Blog Full - Muhasibat.Az

Oxunma sayı: 138. 982

10 İyl 2018

“Banklar haqqında” Qanuna kiçik dəyişiklik edildi

by | posted in: bank, Xəbər | 0

“Banklar haqqında” Azərbaycan Respublikasının Qanununda dəyişikliklər edilməsi barədə Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 27-ci bəndini rəhbər tutaraq, “Banklar haqqında” Azərbaycan Respublikasının Qanununu “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2017-ci il 13 iyun tarixli 736-VQD nömrəli Qanununa uyğunlaşdırmaq məqsədi ilə qərara alır:

“Banklar haqqında” Azərbaycan Respublikasının Qanununda (Azərbaycan Respublikasının Qanunvericilik Toplusu, 2004, № 3, maddə 130; 2005, № 4, maddə 276; 2007, № 5, maddə 401, № 6, maddə 562, № 11, maddə 1070; 2008, № 11, maddə 960; 2009, № 6, maddə 404, № 7, maddə 517; 2010, № 4, maddə 276, № 10, maddə 839; 2011, № 7, maddə 590; 2013, № 7, maddə 790; 2014, № 7, maddə 772, № 12, maddə 1517; 2015, № 11, maddə 1262; 2016, № 3, maddə 406, № 6, maddə 975; 2017, № 4, maddə 521, № 11, maddə 1956, № 12, I kitab, maddə 2227; 2018, № 1, maddə 33; Azərbaycan Respublikasının 3 aprel tarixli 1050-VQD nömrəli Qanunu) aşağıdakı dəyişikliklər edilsin:

1. 39.2-ci maddə aşağıdakı redaksiyada verilsin:

“39.2. Banklar eyniləşdirmə və verifikasiya sənədlərinin, habelə pul vəsaitləri və ya digər əmlakla əməliyyatlara dair sənədlərin “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Azərbaycan Respublikası Qanununun 10-cu maddəsində göstərilən müddətdə saxlanmasını təmin etməlidirlər.”.

2. 42.1-ci maddənin ikinci abzasında “benefisiarın” sözü “benefisiar mülkiyyətçinin” sözləri ilə əvəz edilsin.

İlham Əliyev

Azərbaycan Respublikasının Prezidenti

Bakı şəhəri, 31 may 2018-ci il.

10 İyl 2018

Baş mühasib tələb olunur

by | posted in: İş elanı, muhasibat, Xəbər | 0

İşəgötürən: Murphy Shipping & Commercial Services Azerbaijan Ltd

Vəzifə: Baş Mühasib

Vəzifəyə olan tələblər:

– Ali təhsil
– Baş mühasib kimi ən az 3 il iş təcrübəsi
– Kompüter bacarığı: MS Office, 1C Mühasibat Proqramının 8.3 və 7.7 konfiqurasiyalarında işləmə bacarığı
– İşdə dəqiqlik və detallara diqqətlilik;

Həmçinin bax: 600 manat məvaciblə, 1 ildən aşağı təcrübəsi olan 1C operator axtarılır

Vəzifə öhdəlikləri:

– E-Qaimə Faktura, Elektron Vergi Hesab Fakturalarının tərtib olunması və göndərilməsi
– Vergi, DSMF, Statistika idarəsinə illik, rüblük hesabatların hazırlanması
– Rəhbərliyin verdiyi bütün tapşırıqların vaxtında həll etmək ve dəqiq olmalı
– Ödənişləri nəzarətdə saxlamaq
– Gündəlik və aylıq istehsalat, anbar hərəkəti və anbar qalığını göstərən hesabatların hazırlanması
-Riyazi hesablama aparma, analitik təhlil etmə qabiliyyəti, mal-materialların uçotunun aparılması
– Balansın çıxarılması
– İş qrafiki: 5 gün, saat 09:00-dan 18:00-dək
– İstirahət günü: şənbə və bazar günü
– Əmək haqqı: razılaşma yolu ilə

Həmçinin bax: 800 manat məvaciblə Mühasib axtarılır

CV-lər / elektron ünvanına “ Baş Mühasib” mövzuda mütlək qeyd edilsin. Ancaq şəkil olan CV-lər baxılacaq.

Mənbə: jobsearch.az

Mühasibat sahəsində ən son iş elanlarını bu linkə daxil olaraq izləyə bilərsiniz.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

10 İyl 2018

QSC-ni MMC-yə necə çevirmək olar?

by | posted in: Xəbər | 0

Sual: Qapalı Səhmdar cəmiyyətini Məhdud Məsuliyyətli Cəmiyyətə necə çevirmək olar?

Cavab: Səhmdar cəmiyyətin məhdud məsuliyyətli cəmiyyətə çevrilməsi hüquqi şəxsin yenidən təşkil edilməsinə aid edilir. Hüquqi şəxsin yenidən təşkili onun təsisçilərinin (iştirakçılarının) və ya hüquqi şəxsin nizamnamə ilə vəkil edilmiş orqanının qərarı ilə həyata keçirilə bilər.

