bu sahədə profilaktik tədbirlərin həyata keçirilməsinin, əməyin mühafizəsi normaları, standartları və qaydalarının hazırlanmasının dəstəklənməsi məqsədilə nazirliyin tabeliyində Dövlət Əməyin Mühafizəsi Fondunun da yaradılacağını qeyd edib.

Nazir imzalanmış memorandumun xüsusi əhəmiyyət daşıdığını, sənəddə istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta müqaviləsinin bağlanmasının təmin edilməsi, icbari sığorta müqaviləsi bağlamayan işəgötürənlərin məsuliyyətinin artırılması, istehsalatda bədbəxt hadisələrin və peşə xəstəliklərinin azaldılması üzrə qabaqlayıcı tədbirlərin müəyyən edilməsi və digər halların əks olunduğunu deyib.

MBNP-nin baş icraçı direktoru İbrahim Alışov isə bildirib ki, icbari sığorta sinfi üzrə sığorta haqlarının toplanılmasında davamlı artım dinamıkası müşahidə olunur. Qeyd olunan icbari sığorta sinfi üzrə 2017-ci ildə 33,2 mln manat sığorta haqqı toplanıb və 4,3 mln manat sığorta ödənişi həyata keçirilib. 2018-ci ilin birinci yarımilliyi üzrə isə 21,3 mln manat sığorta haqqı toplanıb və 1,7 mln manat sığorta ödənişi edilib.

İ.Alışov qeyd edib ki, ölkədə muzdla çalışan 3,3 mln. nəfər əhalinin 1,6 mln.-luq hissəsinin sığortalanmasını nəzərə alaraq, informasiya sistemlərin inteqrasiyası nəticəsində sığorta penetrasiyasının kəskin artması və sığortaçılar tərəfindən yığılan sığorta haqlarının həcminin daha da artacağı gözlənilir. Bununla yanaşı, icbari sığorta müqaviləsinin rəsmiləşdirilməsi üçün lazım olan məlumatların elektron formatda onlayn rejimində əldə olunması nəticəsində işəgötürən tərəfdən təqdim olunan məlumatların dürüstlüyü təmin ediləcək, sığortalanma prosesinin tam şəffaf və çevik həyata keçirilməsini təmin edəcək, həmçinin muzdla çalışan əhalinin bədbəxt hadisələrdən sığortalanması tam olaraq təmin ediləcək.

Millət vəkili Ziyad Səmədzadə isə sığorta sektorunun Azərbaycan iqtisadiyyatının sürətli inkişaf edən seqmentlərindən biri olduğunu qeyd edib. Onun sözlərinə görə, hazırda Azərbaycanın investisiya imkanları və iqtisadiyyatının səmərəliliyi artmaqda davam edir və Milli iqtisadiyyatın neft sektorundan asılılığının azalması ölkədə sığorta bazarının inkişafı üçün də əlverişli şərait yaradacaq. Millət vəkili əlavə edib ki, tibbi və kənd təsərrüfatı sığortasının inkişafı ölkə üçün hazırda əsas prioritetlərdən biridir.

Qeyd edək ki, imzalanmış memorandumda informasiya ehtiyatları üzrə məlumat bazalarının inteqrasiyası, müəyyən olunmuş qaydada sığorta hadisələrinin araşdırılması, istehsalatda bədbəxt hadisə baş verdiyi hallarda araşdırma materialları üzrə məlumatların əldə edilməsi, sığorta hadisələrinin baş verməsinin qarşısının alınması ilə bağlı tövsiyələrin verilməsi, istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta sahəsində normativ hüquqi aktların layihələrinin hazırlanması istiqamətləri üzrə də əməkdaşlıq sahələri müəyyən edilib.

Mənbə: report.az

Həmçinin bax: 

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

 

28 Sen 2018

Mühasibat uçotu – bu elmdirmi? (2-ci hissə)

by | posted in: muhasibat, Məqalə, Xəbər | 0

Mühasibat uçotuÖz işlərini elm hesab edən mühasiblərin sayı çox azdır. Baxmayaraq ki, əslində mühasibat uçotu filosoflar tərəfindən işlənib hazırlanmış elmin bütün kriteriyalarına cavab verir. Mühasibat uçotunun niyə elm hesab olunmasına haqqı çatdığını Rusiya Maliyyə nazirliyi yanında mühasibat uçotu üzrə Metodoloji şuranın professoru Y.V.Sokolov izah edir.

1-ci hissəni oxumaq üçün bu keçidə daxil olun

Popper (1902-1994) təsdiqlərin kompleks elmi xarakterini yaratmağa imkan verən iki kriteriya irəli sürüb: doğrulama – praktikada təqdim olunmuş müddəaların yoxlanılması, zira bu qaydalar iqtisadi həyatın daha çox faktlarını yaxşı izah etməlidir; və falsifikasiya, yəni, güman edilən nəzəriyyənin izah edə bilmədiyi faktların çıxarılması. Bizim elmdə rəqabət aparan iki nəzəriyyə var: E. Deqranjın (1763-1818) nəzəriyyəsi, o, debeti gəlir kimi, krediti isə xərc kimi izah edir. Bu fərziyyə doğrulama meyarına cavab verir: malları aldıq, təchizatçılar verdilər, yəni, alanda mal kütləsi artır, təchizatçıda isə azalır. Lakin, əməkhaqqı ödənişi və ya artıqların mədaxil olunması ilə bağlı qeydləri bu nəzəriyyə izah edə bilmir. Əslində, əgər mədaxil olunmayan dəyərlər nəzərdə tutulursa, onları heç kim vermir, əksinə sahibkar və ya kreditorlar onları əldə edirlər. O səbəbdən İ.F. Şerin (1846-1924) nəzəriyyəsi daha geniş yayılıb, ona görə bütün hesablar aktivlərə və passivlərə bölünür. Aktiv hesablarda debet artımı, kredit isə nəzərdə tutulan obyektlərdə azalmanı göstərir, passivlərdə isə əksini göstərir. Əvvəlki nəzəriyyədən fərqli olaraq, ikinci nümunədə isə aktiv-passiv hesablarla, başlıca olaraq hesablaşma hesablarında şəxsi vəsaitlər hesabında o, gözəl doğrulana və falsifikasiya oluna bilir.