Bir növdən olan hüquqi şəxs digər növdən olan hüquqi şəxsə çevrildikdə (təşkilati-hüquqi formanın dəyişməsi) yenidən təşkil edilmiş hüquqi şəxsin hüquq və vəzifələri təhvil aktına uyğun olaraq yeni yaranmış hüquqi şəxsə keçir. Təhvil aktı hüquqi şəxsin yenidən təşkili haqqında qərar qəbul etmiş təsisçiləri (iştirakçıları) və ya hüquqi şəxsin nizamnamə ilə vəkil edilmiş orqanı tərəfindən təsdiq edilir

Təhvil aktında yenidən təşkil edilmiş hüquqi şəxsin bütün kreditorları və borcluları barəsində öhdəliklərinin hamısı, o cümlədən tərəflərin mübahisə etdikləri öhdəliklər üzrə hüquqi varislik haqqında müddəalar olmalıdır.

Hüquqi şəxsin yenidən təşkili haqqında qərar qəbul etmiş hüquqi şəxsin təsisçiləri (iştirakçıları) və ya hüquqi şəxsin nizamnamə ilə vəkil edilmiş orqanı hüquqi şəxsin yenidən təşkili barəsində onun kreditorlarına yazılı bildiriş göndərməyə borcludurlar. Yenidən təşkil edilən hüquqi şəxsin kreditorunun ixtiyarı var ki, yenidən təşkil edilən hüquqi şəxsin borclu olduğu öhdəliklərə xitam verilməsini və ya onların vaxtından əvvəl icra olunmasını və zərərin əvəzinin ödənilməsini tələb etsin.

Eyni zamanda bildiririk ki, “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikası Qanununun 9.1-ci maddəsinə əsasən hüquqi şəxslərin, xarici hüquqi şəxsin nümayəndəlik və ya filiallarının təsis sənədlərinə edilən hər bir dəyişiklik, eləcə də qeydə alınmş faktların hər bir sonrakı dəyişikliyi qeydiyyata alınmalıdır. Hüquqi şəxs yeni yaranan hüquqi şəxslərin dövlət qeydiyyatına alındığı andan yenidən təşkil edilmiş sayılır. Həmin Qanunun 9.2-ci maddəsinə görə dəyişikliyin qeydiyyata alınması üçün həmin dəyişikliyin baş verdiyi andan 40 gündən gec olmayaraq Azərbaycan Respublikasının müvafiq icra hakimiyyəti orqanına ərizə ilə müraciət edilməlidir. Ərizəyə çevrilmə barədə qərar, təhvil aktı, hüquqi şəxsin yenidən təşkil edilməsi barədə qəzetdə dərc edilmiş elan, yeni təsdiq edilmiş nizamnamə (hüquqi varislik barədə məlumat göstərilməklə), yeni rəhbər təyin edilmə barədə sənədlər və eyni zamanda məhkəmə tərəfindən hüquqi şəxs barədə cinayət-hüquqi tədbirin təyin edilib-edilməməsi və məhkəmə tərəfindən inzibati xəta haqqında iş üzrə qərar qəbul olunub olunmaması barədə müvafiq sənəd də əlavə olunur.

Mənbə: taxes.gov.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

9 İyl 2018

Əmək müqaviləsi bağlamayan şirkətlərə qarşı yeni sanksiyalar tətbiq olunacaq

by | posted in: Müqavilələr, Xəbər | 0

Azərbaycan hökuməti işçiləri müqaviləsiz işlədən şirkətlərə qarşı ciddi tədbirlərə hazırlaşır. Tədbirlər eyni zamanda bir neçə məsələni əhatə edəcək.

Söhbət həm böyük məbləğdə cərimələrdən, həm də belə şirkətlərin dövlət sifarişlərindən kənarda qalmasından gedir.

Bu sahədə maraqlı yeniliklərən biri tikinti sektoruna aid olacaq. Xatırladaq ki, tikinti sahəsi işçilərin müqaviləsiz işlədildiyi və vergidən yayınan əsas sahələrdəndir. Bunun qarşısını almaq üçün planlaşdırılır ki, sifarişçi ilə podratçı, podratçı ilə subpodratçı arasında tikinti və təmir müqavilələri yeni qaydada bağlansın. Belə ki, bu müqavilələrdə tikinti və təmirin ümumi dəyəri, əməkhaqqı fondu, əmək məsrəfi (işçilərin sayı), təqvim planı, əldə olunacaq mənfəətin (gəlirin), vergi və sosial sığorta haqlarının həcmi ilə bağlı müddəalar məcburi şəkildə əks etdirilməlidir. Başqa sözlə, şirkətlər müqavilə bağlayanda görülən işlərlə yanaşı, bu işlər zamanı nə qədər işçinin çalışacağı, onlara nə qədər əmək haqqı veriləcəyi və ödəniləcək vergilər də göstəriləcək. Hazırda bunnula bağlı qanunvericiliyə dəyişikliklər hazırlanır.

Həmçinin bax: Tikinti obyektlərində müşahidə kameraları quraşdırılıb

Dövlət sifarişlərindən məhrum olacaqlar

Ən maraqlı məsələlərdən biri işçilərlə əmək müqaviləsi bağlamayan şirkətlərə qarşı tətbiq olunacaq yeni sanksiyadır. Belə ki, planlara görə, işçilərini müqaviləsiz işlədən və buna görə cərimə edilən şirkətlər bir illik müddətə dövlət satınalmalarında iştirakına qadağa qoyulacaq.

Hazırda bununla bağlı da təkliflər hazırlanır.

Bundan başqa, qeyri-rəsmi məşğulluğun aşkar edilməsi üçün aparılan nəzarət tədbirlərində videoçəkilişlərin aparılması və elektron protokolların tərtibi də panladırılır.