Bax: Baş mühasib seçimi zamanı necə yanılmayasan? (1-ci hissə)

Kun (1922-1995) paradiqma anlayışını irəli sürüb – dünya birliyi tərəfindən ümumqəbul edilmiş elmi vəziyyətlərin məcmusu. İkili mühasibatlıq bütün dünyada artıq – “soyuq fin sularından tutmuş, odlu Kolxidaya kimi” neçə əsrlərdir ki, aparılır. Buradan aydın olur ki, ikili qeydiyyat elə mühasibat uçotunun elmi paradiqmasıdır. P. Feyerabend (1924-1994) hesab edirdi ki, elm alimlər olan yerdə təşəkkül tapır.

Onlar öz baxışlarını inkişaf etdirir və bir-birilə mübarizə aparırlar. Bu məqalənin müəllifi N.S. Pomazkovla işləməyə başlamışdı, hansı ki, ilkin sənədlərin metodun elementi kimi çıxış etdiyini öyrədirdi və vəssalam, bu baxışı bölüşməyənlər isə peşakarlığına görə yararsız hesab olunaraq, çıxdaş olunurdu. Sonra kafedraya P.V. Mezentsev (1896-1981) rəhbərlik etməyə başladı. O, öyrədirdi ki, sənədlər metod elementi kimi çıxış edə bilməz və başqa cür düşünənlər xidməti yerlərində irəliləyə bilmirdilər.

Bu şəxsi çəkişmələrdə amma, dərin bir məna var idi: birinci halda hesab edilirdi ki, mühasib müəssisənin iqtisadi fəaliyyətini qeyd edir, ikincidə isə – yalnız onun informasiya inikasını.

Həmçinin bax: Mühasib olmaq üçün 5 səbəb

Beləliklə, elmi kriteriyaların bütün əsas sistemləri təsdiq edir ki, mühasibat uçotu obyektiv və subyektivcəsinə – həqiqi elmdir və onunla məşğul olanların hamısı bununla fəxr edə bilər.

Amma, xüsusi mübahisə etməyə dəyməz, iş ondadır ki, istənilən bilik əgər, ondan ötrü kafedra açılırsa, elmə çevrilir. Misal üçün, bütün ali məktəblərdə hələ bu yaxınlaradək marksizm-leninizm kafedraları var idi, baxmayaraq ki, həmin elm elmlə bağlı kriteriyalara cavab vermirdi. İşlərin rəsmi tərəfinə toxunduqda, onda elmi fənlərin siyahısına əsasən mühasibat uçotu ayrıca pozisiyaya malikdir və ona rəsmi 08.00.12 nömrəsi verilib. Mühasibat uçotu. Statistika. Deməli: nömrə varsa, elm də var.

Məqsəd, mövzu və metod

Mühasibat uçotunun məqsədi – gəlirlərin hesablanması. Təcrübədə isə qəbul olunmuş uçot siyasəti şərtlərində təlimatlar və standartlar sayəsində mühasiblər öz müəssisələrinin gəlirləri hesablayırlar. Bu təlimatlar və standartların tərtibi alimlərin işidir, hansı ki, bizim elmi formalaşdırırlar.

Həmçinin bax: Mühasib peşəsini maraqlı edən 5 fakt

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

28 Sen 2018

Mühasib 880.000 manat üçün rəfiqələri ilə əlbir oldu

by | posted in: muhasibat, Məqalə, Xəbər | 0

Mühasib34 milyonu mənimsədi: Sterlitamakdan olan mühasib mühakimə olunacaq

Başqırdstan (Rusiya) prokurorluğu Sterlitamakdan olan 35 yaşlı mühasiblə bağlı cinayət işi üzrə ittiham aktını təsdiq edib. Qadın xüsusilə külli miqdarda dələduzluğa görə ittiham olunur. Müstəntiqlər hesab edirlər ki, 2011-2016-cı illər arasında mühasib əlavə dəyər vergisini qeyri-qanuni yolla geri qaytarmaqla, 34 milyon rubldan çox (880.000 manatdan çox) vəsaiti mənimsəyib. Qadın bu əməli cinayət yoldaşları (ortaqları olan qadınnlarla) ilə birlikdə törədib. Rəfiqələr bir günlük şirkətlərlə saxta müqavilələr bağlayıb və həmin müqavilələri mühasibat uçotuna və vergi bəyannamələrinə daxil edib. Mühasib bu cinayətləri törətdiyini etiraf edib. Prokurorluq cinayət işini baxılmaqdan ötrü Strelitamak şəhər məhkəməsinə göndərib.

Bax: 2 mühasib əlbir olaraq 1.4 milyon manat pul mənimsəyib

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.  

1 … 2. 134 2. 135 2. 136 2. 137 2. 138 2. 139 2. 140 … 2. 686